أظهر فيديو عمليات تعذيب قامت بها عناصر قيل إنها من الجيش اللبناني ضد لاجئين سوريين في مخيم المحبة ومخيم الإنماء في عرسال.
وشهد لبنان عمليات اعتداء على بعض اللاجئين السوريين في أعقاب قيام تنظيم داعش المتطرف بإعدام جنديين لبنانيين خطفا في مواجهات سابقة بين التنظيم والجيش اللبناني في عرسال.
وظهرت على الإنترنت صفحات طائفية تدعو إلى طرد اللاجئين السوريين من لبنان، في مواجهة أصوات تطالب بضبط ردود الأفعال على إعدام الجنديين اللبنانيين.
وأدى تدخل ميليشيات حزب الله الشيعية في الحرب السورية إلى جانب النظام السوري إلى مشاحنات طائفية في الداخل اللبناني.
https://www.youtube.com/watch?v=h0Lu1IQqyc8
لا حول ولا قوة الا بالله حسبي الله ونعم الوكيل الله ينتقم من كل ظالم ومفتري 🙁
هؤلاء ليسو لاجئين هؤلاء مجرمين متعاونيين مع التنظيمات الإرهابية وبعد الشعب اللبناني لحد الان صابر ومحتمل ولا تحمل وازره وزر اخرى اللاجئين بيننا وبين عواءلنا لا احد يمسهم ولا يتعدى عليهم الا من بعض الحالات الفردية من حرقه قلبهم وتمت السيطرة عليها من قبل القيادات الحكيمة
اكيد ما حدن بحب الظلم وبيرضى فيه ..وبالنسبه لي انا حتى لو مذنب ما بتحمل منظره
بس كثير من سوريين عم ينكمشوا لان عم يشتغلوا جواسيس للتنظيم الارهابي فطبيعي يتعاملوا بهذه الطريقه وينالوا عقابهم او بدكم يضيفوهم فنجان قهوه ..؟
حتى ما تقولوا لانهم سوريين لأ كمان بعض اللبنانين اللي عم يتعاملوا مع الارهاب كمان عم يتكمشوا ..إالنازحين الهم 4 سنوات بلبنان ليه ما حدن تعرضلهم إالا بالفتره الاخيره لان مثل ما الكل بيعرف ومع الوقت والعبء كبير واكثر ما بيتحمل لبنان والاعداد بعدها عم تزيد وزادت معها الجرايم وحتى ما حدن يفهم غلط بكل بلد في حوادث بتصير بس اكثر مع وجود اعداد كبيره من النازحين يمكن بسبب الحاجه والقله لان الكل حالته تعبانه بس القتل والخطف من اجل فديه ..بس بيوصل لمرحله البلد ما بيعود فيه يتحمل لو في نظام وامن والكل ملتزم مثل البلدان الباقيه كمان ما في خوف اما على قوله غوار الطوشي كل مين إيدو إالو يعني ضايعه الطاسه والمشاكل عم تزيد فلا بد من إجراءات للحد من المشاكل ..
الله يكون بعونكم يالبنانيين
واقعين بين نارين …. تحياتي لام محمد والعزيزة بلو
يحق لأي جيش بالعالم أن يحمي بلده وهذا حق مشروع .. فقــــــــــــــــط عندما دافع الجيش السوري عن أمن بلده صار اسمه مجرم وسفاح وعم يقتل الشعب. أنو شعب ؟؟؟؟؟ عصابات الإرهاب يلي سمّوا حالهم ثوريين وخربوا البلد وهجّروا أهلها ولسه بعد 4 سنين لساتهم متجبرين وما بدهم يعترفوا أنهم مجرمين!!
الله يفرجها على سوريا ويرجعوا السوريين لبيوتهم .. ما في بلد بالعالم متل الوطن، وإن شاء الله نكون تعلمنا كيف نقول لأ ونحط شروط لدخول بلدنا بدل ما بوابها مشرّعة ع الفاضي
داعش اعدم جنود
لكن هؤلاء مدنيين
فكيف للبنان ان تسمح بهذه الانتهاكات بحق اللاجئين
AmyLee بتمنى تكوني فهمتي تعليقي منيح انا ما عندي شي ضد الشعب السوري بالعكس انا مع الشعب ضد الظلم وين ما كان وكلام الحق لازم ينقال .بالاول كنت مع الثوره ضد ظلم الشعب بس اي ثوره بح راحت الثوره وبعدني مع الشعب لانه الوحيد اللي انظلم ..
