المصري اليوم – اشتعلت حدة الجدل حول الاستفتاء على التعديلات الدستورية، المقرر إجراؤه السبت المقبل، ففى حين تواصل جماعة الإخوان المسلمين حشد صفوفها لدفع التصويت إلى الموافقة، تعالت أصوات قوى سياسية للمطالبة، إما بتأجيل الاستفتاء أو إلغائه أو التصويت بالرفض. تقود معسكر الموافقة جماعة الإخوان المسلمين، التى توزع منشورات فى جميع المحافظات، لإقناع المواطنين بالتصويت بـ«نعم»، والتحذير من خطورة رفضها، كما حذر أحد هذه المنشورات من إطالة أمد الفترة الانتقالية وتحول العلاقة بين الشعب والجيش من المشاركة إلى الصراع وإعطاء الفرصة للثورة المضادة. ونظمت الجماعة مؤتمرات عديدة فى الإسكندرية والشرقية والدقهلية والوادى الجديد، وتداولت مواقع الإنترنت صورة لافتة للجماعة تقول فيها إن الموافقة على التعديلات الدستورية واجب شرعى، غير أن حسين إبراهيم، رئيس المكتب الإدارى للإخوان بالإسكندرية، قال إن «اللافتة مدسوسة على الجماعة». وأعلن حزب الوسط موافقته على التعديلات، لكنه رحب فى الوقت نفسه بأى نتيجة ينتهى إليها التصويت.
واعتبر المستشار حاتم بجاتو، مقرر لجنة التعديلات الدستورية، أن الغرض من التعديلات ليس الترقيع، وإنما «فتح باب آمن لتغيير الدستور جذرياً».
فى المقابل، قال الدكتور محمد البرادعى إن التصويت بالموافقة على التعديلات سيؤدى إلى انتخابات فى ظل دستور سلطوى ومشوه، واعتبر – فى تعليق على صفحته بموقع «تويتر» – أن استمرار العمل بدستور «مبارك» يعد إهانة للثورة، ودعا إلى تشكيل لجنة لوضع دستور جديد.
وناشد أسامة الغزالى حرب، رئيس حزب الجبهة، جماعة الإخوان المسلمين النظر إلى مصلحة الوطن العليا. واعتبر الدكتور حسن نافعة أن إحياء الدستور القديم يعطى فرصة لعودة النظام السابق، وقال المستشار زكريا عبدالعزيز، رئيس نادى القضاة السابق. إن التعديلات تشبه عملية زرع أعضاء لجسد ميت. وقال الدكتور ممدوح حمزة، فى مؤتمر صحفى، إن الموافقة على التعديلات ستأتى ببرلمان يضم فلول الحزب الوطنى ورجال أعمال وعملاء مباحث أمن الدولة، مما يعنى أن الدستور الجديد سيكون معبراً عن قوى الثورة المضادة.
وأعلن ائتلاف شباب الثورة رفضه التعديلات الدستورية المطروحة، وقال فى مؤتمر صحفى عقده، أمس، إن سيناريو التعديلات المقترحة طرحها من قبل الرئيس المخلوع، وهو شىء غير مقبول، بعد قيام ثورة أسقطته وأفقدت كل قراراته الشرعية.
وحدد البيان الذى تلاه أعضاء الائتلاف فى بداية المؤتمر، ٥ مطالب توفر حياة سياسية ديمقراطية تبدأ بإعلان دستورى مؤقت يتضمن المطالب الثورية، ويحدد صلاحيات الحكومة الانتقالية، بالإضافة إلى تشكيل مجلس رئاسى مدنى، يتكون من ٣ أعضاء، يتولى مع الحكومة الانتقالية إدارة شؤون البلاد، والتمهيد لإجراء انتخابات تشريعية ورئاسية، وتشكيل جمعية تأسيسية لوضع دستور جديد للبلاد، وإلغاء مجلس الشورى، وتعديل القوانين المكملة للدستور مثل قانون الأحزاب ومباشرة الحقوق السياسية.
وطالب الائتلاف المواطنين برفض التعديلات الدستورية والتصويت بـ«لا»، وقال مصطفى شوقى، عضو الائتلاف خلال المؤتمر الذى عُقد، أمس، بمقر جريدة «المصرى اليوم»، إنهم سيقبلون بالديمقراطية التى أقرها الشارع المصرى فى كل الأحوال سواء كانت نتيجة التصويت بـ«نعم» أو «لا».
