نفى الدكتور محمد البرادعي، أن تكون الجبهة الوطنية للإنقاذ تسعى لإسقاط الرئيس، مشيراً إلى أن الجبهة ترى الأمر أكبر من ذلك وهو إسقاط الاستبداد والسير بالبلاد على الطريق الصحيح في ظل رئاسة الدكتور مرسي.
وأوضح البرادعي خلال حوار مع برنامج “الحياة اليوم”، أن الحديث عن سقوط شرعية الرئيس ينطوي على معانٍ كثيرة فبعضها يتحدث عن سقوط شرعية الرئيس الأخلاقية وهي صحيحة في جزء منها بسبب أن الرئيس تعدى وأهدر الدستور الذي أقسم على احترامه.
ولفت البرادعي إلى أنه لم يتحدث عن سقوط شرعية الرئيس القانونية، مشيراً إلى أن البعض هدد بالدعوة لانتخابات رئاسية مبكرة في حالة عدم استجابة الرئيس مرسي لمطالب المتظاهرين وهو ما لم يحدث.
وأقر البرادعي بأن هناك اختلافا في لغة الحوار داخل الجبهة الوطنية للإنقاذ، مشيرا إلى أن أزمة المجتمع المصري تتمثل في العمل الجماعي.
وأكد البرادعي استعداد الجبهة الوطنية للإنقاذ للذهاب لأي مكان للحوار مع الدكتور مرسي على أن يبادر مرسي بتقديم عربون ثقة للبدء في الحوار، مشيرا إلى أن الذهاب للحوار دون التوافق على أجندته سيحمل مفاهيم مغلوطة حول وجود شراكة وطنية وهو ما لم يحدث.
وأكد البرادعي أن دعوته لمشاركة الفريق السيسي وزير الدفاع في الحوار الوطني ووزير الداخلية ليس استدعاء للجيش كما ادعى البعض وإنما لأن الجيش والشرطة هما الطرفان القادران على ضبط الأمن، منوها إلى أن سعي الادعاء لاستدعاء الجيش يأتي في سياق الشائعات ضده وضد جبهة الإنقاذ.
وأشار البرادعي إلى أن جبهة الإنقاذ لا تمتلك سوى خاتم الشرعية التي تعطيه للنظام وأنها لن تذهب للانتخابات في ظل هذه الأوضاع المتردية وغياب الحوار الحقيقي، مشددًا على أن جبهة الإنقاذ تريد مشاركة حقيقية في حمل هم البلاد.
ولفت البرادعي إلى أن مصر تعاني من سوء الإدارة من فبراير/شباط 2011 وأن من يتحدث فيما لا يفهم يأتي بالعجائب، مشيرًا إلى أنه أصبح كل طرف يتحدث في كل شيء وفي أي شيء.
الأوضاع الاقتصادية المتردية
ورفض البرادعي تحميل الدكتور محمد مرسي أو جماعة “الإخوان المسلمين”، مسؤولية الأوضاع الاقتصادية المتردية ولكنهم يتحملون المسؤولية عن الفشل في علاجها، مشيرًا إلى أن مصر بحاجة إلى قرض صندوق النقد الدولي ولكن على الإدارة أن تدرك ماذا ستفعل به.
وكشف البرادعي أن جبهة الإنقاذ عاكفة على إعداد مشروع اقتصادي لحل الأزمة السياسية، منوهًا إلى أن جبهة الإنقاذ لديها صفوة المفكرين والخبراء الاقتصاديين.
وأضاف: “كنت بالأمس في حوار مع أحد خبراء الطاقة للحديث عن أزمة الطاقة وشرح لي الخبير سبب الأزمة وأبلغني أن عجز موازنة الطاقة في عام 2000 كان نحو مليار جنيه وأن العجز حاليًا وصل إلى 120 مليار جنيه”، مشيرًا إلى أن الخبير شرح له سبل الخروج من أزمة الطاقة الراهنة بتخفيض الدعم عن الطاقة للصناعات الثقيلة بشكل تدريجي وتوجيهه للمحتاجين للتخلص منه خلال فترة زمنية محددة والقضاء على هذه الأزمة بشكل كامل.
وكشف البرادعي أنه يعاني من تقييد حركته بفعل الفتوى التي صدرت بإهدار دمه ودم حمدين صباحي ومختلف قيادات جبهة الإنقاذ، مشيرًا إلى أنه تفاجأ الجمعة الماضية بوجود نصف عدد الأمن المركزي أمام منزله بغرض حمايته بفعل فتوى صادرة عن شخص ليس أهلا للفتوى.
وشكر البرادعي عناصر الأمن المركزي على حمايته بعد هذه الفتوى، مشيرًا إلى أن صاحب مثل هذه الفتوى يجب محاكمته بتهمة التحريض على القتل.
وأشار إلى أن طريق مصر سيتضح خلال أسبوعين أو ثلاثة على الأكثر، موضحًا أنه إذا استمر الدكتور مرسي في عناده فإن الأزمات الاقتصادية ستتفاقم ويتعذر حلها ووقتها ستندلع ثورة جياع ولا يطالب الجائع بأن يتعقل وبطنه خاوية.
يا دكتور برادعى، اسمع كلام العامل البسيط ده اللى قال اللى فى نفسه بدون خوف او رهبة.
انتم مش عايزين تسقطوا النظام، انتم احرار… لكن النظام هايسقط بإذن الله، لانه نظام فاشل وفاشى.
نفسى أفهم يا سيادة الدكتور البرادعى ، هل هذه هى طريقة المُعارضة السلمية ؟!
https://fbcdn-sphotos-b-a.akamaihd.net/hphotos-ak-ash4/404479_411610725596944_393477128_n.jpg
نفسى أعرف بأى حق أيها الأخ المتظاهر تعطل مصالح الناس ! هى الحاجة دى بتاعتك لوحدك يا مُعترض ؟! أم ملك للجميع ؟!
مُجمع التحرير مصلحة حكومية عامة و شاملة قد يحتاجه والدك، أخوك ، و الدتك ، أختك أياً كان يا أخى ليه تجبرهم على إللى فى راسك و فى الأخر تقول سلمية !
