والصور… انهيار «السقا» لحظة وصول جثمان «صالح» إلى عمرو بن العاص

this is the first time i see the actors and actress really sad and crying sincerely and deeply for the death of somebody in their line of work , khaled saleh must have been a great friend to all of them

هههههه سنفوره حاولت اكتب الاسم (( عمر (( R4 )) بس الناشر ما عجبو
صباح الخير سنفوره , كيفك

صباحو عُمر !! كيفك !! و كيف الفلاح !! يمكن الناشر ما حب R4 و بدو ((عُمر الرحال ٤)) !!

إسمع يا عُمر : قطع الأعناق و لا قطع الأرزاق ، يعني إتأكد قبل ما تعمل شي تندم عليه و الله يبعد عنك دعوة المظلوم !! و إنت على كُلاً في شهر نوفمبر مسافر ، أعطيه فرصه و بعدها بتعمل إلي بدك إياه بضمير مرتاح !! و عندي سؤال هو إلي حكالك ثقه يعني مش مُمكن يكون كلام كيدي !! برأيي إنتظر حتى تسافر في شهر ١١ !!! بس أكيد إنت صاحب الشأن و أعلم بأمورك !!

سنفوره اليوم ثبتت عليه 100% عالاقل بستغفلني وبتصيد فرص اني مش موجود , مثلاً
بنطلب شغله من فلان عشان نستخدمها للشغل وفعلاً بستخدمو 15 من عدد 20 هو شو بحكيلي استخدمنا 18 طيب الثلاث وين راحو والظاهر هو عالموال هاد من زمان لاني راجعت الذاكره واكتشفت انو كاين يستغل شغلت النسيان عندي او شغل الاتكال عليه بجميع الامور بدون عد وراه .

قطع ارزاق ما راح يصير بس في قرصت وذن ان شاء الله مع انو الموضوع شاغل تفكيري والله لكن خير ان شاء الله والسفره هي مش 100% كرمال لاني حجزت زي ما حكيتلك بشهر 11 والظاهر اني من المفروض حجزت بشهر 10 لكن لحد الان بسفرت قريباً ما استقريت على راي لحد الان

مش مشكله سنفوره كمان نص ساعه بنام , والحمد لله لبيت النداء
بالنسبه لخلع المسمار صعب كثير وجداً خاصتا بهالوقت لعددت اسباب والله يا سنفوره , وانتِ عارفه اهم هاي الاسباب .
انا اللي قاهرني كيف كُنت مغشوش فيه بس !!! وعامل نفسو حمل وديع ابن البطيخ , شو هاي البطيخ كمان ههه صرت افلت والله

المثل بقول حرّص و لا تخوّن بمعنى لازم الواحد يدير باله خصوصاً في شغلة الفلوس لأن المال السايب بعلم السرقه و الظاهر من كلامك إنك بتتحمل جزء من المسؤوليه لأنك ما راجعت وراه بس قدر الله و ما شاء فعل و إلي بوخذلك بخبيلك و نيال من بات مظلوم ، بس قول حسبي الله و نعم الوكيل !!! لا تروح الآن و إنت زعلان لأن الظاهر اللعب رح يكون على المكشوف و هذا النوع من اللعب بدو هدوء أعصاب و تخطيط ، ثم إنك بدك وقت حتى تلاقي مسمار جديد و تشرف عليه و تتأكد إنه من أجود أنواع المسامير قدر الإمكان !!

هدي يا عُمر هدي !! ما بستاهل لا هو و لا الفلوس الواحد يزعل و بعرف إنك زعلان على الإستغفال بس و الله حتى هذه ما بتستاهل الواحد يزعل و يحرق دمه و إن شاء الله الله برزقك بشخص مثل ما بدك و إن خليّت بليت و دائماً في ناس جواها الخير !!! ما تخلي إلي صار يغير فكرك و الله الدنيا لسه بخير ، أنا دائماً بحكي هيك بالرغم من كل المصاعب !!

صديقك ابو بكر بقول :
هي هي هي هي هي السنين

عادها عادها الا عادها الا تزين

والزمن ماتغير بس أهل الزمن ويلاه متغيرين

رحمتك رحمتك يا رحمتك يا معين

========================
تصبح على خير يا عُمر !!!