مرسلة من صديق نورت غير دايز
نقدم لكم أتاي تخاصم مع القهوة و ما نفعتو خصومة
_______________________________
قالتلوا:أنا كحلة القمقوما اسنات عليا الحكوما
يشربني الناس مع الصباح وتا تقيل شبعانا مكهوما
وايذا جا الضيف كانستر الحشوما
ماشي بحالك انت حريمل معلق ف الردوما
___________________________
قال لها:انا أتاي و أتاي بليا
و الناس كلها مصدقا بيا
يشربوني في الصباح و يشربوني في العشيا
وانا جيت ملكك ف البكيا
عندي اربعا د النجوم و الكتابا عربيا
وسنيات علي الدولة الوطنيا
ماشي بحالك القهوا انت كحلا نقليا
كتباني بحال البريو دبال قنيا
__________________________
قالت لو:انا القهوا كحلت السيفا
كايشربني القايد و الخليفا
واللي ماشفني شاي دايزة عليه الحسي
__________________________
قال لها:انا أتاي و أتاي الحار
وجيت ملكك في البكية ديال الخنجار
و دايرين لي الحوانت في كل دوار
و دايرين لي الكسان ديال البلار
ماشي بحالك أ القهوا كحلا كيف الغبار
و اللي شربك كاينعس ف السبيطار
_________________________
قالت لو:انا القهوا أصلي حبوب
و الله الا كحلا مافيا كدوب
البريق كيتشحر بالعوافي كايدوب
الرابوز كايسوط بالعوافي متقوب
المجمر حامي بالعوافي مقلوب
_________________________
قال لها:أنا أتاي المنسوم
جيت ملكك عندي اربعا د نجوم
أتاي بلا ايقاما كلو مظلوم
ماشي بحالك القهوا كحلا بحال لحموم
_____________________
قالت لو:انا القهو عندي الراس
جيت ملككة من فاس
دايرين لي البرارد من النحاس
وكنفيقهم ف الصباح باقين ف النعاس
البريق كايتشحر و يعمر الكاس
اخرج يا ولد الحرام غطس خلاص
_______________________
قال لها:انا أتاي و أتاي المزيان
في الصدق و لمان
و جيت ملكك على يد مولاي الحسن
مابقيت ش كنتباع في الجورنال
ماشي بحالك القهوة كحلا كيف القطران
سيري بحالك راك وسخت الكيسان
_______________________
قالت لو:انا القهوا شا البلاصا
الناس كلها عليا عساسا
الي قارين و مدوزين المدراسا
ماشي بحالك أيتاي غا حلاسا
كايشربوك غا السراح و الخماس
____________________
قال لها:انا أتاي و أتاي زعاما
مانحتج اقاما
و الناس عليا خداما
لااللي ف الارض و لااللي ف السما
ماشي بحالك القهوا كحلا كيف الرخاما
______________
قالت لو:انا القهوا كحلا مسكينا
الناس كلها تبلات بينا
لااللي ف البادية ولااللي ف المدينة
سير بحالك أيتاي انت بهدلت بينا
اتبعت بكبالا
زجل مغربي متوارث من جيل لجيل
ههههه حميمد وحدك !
شكرا لكل من اطل على صفحة الشاي و القهوة و ترك بصمته بقصيدة او فيديوا او كلمة طيبة و حتى الذين اكتفوا بالقراءة شكرا لكم.
هذا الزجل كان جدي رحمه الله يقوله لنا و نحن صغار.
و يحيا اتاي
اتاي أتاي الى مشربتش اتاي ميتحلوا عيناي.