سبحان الله كل حزب يصوت لمصلحته الخاصه دون النظر للمصلحه العامه ؟
مع إن الثوار هم من يجب أن يقرر نعم أو لا ! لانهم اصحاب القضيه والناطق بإسم الشعب ؟
اذا جاءت النتيجة لصالح ( نعم ) فان هذا لن يكون سيئا ، لانه عندما يقول الشعب نعم للتغييرات فانه بذلك يُعطي فرصة للمجلس الاعلى للقوات المسلحة باستمرار الاصلاحات ( وان كان في قولة نعم شبهات دستورية لان هذا اعتراف بالدستور الحالي والذي لا يسمح بحكم العسكر ) ! اما اذا قال الشعب ( لا ) فهو ايضا امرا جيد ، لان هذا معناه ان المجلس الحاكم الآن يجب عليه تعديل الدستور بالكامل . على كل حال فان المكسب الاساسي من هذا الاستفتاء هو انه للمرة الأولى في تاريخ مصر يتم استفتاء بدون تزوير وبدون ضغط من الحاكم وبحرية مطلقة ان شاء الله .
لا إله إلا الله ،
إللى بنقراه وبنشوفه اليومين دول عموماً وفى الموضوع ده خصوصاً أكبر دليل على الفوضى إللى إحنا فيها !
كُله بيجرى وراء مصلحته ، وماحدش بيقول كلمة حق ” لوجه الله ” إنما لازم يكون من وراها مصلحه ليه !
فى هذا الموضوع نرى جماعة الإخوان المُسلمون بتقول ( نعم ) للتعديلات الدستورية ده غير الحملة الدعائية الضخمة إللى موجودة فى كل المناطق رافعة شعار ( نعم للتعديلات الدستورية ) والموافقة عليها واجب شرعى ! مش عارف إيه إللى دخل الشرع فى الموضوع ! ” يعنى نعم وراها مصلحة ” !ونرى أيضاً الدكتور محمد البرادعى رئيس الجمعية الوطنية للتغير بيقول ( لا ) للتعديلات الدستورية ، وده طبعاً راجع لكونه هيطلع مـ المولد بلا حُمص فى حالة ” نعم ” للتعديلات الدستورية لأن فى مادة ضمن المواد المُعدلة بتنُص على :
شروط الترشيح لرئاسة الجمهورية ان يكون من أبوين مصريين وعدم حصوله هو أو والديه على جنسية أخرى وان لا يكون متزوج من غير مصرية ،
وطبعاً الكلام ده ما يعجبش محمد البرادعى لكونه متزوج من أجنبية وحلم الرئاسة إللى بيحلم بيه هيروح عليه ، ” يعنى ( لا ) وراها مصلحة ” !
وجماعة الإخوان المُسلمون لما قالت ( نعم ) أكيد برضو علشان مصلحتها !
طيب مين إللى يهمه مصلحة الشعب والبلد ؟
إنتو يا مصريين ، أنا بس عاوز أقول بلاش ننقسم ونتخانق ونوّلع فى بعض بسبب حملات دعائية وراها مصلحةً ما لأحزاب تانيه مايهمهاش مصلحتكم ، أى حد يروح يقول رأيه يوم السبت إن شاء الله لازم يكون نابع من إرادته ومن داخله ، إوعى تبقى سطحى وتدى دماغك لغيرك وتقول كل الناس بتقول نعم يبقى أقول نعم ! أو كل الناس بتقول لأ يبقى أقول لأ !
حاول تفهم وتقرى وتسأل ده وتسأل ده وتعرف ليه ده بيقول كده وليه ده بيقول كده لحد ما تكوّن ليك رأى خاص.
أنا عن نفسى لحد الآن محتاج أقعد مع نفسى وأفكر شويه ، لسه فى حاجات مش وضحالى وأتمنى أى حد بيقرى تعليقى يساعدنى فى كدة لو عنده جديد،
أنا قريت التعديلات وهى :
قانون الطوارئ إتلغى .
مُدة الرئاسة بقيت 4 سنوات قابله للتجديد بحد أقصى مرّة واحدة .
إلغاء الشروط والقيود التعجيزية للترشيح لرئاسة الجمهورية .
إشراف قضائى كامل على الإنتخابات .
يلتزم رئيس الجمهورية بتعيين نائب .
إلزام مجلس الشعب القادم بوضع دستور جديد وكامل للبلاد .
وشايف إن أصحاب ( لا ) لهم مُبرراتهم وإللى هى :
لازم وضع دستور جديد .
