العربية.نت- تخيم على تركيا هذه الأيام أجواء غير عادية، مشحونة برائحة الحرب والبارود، لكنها ليست الحرب المعتادة مع المسلحين من حزب العمال الكردستاني، وإنما أجواء احتمال وقوع حرب مع الجارتين سوريا وإيران، وهما أقرب الدول الصديقة لحكومة حزب العدالة والتنمية الإسلامي الحاكم، منذ وقت قصير
.
وقد لا يمر يوم دون أن تتصدر الصحف التركية أنباء وصور في صفحاتها الأولى عن احتمال وقوع حرب إقليمية يدفع إليها النظام السوري، وأن هذه الحرب ستطال الأراضي التركية، إن لم تبدأ منها.
وتتصاعد هذه الأجواء إثارة بعد تكرار تصريحات المسؤولين الإيرانيين المهددة بضرب رادارات حلف شمال الأطلسي في جنوب تركيا، في حال تعرضت إيران لأي اعتداء من قبل إسرائيل أو أمريكا، فيما لقي خبر تحريك دمشق صواريخها الباليستية من حدود الجولان إلى الحدود التركية، ونشر قوات على طول الحدود مع تركيا؛ صدى قويا في الشارع التركي والإعلام.
وخير مثال الصفحة الأولى التي تصدرت صحيفة “بوسطة” التركية، والتي تظهر فيها خريطة تركيا محاصرة بين صواريخ إيران في الشرق وصواريخ سوريا في الجنوب.
والنقاش يدور في البرامج الحوارية عن احتمالات هذه الحرب القادمة، وما إذا كان على تركيا أن تكون طرفا فيها، لدرجة أن هذه الحرب المزعومة كانت الشغل الشاغل حتى للصحف الهزلية الأسبوعية، ومنها مجلة “اويكوسوز”، التي صورت رئيس الوزراء التركي رجب طيب أردوغان على شكل جندي عثماني يحمل سيفه.
وقالت إن تصريحاته المنتقدة بشدة للرئيس السوري بشار الإسد إنما تهيئ الشارع التركي لحرب قادمة، وتقدم لحجة تجعل الشارع التركي يقبل من الآن بزج جيشه المشغول بالقتال ضد المسلحين الأكراد في شمال العراق إلى الأراضي السورية إن استدعت الضرورة، تحت غطاء حماية المدنيين والحالات الإنسانية.
ورغم هذه التهديدات التي تتصاعد يوميا من قبل طهران ودمشق لردع أنقرة عن الإقدام على أي خطوة باتجاه إسقاط نظام الرئيس بشار الإسد، فإن الحكومة التركية تعلن بإصرار تنسيقها الكامل ودعمها لخطط عمل جامعة الدول العربية للضغط على دمشق من أجل إنهاء العنف في سوريا، وتطبيق تحول ديمقراطي شامل.
وقد شارك وزير الخارجية التركي أحمد داود أوغلو في اجتماع وزراء الخارجية العرب في القاهرة من أجل اعتماد خطة العقوبات الاقتصادية التي سيتم فرضها على دمشق، بعد رفضها توقيع المبادرة العربية لحل الأزمة في سوريا كما هي دون تعديل.
وكان داود أوغلو قد وصف هذه الخطة بأنها اختبار حقيقي لنوايا النظام السوري.
هذا شيء مؤكد . . . تركيا رح تقوم بعمل منطقة عازلة . . . وتبدأ الحرب منها . . . ثم يأتي الناتو واميركا جوا وبرا عن طريقها . . . وبحرا بمساندة ليببا ومصر في المتوسط . . . وبعدها بتضيع الطاسة . . . وبتطير سوريا . . . والى اللقاء في حلقات جديدة من سلسلة تدمير البلاد العربية . . . !
هع
وشكرا قطر اخ متيم نسيت؟؟؟ نشالله خير على سوريا.والحل سوري نشالله
صباح الخير اخ الياس ومتيم
صباح الخير للجميع ..
أختي مراحب طرحت عليكي سؤال من يومين وعدتيني بإجابة بعد الغدا .. تغديتي ولا لسه ..؟!
يسعد صباحك اخت مراحب من زمان ما التقت تعليقاتنا .بس واثق بالنهاية انها تلتقي على حب بلدنا سوريا ….الله يبعت الخير لسوريا
وما فيي غير ما اصبح على الاخ مأمون لانه من الاخوة المحترمين والمفيدين في آرائهم
يسعد صباحك أستاذ إلياس .. هاد من زوقك ..!
يبعد الشر عن سوريا و ناسها الطيبين .انشاء الله يحلوها مع بعضهم لا لي تدخل اجنبي في دولنا العربية.
وهذه ستكون أيضاً الولاية الاخيرة لحزب التنمية والعدالة الاسلامي لانه سيجر البلد الى حرب ويكفيه الشعب ما يفعله الحزب الكردي به.
