وصل عدد متابعي لاعب ريال مدريد الإسباني، البرتغالي كريستيانو رونالدو على صفحته الرسمية بشبكة (فيسبوك) الاجتماعية لـ100 مليون شخص، وهو الرقم الذي تتخطاه فقط المطربة الكولومبية شاكيرا.
وهذا يعني 54 صديقا افتراضيا جديدا كل دقيقة أو تقريبا متابع جديد كل ثانية. كما يتصدر رونالدو لائحة تويتر وتضم صفحته 30 مليون متابع
في المركز الثاني لا يوجد شخص وإنما ناد وهو نادي برشلونة الذي يتابعه على فيسبوك 76 مليون شخص متقدما بدوره على غريمه الذي يلعب في صفوفه رونالدو نادي ريال مدريد
وفي المركز الثاني على تويتر يأتي بفارق بعيد النجم البرازيلي كاكا الذي يتابعه 20 مليونا.
وفي المركز الثالث يأتي نجم كرة السلة لوبرون جيمس بأكثر بقليل من 15 مليونا على تويتر و22 مليونا على فيسبوك
وحسب أخصائيين فإنّ مظهر رونالدو والتزامه المهني والأخلاقي مع العلامات التجارية التي يتعامل معها يقفان وراء سيطرته الكاسحة، ولاسيما في دول مثل الصين.
وعندما كان رونالدو يلعب في صفوف مانشستر يونايتد لم يكن للنادي الإنجليزي حساب على تويتر لكن الآن تضم صفحة مانشستر يونايتد 3.5 متابع.
100 مليون متابع لرونالدو على فيسبوك… متابع جديد كل ثانية… لكن ماذا عن لائحة أكثر 5 رياضيين انتشارا؟
ماذا تقول أنت؟
ماتت عزباء من لم تتزوجك يا شيخ الشباب كريس 🙂
100 مليون فانز لشيخ الشباب كريستيانو… ثلاثة أرباعهم فتيات و أنا من بينهن… ف رغم أني بارصاوية لكني معجبة بمهاجم الفريق المنافس اللدود!
كيفك اختي مريم؟ بالتوفيق للبرشا في الكلاسكو
أنا ريالي من جابتني أمي
أنا ريالي و يسري حب مدريد بدمي
سنفوره بعد 5 ايام الكلاسيكو , بنشوف من خيل والخيال
عُمر هديت الآن ؟؟ يعني خوفتني معصب على الآخر .
و الجواب بنشوف و الدون أكيد رح يبدع .
لا والله مش معصب بس منرفز 🙂
والله رونالدو لاعب مش طبيعي وبتمنى ما يسجل بحارس برشلونا اللي حطم رقم قياسي 8 مباريات ولا هدف دخل بمرماه ولكن هالدون راح يكسر هالرقم القياسي , وشكلو مش ناوي خير .
اما ميسي لازم يبدع ويسجل هدفين عشان يكسر رقم قياسي ويوقفو المباراه ويحصل على كاس لكن دفاعات الريال راح تكون عائق لميسي حتى وان دخل فيها اهداف من نيمار او تشافي او اي حد المهم ميسي ما يسجل , ولكن هناك الميدان .
ابن عمتي رايح يتفرج عليها بالملعب لايف اللي حكيتلك جاي من دبي .
سنفوره اكثر من مليون ايرو علاجو بالمانيا مع زرع اشياء ما بعرف شو سماها اتصلت فيه واتاكدت , غريبه صح .
هيك حسيت إنك منرفز لأنك لما بتك على شي بتكون منرفز . الله يشفيه و إن شاء الله فحوصاته تمام لأني بعرف هذا المرض دائماً برجع و فعلاً علاجه مُكلف . أسكت مش أنا تراجعت عن الكلب 🙂
كيف تراجعته سنفوره واي سؤال كلابي انا جاهز وبالخدمه .
ابطحه سؤالك .