والناس إللى بتقول ( نعم ) لها مُبربراتها وهى :
إن التعديلات كافية و مُرضية فى هذا الوقت الضيق ولازم نبُص شويه للإستثمارات وللسياحة وللإستقرار ونعدّل الدستور براحتنا بعد إنتخاب رئيس وحكومة جديدة .
أنا لحد دلوقتى بحاول أكون رأى رغم إنى مايل أكتر لـ ” نعم ” بس عاوز أعرف اكتر إيه هى مُبررات لا للتعديلات الدستورية يمكن فى حاجات مش وضحالى .
تحياتى وأتمنى التوفيق والأحسن لمصر وللشعب المصرى .
فعلا يا فيب جماعة الاخوان زودوها اوى
على باب كل جامع (صوت بنعم فهو واجب شرعى)!!!!
للاسف الشديد انا لسه متردده!!!
يا شيرين إنتى مُترددة ما بين ( نعم ) و ( لا ) وأنا زيّك بالظبط ، بس لازم ناخد موقف قبل يوم السبت .
ويمكن أنا مايل دلوقتى آكتر لـ نعم لإن كُل إللى قابلته وقال ( لا ) بيكون مُبرره ” عاوزين دستور جديد ” ، وأنا شايف أن فى مادة ضمن التعديلات بتقول : إلزام مجلس الشعب القادم بوضع دستور جديد للبلاد .
وطبعاً ده مش هيكون كلام عيال !
فالإختلاف فى وجهات النظر دلوقتى ما بين إللى بيقولوا آه وإللى بيقولوا لأ هو توقيت وضع الدستور الجديد ، ناس عاوزاه دلوقتى وناس عاوزاه بعد إستقرار البلاد .
طيب السؤال هو : هل الوقت كافى لوضع دستور جديد مع العلم أن إنتخابات مجلس الشعب ستبدأ فى شهر يونيه القادم وإنتخابات الرئاسة ستبدأ فى شهر أغسطس ؟
أنا شايف إنهم عدّلوا 8 مواد من الدستور فى شهر وأسبوع ، طيب الدستور الجديد كله هيتعمل فى كام يوم ؟
الناس إللى قالت ( لأ ) دلوقتى كانت مستنيه إيه من يوم 11/2/2011 ؟
حُسنى مُبارك تنحى فى نفس اليوم والمجلس الأعلى للقوات المُسلحة أعلن بعدها بتعديل الدستور كمطلب من مطالب الشعب ، طيب ليه ما قالوش فى نفس الوقت ده لأ عاوزين دستور جديد على الأقل كانت بدايتنا هتبقى من شهر وأسبوع فاتو مش من بعد يوم السبت 19 / 3 فى حالة رفض الشعب المصرى للتعديلات الدستورية ؟!
بجد حاجات كتيرة تحيير ومش وضحالى وياريت لو أى مصرى يشاركنا الرأى يمكن نعرف أكتر بدل الحيرة إللى إحنا فيها دى !
نطالب بإخفاء العصفور الذي يظهر بنورت فى يمين الشاشة
العصفور خطير جداً
نطالب بإعدام العصفور بيمين شاشة نورت
لن نكل ولن نمل ، فقضية العصفور كبرت بدماغي
لا نريد هذا العصفور بأى مكان بنورت ،
ثورة ثورة .. بيت بيت .. دار دار … زنقة زنقة ..
معاً لإيقاف هذا العصفور
إلى الأمام .. إلى الأمام
هههههه
احسن حاجة يقاطع المصريين الاستفتاء
انا متعجبة من مستوى كتابه الفارس المصري هل هو الفارس المصري اياه الذي نعرفه ام لا ام ام واحد سكران ؟ الرجاء افادتنا
الأخ فيب
قريت تعليقاتك بخصوص الموضوع الحيوي جدا ده ، ويسعدنى مناقشة كل التفاصيل لو حبيتو ، بحيث نستعرض المواد المطلوب تعديلها وكانت بتقول ايه قبل التعديل وايه أوجه الاختلاف اللى حصلت عليها ، وبيتهيألى هنوصل بالنهاية لنتيجة مؤكدة اذا كنا نصوت بنعم أو بلا ..
لو كنت توافقنى بهذا الكلام ، أنت وكل الاخوة والاخوات المتواجدين الآن على صفحات نورت ، أرجو تاييده ، حتى نبدأ الموضوع ..