أنا ضد تعطيل مصالح الناس بغرض توصيل الصوت أو إبداء الرأى !
مساء الخير فيب.
ماهى دى الطريقة السلمية للتصعيد… اومال هايعملوا ايه بس، اذا كانت مظاهراتهم السلمية بيبعتولهم ناس تفركشها وتشاغب، وتتحرش وتقتل علشان تشوه الصورة.
وبعدين ما المصالح اصلاً متوقفة، ومافيش حد من موظفى الحكومة بيعمل شغله كما يجب_اغلبهم يعنى_
المصالح لو ما اتعطلتش شوية ولو مالحقناش الموقف، هاتتعطل على طول فى ظل حكم الاخوان… صدقنى.
ولينا فى السودان وغيره عبرة.
مساء النور يا فاتيما ،
بس أنا ضد الطريقة دى يا فاتيما مهماً كان ! حُكم النفس على النفس إحساس خنيق !
جربى كده تكونى مواطنة وارها مصلحة مستعجلة و محتاجة ختم النسر من مُجمع التحرير ولما تروحى تلاقى المُجمع مقفول بالغصب و من مين ؟! من مجموعة مُتظاهرة لا تعرفى إنتماءتهم إيه ؟! طيب أنا نفسى أفهم هى مطالب المتظاهرين فى التحرير إيه ؟! و إيه الفرق بين مطالبهم و مطالب متظاهرى الإتحادية ؟! ولو الإتنين مطالبهم واحدة ليه ما يتجمعوش فى مكان واحد زى الأيام الأولى من الثورة !
أجمل ما كان فى ثورة 25 يناير إن المكان كان واحد و الإحتشاد واحد و المطالب موحدة و ثابته ، لكن دلوقتى أتحدى لو كانت المطالب موحدة و ثابتة !
جربى تبقى راكبة مترو الانفاق و محتاجة تروحى بيتك أو تروحى تزورى مريض أو توصلى شئً ما مستعجل و تلاقى مترو الأنفاق مقفول و مُعطل بسبب جماعة إسمها البلاك بلوك !
جربى تبقى راكبة عربيتك و تطلعى كوبرى و تلاقيه مقفول و تتحشرى فوق الكوبرى لا تبقى عارفة تمشى قدام ولا ترجعى للوراء !
لا يا فاتيما أنا ضد الأسلوب ده مهما كان ، و لو كان ضرورى فياريت ميتقالش عليها أساليب سلمية !
إنت كده مش بتلوى دراع الحكومة ! بالعكس الحكومة قاعدين و بيقبضوا مُرتبتهم العالية المستوى ، لكن بتأذى عامل نظافة بسيط فى مجمع التحرير مش عارف يكمل باقية الشهر ! بتأذى عامل بسيط بيلمع جزم عايش باليومية ! تأذى مصالح شركات واقفة على ختم من جوة المصلحة المقفولة بالغصب !
ياريت يكون فى أسلوب غير كده ، ده أنا بعتبره عُنف !
ايه الحل من وجهة نظرك طيب، ومايكونش فيه عنف؟؟ ايه الطريقة اللى ترضى الجميع وتكون مفيدة وماتعتبروهاش عنيفة؟!
يا فيب مصالح الناس اغلبها متعطل بسبب شغل الحكومة وموظفيها، روح لاى موظف حكومى فى ميعاد العمل الرسمى وهو 9… هاتلاقيه يقولك تعالالى بعد 10، طبعا علبال ما سعادته يفطر ويشرب الشاى، تجيله بعد 10 تلاقيه مضضى وروح بدرى… والوضع بئا اسوأ دلوقتى.
انا مع الاسلوب ده الصراحة، لانى ولا شايفة فيه عنف ولا تعطيل مصالح، لانه فى الاساس المصالح متعطلة خلقة والدنيا بايزة… كل اللى بتعمله الحكومة انها بتشيل اللى مش على مزاجهم وتحط عناصر اخوانية بعيدة كل البعد عن الكفاءة، ولما الناس تيجى تتكلم، يقولولك “ما احنا بنهيكل المؤسسات اهو، مش ده مطلب ثورى.
يا فيب مصالح الناس اغلبها متعطل بسبب شغل الحكومة وموظفيها، روح لاى موظف حكومى فى ميعاد العمل الرسمى وهو 9… هاتلاقيه يقولك تعالالى بعد 10،
__________________________
و العيب ده فى مين يا فاتيما ؟ مش فينا ولا فى البلد ! و هو علشان المصالح الحكومية فيها الناس إللى زى كده أقوم شالل حركة البلد و اخد العاطل بالباطل و أقول ما حدش هيشتغل ولا حد مصالحه هتخلص ! يا فاتيما إللى قافلين مجمع التحرير مش قفلينه علشان الموظف بيروح 10 بدل 9 ! دول قافلينه لسبب تانى خالص الله أعلم ما هو ، و بغض النظر عن السبب الحقيقى حتى لو كان هو ( الضغط على الحكومة ) فأنا ضد الفكرة دى من الأساس ! أنا بكره العنف لان نتايجه عكسية ! على فكرة لو الوضع إستمر بالطريقة دى الناس هتقلب على المعارضة و هتتعاطف مع الحكومة و هتكون النتايج عكسية زى بالظبط كده ظاهرة المظاهرات الفئوية ، لو فكرتى فيها هتلاقى الناس دى معاها حق ، عاوزة تحسن دخلها ، حاسيين بظُلم كبير … لكن لما الموضوع ذاد عن حده و أغلب موظفى القطاعات الحكومية و الخاصة عملوا كده الظاهرة بوّخت أوى و بقى الشعب ضد المظاهرات الفئوية و ده علشان الموضوع ذا عن حده !
يا فاتيما إحنا كمان العيوب مليانا ، الحكومة عينتك فى المنصب ده و ميعادك من 9 صباحاً ، و أنت جيت شغلك الساعة 10 و عقبال ما فطرت و شربت الشاى بقيت الساعة 11 و عقبال ما بدأت شغلك بقيت الساعة 12 و عشر دقايق كمان و يقولك معلش فوت علينا بُكرة علشان الزنة قفلت ! ده عيب مين يا فاتيما ؟! عيب أشخاص ولا مؤسسات ؟!