الله يرجع بلدك لايام الخير ولو اخذ وقت وما بعد الضيق إالا الفرج
كنت تركت لك توضيح على كلامك بموضوح النازحين إذا حبيتي شوفي
أهلين Blue
شكراً عزيزتي للتوضيح وهاد بحد ذاته بيدل على أنك إنسانة محترمة، ما عندي شي ضد كلامك من الأصل بس كتييييير زعلانة ومحروق قلبي كيف الكل تآمروا بحجة تغيير النظام للتدخل ببلدي (وعم أحكي على مستوى المسؤولين وأصحاب المصالح) أنا مالي مع النظام ولا بيهمني أمره، بس الثورات إلها بروتوكل وأصول مو والله عطوني سلاح ويلا مطاحشة بدون تخطيط .. المصاري يلي انصرفت حق سلاح وأجهزة تسجيل وفيديوهات نصها تمثيل .. كان لازم تنصرف على ناس مختصين ينظموا الثورة .. الثورة مو والله كلمة بالتم الثورة إلها أصولها .. نص يلي طلعوا بالثورات هنن مهربين ومجرمين وعواطلية
وبالآخر الثورة يلي بتجيب الخراب للبلد وبتسبب بتهجير أهلها بلا منها شو ما كانت
وغير أيا بلد وخصوصي بلد صغير (وليس أصغر بلد) بس صغير متل سوريا لما بيستقبل أعداد كبيرة من مجموعة دول رح يصير عليه ضغط وتكتر فيه المشاكل (متل مو هلأ صاير عندكم بـ لبنان) فأنا وقت بحكي بيفكروا أني ضد الفلسطيني ولا العراقي ولا اللبناني . أنا ما عم عيرهم أنا بس عم أحكي متلك .. دول الخليج بدال ما تبعت إعانات للمعارضة وتساعد على الحروب أكتر وأكتر .. كان الأولى تبعت مساعدات لسوريا وقت كانت فاتحة ابوابها بس على مبد درهم وقاية خير من قنطار أسلحة (بتصرف ههههه)
معلش طولت عليكي .. بس الكلام إلك ولكل الناس المحترمة هون ، يمكن أحياناً كلنا منغلط بحق بعض بس أكيد كله تفشيش من قلة حيلتنا.
يعني متل ما دمك بيغلي مشان جيشك وبلدك وأنا كمان وكل واحد بيحب بلده دمه بيغلي على جيشه حتى لو كان الرئيس مو كتير منيح، بس أنا ما بدي نقوم من تحت الدلف لتحت المزراب ما بدي تجي أمريكا وتعمل حالها بتحبنا وهي عيونها على مخزون الغاز الطبيعي يلي عنا
إذا شي مرة طلع خلقي بشي تعليق تأكدي من قلة حيلتي وحرقة قلبي مو أكتر .. يسعد أوقاتك عزيزتي Blue
عادي كلنا لازم نتحمل بعضنا حبيبتي وانا كمان يمكن رديت عليك على طريقتك المستفزه بيحصل ايام ما في مشكله وكلنا عم يحترق قلبنا على اللي يصير الله يكون بعونكم وعوننا جميعاً .
.الله كريم وما بعد الضيق إلا الفرج بإذن الله
تحياتي لكAmyLee ويسعد اوقاتك واوقات جميع الاصدقاء بنورت
Blue
الله يسمع منك ويفرجها على الجميع ونرجع متل ما كنا ومتل ما مرة طلال حيدر قال “شئشئينا (شائق النعمان) يفتّح على سفوح جبالكم وجاجتكم يحضّروا العشا لصيصانّا”
لماذا كل هذه الأهانات مقطع لن يزيد سوى من الأحقاد والأحتقان الجيوش عموما ليست مدربة على التعامل مع المواطنين لأنها طول الوقت في ثكناتها وليس لها احتكاك مع الناس وعند الأزمات الكبيرة يتم الأستعانة بها وعلى الأغلب تكون مثل هذه الأحداث……………………….الجزائر
يا سيدي هذه ليست الجيوش، هذه جحوش… فالإنسان الراقي يبقى راقي أينما كان والواطي يبقى واطي حتى وإن تظاهر بالرقي..هي مضغة في الصدور إن صلحت صلح الإنسان وأصلح وإن خبثت فسد وأفسد…هناك آباء وأمهات ليسوا جنودا ولا في معركة قتلوا أبناءهم أو عذبوهم أو جوعوهم وهم من أصلابهم وفي عمر الزهور لا يستطيع الغريب إذا نظر إلى براءتهم إلا أن يحبهم ويشفق عليهم.. ومن نزع الله من قلبه الرحمة فمن ذا الذي يعيد غرسها فيه