وقبل أى حاجة أؤكد اننا لازم كلنا نروح نصوت سواء بنعم أو لا ، ولازم نحترم رأى الأغلبية مهما كان ، فسنحترم اللى بيقول نعم وهنحترم اللى بيقول لأ ، المهم ان كل واحد لازم يعطي صوته مهما كان رأيه ، وخلينا نسيب التوجهات والكلام اللى لا هيودي ولا يجيب ، فالبعض يريد نعم لأسباب زى ماقلت ، والغير يريد لا لأسباب تخصه بردو ، بس بالنهاية دى بلدنا وهنختار ليها الصح ..
انا بانتظار رأيكم عشان نبدأ المناقشة والموضوع
لازم وضع دستور جديد
بتصور المنطق الى جانب هذه الجماعة لن يحصل تغيير حقيقي في البلد مع الدستور القديم والا لماذا قامت الثورة اساساً ?????
بنت لندن
اخص عليك ، انت فاكرة انك لما بتسكري ان الناس كلها زيك
لا عزيزتي ، ربنا يجنبنا كل البلاوي دي
الحمد لله طول عمرى فايق ، وفايق جداً
وحكاية العصفور بعدين أحكيلك عليها
عندنا مناقشة دلوقتي لو حب الاصدقاء نوضحها
وامامي 20 دقيقة ، لأن مش نايم من امبارح غير ساعتين هههههه
…..
والله يا فارس أنا مُتحمس جداً لفكرة التصويت دى ، وما أخبيش عليك أنا فى أواخر العشرينات من عُمرى ، وعمرى فى حياتى ما إنتخبت !
كانوا فى كُل إنتخابات مجلس شعب يبعتولى بطاقة إنتخابية لونها أحمر عالبيت ومعاها قلم جاف ومكتوب عليها إسم العضو إللى المفروض هنتخبه غصب عنى طبعاً ومكان وميعاد الإنتخاب !
وطبعاً كالعادة كنت بشترى دماغى وأكبرها لأن الطريقة مكانتش بتعجبنى ، وبعد مالعضو ده يسقط فى الإنتخابات يبعتلى ورقة عالبيت بيلومنى فيها وبيقول : لماذا نهرب من الإنتخابابت ! قال نهرب قال !
المهم يا فارس أنا من بعد ما كتبت التعليقات دى وأنا بتكلم مع كل اللى أقابله بخصوص الإستفتاء علشان أقدر أعرف الناس دى رأيها كده ليه سواء كان بت نعم أم بلا .
وبصراحة لحد الأن توصلت لنتيجة وهى ( لا ) ببتعديلات الدستورية .
حسبتها كدة واحدة واحدة ومشيت على مبدأ : ( طالما مش مُتأكد من ( نعم ) يبقى ( لا ) ) ، لقيت نفسى مش عارف نعم هتودينى لفين ! رغم إنى كُنت مايلها أكتر لحد ساعتين ، بس لقيت فعلاً الدستور القديم بيعطى صلاحيات ماليها أول من أخر لرئيس الجمهورية ! والمواد دى لم يتم المساس لها !
طيب إحنا عملنا إيه بقى ! هل الديمُقراطية كانت محصورة فى الـ 8 مواد إللى عدلوها فقط ! بالطبع لا ، بعدين إحنا عاوزين نوصل للا مركزية يعنى ما ينفعش تبقى كل الصلاحيات للرئيس وإلا هنبقى بلد ديكتاتورى زى مكان !
أعضاء مجلس الشعب هيترشحوا للإنتخابات هنلاقيهم كلهم حزب وطنى ديمُقراطى ! بعدين هُما إللى المفروض هيلزموهم بوضع دستور جديد فى حالة الموافقة على ( نعم ) !
يبقى هنلاقى مليون مُبارك تانى ومليون حبيب العادلى تانى ومليون صفوت الشريف تانى ومليون فتحى سرور تانى !
فقوت وجع يوم ولا كُل يوم وهنتكل على الله ونقول ( لأ ) .
أخ Al- Sayed
قول Maybe وريّح دماغك 🙂
أخي فيب
أنا مضطر أطلع دلوقتي ، بس متحمس أقولك وجهة نظري لو حبيت ، فلازم نفهم الأول المواد اللى تم تعديلها ، وايه التعديلات اللى حصلت عليها ، عشان نقدر نقرر نقول نعم أم لا ..