.
انا مع الاسلوب ده الصراحة، لانى ولا شايفة فيه عنف ولا تعطيل مصالح، لانه فى الاساس المصالح متعطلة خلقة والدنيا بايزة
____________________________
أنتى مع الأسلوب ده يا فاتيما و ده طالما رأيك فأنتى حُرة ، بس رأيى إن ده غلط يا فاتيما و أكبر غلط كمان ، إنتى شايفة إن ده مش عنف ولا فيه تعطيل مصالح ، بس مش من الضرورى تبقى إللى شايفاه هو الصح ! يمكن إنتى مش بتستخدمى مترو الأنفاق ، يمكن إنتى مش محتاجة حاجة من مجمع التحرير ، يمكن إنتى ما إتحشرتيش قبل كده فوق كوبرى بالساعات … بس فى غيرك من الناس كترة ده حصل و بيحصل فيهم و ضد الفكرة دى !
إحنا طلبناها دولة مؤسسات ، مش دولة عصابات ما بين الحكومة و الشعب ! ما ينفعش يا فاتيما إن اى تصرف لا يعجب فئة تقوم نازلة و معطلة باقية مصالح الشعب ! لو هيكون هو ده المبدأ يبقى عليه العوض و منه العوض !
.
ايه الحل من وجهة نظرك طيب، ومايكونش فيه عنف؟؟ ايه الطريقة اللى ترضى الجميع وتكون مفيدة وماتعتبروهاش عنيفة؟
_________________________
أعتقد الحل من وجهة نظرى هو إستدام اى طريقة غير العنف ! إيه إللى أخدناه من العنف غير كل يوم قتلى قتلى ! أعتقد فى يناير 2011 كان موقف الشعب أكتر من مُمتاز و من غير عنف ولا تعطيل مصالح ، إيه إللى جد يعنى ! ليه دلوقتى شوية هنا و شوية هنا و إنت نفسك يا فاتيما ما تعرفيش الفرق بين متظاهرى الإتحادية و متظاهرى ميدان التحرير !!
*ماقولتش انه اللى قفلين مجمع التحرير قفلينه علشان السبب اللى قولته، انا بضربلك مثل لسوء الاوضاع فى المصالح الحكومية من زمان، وطبيعة الموظف الحكومى اللى بيقبض فلوسه مع انه مابيشاغلش_كلامى طبعاً مش عن الجميع_
اللى قافل مجمع التحرير قافله كخطوة لعصيان مدنى، مش علشان يصلح من سلوك موظفى الحكومة.
*انت شايف ان الاسلوب ده عنيف، وانا شايفة انه اسلوب سلمى لعل وعسى يجيب نتيجة مع الحكومة الصماء دى، وماقولتش ابدا انه اللى انا شيفاه هو الصح.
*هى النتائج العكسية لسه ما بدأت ولا هل هلالها؟؟
المظاهرات الفئوية البعض خرج بيها مستغل الظرف، مع ان بعضهم وقت الثورة كنت تلاقيه يقول “الله يخرب بيت الثورة عطلت مصالحنا”… بعد كده استفادوا من الثورة بمظاهراتهم ومطالبتهم الفئوية… وهى دى المشكلة البعض بيدور على مصلحته_بتكلم هنا عن الشعب مش عن جبهة الانقاذ، وطبعاً مش كل الشعب برضه_ فليه لما بيجوا الشباب اللى همهم فعلا البلد لانهم شيفينها بتضييع يبقى مخربين وبيعطلوا مصالح الناس؟
*العيب منى ومن المؤسسة يا فيب… منى اولاً لانه طوال 30 سنة او اكتر وانا فى منصبى الحكومى قتلت ضميرى وبقيت اقبض مرتب مش حلال فيا ولا ليا لانى باهمل شئون ومصالح الاخرين… ومن المؤسسات الحكومية كمان المتخاذلة اللى شجعتنى على كده… واللى لما الثورة قامت علشان تعدل حالها، اصبح حالها اسوأ مليون مرة من زمان… وبدل ما يعدلوها ويفرضوا قوانين صارمة تضبط الموظفين اولاً، وشئون العمل ثانياً… انشغلوا بالتمكين، وبإحلال المنتمين للجماعة مكان القدامى.
*فعلا احنا بنطالب بدولة مؤسسات وده مطلب ثورى، لكن مين اللى بدأ وخلاها دولة عصابات؟؟؟
اكيد اللى ضرب بالقانون عرض الحائط، ونزل مليشياته علشان تضرب وتسحل وتحاصر…الخ
فطبيعى يكون ده رد فعل الطرف الاخر، لكل فعل رد فعل يا فيب.
*طيب قولى طريقة واخدة كده بس، تخلينا نتجمع ونبقى بروح يناير 2011.
مش فاهمة تقصد ايه بـ” و إنت نفسك يا فاتيما ما تعرفيش الفرق بين متظاهرى الإتحادية و متظاهرى ميدان التحرير !!”.
أقصد يعنى لو سألتك إيه مطالب متظاهرى ميدان التحرير ؟ و إيه مطالب متظاهرى الإتحادية ؟
الإجابة هتكون مُختلفة .
ولو كانت الإجابة واحدة و المطالب واحدة ، فهسألك ليه مش موجودين فى مكان واحد إما ميدان التحرير أو الإتحادية ؟! ربما تقوليلى أصلهم قسموا نفسهم ووزعوا الضغط على أكتر من مكان .
فهقولك مش هى دى روح ثورة يناير 2011 لأنى أفتكر قبل التنحى كانوا بيدعوا لجمعة إسمها الزحف نحو القصر الرئاسى و كان وقتها الدعوة عامة لجميع متظاهرى التحرير مكانوش شوية فى مكان و شوية فى مكان ،، و للعلم وقتها قالوا إحنا فقط هنزحف لغاية هناك دون تعطيل مصالح أو تريب .
الاول قبل ما اجاوبك هو فيه حد معتصم حالياً فى الاتحادية اصلاً؟!
تقدرى تجاوبينى بأثر راجعى .
