أهالي القصير يدفنون قتلاهم وسط حصار ميليشيات حزب الله

مصطفى او توفي( اسم الدلع بالعراقي)
لازم ذاكرتك مو قويه اذا تتذكر من ردك الي بموضوع صواريخ اس 300 كلت انو مستواي الثقافي متدني وناديتني بـ ( ياهذا) فما اعتقد انو كلامي الك اقل احترام من كلامك الي بالعكس شكرتك لان بينت الي مستواي المتدني الثقافي…لاتزعل كل قصدي انو ابينلك انته تتكلم بكلام متعرف معناه والدليل تكول الثورة انطلقت من البصرة والحله طبعا البصرة صحيح لكن الحله لا الثورة بدت من البصرة وصعدت ومثل ماتعرف الحله قريبه من بغداد فكانت من اخر المحافظات الي وصلت الها الثورة وكلامك مال اكثر من نصف الشعب شارك يمعود هاي اغلبيه طلعت مشاركة بالثورة فشلون تكول عليها بائسه؟ اكو ثورة يشارك بيها اكثر من نصف الشعب تكون بائسه؟ واذا كنا نقتل وتبكون علينا فمعناها كنا نقتل ظلم والا لو استحقينا القتل ماكو داعي تبكون عليينا اكو واحد يبكي على خائن انقتل وهو يخون بلده؟ وقلوبنا يا مصطفى موعنصريه وهذا الكلام الي تردده مال الفضائيات مو صحيح ولو صحيح كان اني ماتزوجت سنيه ولا اخوي اتزوج بنت خالي سنيه ولا امي سنيه ولا ابن خالتي تزوج شيعيه وللعلم اتزوجت بال 2009 حتى لاتكول قبل السقوط …انته ومثالك كثير من الشباب الي كبروا بعد 2003 ماشافوا شي لكن سمعوا من اهلهم او من الفضائيات وصار كل ما يسمعوه هو الحقيقه بعينها اذا الاهل يمجدون صدام وزمن صدام يطلع الطفل ايضا يمجد صدام مع العلم هو مايعرف شنو المعنى الحقيقي ان تعيش يوم تحت حكم صدام تنتقدون الوضع الحالي لان عشتوا وشفتوا كل الزين شنو يصير بيه لكن ما تقبلون احد عاش زمن قبلكم يتكلم عنه لابل تدافعون ببساله عن زمن انتم ماعشتوا ولا شفتوا ابسط مثال انته ثورة الانبار عندك شريفه لكن ثورة 91 بائسه وانته يومها اصلا ماكنت مولود.. انته تشوف البلد ينهار تحت حكم المالكي لذلك ما تحب المالكي لكن بنفس الوقت ماتقبل اني احكي عن صدام الي شفت البلد ينهار مرات تحت حكمه لمجرد اهلك كانوا عايشين احسن بزمن صدام او سمعت من قربائك او جيرانك انو كان احسن لكن السوال هل نفسك جربت تعيش حياة الناس 8 سنين حرب ايران؟ او حرب الكويت ؟ او 13 سنة حصار جوع وفقر وعوز؟