عينى بتبكى وقلبى حزين ..
على أحوال البنى آدمين !
عـ اللى بيكدب واللى بيسرق ..
واللى بيقتل واللى بيحرق ..
واللى بينسى أصول الدين !
عينى بتبكى وقلبى حزين
=-=-=-=-=-=-=-=-=
عينى بتبكى وتبكى يا ناس ..
عـ اللى بيحصل مـ الوسواس !
كل مشاعرى بلاقى سؤالها ..
ليه الدنيا إتشقلب حالها ؟!
ليه بنمجد فـ الفاشلين ؟!!
عينى بتبكى وقلبى حزين
=-=-=-=-=-=-=-=-=
لكن بعد الضلمة الضو ..
حـ ينور ويروق الجو ..
وحـ ترجع أيامنا سعيدة ..
وحـ تصبح جملتنا مفيدة ..
بس بدعم الوطنيين !
عينى بتبكى وقلبى حزين
=-=-=-=-=-=-=-=-=
بقلم : محمد حلمى مصطفى
الأسكندرية – جمهورية مصر العربية
=-=-=-=-=-=-=-=-=-=-=-=-=-=
للتواصل مع الكاتب .. يرجى الدخول على هذا الرابط :
http://tiny.cc/yz7myw
والله ما بقي كلاااااااااااااااام غير يارب تلطف فينا ولا تجعلنا من المفسدين بالارض واسدل برحمتك ضعفاء هذه الارض اللهم امين يارب العالمين
كدب..وغش..وغدر..وقسوة…وفيه أزمة أخلاق…!!!
حاليا بالاسواق….
ناس…يكفينا الشر…بتجرى تقطع فى الارزاق…!!
والاحساس..مابقاش له قيمة..!!
والاخلاص…بقى موضة قديمة..!!
وولاد تسعة..فى الشر بتسعى…
ولفين رايحين..ماحناش عارفين…
ضايعين..تايهين..مجاريح…مساكين…
عايشين ومش عايشين…
وجراح تلم جراح…قوليلنا يادنيا…فين الدوا…؟؟
عالم رايحة…وعالم جاية..وعالم تايهة فى وسط السوق…
ونفوس والله…ضايعة..وضالة…ناس حريفة اكل حقوق..!!
اللى يحبك علشان علة…واللى كأنه ماسك لك ذلة…
واللى بيغدر…وياساتر استر…لو كان رزقك على مخلوق…
ولا الصاحب اللى مالوش لازمة…اللى يسيبك وقت الأزمة…
مهما أتهرب…بكره يجرب…ماهو من نفس الكاس هيدوق…
غيرة..وجرح..وظلم يادنيا…ده اللى فى الأسواق..!!
ناس بتخونك…وتزيد جرحك…وبتفتحلك جرح قديم…
بتخون عيشك…وتخون ملحك…وأنت معاهم كنت كريم..!!
كنت فاكرهم والله ملايكة…لكن دول طلعوا مع الرايجة…
يخطفوا حبك..وتلاقى قلبك…مبقاش فيه ولا جزء سليم…
تدى حنان..يترد قساوة…تعمل خير..يترد عداوة…
ناس مش هما…زى الغمة…منهم يارحمن يارحيم..!!
غيرة..وجرح..وظلم يادنيا…ده اللى فى الأسواق..!!
ناس مخنوقة..وناس متضايقة..وناس مش طايقة لبعض كلام…
ناس مرتاحة..وفايقة ورايقة…وناس تتحايل على الأيام…
ناس جواها الشر بيرعى…خلوا الحب مجرد سلعة…
عايز حب وشوق ومودة..؟؟…ممكن..بس هتدفع كام…!!!
حتى الحب خلاص راح زمنه…بقى ليه سعر…وكله بتمنه…
تدفع أكتر..تتحب أكتر…والمسألة مش عايزة علام…!!!
غيرة..وجرح..وظلم يادنيا…ده اللى فى الأسواق..!!
خلق بتسرق عمرك سرقة…وعلى القسوة مايتوصوش…
خيرا تعمل..شرا تلقى…ناس بصراحة مايستاهلوش…
ياخدوا حنانك..ويزيدوا همك…عايزين بس يمصوا فى دمك…
تفضل تدى..وتدى..وتدى..يفضلوا ياخدوا ومابيدوش…
يدخلوا بيتك يكشفوا سترك…يطلعوا بره يجيبوا فى سيرتك..
ضهرك ضهرك…وشك وشك..دول على سر مايتأمنوش…
غيرة..وجرح..وظلم يادنيا…ده اللى فى الأسواق..!!
احنا يادنيا…تعبنا يادنيا…واتعذبنا..شهور وسنين…
ياما عشقنا…وعشنا وشوفنا…بنى ادمين…مش بنى ادمين…
شوفنا اللى بيتباهى بجهله…واللى مالوش خير..حتى فى أهله…
واللى بيحرم نفسه يادنيا…علشان يسعد ناس تانين…!!!
واللى محدش أبدا همه…واللى بينكر لحمه ودمه…
واللى مزعل فيه أبوه..وأمه…وعليه غضبوا ليوم الدين…!!
غيرة..وجرح..وظلم يادنيا…ده اللى فى الأسواق…!!!
احوال البني ادمين
ليل.. ضلام… قهر و ندم.. كيف حالي وانا ابكي وقلبي موجوع ويعتصر وذاك هو حال الوطن
مساجد تدنس وتهدم … اغتيال..موت ودم .. وشعوب اصبحت عن نصرة الحق كالاعمى والاصم !!!
شيوخ .. نساء .. شباب .. اطفال طالتهم يد الغدر ..أرض مغرقة بالدماء والدموع .. كيف حالي وانا اسمع انين جريح و نحيب أم شهيد وصوت حرة عفيفة تنهش جسدها الكلاب تصرخ تنادي هل لي منكم بمعتصم !!! كيف حالي وانا ارى أشلاء اجساد اخوتي متناثرة على طرقات الشام والعراق والامس البعيد فلسطين واليوم ايضا مصر ولا اعرف من يكون بعد !!! كيف تتوقع يكون حالي وانا ارى جيوشي العرببة اصبح عدوها الاساسي بيوت ومساجد الله ماعد المسجد الاقصى ومسرى الرسول ..وبني صهيون صالت بية ربي يذقهم نار الجحيم !!!! ارجوك لا عاد تسالني لان حالك ليس افضل من حالي لانا اصبحنا مجتمعات محطّمه داخليا وأخلاقيا لا يمكنها أن تنتصر !!!… اسالك ماذا تبقى من امة ذهب .. قدسها .. وعراقها .. وشامها .. ومصرها … !!!! كل هذا ويا ترى هل يعجبك بعد حالك . حالي .. !!! وحسبنا الله سيؤتينا الله من فضله وأنا إلى ربنا لراغبون
خليك مصدق
جميل يا محمد
كلما قلت الكلمات البسيطة كلما زادت متعة القراءة