أعلن وزير الخارجية الفرنسي لوران فابيوس، الثلاثاء، أن بلاده تضاعف المساعي لإنقاذ مدينة حلب السورية وإنشاء “مناطق أمنية” محظورة على طيران النظام السوري وعلى تنظيم الدولة.
وقال فابيوس متحدثا لإذاعة فرانس إنتر “إننا نعمل مع مبعوث الأمم المتحدة ستافان دي ميستورا لمحاولة إنقاذ حلب، ومن جهة أخرى لإقامة ما يعرف بالمناطق الآمنة وهي مناطق أمنية لا يمكن فيها لطائرات الرئيس السوري بشار الاسد ولعناصر داعش ملاحقة السوريين”.
وأضاف فابيوس ردا على الانتقادات التي تأخذ على الضربات الجوية الغربية أنها لا تستهدف سوى تنظيم الدولة “نقول إن لدينا خصمين، داعش بالتأكيد والقاعدة، والسيد بشار الأسد الذي يمكنني القول إنه يغتنم الوضع لتحريك قواته”.
وتابع “ينبغي أن تكون هناك ضربات نطلق عليها اسم الضربات الملتبسة والتي تسمح بدفع بشار الأسد إلى التراجع وبإيجاد مناطق آمنة في شمال سوريا يمكن للمواطنين السوريين العيش فيها بسلام”.
باريس تسعى لمناطق آمنة بحلب
ماذا تقول أنت؟
الله يكون بعون المظلومين ضد بشار ومن يدافع عنه
الله يشفي صدورهم منهم
المناطق الآمنة صارت ضرورية جداً .. لأن سوريا مبتلاة بسفاحين وجزّارين .. مبتلاة بجيش مجرم لآخر حدود الاجرام .. اليوم صارت مجزرة بمدينة الرقة راح فيها أكتر من 60 مدني شهيد بعد قصف طيران الجيش الأسدي .. علماً أنو طيران التحالف من اكتر من شهر عم يقصف وما شفنا هيك شوفات ولا هيك مناظر ..
ولحتى تعرفوا أكتر بشو سوريا الله بلاها .. ولتعرفوا أكتر شو في بسوريا زعران .. ولتعرفوا كمان ليش بدنا نخلص من هالحثالة اللي كانت حاكمة واللي مسلطة علينا أحقر الناس ..شوفوا هالبوست اللي كتبه شبيح مسيحي اسمه شادي من مدينة اللاذقية .. شوفوا شو صار معه وشو كتب بايده .. وبعتذر من الجميع على الألفاظ الموجودة بالبوست :
http://www.all4syria.info/wp-content/uploads/2014/11/2222.jpg
هاي صورة من مجزرة الرقة اليوم .. ان شاء الله تظهر .. ولاحظوا الطفلين المقتولين .. حتى ما يجي شي ابن أو بنت حرام ويقلك هدول دواعش … شو الفرق بين داعش وبين اللي قتل هالاطفال ؟ .. وأي ارهاب أكبر وأحقر ؟! .. طبعاً الخبر يمكن ما تجيبه نورت ولو انتشر ما حدا رح يعلق الا قلة .. بينما لو كان لداعش قتل جندي كنتوا شفتوا الانسانية كيف رح تبدأ تشرشر من الجميع .. واللي عامل نفسه ضد التمييز وضد الظلم وضد الارهاب وبنفس الوقت عم يدعم وواقف مع المجرمين اللي عم يقتلوا هالاطفال لو يستحي على حاله شوي ويبطل يفرجينا انسانيته وسخافته .. الله يلعنكم بكل كتاب أنزل .. يا مجرمين يا قتلة يا سفاحين يا كــــــلاب ..
يا الله عالظلم, هالاطفال والناس اللي بتروح بالالاف ذنبها برقبتنا وبرقبة حكام العرب لعنة الله عليهم. الايام دوارة وكل ساكت او متواطئ راح يجيه يوم.
