آدم

ساهر
مقارنه بين اولاد الهاي هاي(اللي فوق)..
وورعان دزني واطيح(ورعان الدجه المحترمين
أطفال الهاااااي :
1- في الصباح حيث يبداء يوم اطفال الهاي عندما يستيقظ على صوت الكناري اللي بغرفته بعدها يتوجه للحمام يتروش ويفرش اسنانه ويطلع من الحمام تستقبله المربيه بالمنشفه وتصبح عليه يروح يغير ملابسه
وياخذ شنطته وينزل لغرفة الطعام ويصبح على امه وابوه واحلىىىى بوسه ياخذها منهم ويفطر ذاك الفطور طبعا عباره عن كرتون فلكس (ههههههه كورن فلكس << مايعرف ينطقها صح ) ابو الديك ذاك وبيضه وحده بس!! وكاس عصير وشويت زبده مع العسل على خبزه ما عمري شفتها.
بعدين يقوم يغسل فمه ويودع الماما والبابا ويتوجه للسياره يلقى قدامه السواق مبتسم ويفتح له الباب ويوديه لمدرسته الخاصه
>ورعاااان الدجه المحترمين :
ورعانا يقوم الصبح بعد ما يطلع عين اهله ولازم افراد العائله تمر عليه عشان تصحيه وكل واحد وطريقته: الاب:قم جعلك الهزل ( طبعا مع رفستين من الي هيه )
الأم:قم جعلك الجدري( طبعا بعد محاولتين خنق وتبقيس )
الأخ: والله اذا ما تقوم لافقع وجهك بالجزمه ( اعزكم الله )
أخته: يالله قوم وأعطيك شنطة أخوك تروح فيها للمدرسه
<>
بعد ما يقوم يمر الحمام على السريع ويغسل وجه شطف هذا اذا راح
وبعدين ياخذ اقرب كتب عنده ويربطها ويجيك مدحدر يدور الفطور ويتفاجأ
انهم ما حطوه؟؟
بعد ما يجي الفطور وهو كالعاده : فول شكشوكه تميس + حليب ابو قوس
يبدأ الورع بالأكل وشوي الا وهو حاذف أخوه بعلبة الهندسه؟؟؟
عشانه سحب صحن الفول من عنده وشوي الا وهو مسدد بقس عنيف يمشي 200 لأخوه الثاني!! لأنه سرق فسحته؟؟
أبوه يتكلم معه يا ورع أركد وافطر وعين خير انت وش بلاك وراك مدرسه يرد الورع عليه: انت ما تشوف سعيدان سارق فسحتي؟؟ <> ابوه على طول يصدق ويصـــــــك
سعيدان كف صدقي
المهم بعد ما يخلص الفلم اليومي يروح الولد للسياره يلقى اخوه فاتح الكبوت ويصب ماء للرديتر المشقوق تقفل اخلاق الورع وينقز للشارع ويأشر لأقرب سياره ويروح للمدرسه<>
>أطفال الهاااااي:
2_بعد المدرسه يرجع اطفال الهاي ويلقى المربيه في استقباله تاخذ الشنطه وتوديها لغرفته بصحبته يغير ملابسه ويغسل وجهه ورجليه
ويستريح له ساعه في أنتظار افراد العائله عشان يتغدى وبعد الغداء الرايق <>
يروح لغرفة الجلوس ويشرب شاهي للتهضيم ويحلي بقطعة كيك وبعدين يروح لغرفته ينام له ساعه قبل العصر.
>ورعاااان الدجه المحترمين:
الورع منهم يجي من المدرسه وثوبه قالب لونه بني<>
واذا دخل البيت حذف الشنطه <> بالصاله وفصخ ثوبه
ووينك يالشارع <> ويبدأ لعب الكوره بذا القايله وعادي الشارع مولع من الحراره وهم عادي مررره ولا كأنه فيه شيء واهله ما يدرون ؟؟
في هذه الأثناء يرسل ابوه كتيبه من اخوانه( 3 منهم دلوخ ما يتعاملون الا باجزمه + 5 اخرين مستوى الذكااء عندهم ههههه
+ 2 ماصدقوا على فرصه وطلعو من البيت + 1 من عيال الجيران !!!!!!!!!!!! لا يعلم سبب وجوده معهم الا الله )
للبحث عنه واذا لقوه وجابوه للبيت قام يصيح طقوني وسحبوني قدام الناس <> المهم يحطون الغداء <>
غيره ما فيه!! يتغدى الورع الكريم ويصــــــــــــــــــك بعدها لتر للبن بعدها يجلس ساعه فاتح فمه <> يحتري من يوديه يغسل له يديه!!!!!!!!!؟؟؟؟؟؟؟
>أطفال الهاااااي :
3- اطفال الهاي هاي لا جاء العصر جابوا دروسهم وشافوا وش عليهم من واجبات وحلوها وحضروا دروس بكره بمساعدة الماما والبابا.
بعدها يروح لغرفة الألعاب ويجلس على البلاي ستيشن2 وخذ لعب لمدة ساعتين تقريبا يعني اللى وقت ما بين المغرب والعشاء.
بعدها تطلبه امه مع بقية أخوانه عشان يجتمعون ويشربون العصير ويسولفون سواليف مررررررررررره حلوه
>ورعاااان الدجه المحترمين :
يجي وقت العصر وهو نايم <> يقوم قبل المغرب وياخذ دروسه وواجباته <>
ويروح عند أخته ويتحايل عليها بكل ما أوتي من قوه على شان تحل له الواجبات واذا قالت لا يا ويلها يا سواد ليلها .
بعد كذا أنواع الدجه مع ورعان الحاره ومن هم على شاكلته ما يخلون هندي الا وسرقوا سيكله ولا دكان <> الا ولعبوا بحسبته واذا رجع البيت <> تلقى راسه مفلوق من جميع الاتجاهات والشرطه تدوره وجارهم مسوي أعلان جداري مع صورته مطلوب حي او ميت ومكافأه ماليه 50 ريال لمن يأتي بهي حيا او 100 ريال لمن ياتي براسه = ميتا هههههههه) وخذلك عاد <>
>أطفال الهاااااي :
4- أطفال الهاي بعد ما يتعشى ويمسي على اهله يروح لغرفته ويجلس على الانترنت ساعه أو ساعتين الى موعد نومه <> بعدها يغير ملابسه وتجي المربيه وتحكي له قصه حتى ينام تغطيه وتطفي النور.
>ورعاااان الدجه المحترمين :
اذا رجع البيت
<> ما يدخل مع الباب ينط من فوق السور على شان ابوه ما يمسكه .
وعلى طول يزبن لغرفته ويسكر الباب ويطفي النور ويطل من الدريشه <> على باب الشارع الرئيسي يشوف وش صار على مسلسل المشاكل المكسيكي اللي جابها معه للبيت وكيف بيحلها ابوه
مع الناس ومع جارهم ومع الشرطه.<>
وفي أثناء ذلك يستغل الفرصه ويدز للمطبخ وياخذ منه جبن <> وخبز ويرجع لوكره وطبعاا مايقدر ياااكل الا على جهه وحده ذلك لفقدانه النصف الاخر من الحجر ( اسنانه يعني )
ويقفل باب الصندقه <> ويتعشى من ذا الجبن والخبز إلين يدوخ وينفتح سره <> لا وأزيدكم من الشعر بيت ما ينام الا وهو متلطم!!!؟؟؟
<< على باله مراقب