ههههههههه اوك.
اه طبعا المطالب واحدة يا فيب وهى ” اسقاط النظام ولا حوار مع قاتل”. هو ده الشعار الغالب والاساسى_وحط تحت الغالب والاساسى دى مليون خط_ فى التحرير وفى الاتحادية لما بتخرج المسيرات لهناك فى ايام التظاهرات المتفق عليها، لانه من فترة من حوالى اسبوع تقريبا او اكتر الامن حرق خيام الاعتصام فى الاتحادية وبقى الاعتصام الاساسى فى التحرير فقط.
وعلى فكرة الناس اللى بيخرجوا يتظاهروا فى الاسكندرية وفى الغربية وبالتحديد طنطا، اخدوا على متظاهرين التحرير انهم قسموا وشتتوا نفسهم بين مكانين.
و متوقعة مصر إزاى بعد إسقاط النظام يا فاتيما ؟
اقولك يا فيب.
انا عندى قناعة انه باسقاط مرسى هايسقط الاخوان وهم عارفين كده كويس علشان كده متبتين فيها اوى، ومش هايسمحوا بسقوط مرسى الا ببحور دم… يعنى الموضوع مش سهل زى ما انت معتقد اننا فاكرينه سهل.
مش بعيد برضه سيناريو الجزائر يتكرر عندنا.
لكن لو وقعوا صدقنى لا هم ولا المتاسلمين الاخرين هايطلع لهم نفس، ده لو وقعوا.
بس فيه سؤال سالتهولك فى الموضوع التانى عن النت ياريت تجاوبنى.
مش ده إللى كنت أقصده يا فاتيما ، أنا أقصد إن يا ترى النظام لو سقط هنتكلم عن الديمُقراطية تانى ولا هنسكت و نرضى باللى هييجى ؟!
أنا رأيى فى حالة سقوط النظام بلاش نتكلم عن الديمقراطية تانى ، لأن قواعدها معروفة و مُلزمة و إحنا ما إلتزمناش بيها !
_______________________
بخصوص الإنترنت و يوتيوب و جوجل بصراحة يا فاتيما مش هقدر أفتيلك فيها بس أعتقد أن تشغيل اليوتيوب لا تربطه علاقة بالجوجل !
“أنا رأيى فى حالة سقوط النظام بلاش نتكلم عن الديمقراطية تانى ، لأن قواعدها معروفة و مُلزمة و إحنا ما إلتزمناش بيها !”
احنا ما التزمناش بيها؟؟؟ هو اصلا احنا عندنا ديمقراطية حالياً؟ وايه هى قواعد الديمقراطية اللى موجودة عندنا واللى المفروض نلتزم بيها علشان البلد تمشى؟
طيب اسالك انا… لو تركنا النظام وبطلنا نهاجمه، والشباب بطلوا مظاهرات، تتوقع مصر بعد 4 سنوات هاتكون فين؟
هاهاها لأ ما تكلمنيش و كانى واحد من النظام ! لأ أعتبرينى زيك مواطن مصرى عادى بس ليه وجهة نظر مختلفة عنك أو شايف الامور من زاوية غير زاويتك ، بمعنى :
أنا ما قولتش المعارضة ما تعارضتش ! ولا قولت الشباب تبطل معارضة ! لأ يا فاتيما أنا عاوز معارضة بس بناءة ، عاوز نقد يطوّر للأفضل .. و أنا بعارض النظام يا فاتيما بس مش بطريقة إبراهيم عيسى ! وائل الإبراشى !ولا الإعلامين عموماً لأن أنا لما بعارض بتبقى مصلحتى إنى عاوز مصر أحسن لا باخد فلوس من المعارضة ولا بالنسبالى و ظيفة بعكس الشخصيات إللى قاعدة على الفضائيات دخلها فى السزون الواحد أكتر من 10 مليون جنيه و إسمهم معارضين و إعلاميين ! و الدليل إن لما النشاط الكروى إتعلق لقينا مدحت شلبى قلب برنامجه سياسة ، خالد الغندور قلب برنامجه سياسة … المهم فى إعلانات داخلة المحطة يبقى أنت إعلامى ناجح بغض النظر عن الأخبار إللى بتنقلها أو الرسالة المهنية عموماً !
فأنا إختصاراً مابقولش ما تعارضوش بس مش لازم تكون المعارضة زى إللى موجودة إما بلاش ! لو هما صح و خايفين على مصر كانوا سمعونا صوتهم أيام حُكم مُبارك كانوا فين ؟! الثورة إللى قامت دى بدءتها الشباب دون أى محرك رئيسى من المعارضة ولما الموضوع دخل فى الجد الكل ركبها سواء إخوان أو ليبرال أو غيرهم ! يعنى كانت الشباب هى الوسيلة و العنصر الأساسى ، و النهاردة الحال إتشقلب و إنتى بنفسك بتقولى المعارضة هى الجسر إللى بيستخدمه الشباب لتوصيل صوتهم !! طيب ليه مكانتش هى دى الطريقة أيام البداية ؟! كانوا الشباب صف و المعارضة متدارية وراه ، ليه دلوقتى بقيت المعارضة هى الصف الأول و الشباب متدارى وراها و بيهتبرها الجسر بتاعه ! طب يا ترى فى ثقة عمياء بين الشباب و الجسر إللى بيستغله فى توصيل صوته ؟! و هل لو الجسر ده طلع هدفه غير هدف الشباب الأساسى هيتحمل معاهم المسئولية ؟! ولا هيرجع ويقولك كنا فكرينهم معارضة نضيفة ؟!
لأ يا فاتيما أنا عاوز معارضة شريفة و ناس هدفها تعارض علشان توجه للأحسن مش علشان تسقط نظام !
أما عن ماذا تتوقع مصر بعد 4 سنوات أبقى كداب لو قولتلك أتوقعها كذا و كذا و كذا !
لأنى شايف مجرد لعبة قط و فار بين الحكومة و المعارضة و مافيش أى معالم قادمة يمكن أن نتوقعها !
بيع قناة السويس مجرد تكهنات ، تورط جبهة الإنقاذ الوطنى مع إيران أو نظام الأسد بردو مجرد تكهنات !
