إسماعيل هنية: دم الجيش المصري اختلط بدماء الفلسطينيين والمخابرات المصرية تعلم ببراءتنا

وأضاف: “الشقيقة الكُبرى، والجارة، وعلاقتنا معها استراتيجية وتاريخية، فدم الجيش المصري اختلط مع دماء شعبنا على أرض فلسطين”
________________________________________
ياراجل قول كلام غير ده ! سيبلنا إحنا الشعارات ! إحنا المصريين بنعشق الشعارات لكن إنتو بتوع الجد و مالكوش فى الكلام ده ! من رأيى تخليك من رأى المعلقين إللى هنا و تلعن الجغرافيا و تخوّن الجيش المصرى، لكن تقولى إختلطت الدماء و الشقيقة الكُبرى و الكلام إللى زى كده هيبقى فى تضارب كبير بين رأيك و بين رأي مؤيدى هذه الحركة على الجريدة !
ففُكك من الشعارات و خليك دُغرى !

أهلاً أخى عُمر، كيف الحال؟ إن شاء الله تكون بخير ،،،
إنت إستغربت من مُجرد تعليق مكون من سطرين و بينقل وجهة نظر دون إساءة رديت عليه بـ 20 سطر، د إحنا على كده لينا الجنة 🙂 إنت نفسك يا أخ عُمر بقالك أكتر من أسبوعين بتنقى مواضيع مصر عن عمد و تدخل تقول فيها تعليقات من غير مُناسبة و على غير عادتك ! و مع ذلك مبتكلمش بناءاً على الحجة إللى إنتو إخترعتوها و هى : حُرية الرأى و التعبير !
طيب بكررها، إيه فى تعليقاتى التى تخص مواضيع حماس فيها شئ خارج عن إطار الرأى أو التعبير ! يا أخى ده أنا لو حتى شتمت و تجنيت عليهم هيبقى من باب المعاملة بالمثل زى ما إنتو بتعملوا، و مع ذلك لحد هذه اللحظة ما صدرش منى أى إساءة لأى قائد حمساوى أو حتى حمساوى مؤيد !
مُشكلتكم أنكم لا تقبلون حتى طرح فكرة النقد ! و كأن حماس جهة شرعية و قادتها أنبياء !!!
.
إنت بتقول دلوقتى إنك مستغرب أن أنا ربطت بين كلام القائد الحمساوى و رأى المعلقين ! طيب هو مش رأى المُعلقين ده نابع من قلب الأحداث ؟! أكيد نعم، و هذا القائد الحمساوى أحد الرجال الموجودين فى قلب الأحداث، أكيد نعم . يبقى الحقيقة إللى هو بيقوله أما إللى إنتو بتقولوه. إيه لازمة تضارب الآراء أو المجاملات فى وقت و ظروف ليس للمجاملات أو للشعارات مكانٍ لها ؟!
طيب لو إفترضنا زى ما إنت بتقول و كلام الأخوة المعلقين جاء تحت ضغط و إنهم من حقهم يلعنوا الجيرة و يخونوا الجيش المصرى نتيجة رؤيتهم للأحداث، إذن يحق للمُعلق المصرى أن يفعل مثل ذلك و يُعبر عن رؤيته للأحداث بطريقته الخاصة حتى و إن كانت خاطئة !
أخى عُمر، لا تُحدثنى فى كل مناسبة عن السيسى و عن الإعلام المصرى و عن إتفاقية كامب ديفيد و عن هدم الأنفاق ! لأن الخلافات المُتبادلة ليست وليدة اليوم أو البارحة ! فمن قبل ظهور السيسى و من قبل الثورة المصرية عموماً و هذه الخلافات قائمة و تبادل الإشتباكات مُستمر !
و مع ذلك لا بندافع عن الإعلام ولا بندافع عن حصار أهلنا فى غزة ولا بندافع عن حدود إسرائيل ! كل ما فى الأمر أن من حقنا ندافع عن جيشنا المصرى مثلما يحق لكم الدفاع عن حركة حماس .
إنت بتدافع بإستماتة عن حركة تم إنشائها عام 1998 يعنى بعد مالجيش المصرى هوم إسرائيل بـ 25 سنة !
بُص يا أخ عُمر،
أنا مُمكن أهاجم مؤسسة الإعلام فى مصر.
مُمكن أهاجم مؤسسة القضاء فى مصر .
مُمكن أهاجم الداخلية المصرية .
لكن عُمرى ما أهاجم المؤسسة العسكرية فى مصر، لإنى مش غبى ولا حقود ولا مُغفل ولا إخوانى ! و بخلاف ذلك المؤسسات إللى فوق كلها لو وقعت صعب يتأسس غيرها إنما الأخيرة معناها سقوط مصر ولك فى العراق عبرة !
مش هاهاجم جيش بلدى علشان مش عاجب غيرى ! و و أنا زيك بالظبط يا أخى عُمر فى النُقطة دى، لا أملك أى دليل على تورط حماس فى اى عمل إرهابى داخل حدودنا، ولكن إن ثبت ذلك لن يفرق معى حماس بالكامل مقابل ضافر جندى مصرى واحد .
تحياتى أخى عُمر …

أخ عُمر، قول كل ردودك و فى الأخر هعقب عليها ، لإنى كل ما بعمل refresh بلاقى ردود ما إنتبعتش ليها .

و الله عارف أن الإعلام المصرى كثير الكلام و ليس من الآن فقط ده من زمااااااان ! و ساعات بقرأ تصريحات بتخلينى خجلان أن إللى قالها مصرى أو إللى نقلتها قناة مصرية ! حاجات كتيرة إحنا مش بنقبلها قبليكم و بندخل نستنكرها، طب ليه نعكنن على بعض هنا ! ليه ندخل نتخانق هنا ! إنت ياللى بتدخل تهين الجيش المصرى عارف أن إللى هيقرا كلامك ده مش الإعلاميين المصريين ولكن المعلقين المصريين، و إنت ياللى بتغلط فى حماس عارف إن إللى هيقرا الكلام ده مش قادة حماس ولكنهم المعلقين الفلسطينيين ! طيب ليه الإستفزاز ده. مهو إنت طالما عارف كده و فاهم كده و مازلت على رأيك إذن تحمل تبعات و عواقب كلامك ! مش مفروض على اى طرف يسكت و يعمل غعتبار لأى مُبررات مهما كانت ! قول رأيك و بلاش تجميل مش هنمنعك حتى لو كان حاد ولكن إعمل حساب الطرف الأخر إللى هيقرا كلامك و بلاش تخسره أو تستفزه، و بعدين نفتح باب للجدال لن ينتهى و نرجع نقول هو ده عيب العرب !!!
.
كلامى موجه للجميع بشتى إختلاف الجنسيات و الإنتماءات !