الموسوعه لما قرأت قالت أنه بياكل كثير ( ٥ أكواب كبيره كل وجبه و ٥ وجبات يعني رح نشحد علشان نطعميه بالإضافه إنه سعره غالي و هذا النوع عادة فيه مرض في الجينات فلازم يروح على الدكتور بشكل دوري و بعدين تذكرت ستي كانت تقول يا شاري الهم من ذقن صاحبه و قلت لشو هالغلبه و قلة القيمه بلا كل اب بلا بسس دوبو الواحد يطعمي نفسه 🙂
ههه سنفوره
الكلب سهل تربايتو بس يعني بنفطم من امو بعد 20 يوم وبصير يشرب حليب مكسور مع ماي عشان ( الاسهال ) 🙂 ما يصيبو ولحد عمر 3 شهور تقريبا 4 وجبات ,,, يتبع
قالو عنه بيبي بس كبير الآن يعني في المستقبل رح يصير وحش .
الكلب اللي بنبح وما بعض ما بقناه .
وبعد 3 شهور بتخف الوجبات بتصير 3 وبعد شهرين بتصير وجبتين وبعد السنه وشهرين وجبه وحده فقط لا غير . يتبع
اما عن العلاجات سهلاً جدا ابرة خماسي سعرها تقريبا 10 دولار وابرت سعال وباقي ابره للحشرات وهيك شغلات رخيصه وكل 3 شهور 3 حبات ضد الديدان , بدو بالصيف مرتين حمام مش اكثر وبالشتى بودره بترشه عليه كل فتره وكل كم يوم مشطيه ولازم يتمشى باليوم ساعتين , عشان يرفه عن نفسو 🙂
يا ليتني كنت كلباً على هيك مرفه أكثر مننا 🙁 كل هذا و بس يعطيك العافيه قال يرفه عن نفسه قال .
حاشاكه سنفوره
اللي بدو يربي بدو يهتم فيهم وبلا ما يعذبهم .
لو بعرف احط صور هون كان حطيت لكن والله ما عرفت .
على حسب نوع الكلب حراسه او منزلي زي الشيواوا
انا بحب كلاب الحراسه اما كلاب الزينه مش صحبه معهم .
هو Golden Retriever
سنفوره ما بنصح بالكولدن و السبب شعرو طويل وبدو عنايه كبيره
بس so cute !!! على كُلاً ثمنه ١٥٠٠ يورو و بدو عنايه كبيره و مُكلفه و لهذا هذه آخر مره بفكر بالك لاب ( كان عندي سمكه طعميتها كثير فماتت من التُخمه يعني أنا مش خرج أربي حيوانات ) . لا و بدو دكتور أسنان كمان بقول لك الواحد بشحذ منه .
حزب البلد والجو الواحد يختار الكلب .
حزب = حسب
زي بالاردن الهاسكي وخاصتا السيبيري بكون الو صعب لانو بدو برد وثلج لكن اللي بنولد بالاردن بمشي حالو لكن مكانو الصح الثلج . الهاسكي والالسكى تقريبا زي بعض بس السيبيري هو المطلوب اكثر
الهاسكي مثل الثعلب بخوف .
الهاسكي من الطف الكلاب تقريباً
الهاسكي البوكسر واللبرادور كلهم كلاب لطيفه والدنواه مع انو حجمو كبير لكن كثير لطيف
ما شفت سعره فوق غالي كثير .
سنفوره اسعار الكلاب على حسب اصالتها
وعلى حسب المحل وايجارو يعني انا بقدر اقدرلك سعر بعض الكلاب بالدول العربيه مثل الاردن ومصر والامارات وهيك دول على حسب
الكولدن لحد 500 دولار ان كان بيور
تعرف كم في اسعار كلاب ؟
على قولت ورده بدي أغني للكلب حرمت أحبك . إنسى هذه هوايه للناس الرايقه مش الشقيانه .