ليه أصدق تكهن واحد و أتجاهل الأخر ؟!!!
أنا مش كده ، مش علشان أنا معارض يبقى أى حاجة عن المعارضة غلط و عن النظام صحيحة أو علشان أنا مؤسد للنظام تبقى كل حاجة عن المعارضة صحيحة و عن النظام كاذبة !
زى ما بسمع على دول بسمع على دول !
و أتمنى مصر تبقى أحسن فى ظل أى نظام !
أنا لا أقيم الرئيس على حسب إنتماءه ! أنا بقيمه عن ماذا سيقدمه لى !
ههههه يا فيب مش محتاج تاكدلى انك مش من النظام ولا من الاخوان، عارفة انك زيك زييى بالضبط واللى بيجمعنا هدف واحد لكن الطريقة مختلفة.
انا بسالك سؤال عادى بما انك معترض على كل ما يحدث سواء من المعارضة او النظام الموكوس، وعايزة اعرف الحل من وجهة نظرك بشكل مفصل.
*سيبك من الغندور ومدحت شلبى وغيرهم، مش هم دول المعارضيين اللى بيحركوا الشارع… وهى دى نقطة الخلاف اللى بينى وبينك، انك مش قادر تقتنع ان كل اللى ذكرت اسمائهم مش هم اللى بيحركوا الشارع يا فيب، بالعكـس الشباب هم الاصل وهم وقود الثورة، وهم اللى بيحركوا رموز جبهة الانقاذ مش العكس… ولو تلاحظ ان الشباب دول بيتم تصفيتهم من وقت للتانى يا بالقتل او بالخطف، لانهم عارفين كويس اوى قيمتهم وانهم الاخطر على نظامهم، مش البرادعى ولا حمدين.
هى دى نقطة الخلاف بينى وبينك، عايزة اوصلك باى طريقة النقطة دى.
*انا قولت ان الشباب اللى هم المعارضة بالنسبة لهم جبهة الانقاذ هى الجسر اللى بيوصل صوتهم للجماعة الحاكمة، وبمجرد ما الشباب دول يحسوا انه واحد من البرادعى او صباحى اخل بمطالبهم او بعد عنها هايقلبوا عليه… ده كان تعليقى هابقى انسخهولك لانى مش فاكرة انا كنت كتباه فى اى موضوع.
ماحدش يقدر يستغلهم على فكرة او يضحك عليهم من جبهة الانقاذ، واعتقد انك كنت متابع مؤخرا الخلاف بين شباب حزب الدستور وبين البرادعى مؤسس الحزب.
ماعندهمش كبير الا ربنا ومن بعده البلد… صدقنى يا فيب هى دى الحقيقة، وبكره تفتكر كلامى ده.
*ليه كل طلب بالمعارضة او بالحرية لازم يُقال ايام مبارك كانوا فين؟؟؟ وايام مبارك كانوا يقدروا يقولوا كده؟؟؟
ايام مبارك انتهت يا فيب، صحيح النظام لسه موجود، لكن هو لا… والحرية اللى على اساسها الشباب بيعترض وبيسخر من مرسى وجماعته، حرية ماجتش ببلاش ولا مرسى بيمن عليهم بيها… دى حرية مدفوعة التمن، تمنها كان دم الشهداء، واللى بسبب دمائهم دى مرسى خرج من السجن وبقى رئيس وجماعته عرفت تتنفس.
مش كل حاجة فين ايام مبارك وكانوا فين وقتها.
*تورط جبهة الانقاذ مع ايران او امريكا زى ما بيقال مش هو الخطر، ولو كان موجود، فعلى الحكومة ان تظهر الادلة… لكن دول مش هم الاساس لانى المفروض احاسب اللى فى السلطة، وايا كان انتماء الرئيس فهو المسئول عن اى شئ يحصل فى البلد، ومطالب انه يحميها ويكشف الحقائق والمؤامرات اللى بيقول عليها، بدل ما يطلع يتهم الناس بالتمويل وتانى يوم المحامى العام يفرج عنهم.
*على فكرة خبر جوجل شكله حقيقى، ولو كان مؤكد يبقى الايام الجاية هاتكون عصيبة، يعنى مش بعيد تحصل مدبحة عندنا لقدر الله.
لااااااااااا إنتى كده عاوزالك قاعدة و خليها فى مرة تانية ،
هرد على بعض النقط ع السريع :
أنا لما قولت مدحت شلبى و خالد الغندور ما كُنتش أقصد أن هما دول المعارضة ! بالعكس أنا ضربت مثل يثبت كلامى أن الجماعة بتوع التليفزيون دول ما هما إلا جماعة سبوبة تهمها الملايين إللى داخلة مش مصلحة مصر و ده ظهر لما الكورة فى مصر حالها وقف راحوا الإعلاميين بتوع الكورة إتجهوا للسياسة علشان يضمنوا دخلهم العالى و الرهيب من الحكاوى و القيل و القال إللى بيقعدوا يحكوا فيها ! لو الإعلام ده نضيف كان مدحت شلبى أو خالد الغندور إحترموا تخصصهم بس نقول إيه البحر يحب الزيادة مش هما إللى بيحبوا مصر !
.
ماحدش يقدر يستغلهم على فكرة او يضحك عليهم من جبهة الانقاذ، واعتقد انك كنت متابع مؤخرا الخلاف بين شباب حزب الدستور وبين البرادعى مؤسس الحزب.
_________________
مين إللى قالك يا فاتيما ، و ليه دايماً بتتكلمى بثقة ذايدة فيها شئ من التسرع ؟ آمال مين إللى بيموت عند الإتحادية و ميدان التحرير ؟! مين إللى بيدعوا لمظاهرات عند الإتحادية ؟ مش جبهة الإنقاذ … بالطبع أيوه و مين إللى بيتقتل و بيموت هناك ؟! مش شباب من الثورة ؟! طيب ليه مشفناش واحد مسئول منهم مُصاب حتى أو أيً من أقاربه ؟! حمدين صباحى بينزل يا دله لقطة فى كل جنازة قال يعنى الراجل وطنى أوى و زعلان على إللى راحو ! طب كنت فين لما كانوا بيقابلوا الرصاص بصدورهم بناءاً على تعليماتهم !