اخ مامون العرب ماتو ومافي منهم امل, اشكي همك ل الله وبس. وادا حدا شبيح بيطلع وبيحكي كلمة بنقصللو لسانو, بكفي تشبيح وبكفي ظلم.
مرحبا أخت منال .. بعد شوي رح تشوفي كيف رح تنهال المسبات لأني حكيت عن المجزرة ..
اتركك من معارض ومؤيد .. في شي اسمه انسانية .. انا ما بفهم كيف ممكن لشخص يرضى بهيك ظلم ؟ ويقبل بهيك اجرام .. وكيف بامكانه يوقف مع جهة عم تقتل بهالطريقة ..!!!!! ..
ولسه بيحكوا عن السوريين وعن عدم التمييز بين السوريين .. وبيتهمونا بالتطرف وبالخيانة !!!!!! ..
بس الأيام بيننا .. وسوريا رح تنظف منهم باذن الله .. وان شاء الله ما بيقى منهم صافر نار ..
انشالله اخي, خللي املك بالله كبير. انتم يا مرابطو الشام الاطهار من سيحكم العرب والمسلمين في يوم من الايام, صدقني المستقبل لكم ولاطفالكم
لاحول ولا قوه الا بالله العلي العظيم
للأسف الأ غبي اء يللي عم تبرء جهة وتلصق هذه الجرائم بجهة ثانية هم أولاد الحرام بذاتهم لأنه يعتبر أنه يغطي على المجرم الحقيقي لأسباب أحقاد دفينة والساكت عن الحق شيطان أخرس
فلايوجد فرق بينه وبين القتلة من الأرهابيين الذي يدعمهم بس عم بعملولنا مسرحيات بالأنسانية على أساس كتير مدايقين وهم أصل الخراب والدمار وهم الأر ها بيين الذين باعوا وطنهم وشعبهم من أفى هذه الأحقاد الدفينة
والله مابعرف شو قول غير الله يصطفل بكل ك ل ب خان وطنه ولبس لباس الأنسانية….
تدبروا قول الله تعالى(ظهر الفساد البروالبحر بما كسبت أيدي الناس ليذيقهم بعض الذي عملوا لعلهم يرجعون )
اللهم احسن عاقبتنا،في الأمور كلها.واجرنا من خزي الدنيا ،وعذاب الآخرة.
اللهم ، ان نعوذ بك من زوال نعمتك،وتحول عافيتك وفجاة نقمتك، وجميع سخطك.
اللهم اعطينا ايمانا، و يقينا، ليس بعده كفر، و رحمة ننال بها شرف الدنيا والاخرة.
اللهم فرج هم كل مهموم في سورية و فرج كربهم، و خفف عنهم الم المصاب .
اللهم هذا الدعاء ، وعليك الإجابة . و هذا الجهد، وعليك التكلان .
طيب يا ليلى .. بدي جرب ناقشك بالعقل بعيد عن السباب والشتائم ..حضرتك عم تقولي اني عم برء الجهة وألصق الجريمة بجهة تانية .. يعني اللي قصف بالرقة اليوم هي المعارضة ؟!!! ولا قصدي أنو المتسبب بالقصف هي المعارضة ؟!! ..