سنفوره اغلى كلب هو كلب التيت سعر الواحد ( مليون ونص دولار ) اقرأه عنو شوفه سعرو وشكلو
سنفوره الكلب ما بكلف زي ما انته حاطه براسك وممكن يوكل اكل بيت عادي حسب التعويد
التيت = التبت
عفوا للخطأ
كرة الشعر هذه بمليون و نصف ؟!؟!؟! لو يعطوني إياه ببلاش ما أخذتو . أما على الأكل رح أحكيلك شو صار معي مع علمي الأكيد إنك رح تشمت فيني .
لكن اخبث الكلاب واشرسها ( البيتبول ) ولازم احطو بين قوسين حفاضاً على سلامتك سنفوره 🙂
والروت وايلر والدوبرمان والجريمن شيبرد هدول كمان حلوين للحراسه لكن على حسب الاصل والفصل , يعني الكلاب سُلالات منها عريقه ومنها اولاد حرام مبندقين وبنعرفو بكون كم شعره بيضه بجسمو بتبين انو مش ابن اصل وفصل 🙂 والله
بعرف البيتبول و كل يوم و أنا أركض في واحد بيتركوه بره و مش مربوط بصير عداءه هناك و بركض سريع جداً ( لونه أبيض و عليه كشره بتخوف ) . شو طابخين للضيف ؟؟
لحد الان مش عارف شو اطبخلو بسالو شو بدو .
وبكره المسا طالع معهم المانيا ان شاء الله , ام ورده عندها مناسبه سعيده الله يفرحهم دائما وابدا وان شاء الله متسهل معهم كم يوم .
لا تطبخ له باكستاني و لا هندي لأنه أكيد هذه الأكلات طالعه من عينه هههه ، ما في فلسطيني يعني مقلوبه ، ملوخيه ، ورق عنب ، محشي ، قدره ، مسخن !؟!؟ سلملنا على أم ورده كثير و باركلها شو ما كانت مناسبتها . و تروح و ترجع بالسلامه أيها الرحال .
سنفوره مقلوبه انا مش شاطرين فيها ولا ملوخيه ولا ورق عنب ولا مسخن وما بعرف القدره , والله فضحتها لام ناشي .
تعرفه الافضل نلغي العزومه 🙂
سنفوره في اكلات ثانيه اطيب واسهل وبكره هو طلب لسانو بس لو يطلب من الاكلات اللي ذكرتيها بكحشو بس هو بعرف ما النا عليهم 🙂
وسلامك يصل لام ورده , والله ام ورده وجوزها فنانين بالطبيخ الله يسعدهم وانا وورده وحنون شغل اكل بس 🙂
شو هالعزومه ؟؟؟ أنا بقول خليه يجيب الأكل معاه و هيك بريح و بستريح و قولوله يكثر لأنه أكل أربع أنفار ما كفى نفرين ما شاء الله 🙂
قصدك الفلاح ههههه والله فكرتك حلوه
لا قصدي الضيف . الفلاح بخيل ما رح يجيب كفايه بس أهل البلاد أهل كرم ( بعدين بفضحوكم بس يروحوا هههه )
سنفوره الضيف ابن عمتي وما في مشكله باكلو سندوش وبكحشو لكن المشكله صاحبو لازم اعرف شو بحب .
ويمكن اسالهم تتعشو ولا تنامو خفاف ؟ يمكن نكسبها وما يتعشو 🙂
ما تخاف إلا من الأقارب و أهل البلاد بس يروحوا بنطلق لسانهم بلبل 🙂 و صحيح سألتك إذا فحوصاته سليمه إن شاء الله .
