إبنة بسام الملا تخرج عن صمتها وترد بعنف.. برأيكم مستواكم اعلى من كعب رجلي لما بتذموا و بتنتقدوا بطرق وسخة !!

خرجت الممثلة السورية شمس الملا، إبنة المخرج السوري بسام الملا، عن صمتها وردّت بعنف على الإنتقادات التي طالتها عبرمواقع التواصل الإجتماعي، بسبب صورها ولباسها، حيث قالت: “للحملة او الثورة او اي تسمية اخرى طلعت على اللي عم يصير ضدي او ضد لبسي او اياً كان يكن السبب مين انت او انتي يلي عم تنظروا لاي مستوى من الفشل و الفضى واصلين له لحتى عم تلحقوني عالدعسة و مقهورين و محروقين من اي خطوة لفوق بخطيها.. هالكم الهائل من الكره و الحسد و العقد يلي مخزنة عندكن و عم تفجروها فيني برأيكن رح تسيء لإلي بأي طريقة؟ برأيكم مستواكم اعلى من كعب رجلي لما بتذموا و بتنتقدوا بطرق وسخة بتعبر عنكن من الداخل و الخارج؟ هل انتم راضيين عن انفسكم قبل ما تحكموا على غيركم؟ هل انتم فعلاً شرفاء مكة؟ شو بيعطيكون الحق لتحكموا على غيركم بتسألوا حالكم هالسؤال؟ من انتم؟ حثالة المجتمع هاد جوابي الكن انا و اتذكروا منيح انا ما عم بأذي حدا لما عبر عن شخصيتي و هويتي و اسلوبي بالحياة انا ما عم بتعدى عليكم بل انتم من تختاروا انه تلحقوني فكم هالشي متناقد لإنزعاجكم؟ اذا مفهوم ال blogging ما وصل لسا لعندكون فلا تتغابوا و تعلقوا لأنكن عم تضحكوني عليكم.. برجع بقول ارتقوا و اذا ما بدكون ترتقوا فلا تلحقوا ناس ارقى منكون و تحاولوا تنزلوا منهن لأنكن غلطانين انا فيكون عم اعلى بكرهكون و محبتكون بذمكون و مدحكون.. عيشوا انبسطوا حبوا السعادة افرحوا لغيركون و ادعموه بعض حاج ديقة عين حاج تخلف و رجعية حاج امراض و استشراف و عقد نفسية حاج انتوا يلي عم تقللوا من نفسكم و لكن عم تعلوا من شأني و اكبر دليل الكم الهائل من المتابعين يلي ازدادوا من بعد ما صارت الحملة السخيفة “.