http://www.youtube.com/watch?v=SOt8llC6UQM
للأسف أنت تجلب المسبات والشتائم أنا اقرأ تعليقاتك ولا أرد عليك فأنت حر لكن عندما تقصدنا بتعليقاتك فكن على علم أني سأرد عليك وعلى غيرك
وسأناقشك بس بأول الأزمة صاروا ينزلولنا صور ومقاطع فيديو ويقولون هذه في حمص وهذه في حلب وهذه في حماة وبعد فترة نتفاجئ بأنها كانت في العراق وفلسطين ومابعرف من وين
قبل ماناقشك من أين أتيت بهذه الصورة التي مو معروف من أين أتيت بها فتكون مثلاً حصلت في فلسطين ويكون نقاشنا عالفاضي وتبرأ الأحتلال الأسرائيلي من هذه الصورة ( هذا مثال )
انجازات نظام الاسد على مدى42 عام إغتيال كمال جنبلاط ،طة اللوزي ،بشير الجميل الشيخ صبحي الصالح ،المفتي الشيخ حسن خالد ،رينية معوض ،رشيد كرامي ،جبران تويني ،سمير قصير ،رفيق الحريري ، جورج حاوي ،وليد عيدو ،فرانسوا الحج ،وسام عيد ،وسام الحسن ،محمد شطح ،بيار غانم بيار الجميل الياس المر ،مروان حمادة ماي شدياق ،باسل فليحان
انجازات جيش الاسد على مدى42عام هولوكوست حماة عام82التي راح ضحيتها اكثر من80ألف سوري خلال فترة شهر على يد المجرم حافظ الاسد مجزرة حلب مجزرة تدمر إحتلال لبنان على مدى32عام أكثر من120ألف قتيل عشرات آلالاف المجازر الاسدية تدمير المخيمات الفلسطينية بالثمانيات بلبنان وقتل عشرات آلالاف الفلسطينيين تدمير سوريا من مشرقها لمغربها قتل اكثر من نصف مليون سوري 15مليون مهجر700ألف بين مفقود ومعتقل والحبل على الجرار ولا رصاصة على الجولان
واخرها مجزره اليوم
أولاً أنا ما ذكرت اسمك ..
تانياً بما أنك رجعتي لاول الاحداث فبحب خبرك اني بأول الأحداث أنا كنت تقريباً مؤيد .. حتى في كتير هون بنورت كانوا يسموني شبيح .. انا بعرف المعارضة منيح .. وبعرفها أكتر منك .. وكنت بالبداية ضدها للعضم ولازلت .. بس لما بعدين بدأ الاجرام يظهر ..وبدأت مقولة ” الأسد أو نحرق البلد ” تتطبق ما عاد في مجال .. ولما بشوف كيف طيارة بتجي وبتقصف بيت لمدنيين وبتترك المقر وبيموت أطفال ونساء ..ما بيعود في مجال ..
طبعا انا بشوف شي .. وانتي بيوصلك شي تاني تماماً .. انا بشوف كيف وقع الصاروخ أو البرميل على بيت مدني وكيف صاروا يطالعوا أهل البيت من تحت الأنقاض .. وانتي بيوصلك الخبر .. ” وحدة من الجيش العربي السوري تستهدف وكراً للارهابيين في المدينة الفلانية وتوقع كل من فيه قتلى ومصابين ” .. صدقيني هاي صارت بتسعين بالمية من الغارات .. بما أنك عم تحكي عن الصاق التهم .. وبالنسبة لمجزرة اليوم فهي حدثت بالرقة .. وفي فيديو مصور خلي المسيو مغترب بما أنو من الرقة يخبرنا لو كان المقطع بالرقة ولا لا .. وتاني شي الغارات عم تتباهى فيها الصفحات المؤيدة … والصفحات العسكرية منها كمان ..
انا لا أبرىء أحد وبالحرب بروح الصالح مع الطالح وبيروحوا الفقراء بين الأرجل حتى امريكا وأسلحتها الذكية بتخربط ومابتنزل بالمكان الحدد..