أنا راجع بعد ساعتين إنشاءالله ، لأن مضطر أمشى دلوقتى
فلو حبيت نكمل الموضوع ، ماعنديش مشكلة
عاوز كل أصحابنا بمصر يعرفوا الموضوع كاملا ويقرروا بعدها ، وكلامى اللى هأقوله عن اطلاع ودراسة للموضوع ومتابعة لكل شىء من لحظة انشاء اللجنة المكلفة بالتعديلات …
لنا عودة بعد ساعتين انشاءالله
تحياتي
لا ثم لا ثم لا.
عموما مجرد اجراء هذا الاستفتاء بهذا الشكل بيعتبر خطوة مبدئية فى طريق الديمقراطية التى نتمناها كلنا فى مصر. وسواء كانت النتيجة نعم ام لا ففى كلتا الحالتين هايحصل حراك سياسى وهايكون المصريين هم الفائزين ان شاء الله.
تصحيح لمعلوماتك يا فيب، البرادعى غير حاصل على اى جنسية اجنبية وزوجتة مصرية من دلتا مصر، وهو بنفسه اللى قال الكلام ده فى قناة otv المصرية فى برنامج اخر كلام الاسبوع الماضى.
ومساء الخير على كل المتواجدات والمتواجدين.
المطلوب التغيير الجذري للدستور ،وان بينى على القواعد التي ترضي الله عز وجل، لان الله لن ينصر امة او شعبا لا يحكِّم الاسلام في كل نواحي حياته!!
أوكى أخى الفارس المصرى ،
هستناك ، بس أنا دلوقتى فى الشغل وما أعتقدش إن كمان ساعتين هكون موجود عالعموم أترك إسمك و رسالتك بعد سماع الصفارة وأنا هبقى أقراها لما تجيلى الفُرصة ! قصدى أسمعها 🙂
سلام يا جميل
وعاوز أقول للأخوة إللى فى مصر عن اماكن الإقتراع على التعديلات :
http://www.masrawy.com/News/Egypt/Politics/2011/march/16/e2tera3.aspx
وان بينى… وان يُبنى
شكراً يا فاتيما على التصحيح ،
بس على ما أعتقد أن بنته متزوجة من بريطانى يعنى أجنبى ، والله أعلم بقى الموضوع ده هيأثر على حملته الإنتخابية ولا لا أثر له ؟!
فى جميع الأحوال أنا مش برتحله ، شايفه واحد عايش طول عمره فى أمريكا هو وأسرته ومرة واحدة لبس الباراشوت ونطّ على مصر فى 2010 وبيدعو للتغير ؟! هو كان من إمتى حاسس بيهم !
اه فعلا بنته متزوجة من بريطانى اسلم.
على فكرة انا برضه زيك كنت مش برتاحله وبقول ايزاى يحكم مصر، بس لما سمعته فى الحوار الممتد على مدار 4 ساعات يعنى عجبنى فى ككلام كتير.
عموما حاول تبقى تتفرج على الحلقة على اليوتيوب.
مُمكن أبقى أرتحله وليه لأ ،
بس أنا شايف إن طلبتنا كانت :
عاوزين رئيس مننا – عاوزين برلمان مكون من أعضاء حاسه بالشعب وداقت إللى داقه الشعب – عاوزين حكومة عادلة مش حكومة رجال أعمال .
عاوزين ناس تحس بينا وتكون عايشه وسطنينا .
يعنى هى دى كانت طلبتنا ومالقيتهاش متوفرة فى البرادعى ، يمكن يكون رأيى فيه مش مظبوط ! انا مش بدينه بحاجة عملها مش كويسه فى حق مصر أو شعبها ، إنما هو الموضوع موضوع قبول مش أكتر …
اشتراط ان يكون الحاكم لبلاد المسلمين من ابوين من نفس البلد – مصر
مثلا- شرط باطل ما انزل الله به من سلطان…والمفروض شرعا ان يحكم الناس من توفرت فيه شروط الحاكم في الاسلام – اي شروط الله -لا الشروط التي يقررها البشر…
فعلا عندك حق بس عموما لسه بدرى على موضوع الرئيس وانتخابه واللى هايكون الفيصل فى النهاية هو البرنامج الانتخابى لكل واحد منهم.
اهم حاجة اننا نفكر بعقلنا ونحكمه كويس قوى لان مصلحة بلدنا اهم من اى عواطف او تعاطف مع هذا او ذاك.
انا شخصصيا من مؤيدى موسى لكن لو واحد قدم برنامج انتخابى افضل منه وبرنامجه فيه الصالح لمصر هانتخبه هو بدل موسى.
وبالتوفيق لمصرنا الحبيبة.