مش أنتى يا فاتيما إللى تقولى ماحدش يقدر يستغلهم ، سيبى الرأى ده لأم أى شاب مات عند الإتحادية هى هتحس أكتر منى و منك !
مش بعفى بكلامى المسئول عن القتل ! أنا مبدأى واحد يا فاتيما زى ما حملنا مُبارك مسئولية الشباب إللى ماتت فمن وجهة نظرى مرسى مسئول أيضاً عن أى شاب قُتل فى عهده حتى الآن !
بتكلم عنهم بثقة زايدة لاسباب كتيرة، اهمها انى بثق فيهم ومؤمنة بيهم وبنقائهم وبانهم طوق النجاة اللى هاينجد البلد بمشيئة الله طبعاً.
الغرقان بيتعلق بقشاية يا فيب، وانا كده.
كلامهم كله طلع صح من اول ماقالوا ماتسيبوش التحرير بعد تنحى مبارك، ولما قالوا ان العسكر مالهمش امان، وانا كنت مثلا واحدة من الناس اللى بيدافعوا عن المشير والمجلس العسكرى وقتها، وبعدها تعدى الايام ونكتشف انهم كانوا الصح……. الخ.
اوك فيب، يبقى لينا حوار تانى فى وقت لاحق، بس المهم مايحجبوش جوجل لانهم شكلهم ناويين نية سودا.
سلامى لادم.
الشهادة لله من يوم ماظهر فى الصورة الأستاذ برادعى والأستاذ صباحى
والبلد من أسوأ إلى أسوأ ومن خراب إلى خراب أوسع وأكبر
منكم لله ياجبهة الخراب اللا وطنى خالص ..
مصـــــــــــــــــــــــدومه
منك يا فاتى 🙁 🙁 🙁
اشربى شوبين لمون الصدمة هاتروح.
صدقينى يا شيرين انا مش مع انصاف الحلول ابداً، وماعنديش استعداد ان بلدنا جماعة تبنيها على وسخ… لازم البلد تنظف الاول علشان تتبنى صح.
اثار بلدك بتتباع عينى عينك وبتتهرب للخارج بحجة انها اثار كفار، وبرعاية بعض المتاسلمين.
ولاد بلدك بيتسحلوا من عناصر الله اعلم هم فعلا من الداخلية ولا لا، وبيتقال عليهم مرة شواذ ومرة فلول ومرة بلطجية… وفى الاخر نكتشف انه تم الضغط عليهم علشان يعترفوا ضد الثوار.
ماعنديش استعداد ابدا انى اشوف بلدى بتتباع قدامى وبتتسلم تسليم اهالى لقطر والغرب، واشباه الرجال باعوانهم بيتحكموا فيها ودايرين يخطفوا ويقتلوا خيرة شباب مصر علشان اللى بتقولوا عنه استقرار.
انتم مش كنتم عايزين استقرار؟؟؟ جه الاستقرار؟؟
انا مش هامن على نفسى ولا بلدى فى حكم مرسى والاخوان، وياريته هو اللى بيحكم لا… بلدك بتتحكم من مكتب الارشاد، والله اعلم من مين تانى.
مرحبا الأخوة والأخوات الأعزاء
أتمنى من الله أن يكون الجميع بخير
مرحبا الأخوه فيب ورامز والأخت شرين وفاتي
.
لماذا لايريد البعض الأقتناع أن ما يحدث في مصر هو ليس صراع على السلطة وكراهية مرسي ورفاقه
إنما هو الصراع بين الحق والباطل ….
الحق : ويمثله الأسلام …. ويتمثل في انسان مؤمن يتقي الله وليس مسلم بالأسم فقط
والباطل : وتمثله قوى الشر من اهل الفن والشيعه والمرتشين واللصوص والزناه وكل من يخاف من
عدالة الأسلام التي لاتفرق بين غني وفقير أو ذو منصب ومقرب الى السلطة . والأنسان البسيط
صدقوني والله …نحن نمر في أيام يميز الله فيها الخبيث من الطيب
الأمر خطير يا أخواني ….. ( ربنا ولا تجعل في قلوبنا غلا للذين أمنوا )
هذا هو الأمر
الكراهية ليست ضد د مرسي أو د البلتاجي أو دعصام العريان
لا ..إنما هي الكراهية والحقد والغل ضد القلوب المؤمنه ….
صدقوني …من فضلكم .. قبل فوات الأوان
أشكر الأخوه فيب ورامز وشرين على وقوفهم المشرف لنصرة الحق … وهنيئاً لكم قلوبكم الحيه
ونأمل أن نفيق القلوب الغافله الى الحق ….
الأمير سراج وهاج في فبراير 13, 2013 3:32 م
لماذا لايريد البعض الأقتناع أن ما يحدث في مصر هو ليس صراع على السلطة وكراهية مرسي ورفاقه
إنما هو الصراع بين الحق والباطل ….
الحق : ويمثله الأسلام …. ويتمثل في انسان مؤمن يتقي الله وليس مسلم بالأسم فقط
والباطل : وتمثله قوى الشر من اهل الفن والشيعه والمرتشين واللصوص والزناه وكل من يخاف من
عدالة الأسلام التي لاتفرق بين غني وفقير أو ذو منصب ومقرب الى السلطة . والأنسان البسيط
ـــــــــــــــــــــ
هى دى المشكلة، مش قادرين يا سراج على المواجهة علشان كده بتتحولوا الخلاف السياسى لخلاف دينى، يمكت تكسبوا بيه قلوب الناس.
الخلاف خلاف سياسى وليس دينى، ولا محمد مرسى هو ممثل الاسلام لا هو ولا جماعته، ولا احنا كفرة بنعادى الاسلام.
هل المؤمن منافق “يكذب- يخدع- يتاجر بالدين- يتراجع عن عهوده ووعود- لعان- طعان- يحلل سفك دماء الاخرين”.
هى دى مشكلتكم، وعلشان كده انتم خطر على البلد، لانكم هاتحللوا اى شئ تعملوه، واى انتهاك تنتهكوه فى حق الاخرين، وكله باسم الدين.