وانا يللي بوصلولي هم اهلي وانا توفى من أهلى 4 اشخاص وانا صدق اولا تصدق بأول الأزمة كنت معارضة ولكن عندما رأيت هذه المعارضة التي لاتستطيع أختيار رئيس لها وكلهم بدهم يكونوا الرؤساء من أولها فالقصة باينة من أولها ونظرت ماذا حصل في البلاد التي تسمونها ربيع عربي وهي بالفعل ليسى كذالك بل الدمار العربي ومثال العراق وأنظر ماذا حصل لهذا البلد الشقيق من أكثر من 20 سنة أنظر ماذا حصل بليبيا العشائر تتقاتل وبمصر وباليمن
هذه بلوة أتت لتدمير البلاد العربية بالأول قالوا داعش صناعة النظام بعدين صناعة إيرانية بعدين أمريكية يعني ياريت يعتمدوا على صناعة شو
فأن مؤيدة للنظام وانا سنية وليس كما يفكروني بعض المعلقين بمجرد أني أدافع عن بلدي يعني أنا من غير دين
وأنت تعرف إذا سقط النظام فسوريا ب100 سنة ماعاد تظبط ومافي داعي نضحك على بعض وقال يللي بجرب المجرب بكون عقله مخرب وبإذن الله لن يسقط ليس لأني أجب النظام بل لكي لاتسقط سوريا
أرجو منطك أن لاتوجه لي إسائة لكي لايدخل بيننا الغريب ونحن أبناء بلد واحدة ومصيرنا مصير واحد ……..
وبالنسبة لقولك أنك لم تذكر أسمي فمو شرط ذكر الأسماء يكفي بالتلميح والقصد يفهم..
والله كلامك كلو صح يا ليلى حتى انا تعاطفت مع الثوره بس عندما وجدتهم بهذه الأخلاق وسرقوا كل المساعدات واختلفو فيما بينهم عرفت انهم ليسو هم من سيحمون سوريا وينهضون بسوريا العظيمه وان انتماءهم ليس لسوريا بل هو تنفيذ لمؤامرة خارجيه أهدفها وضحت للجميع حتى الأعمى منهم وبالحرب المدنيين يدفعون داءما الثمن لان الإرهابيين الجبناء يتخذونهم دروع بشريه
في فرق كبير بين انو يسقط أبرياء بالغلط .. وبين أنو يكونوا الابرياء هم المستهدفين .. وانا اللي شفته ولا زلت عم شوفه هي الحالة التانية .. وهاد اللي خلاني صير هيك ..
تاني شي عم تحكي عن خراب البلد .. وانو لو سقط النظام البلد رح تخرب .. بحب قلك انو البلد خربت بسبب بقاء النظام .. وبحب قلك كمان وهالشي واضح ولا يحتاج لايضاح انو الدول الكبرى متل أمريكا ومعهن اسرائيل حافظوا على بقاء النظام لحتى تخرب البلد وتتدمر .. ولو أنو النظام رحل أو على الأقل أوجد صيغة تفاهم ما كان وصل حالنا لهون .. وحالياً كل يوم بيمر والنظام موجود معناه خراب اكبر وقتل اكبر وحقد بين السوريين أكبر .. شوفي بتونس ومصر لو أنو الدول العظمى أبقت الأنظمة بهديك الدول كان حالهم شبيه بحالنا اليوم ..
يعني هاي النظام ما سقط وبدنا 1000 سنة لنرجع لوضعنا مو 100 متل ما قلتي ..
لازم تفرقي بين نظام عم يدافع عن نفسه .. وبين وطن .. ولا تقولي النظام عم يدافع عن الوطن لانو هالحكي مو صحيح .. اللي يدافع عن الوطن ما بيعمل هيك .. ما بيقتل هيك ولا بيشرد هيك ولا بيهدم هيك .. ولا بيجيب مرتزقة ومليشيات من برا وما بيرهن قراره لايران وروسيا .. وايران نفسها قالت أنو النظام باقي لان ايران ارادت بقائه .. وانو النظام السوري يعتبر خط الدفاع الاول عن ” الثورة الايرانية ” .. فبيكفي شعارات يضحكوا فيها عليكم بالتلفزيونات … وارجعي للصورة اللي نستختها باول تعليق للي اسمه شادي من اللاذقية وشوفي شو كتب وخصوصي آخر فقرة عن الشعارات ..