انا كمان من ضمن الاسباب اللى خلتنى اقول لا شرط كون الرئيس من ابوين مصريين وغير حاصل على اى جنسية اخرى، اولا الشرط مجحف جدا.
ثانيا حسيت انهم وضعوه فقط لتنحية واحد زى زوووويل، وده خلانى اشك اكتر فى مصداقية التعديلات ومن قام عليها.
الناقد في أذار 17, 2011 |
اشتراط ان يكون الحاكم لبلاد المسلمين من ابوين من نفس البلد – مصر
مثلا- شرط باطل ما انزل الله به من سلطان…والمفروض شرعا ان يحكم الناس من توفرت فيه شروط الحاكم في الاسلام – اي شروط الله -لا الشروط التي يقررها البشر…
_________________________________________________
يا أخ الناقد ،
هنجيب واحد تتوفر فيه شروط الحاكم فى الإسلام – اي شروط الله – وإضافة على ذلك أن يكون من أبوين مصريين وعدم حصوله هو أو والديه على جنسية أخرى وأن لا يكون متزوج من غير مصرية .
اخت فاتي تابعت النقاش السابق واضح انك انسانة مثقفة بتمنى لو كانت كل المصريات متابعين للقضايا العامة متلك
السلامم عليكم
ازيك فاتي
فيب ، انت نمت ولا لسه صاحي ؟؟ اظهر فيب هههه
أنا موجود حسب وعدي
جاهز للمناقشة وعرض الموضوع بالكامل
لو موجودين ، اعملوا أى حركة ولا أى منظر ولا حاجة هههههه
بوووووووووووووووووووووووووم.
انا مش هنا وفيب كمان مش هنا وماحدش هنا والحق اجرى قبل ما حد من الحزب الوطنى يطلعلك ويققلبك هههههههههههههههههه
ميرسى يا نهى يا عسل، الله يخليكى ليا، بس انا عموما مجنونة ساعة تلاقينى هادية وعاقلة وساعة تلاقى السوفت وير عندى ضرب ههههههههههههههههههههه
كلنا هيك في اسرة نورت هههههه
هههههههههههههه
ماشى فاتيما
امري الى الله ، اعمل زي سعيد صالح بالعيال كبرت
رحت المدرسة يوم جمعة ومش عارف ، مالقيتش حد ، ضربت الجرس ووقفت فى الطابور ، ودرست لي ، ولما اتنرفزت ، كلمة منى على كلمة مني
، خبطة منى على قلم مني ، رفدت نفسى أسبوع وجيت ..
هههههههههههه
كلنا هذه المرأة يا نهى ههههه الجنون فنووون.
ههههههههههه مضبوط يا فارس برافو عليك.
حبايبي بتوع الحزب الوطنى فاتي
مش عارف هنقدر نعيش ازاي من غير بتوع الحزب الوطني
عاوز أكتب شعر فى بتوع الحزب الوطني
حبكم يا سادة .. طرطش من قلبي ، ومعزتكم ( بكسر الميم والزال ) تفشلطت من بين ثنايا أضلعي ، ولو كان الحب إسما يكتب ، فأنتم .. انتم يافطة كبيرة جدا تبعثرت لها خلجاتي .. وتفنكشت لها سويعاتي ..
شعر اهداء من : عبده مفتاح
ايه الشعر الجاهلى ده يا فارس، المفروض نقول بابا الحزب الوطنى.
لازم تروحي تصوتي يا فاتي
ده واجب وطني
يعنى أول ماتدخلي اللجنة بتاع الإستفتاء ، ترقعي صوتين رنانين
واحد ليكى ، وليا
وبكده هنكون صوتنا ، ولو كل الناس عملت كده
يبقى احنا كده تمام خالص
نصوت بعدها بقى على انتخاب الريس
هههههههههههه
ههههههههههههههههه حاضر هاقوم بالواجب بس فى مدينة نصر الكلام ده ما ينفعش امن الدولة ورانا
ماحلوا أمن الدولة خلاص
لو كانوا عندكوا لسه مااتحلش
صوتى بأى لجنة تانية بأى حي قريب
صوتي فى الوايلي أو العباسية أو البساتين
ولا حتى بحدايق القبة أو النزهة
المهم لازم تصوتي ههههههه
لا بجد ، صوتك وصوت كل فرد مهم ولازم تروحي
يا سلام !
ما قولتش حاجة يعنى يا فارس ، وأنا إللى داخل وقولت هلاقى الصفحة مليانة تعليقاتك عالموضوع !
إيه يا فارس فين رأيك ! كُنت مستنيه !