صباح النور اخي مأمون اي طبعا تغديت وتعشيت وفطرت
تكرم عينك سؤالك عن جولتي الشرق اوسطية اذا الاستطلاع اللي عملتوا بسوريا قالولي عن المسلحين
التقيت باصدقاء من حمص ودرعا واللي سمعتوا بالضبط متل اللي عم تقوله انت واللي عم يلعبوا اللعبة ناس بتعرف وبتفهم كيف بيفكر النظام يعني جماعة العن منو ورهانهم وتوقعهم برد فعل النظام عم يخلي مخططهم يمشي متل مابدهم
برجع بقول او هيك بيقول اغلب السوريين لو النظام ماكان ديكتاتوري وخيب توقعاتهم ماكنا وصلنا لهون
وفي عندي استفسار الك سمعت انك بالبداية كنت مع الثورة ومتحمس وكان يغضبك بعض الاراء اللي ترفض الثورة بسوريا لما قلت انو مأمون معارض للثورة يعني متل الاخ الياس ضد الثورة لانها مو من مصلحة شعبنا ولكن بنفس الوقت غير مؤيد للنظام تفاجأ من قال لي ذلك
اما ردي كان عليهم لانو في ناس نزعوا علينا ثورتنا اللي كنا منتمناها تكون وحولوها لصراع مسلح بين طرفين غير متكافئين
الله يلعن الطواءف
أي صحيح .. بالبداية أنا كنت متحمس كتير .. وتعليقاتي كلها كانت بهالاتجاه .. لاني بعرف الظلم والعنصرية والحكم البوليسي اللي ببلدنا .. وبدي يتغير .. بس شوي شوي .. صرت لاحظ أنو طريقة التغيير مو سليمة .. يعني انا مو ضد التغيير .. انا ضد طريقة التغيير .. مبارح واحد حكى كلمة فعلاً لقيتها صحيحة .. أنو كنا نظن شعبنا يخاف من الله .. بس هلق تبين انو كان يخاف من الدولة .. لانو لما راحت الدولة نسي الله وما عاد خاف من شي ..!! طبعاً ما رح عمم .. بس هاي أمور عم تصير وبكثرة للأسف ..السرقة .. التشليح … النهب .. القتل .. وللأسف كلو باسم الثورة ؟؟؟؟!!!
انا بدي تصير ثورة بسوريا .. بس بدي ياها ثورة نضيفة.. ثورة اسلامية..
كلامي ما بيعني أنو اللي عم يطلعوا حالياً مو نضاف لا سمح الله .. لا بالعكس في كتار منهم أشراف وبدهم البلد ومصلحته .. بس ما فينا ننكر أنو في قسم تاني لا بأس به .. عم يستعمل أسايب ملتوية جداً ولا تشرّف ..
ما بعرف لو وصلتك الفكرة منيح .. لأني حاسس كلامي ملخبط لأنو انا نفسي ملخبط ..!!
ماشاء الله عليك قال ملخبط وطلع منك هيك كيف لو ماكنت ملخبط
وانا بقمة تركيزي مابقدر وصل فكرتي بطريقتك
بسم الله وماشاء الله عليك
اكيد فهمت فكرتك وقصدك بالضبط وان شاء الله راح وصلها بحرفيتها للي قالولي
شكراً أختي .. بس اللخبطة بتجي من المشاعر المتناقضة اللي عم يعشيها الواحد ..
لا تنسي تسلميلي عليهن ولو صدق حدسي عن اللي تقصدينهم فانا كمان تفاجئت فيهم متل ما تفاجئوا فيني ..بس بشكل معكوس هههه
ماشاء الله عليكي ذكي فهمتها وهي طايرة بالضبط هنن اللي بتقصدهم
الله يسلمك ويحفظك ويحفظ بلدنا وشبابنا وشعبنا الرائع
الله يسلمك ويديمك أختي .. ويسلّم كل الطيبين ..!!
سلام الك اخ مأمون اريد المداخلة لو سمحت بكلامك مع ملامح
انك محق ١٠٠٪ للأسف في كتير عم يحققوا اهداف خاصة تحت اسم الثورة
اختي محايدة مين ملامح ؟؟؟
شو القصة اليوم الاخوات عم يخربطوا كتير اكتر من الاخوة
شكرا اختي مُحايدة ..
قصدك الأخت المحترمة مراحب وليست ملامح .. وشتان بين الاثنتين ..!!
الله يسلمك اخي مأمون وعم تقول عن حالك ملخبط
الاخت بنت لندن عم تسأل عن جاد !!!!
والاخت محايدة عم تقول ملامح !!!!
وخليها على الله
سوريا لاتحتاج تغير نظام بشكل عاجل ربما ذلك سيكون ملح بعد 25 سنة من الان ليس لان النظام مثالي , بل لانه احسن السيئين للجميع لاهلها وللمنطقة وللعالم , سوريا تحتاج الان دخل اضافي قدره 35 مليلر دولار سنويا وايجاد فرص عمل ل5 مليون شاب وبراتب لايقل عن 5 الاف دولار سنويا وذلك لايتحقق الابتوحيد 43% من مساحة العراق الحالية معها اي محافظة الموصل التي كانت جزء من الدولة الحمدانية وعاصمنها حلب وابو فراس الحمداني كان في اطراف الموصل حينها وفارسها المحبوب , ثم محافظة صلاح الدين – تكريت التي ابنائها اقاموا الدولة الايوبية في الشام وكذلك محافظة الامبار التي يرتبط اهلها بأهل سوريا بعلاقات قربى وكذلك نصف بغدا من ابو غريب الى اغلب الكرخ مع ثلت كركوك ارضا ونفطا ويتقاسم الاكراد والتركمان الباقي ! وهذا ليس تقسيم للعراق انما تحقيق لحلم وحدة قديم وحل لمشاكل المنطقة خاصة انه يوجد حوالي 2 مليون عراقي اغلبهم من تلك المناطق التي اقترح توحيدها مع سوريا ويكون نهارنا ونهار اهل المنطقة والعالم قشطة وعسل , ويكون خطوة اولى نحو اقامة اتحاد عربي اسلامي شبيه بالاتحاد الاوروبي الذي حصل بعد تقسيم برلين فليس كل انفصال كارثة اذا لعبناها صح وعلى غير طريقة حمد بن جاسم بما ينفع العالم اجمع ,فهل يعقل الرعاع المتطاولين في البناء ما نقول ؟