عمرو دياب – بناديك تعالى

أنا مقتنع مليون فى المية إن الإختلاف فى الآراء بيكون راجع لوجهات النظر أختى شيرين .
و فى نفس الوقت الإختلاف ده بيكون راجع لتقييم ، ومعايير التقييم كتيره بتختلف من شخص لأخر ، و أنا ملاحظ إن تقييمك كان مُتسرع 🙂
أنا عن نفسى بحب التجديد ومش بحب أكون تقليدى ، بعكس ناس كتيرة جداً موجودين فى مجتماعنا . بمجرد ما بياخدوا على الحاجة وبتعجبهم بيبقى التغيير بالنسبالهم شئ شاذ لأنهم أخدوا طبيعتهم على حاجة مُعينة .
هضربلك مثال على أغنية ياريت سنك يزيد سنتين مثلاً ، ناس كتيرة مش بتعجبهم الأغنية دى ، حاسينها غريبة ! و هتلاقى السبب لأنهم أخدّو ودانهم على ريتم معين من المُوسيقى ومعندهمش إستعداد لتقبل غيره ! بالرغم من إن الأغنية جديدة جداً موسيقى وكلام وتنوزيع ومش تقليدية .
المهم سيبك إنتى ولا يهمك ! أوحش حاجة فى عمرو هى أحلى حاجة عندك ! …….. إنه زملكاوى 🙂

يا حبيبى رأيك على عينى و على راسى ، و أى حاجة بتتقدم مش بتتفهم كما ينبغى ! و كل مُشاهد بيفهم إللى بيشوفه على كيفه ! هو قدم فى الأغنية جديد إنت ممكن ماتكونش شفته و غيرك كذلك ، وفى مشاهد تانى يشوف الجديد ويلمحه و هكذا ،،،
بالنسبة لجوّ الأغنية الصيفى أو الشتوى هاها 🙂
إنت إللى ذكائك خانك ، لأن عمرو بيصوّر الكليب على حسب الوقت إللى أصدر فيه الألبوم .
أغنية أنا عايش كان جوها و إستايلها شتوى لأن ألبوم علّم قلبى كان نازل فى شهر يناير .
إنما البوم بناديك تعالى نازل فى الصيف فبغض النظر عن الوقت إللى صور فيه الكليب فبيكون اللوك بتاعة صيفى علشان الموسيقى صيفى …
شكراً لمرورك يا جميل .