ابن عمتي ومعو ضيف يعني لازم اسالهم شو بحبو وبعدين بنعمل على طلبهم افضل
شو صار معك سنفوره , هاته ما عندك
أنا شريت عصير و شربت معظم القنينه و ظل شوي صغيره و كنت أقرأ في قصة العيله من الخليل إلي تسممت في المنتجع في الأردن في فندق الهوليداي إن و في النهايه مكتوب مات الولد و عمره ثلاث سنوات أول يوم و ثاني يوم أمه ماتت و أخته في المستشفى و عند هذه النقطه ضربت عيني على تاريخ الصلاحيه و طلع مُنتهيمن فتره و من ساعتها و عندي ألم في معدتي له يومين و أنا أعتقد أنه ألم نفسي لأنها مو أول مره يعني صارت فيني من قبل مع حليب على شوكولاته إلو أشهر خالص تاريخه و ما زلت على قيد الحياه . و الله يا مأنف الظاهر بدك تعديني و أتأنف 🙂
هههه خيرها بغيرها سنفوره
الي صاحب الله يذكرو بالخير كان معلم بالمقلوبه وكان النا صاحب مسمينو الشنع وفعلاً هو شنع 🙂 والله ما بيوكل المقلوبه الا مع لبن ولازم يكون اللبن منتهي صلاحيتو من 4 او 5 ايام وغير هيك ما بعجبو وبعدو زي القرد بنط من مكان لمكان .
ههههه شو نعمل خلص و الله و أنا أشرب أحكي ليش مش حلو مثل كل مره و بعدين حكيت يمكن الفواكه ما كانت حلوه المره لما عصروها يالله أحسن و أقل سُكر و طلع معفن . أما عن اللبن فما بهم لأنه بيزداد حموضه بس بسبب البكتيريا و ما بضر . الآن تذكرت وين الصلحه إيدك عليها .
هااا سنفوره وين الصلحه , كيف شفتيها وانا ما شفتها ههه
شو هي إلي شفتها ؟؟
بحكيلك ما شفت اللي انته تذكرتيه او عرفت وين الصلحه , سنفوره افهميها عالطاير قصدي الصلحه وين وُجبت علي وانا ما انتبهت .
مش بكفي الفجل ما عرفتي طعمو 🙂
اهاااا . بس الفجل أعتقد في لورقه شوك و خايفه يشوكني . الصلحه علي خلص .
كثير بقعد مع ناس على سفره بحكو الاكل مش طيب ومره ثانيه على سفره ثانيه بحكو الاكل اليوم من الاخر طيب ولكن الصراحه انا ما بميز هههه كلو طيب عندي وفي امثله عن القهوه طيبه ومش طيبه وانا كلو واحد مع اني مش شريب قهوه لكن ما بميز او ما بدقق ولا اقلق .
عفواً بتعرف شو بحكوا عن هيك ناس ( بس لا تزعل ) .
وليش ازعل سنفوره وشو بحكو
ما عندهم ذوق او بحكو ما عندو بلاعيم ؟
ما بعرف طعم تمو 🙂
هههه هههه
خلص زعلان منك سنفوره على هالحكي والصلحه انقلبت عليكه 🙁
طبعا ما بزعل وخاصتا همه اللي بحكو مش انته سنفوره ههه
ايدك عالمعلوم كاش لو سمحته هدايا ما بنقبل
أؤمر إبن العم !! تدلل شو المطلوب ؟؟ لا تقول خبيزه !!
طبعا لا مش خبيزه , بحكيلك كاش بلاه اللف والدوران سنفوره .
🙁
🙂 🙂 🙂
شو يعني كل هالضحك ؟؟؟ ما كنا منرفزين .
لا ما كنت منرفز كنت متضايق الصراحه وهيك اخر كلام 🙂
و الآن ؟؟
🙂 🙂 🙂
هههه سنفوره مسامحك خلص افرديها
عُمر حان موعد النداء أو لا ؟؟ ما بدنا نأخرك . بنشوفك قريباً لما ترجع من عند أم ورده إن شاء الله .
باقي 20 دقيقه سنفوره عالنداء , تسلمه سنفوره