سهير البابلي لـ تميم وأردوغان ربنا يهديكم “وخليكوا مثل الرئيس السيسي”

وجهت الفنانة سهير البابلي، كلمة لـ”تميم بن حمد” أمير دولة قطر، قائلة “ربنا يهديك، إنت ليك حاجات حلوة وحاجات وحشة جدًا، من اللي بتعمله في البلاد اللي حواليك”.

وتابعت خلال حوارها مع الإعلامية راغدة شلهوب، في برنامج “100 سؤال”، المُذاع على فضائية “الحياة”، أن رجب طيب أردوغان، الرئيس التركي، “موقع العالم كله”، وأضافت “ربنا يهديهم ويهدي كل البلاد.

واستكملت “أحب اقولهم خليكوا زي رئيسنا الرئيس عبدالفتاح السيسي، راجل عقلاني ولسانه عفيف”.

كما أكدت البابلي، إنها تؤيد تولي العسكريين المناصب القيادية في الدولة، وأضافت “ساعات بيغلطوا لكنهم جمال وبيعملوا حاجات حلوة أوي، وحاجات مش واخدين بالنا منها في الشارع ومع الناس”.

وأضافت “أنا بقول الله يكون في عونك يا سيسي مننا، من المصريين، المفروض نخلي عندنا دم شويه، كل حاجة مش عجبانا وكل حاجة لا، والرئيس جميل ورجل كامل في كل حاجة، وبيحبنا فعلًا، وبيحب الشعب وكل الشعوب، براحة عليه”.