استطلاع ”بي بي سي”:82% من المصريين يرون جبهة الإنقاذ خرابًا لمصر

moody في فبراير 4, 2013 5:08 م
ثانيا المعارضه اللي نزلت الشارع يوم 25 كان ايه هدفها بالظبط لو كان اقالة حكومة قنديل نقول ماشي الاعتراض علي بعض قرارات الرئيس نقول ماشي انما تقولي اسقاط الدستور؟؟؟؟؟؟؟؟؟ يعني ايه اسقاط الدستور مش الدستور ده لسه الشعب مستفتي عليه ووافق عليه بأغلبيه وأنا بما أني فرد من أفراد القوات المسلحه اللي شاركت في تنظيم الاستفتاء علي الدستور أقسم بالله الاستفتاء ده تم بشفافيه شديده بشهادتي و بشهادة جميع زمايلي اللي شاركوا معايا في تنظيم الاستفتاء و أنا يعني ايه بقي نيجي بعد أقل من شهرين و نقول عايزين نسقط الدستور ؟؟؟؟؟؟؟؟؟؟؟ ………………… ثالثا الشعب هوه اللي اختار مرسي سواء عصر علي نفسه ليمونه معصرش المهم أن الشعب هوه اللي اختاره في انتخابات متأكد برضه انها نزيهة و بما انه هوه رئيس مصر نديله فرصة الاربع سنين اللي هيقعدهم و بعد كده نحاسبه علي كل كبيره و صغيره و انشاله حتي نحطه في السجن لما يخلص وده ما يمنعش انه يكون في معارضه قويه و بناءه خلال فترة حكمه تعارضه بالطرق السلميه الصحيحه زي ما بيحصل في اوربا و أمريكا مش نعارضه عن طريق تدعيم البلطجه و الفوضي و التخريب
ــــــــــــــــــــ
المعارضة نزلليه الشارع؟؟؟
حضرتك من القوات المسلحة، يعنى المفروض اكتر حد يكون عارف ادق التفاصيل واصغر الامور، والمفروض تكون على دراية بكل اللى بيحصل واسبابه.
غريبة اوى، ماهم لما نزلوا علشان يعترضوا على قرار مرسى واعلانه الدستورى وقت ماعمله، قلتم عليهم فلول وممولين من ايران وامريكا واسرائيل.
اه اسقاط الدستور، لانه دستور ابله حكمت دستور العار والعوار، دستور اللى صوت عليه بالموافقة 10 مليون فى مقابل 6 مليون معارض… يعنى فى اى شرع الاخوان يصدروا قانون ريع بان اى نسبة هاتصوت على الدستور بنعم هاتكون نسبة معترف بيها… ده بيحصل فى اى دولة فى العالم عايزة افهم؟
وفى شرع مين 10 مليون مصرى هم اللى يقروا دستور ل90 مليون؟؟؟؟؟
بعدين عايز تقنعنى انه العملية الدستورية تمت فى نزاهة؟؟؟ ايزاى بس والمنيا التصويت بنعم كان اغلبية مع ان المنيا محافظة تعداد المسيحيين فيها كبير.
محافظة مرسى مطروح مافيهاش كافر واحد هههههه يقول لا؟؟؟ مافيهاش جاهل واحد راح ولخبط فى ورقة التصويت بحيث تبقى الورقة باطلة؟!!!
كل المحافظات اللى اعطت صباحى او ابوالفتوح اكبر عدد من الاصوات فى المرحلة الاولى، وفى المرحلة التانية اعطت شفيق اكبر عدد من الاصوات ومنهم محافظة الشرقية مسقط راس مرسى… كل دول فجاءة اكتشفوا ان الدستور زى الفل وقرروا يقولوا نعم؟!
اللى انا اعرفه واللى شفته والقانونى ان القوات المسلحة اشرفت على اللجان من الخارج، فى عملية التامين، ومافيش اصلا ضابط من ضباط القوات المسلحة كان متواجد داخل اللجان، فعلى اى اساس حضرتك بتقول انها تمت بنزاهة؟
هو حضراتكم كنتم مكان القضاة؟؟؟ لانه اصلا اكتر من 80% من القضاة لم يشرفوا على الانتخابات.
على فكرة نهى ماوجهتش كلامها ليك، دى بتضحك على عبارة وردت على لسان مواطن مصرى فى اول فيديو حطيته، تقدر تتفرج عليه هاتعرف انها مابتوجهش كلامها لك…بعدين حضرتك من القوات المسلحة، يعنى المفروض تكون صبور ونفسك طويل وماتزعلش بسرعة… صح؟
يتبــــــع.

لا ابدا انا مش بسخر ولا شئ.
انا بس مستغربة انه حضرتك منتمى للقوات المسلحة ومع ذلك بتدافع عن طرف ضد طرف، وبتحاول تجمل المواقف برغم انه المفروض افراد القوات المسلحة يكونوا على الحياد ومايتدخلوش فى السياسة ولا ينحازوا لطرف على حساب الاخر…الا لو تم اخونة افراد القوات المسلحة!!!
وكان فيه فعلا عناصر اخوانجية كامنة زى مابنسمع!
لا اسقاط مرسى مش سهل، ومش هايسقط الا ببحور دم للاسف وكلنا عارفين كده، لكن اللى معتقداه انه بسقوط مرسى هاتسقط الجماعة وباقى المتاسلمين لانهم مش هايسكتوا طبعا على كده، وفى نفس الوقت غضبهم ونزعة الارهاب اللى جواهم هاتخاليهم يستخدموا العنف وهايخرجوا اسؤا ما فيهم… يعنى مش هايكونوا لا معارضة ولا نيلة، هم لا بيفهموا لا فى السياسة ولا الاقتصاد ولا حتى فى الدعوة، انسب مكان ليهم هو السجن.