ربنا ينجدنا منكم يارب.
أهلاً أخى سراج ،
أنا أسف أخى ، مُمكن تكون نظرتى للأمور محتلفة عن نظرتك أو ليست كما تصورتها ، أنا شايف جماعة الإخوان المُسلمون بتلعب سياسة الآن و ليست مُمثلة للإسلام !
و كما أننى مع بقاء الرئيس محمد مُرسى أيضاً لي بعض التحفظات الكثيرة عليه كما أننى أنتقده فى كثيراً من التصرفات !
بلاش نقلب الموضوع دينى و معركة بين الحق و الباطل ! بالعكس أخى المعركة عن الرئاسة و على مقعد الرئيس ولا ننسى أن للإخوان مواقف متغيرة فى كثير من الأمور !
.
أما تأيدى لبقاء النظام دفاعاً عن الديمُقراطية أو الشرعية و ليست دفاعاً عن شخص أو جماعة بعينها !
.
أتمنى تكون الفكرة و ضحت للجميع ،،،
ليه فى تعليقات إتحذفت ؟!
و إذا كان فى مشاكل حصلت أنا إيه ذنبى علشان تعليقاتى تتمسح !
يا إدارة نورت ، لو كان هناك أي مشاكل او الفاظ خارجة فبالله عليكى لا تاخدى العاطل بالباطل ، التعليقات دى بنتعب فى كتاباتها و بتاخد منا و قت و مجهود !!
يا أخت فاتي
هل الدكتور مرسي .. مثل ماذكرتي
(هل المؤمن منافق “يكذب- يخدع- يتاجر بالدين- يتراجع عن عهوده ووعود- لعان- طعان- يحلل سفك دماء الاخرين”.)
ولا أدري لماذا لم تذكري ..هل المؤمن لص سارق ناهب ثروات البلد هو وزوجته وحاشيته وتم تحويلها للخارج . هل نسيتها أيضا …
.
وضحي لي … هل الدكتور مرسي فيه من هذه الصفات التي ترموها بالباطل عليه
.
أقسم بالله …لن ترضوا عنه حتى ولو جعل مصر في مقدمة دول العالم
لن ترضوا عن أي قرار يقوله أو أي شئ يفعله
أقسم بالله …لو جاء أو شكل بحكومه من السماء …لن ترضوا عنه
حتى لو جاء بالملائكة ….فلن ترحموه …. وسوف يخرج من يتهكم عليه ويقول …. ( أخونوا الملائكة كمان )
الأمر واضح وصريح …الكراهيه تعمي …. ولا تجعل صاحبه يرى إلا كل شئ سئ فيمن يكرهه
وكراهيتكم لمرسي …ليس لشخصه …. وأنما لإن قلبه قلب مؤمن يحمل كتاب الله ويحفظه
.
حتى ولو كان اللي تم ترشيحه …الشاطر أو البلتاجي أو الدكتور عصام أو أي انسان مؤمن صادق
فسوف يكون الهجوم الشرس عليه …. (( أطردوهم إنهم إناس يتطهرون ))
..
إن عقلك يرفض تلك الفكره …. ولكن هذه هي الحقيقه
.
انا لا أخصك أنتي …فأنا أعلم إنك مستمعة جيده للفضائيات المضلله …والتي تتفنن في كيفية تشويه أي رمز اسلامي ممثل في الأخوان المسلمين
وعندما لا يوجدوا أحد من الأخوان المسلمين …فهم يبحثون عن أي انسان ذو لحيه ويتصيدوا له الأخطاء ….
انتي مغيبه يا فاتي …. وهذا لن يعفيكي أمام الله …في سؤاله لكي عن هجومكم على أخيك المسلم
وتقفي بجوار من يهجموه من الشيعه والنصارى المتشددين والكارهين للأسلام ( وليسوا جميعا ) وأهل الفن والفلول الذين خربوا البلد
.
الشيطان وأبليس يأتي لكي ويقول ….. إنهم يميزون أنفسهم مسلمين وكأنك لستي مسلمه
إنهم جعلوا الجنة لهم …وانتي رغم تصلي وتصومي …ولكنهم يقولون عنك وعن غيرك أنهم كفره
وان مفتاح الجنة بيدهم .
ويظل يوسوس لكي حتى ينجح في عمله …
.
أخيرا
الله يدافع عن الذين أمنوا ….. وصدق الله في كتابه العزيز …فلقد جندت نفسي أن أظل أدافع عنهم
وأفديهم بروحي …رغم إنني وجلال الله …لست أخواني أو سلفي أو أنتمي الى أي تيار ديني
.
ولكني مسلم أشعر أنني في حاجة الى حاكم مؤمن يأخذ بيدي الى طاعة الله
والحمد لله قد من الله علينا بهذا الأنسان المحترم الطيب الهادي …فلماذا نهاجمه بهذه الشراسه
لا ادري لماذا …..ولكن لله في خلقه شئون وحكمة لايعلمها إلا الله وهو أحكم الحاكمين
يهدي من يشاء …ويضل من يشاء
* مافيش تعليقات اتحذفت يا فيب من الموضوع ده.
*نعم يا سراج، كل ما ذكرته موجود فى مرسى وفى جماعته… تحب اجيبلك فيديوهاته قبل الرئاسة وبعدها؟؟
ولا الفيديو اللى بيؤكد فيها انه كان مستشار لناسا… واحنا طنشنا الكلام ده، وبعدها طلع يكدب نفسه بنفسه مع نادر بكار!!!
الفيديوهات مليانة على اليوتيوب… اللى هاتقفلوه بحجة الدفاع عن سيدنا النبى، مع انه الاصل فى الحجب هو انكم بتداروا على فضايح وكذب الاخوانجية.
*نرضى عنه ليه او مانرضاش ليه… مشكلتكم انكم عايزين تالهوه، وعايزنا نعبده، ومش فاهمين انه رئيس يعنى موظف وخادم للشعب وعند الشعب… وقت ما يصيب يلاقى منا الشكر بدون مغالاة ووقت ما يخطئ يعاقب… والحقيقة من وقت ما مسك وهو ملخبط الدنيا وجاب البلد الارض… اذا كان فشل فى مشروع الـ100 يوم بتاعه، هاينجح فى ادارة مصر!!!