وبالنهاية ما حدا ورط سوريا بالارهاب الا النظام .. وما حدا فتح المجال للارهابيين ليدخلوا ويتكاثروا ويتمدووا ويقووا الا النظام .. لحتى يحمي نفسه ويبرر وجوده امام الغرب ويحط الغرب أمام خيارين : ” أما أنا أو التطرف الاسلامي ” .. وهالشي نجح فيه متل ما عم نشوف ..
الأمور واضحة .. وما حدا بيعمي نظره عنها الا اللي بينتمي لطائفة النظام او المستفيد من النظام ..
بكمل بكرة وتصبحوا على خير ..
هذه وجهة نظرك وبجوز كتار بيجوا معك بهذا الكلام لكن ليس الجميع
ولا تتكلم عن إيران وروسيا لك ماصفى سعودي وليبي وسوداني ومصري وتونسي لبناني وكويتي وتركي وفرنسي وهولندي وبريطاني وأمريكي وشيشاني ومالي متذكرة الباقي ودخلوا سوريا صرتوا بدكم تحكوا على هالدولتين يللي عم يساعدوا سوريا قليل شو السعودية ( بني خيبر اليهود ) وقطر شو دعموا الأ ر ها بيبين بالسلاح والمال ولحد الأن يدعمون…. وتركيا لو مو فاتحة حدودها لكل إرهابيين العالم ماقدروا يفوتوا ولحد الأن يدخلون
ومتل ماأنت عم تشوف الصواريخ والبراميل عم تسقط على المدنيين وكمان في غيرك عم يشوف العكس
وأنا كما قلت لست من طائفة النظام ولست مستفيدة من النظام ولا تحاولوا أن تجدوا الحجج لكم وقت بتلاقوا الناس ملتفة حول النظام
وأن شاء الله كل من بعث الأرهابيين لعندنا لسوريا أن شاء الله هالأرهابيين بصيروا عندهم وبفظعوا بأهلهم وأحبائهم وبشعبهم يارب أنت على كل شي قدير
وأرجع وأقول صعب نقنع بعضنا لأنو كل واحد ينظر لهذه الأمور من منظاره وبفكر أنو هم الصح وبجوز هو يكون صح وبجوز غلط .. تحياتي
http://www.youtube.com/watch?v=f-HN1IRMt-U
https://www.youtube.com/watch?v=f-HN1IRMt-U
ما عجزت عن إسرائيل واميركا والغرب وبريطانيا مجتمعين على مدى100عام نجحت به إيران والنصيري بشار الاسد والشيعة خلال4سنوات. اتو بداعش وكان لازم ياتو بها ليبين بشار الكل ب حمل وديع جنبهم وانسان يدافع عن بلده وبذلك ينتقم من اطفال شعبه بدم بارد. واتو بداعش في العراق ليبقى كل ب ايران المالكي في الحكم ويبين البطل اللذي يطهر بلده من الارهاب وتبقى العراق مخزن نفط لامريكا واسرائيل. كلامي مضحك لبعض السفهاء لكن خططهم وما يفعلوه بنا مضحك ومبكي في نفس الوقت.
من دمر سورية !!!!
دخلت فراشة الى دار رجل غبي فأزعجته
فأراد أن يتخلص منها !!!!
فأستعمل المبيد فلم يُفلح .
هداه عقله (الغبي) الى مطرقه ضخمه
راح يطارد بها الفراشة بقسوة ورعونه …
فجرح اولاده وخرب المنزل …
وظلت الفراشة سليمة ترفرف وتطير…!
لن ألوم صاحب الدار على فعلته فهو مجرد غبي…
ولكن اللوم كل اللوم …
على ( الغبي الاخر) الذي يصدق أن الفراشة
هي من دمرت المنزل !!
صدقت أخ طارق .. هذا بالضبط ما يجري بسوريا .. حتى ولو استبدلنا البعوضه أو الحشرة القبيحة بالفراشة
وين راح التعليق يا نورت ؟! .. شو هالاسلوب الجديد هاد ؟
http://www.youtube.com/watch?v=dhQGharISV4