افعلوا ماشئتم فالعجلة تدورومن كان فوق فإنما هو نازل إلى الأسفل وسوف يداس بالأقدام.. قسما كل من تجبر ليرينه الله عاقبة تجبره ومن رحم ليذوقن حلاوة رحمته… أولا ياشاطرين ويا شاطرات يا معلمين يامثقفين يللي لكم لسان يتكلم ويد تكتب إذا لم يكن عقل يفكر فما تكتبون إلا هراء..، أبالفطنة تأكد لكم ولهؤلاء الجنود أن هؤلاء مجرمين أو جواسيس، هكذا من النظرة الأولى، تأكدوا ثم عذبوا و، أما أنهم سوريون نازحون فهذا ليس مبررا لاتهامهم وتعذيبهم..لو أنهم جبهة النصرة تفعل هكذا بالجنود اللبنانيين لتحول التعليق ١٨٠ درجة عند بعضكم ذلك أن البعض لا يرى إلا بعين واحدة… وكما قال رب العزة ؛؛ وتلك الأيام نداولها بين الناس؛؛ ومغلوب اليوم قد يكون الغالب غدا، فليحذر الغالب اليوم فعلى الظالم تدور الدوائر. ومن لم يتق دعوة المظلوم فما له إلا الخسران
3alash il ta3zeeb il 3ajez maskeen . rabi ye7r o9kom wi ya3tikom il zul jaysh ziba la .. om mo7amad rabi yezow9ek il 3aza b 7a9oo da 3onsor ia tf ooooooo
سيد saleem
واضيف على كلامك ووحوش بعتقد هيك لازم يكونوا مع الخونه ..مش هيك البشمركه تعاملوا مع الخونه وداعش إذا مش اكثر ؟؟؟؟؟؟
بتابع تعليقاتك ومبين محترم بس عندي سؤال لك حتى لو ما رديت مبين عندك حقد وغل على لبنان عندك مشكله معقد من حدن ؟؟؟؟؟؟؟؟؟
وإذا عم تحكي عن الاحترام والرقي لازم يتمتعوا فيه .. بدي اسالك بوصفك لهيئه العملاء المسلمين بالالفاظ المسيئه لهم هذا هو الإحترام والرقي برأيك ؟؟؟!!!!!!!!!!!!!!!!!!!!!!!!!!!!!!!!!!!!!!..
ومثل هالقرار إذا في مصلحه بلد وشعب ومنعا للفتنه والفوضى بس الظاهر ما عجبك ..
بتعرف ما بلوم ابدا الاخوه المسيحيين لمن في مين يسب الدين وهو مسلم فلا عتب عليهم ..
وبما انك عندك هالنخوه والمروءه حتى لو كانوا خونه يا ريت تسضيفهم ببلدك وعلمنا كيف نتعامال مع هالالشكال ..عامل جرايد بموضوع الجندي اللبناني واختفيت بعد تعليقي مع العلم كان توضيح عن وضع النازحين اللي نحنى اخبر منك فيه وكنت منصفه بحقهم حتى لني بررت سرقاتهم ومشاكلهم يمكن بسبب الحاجه بس ما عجبك ..
وعلى قوله العزيزه نور كل إنسان ادرى بظروفه يعني اهل البلد ..ومن هيك انت وغيرك عنكم حريه التعليق هاي جريده حره ورائيكم لا بيقدم ولا بياخر بس فشه خلق يعني ..
عندنا تجربه من الشعب الارمني لجؤوا لبلادنا واستملكوا واخذوا مناصب بلدوله غصبن عنا ..وبس يسالوهم من وين ما بيعترفوا بلبنان بيقولوا ارمينيا وبالناقص من هيك ناس ما عندها ولاء..
من هيك اكيد عنا تخوف وخاصه انو نظامهم كان حاطت ايدوا على كل شي بالبلد ايام احتلالهم لبنان .. ومن اكثر من شهر كم عيله قرروا يرجعوا لسوريا نظامهم منعهم شوف المسخره ..ومن هيك انشالله بترجع بلدهم واحسن من بلدنا ما منزعل بالعكس ويرجع الامن والاستقرار لبلادهم وانشالله ما يعوزا حدن.. ويخلصوا من الظلم اللي عاشوه من تهجير وجوع واستبداد لاكثر من 40 عام ..وكل إنسان ما إلو إلا بلده ..
وآخيرا يمكن كمان تنحرم من التعليق انت والسيد فهد من بعد تعليقي مش مشكله المهم وصل الفكره لك وللقراء الآخرين ايضا..تحياتي ونهارك سعيد
العزيزه الغاليه دنيا كيفك ارجو ان تكوني بخير وصلني سلامك يا غاليه وشكرا على الاغنيه الرائعه ..
العزيزه عراقيه هاأ شفت اسمك يلامي لك وللوالده ..
تحياتي ايضا للعزيزه اماني ارجو ان تكوني بخير ..
سلامي لAmyLee وشكرا على ما كتبتي عن شقائق النعمان بس كنت طلعت تسلمي حبيبتي ..
الغاليه نور اشتقتلك انشالله تكوني بخير ..
دكتورتنا العزيزه شيرين وصلني سلامك والله يحفظ لك ابنك يا رب ..وين راغده اسكندرانيه زمان ؟؟؟؟
ميوس الغاليه جمعتكم بصفحه وحده ولازم اطلع يا رب تكوني بخير ..
ام هكار تحياتي لك يا غاليه .. و اصيله وHana اريج إيتوال والجميع تحياتي وعزيزتي محايده ايضا الله يحمي لك السنفور والسنافو وسنفورتنا بالجريده تحياتي
تصحيح العملاء ===العلماء