*ارجوك يا سراج، الايمان مش حكر عليكم، ولا انتم ممثلى الاسلام، ولا خلفاء الله فى الارض، انتم حتى الدعوة استغلتوها لصالحكم، واثبتت الجماعة انها فاشلة سياسياً وكمان دعوياً.
*وهو حد قالك يا دكتور انى اخوانجية علشان اكون مغيبة واسلم عقلى للفضائيات؟؟؟
العينة بينة، ونهجكم واضح وصريح، وفشلكم بيسرى فى عروق مصر لحد ما هاتضيع. يا سراج انت تعرف عنى ايه اصلا علشان تقول انى مغيبة او غير مغيبة، يا اخ سراج انا والدى وفدى وامى ناصرية، يعنى الاجواء دى مش جديدة عليا علشان حد يقدر ياثر فى عقلى او يتحكم فى دماغى، وفى اللبيت كنت اعارض والدى فى امور، وضد ناصرية امى كمان.
*انا لا بقف مع حد ضد مرسى ولا بشجع حد من اللى ضده من العرب وغيرهم، انا بدافع عن اللى انا شيفاه واللى مؤمنة بيه، ومؤمنة انه الخير لبلدى… حتى لو الجميع كان ضدى او رايه مختلف.
اما بئا بالنسبة للحساب، فالحساب هايكون عسير فعلاً امام ربنا لما يقف تجار الدين ويسالهم عن بيع الاوطان والمتاجرة بالدين.
اهلا أخي فيب المحترم
أتمنى أن تكون بخير والجميع هنا
.
أنا طبعا أحترم وجهة نظرك ورؤيتك للمشهد المؤلم في مصر
ويكفي أنك لاتحمل كراهية للدكتور مرسي ورفاقه .
.
وأن كنت أختلف معاك في أن ما يحدث في مصر …هي فعلا حرب من الحق والباطل
ولكن …ربما نعلم جميعا لاحقا …أن الأمر كما صورت لك
.
وأحب أن أزيد من الشعر بيت …. إن هذه الحرب لها أيدي خفيه من خارج مصر كما من داخلها
وهذه الأيدي …عربيه واوروبيه وامريكيه وايرانيه ….كلهم يقفوا صفاً واحدا ضد بعبع الأسلام الذي يرهبهم ويخيفهم ( ولا أدري لماذا )
وأن مجرد ظهور انوار خافته في مصر تشير الى ظهور هلال الأسلام في مصر …يعطي لهم انذار وناقوس الخطر عليهم …وخاصة وان مصر لها ثقل واهميه في الشرق الأوسط
وأول الغيث قطره ….. إنها فوبيا الأسلام …. التي تقلق المجتمع الدولي بأكمله …. وهناك الجهود الكبيره …للوقوف امامه ….وبعد أن البسوه ثياب الأرهاب …حتى لاتكون الحرب علانيه ضد الاسلام …فيقال
الحرب ضد الأرهاب ….
ولكن الله وعدنا أنه متم نوره ………..والله غالب على أمره
أترككم الأن فقط …لصلاة العشاء
وأذكركم وأذكر نفسي …أن الله أكبر
أي نترك ما في أيدينا ….. لنقف أمام الله الأن …. ونقابله … لنشحن قلوبنا …. فتقوى أنوار عقولنا وبصيرتنا …فنرى الحق حق ونتبعه
اللهم يارب العالمين زين الإيمان في قلوبنا … جميعا
الله يكفي مصر شر هاذا الشخص وأشكاله
أيام مكُنت مُحترم و أخ فاضل من وجهة نظر سراج !!!!
الأمير سراج وهاج
February 13, 2013 at 4:53 pm
اهلا أخي فيب المحترم
أتمنى أن تكون بخير والجميع هنا
.
أنا طبعا أحترم وجهة نظرك ورؤيتك للمشهد المؤلم في مصر
ويكفي أنك لاتحمل كراهية للدكتور مرسي ورفاقه .
______________________________
يااااااا، د إنت طلعت زي ما بوصفك بالمللى ! شُفت بقى أنا فاهمك إزاى !
لما كُنت مُويد للجماعة كنت حبيبك و لا أحمل أى كراهية لمُرسى و رفاقه لكن لما غيرت رأيي فيهم بقيت عبيد البيادة و حقود و قلبى غافل و كاره لمُرسى و رفاقه ( الأنقياء ) !
ده إنت عليك شوية مُصطلحات يا سراج تسخسخ مالضحك !
الأمير سراج وهاج
February 13, 2013 at 3:32 pm
أشكر الأخوه فيب ورامز وشرين على وقوفهم المشرف لنصرة الحق … وهنيئاً لكم قلوبكم الحيه
ونأمل أن نفيق القلوب الغافله الى الحق ….
_________________________
أنا هسيب السطور هى إللى تتكلم، هذا أفضل رد عليك يا سراج !
بالأمس كانت قلوبنا حيّة و اليوم تنعت كل من يخالفك الرأى بإبن المثالية !!!
إخص على دى أخلاق !!!
سألتنى فى موضوع تصوير أفلام جنسية فى منطقة الأهرامات عن دليلى على تغيّرك مع من يخالفك الرأى ، و هذا الموضوع دليل بسيط ضمن ملايين الدلائل التى أستطيع أن أأتيك بها !
أنظر لطريقتى مع فاتيما التى كانت تخالفنى الرأى و الإتجاه فى هذا الوقت لم أهاجمها ولا أعتبرها حاقدة أو غافلة أو غير ذلك من إتهامات و هى كذلك بادلتنى نفس الأسلوب!! مُقارنة بموقفك معى فى هذا الوقت الماضى و موقفك معى الآن ؟!!!! و كذلك الأخت شيرين !!!
أنت لا تستطيع أن تتناقش بتحضر مع الآخرون ولا تتفق إلا مع من يؤيد قناعتك ! و هذا أقل ما يُقال عنك يا سراج !