فرانس برس- أبدت الولايات المتحدة، فجر الخميس، “صدمتها” إزاء تقارير أفادت عن شن سلاح الجو السوري قصفاً بالبراميل المتفجرة على مخيم للنازحين في محافظة إدلب في شمال غرب البلاد، واصفة ما جرى بـ”الهجوم الهمجي”.
وقالت المتحدثة باسم الخارجية الأميركية، جنيفر ساكي: “لقد صدمنا إزاء التقارير عن قيام نظام (الرئيس السوري بشار) الأسد بقصف مخيم عابدين للنازحين في إدلب بالبراميل المتفجرة، وإزاء الصور التي تظهر حصول مجزرة بحق مدنيين أبرياء”.
وأضافت أن “هذا الهجوم لا يمكن وصفه بأقل من همجي”.
وإذ شددت ساكي على أنه ليس بوسعها تأكيد تفاصيل ما حدث، فقد أكدت أنه إذا ثبتت مسؤولية الجيش السوري عنه “فسيكون هذا العمل الوحشي الأحدث الذي يرتكبه النظام ضد شعبه”.
وكان المرصد السوري لحقوق الانسان أعلن مقتل عشرة أشخاص على الأقل في قصف جوي شنته قوات النظام السوري الأربعاء على مخيم للنازحين في إدلب.
وأعلن المرصد في رسالة إلكترونية عن مقتل “عشرة أشخاص جراء قصف للطيران المروحي ببرميلين متفجرين على مخيم للنازحين شمال شرق بلدة الهبيط” في محافظة إدلب، مشيراً إلى أن المخيم يأوي نازحين من قرى في ريف حماة، مؤكداً أن القصف أسفر عن إصابة عشرات الأشخاص الآخرين بجروح.
من جهتهم نشر ناشطون على الإنترنت شريط فيديو قالوا إنه لضحايا القصف، ظهرت فيه جثث عديدة متناثرة وسط حقل وبجانبها حطام وخيام كثيرة ممزقة بعضها استقر على أشجار زيتون نالت بدورها نصيبها من الدمار.
الولايات المتحدة مصدومة !!!! يعني على أساس هاي أول مرة بتصير مجزرة بمخيّم للاجئين ؟؟؟ هاي يمكن المرة المليون اللي بتصير فيها متل هيك مجازر على يد طيران الجيش الوطني !!!! .. هاد هو الجيش اللي عم يطالبونا نكون معه ونوقف معه واللي ما بيوقف مع متل هالمجازر بيكون قليل أصل !!!! … طبعاً ما بيحكي هيك وما يطالب بهيك الا قليل أصل والا كل ابن حرام .. بس أكتر نكتة بايخة سمعتها هي لما يجي واحد يقلك : ” أنا مو مع النظام بس انا مع الجيش !!!! ” ههههه .. الأخ مفتكر نفسه عم يحكي عن سويسرا أو عن دولة محترمة فيها مؤسسات منفصلة عن بعضها البعض .. وفيها رقابة على هي المؤسسات .. وفيها محاسبة لكل شخص بيغلط لأي مؤسسة انتمى حتى لو كان الرئيس نفسه .. ونسي أخونا العبقري أنو عم يحكي عن سوريا .. سوريا اللي نظام حكمها متل ما بيعرف الجميع يمكن هو اكتر نظام شمولي في المنطقة .. اللي فيها الرئيس عبارة عن شبه إله إزا ما كان إله كامل ..نسي أنو سيادته هو القائد العام للجيش والقوات المسلحّة .. ونسي كمان أنو 90 % من الضباط الفاعلين واللي بايدهم زمام الأمور بهالجيش هم من طائفة الرئيس .. أو بالأحرى من عشيرة الرئيس ” الكلازيّة ” ..ونسي حضرة أخونا العبقري أنو مساعد مدعوم بهالجيش ومنعرف كيف يكون مدعوم بامكانه يدوس على راس لواء مو مدعوم ….
خلي هالشخص يسأل نفسه هالسؤال ..يا ترى لو سيادته قرر هيك بلحظة غضب انو يمحي مدينة كاملة عن بكرة أبيها .. في حدا بهالجيش اللي حضرته معه رح يعترض ؟!! في حدا رح يقول لا ؟ .. ولو في شخص تجرأ وقال لا شو رح يكون مصيره ؟!! .. طبعاً انا هون خففت كتير من الواقع وقلت لو الرئيس أمر بهيك مع العلم أنو الأوامر بتجي من طهران ..
يا ترى المسؤول عن هالمجزرة اللي حصلت بمخيم عابدين رح يتحاسب ؟ بالتاكيد لا .. بس متل ما قالت الايرانية اللي اعدموها بمنبع القذارة ايران .. هلق انتوا عم تقتلونا وتلقوا علينا براميلكم .. بس أمام الله رح نلقيكم في جهنم بإذن الله .. ألف رحمة لأوراح الشهداء .. والله يلعن من قتلهم ويلعن كل شخص واقف ومدافع عن المجرمين ..
كل واحد يقول ياروحي ..
ماتريدوها مساعدات الخارج لانهم يدورون على مصلحتهم اولا واخيرا..
الله يعينكم ويساعدكم ويفك ضيقتكم عاجلا وليس آجلا امين يارب .. والمساعد هو الله اولا وبعدين شباب ورجال سوريا المخلصين لبلدهم بالضبط مثل غزة والعراق .. تحياتي اخ مأمون والله يقويك ويصبرك.
أمريكا مصدومة …ريتها تصدمهم دبابة تطلع من فوقهم …ليش مصدومين هي أول جريمة ومذبحة بيرتكبها حتى تتفاجئوا ؟ ما استخدم كل أنواع الأسلحة وارتكب مذابح بحق كتير من السوريين حتى الكيماوي يا ولاد الكلب اللي استخدموا على أطفال سوريا وانتوا سكتوا وكل العالم سكت …يارب كل مين تأمر على بلادنا وسكت عن ظلمنا واشترك بقتلنا تجيه ماحية تمحيه وتجعل هالدمار ببلاده يارب
صرت أكره كل الدول العربية والأجنبية لأنه كلهم طلعوا منافقين وكذابين وكلاب