رويترز – قال مرشح جماعة الاخوان المسلمين في انتخابات الرئاسة المصرية خيرت الشاطر ان ترشح مدير المخابرات العامة السابق عمر سليمان في الانتخابات اهانة للثورة المصرية واذا نجح سيؤدي ذلك الى ثورة ثانية.
وقال الشاطر ايضا في مقابلة مع رويترز ان الاخوان المسلمين لن يؤيدوا حصول مصر على قرض قدره 3.2 مليار دولار طلبته الحكومة من صندوق النقد الدولي ما لم تتغير شروط تقديمه او تستقيل الحكومة لتفسح السبيل لادارة جديدة تشرف على انفاقه.
وكان الرئيس السابق حسني مبارك عين سليمان نائبا له في الايام الاخيرة لحكمه قبل ان يتنحى في 11 فبراير شباط مكلفا المجلس الاعلى للقوات المسلحة بادارة شؤون البلاد. وقدم سليمان اوراق ترشحه في وقت سابق يوم الاحد
هدا بيفكرني بفلم عربي جري الوحوش 🙂
وفوزك انت كمان يا منافق اهانه للثورة برضو
كنتو حاطين ايدكو فى ايد المجلس العسكرى طول الفترة اللى فاتت ولما الشرطه استباحت دم المصريين قولتوا الداخليه ماضربتش ,,ولما بنت مصر اتعرت على ايد الشرطه العسكريه قولتوا ايه اللى وداها هناك,, ولما النائب ابو حامد قال فى احدى جلسات البرلمان (الشرعيه للميدان) كنتو ناقصين تضربوه !!!فالحين بس تسنوا قوانين ابعد مايكون عن الواقع المصرى ومشاكل الغلابه زى مثلا منع تدريس اللغه الانجليزيه !!(جاتكو نيله شوفوا اللى حوالينا بيتكلموا لغتين وتلاته)
ولما حبيتو تاخدو الحكومه فوق البيعه من ايد الجنزورى وطنطاوى الحمار هددكوا بسحب الثقه انقلبتوا عليه ,,, يعنى انتو والعسكر ينطبق عليكو المثل الشعبى(ماشفنهمش بيسرقوا شفناهم بيتقاسموا)
خلاص الشعب فهمكم على حقيقتكم ونعــــم للدكتور ابو الفتوح لانه اول واحد كشف كدبكم ونفاقكم,,,
وكله كوم وقال ايه حترشحوا محمد مرسى احتياطى!!
وياترى حتنزلوله بوسترات ولا حيسخن قدام اللجنه مستنى قرار الcoach محمد بديع بالنزول؟؟
أظنك يا دكتورة إنه من الأفضل …. أن تهتمي بالطب وعلاج المرضى وتتركي أمر السياسة
لقلة الخبرة ….
وأرجوا أن تهذبي أسلوبك …ولاداعي أن تسبي أناس لاتعلمي عنهم شئ ( سوى ما تسمعيه من أبواق الأعلام الفاسد )
.
أخيراً
لو أرد الله خيراً بمصر ….. فلينجح خيرت الشاطر
وسوف نرى الحرية والعدالة والخير والنجاح والتقدم مع إخواننا المسلمين وحزب الحرية والعدالة
.
أنتظري الغد القادم المشرق …..وسوف أذكرك بكلامي هذا ( إن شاء الله رب العالمين )
انا نفسي اسالك ياشرين علي بنت مصر الا اتعرت بما انك مصريه مين في مصر بيلبس العبايه علي البنطلون و bra ا لا اتعرت ما كانتش عارفه انها نازله تجاهد وبالاحري بها ان تستر نفسها بلبس كامل مين يا شرين الا بيمشي كده في مصر مش هاقول اكيد انتي عارفه
الدكتور ابو الفتـــــــــــــــوح وبس
يا ولاد بلدنا علشان ولادنا حيصون بلدنا,,,,ابو الفتوووووووووووووووح
حيعيد حقوقنا وحيبقى صوتنا
لا امريكانى ولا بريطانى ولا ايرانى
مهموم بحالنا حيرد مالنا
لا سرق اراضى ولا عاش مطاطى ومكانش راضى
راجل عفيف ,,همه الرغيف
لا ادانى حاجه ولا عاش خواجه
راجل كويس وماهوش مهيس وحيبقى ريـــــــــــــس
http://www.youtube.com/watch?v=poFjaTRoWKg
وبعدين الدكتور ابو الفتوح كان من الاخوان وانشق عنهم ليه انشقاقه مايكونش تمثليه من باب التشكيك في كل شي يعني
اللى بيسمع كلمة جماعته شو بنقوله………………. شاطر شاطر.
نعم لأبو الفتوح ، ربنا معاه وعلى ايده هتنضف مصر
انا شايف اللي بدوا يرشح نفسه يتفضل بغض النظر عن انتماءاته السياسيه واللي بنتخبه الشعب اهلا وسهلا به مهما كانت توجهاته لانه ساعيتها هيكون هو اللي انتخبه الشعب وانا متاكد لن يكون هناك اي تزوير في انتخابات مصر لانه سيكون هناك مراقبين من جميع الدول والاطراف السياسيه المصريه بعدين الرئيس راح يكون محدود الصلاحيات مش زي زمن حسني مبارك
حمى الله مصر وشعبها لان مصر هي قلب الامه العربيه فاذا تعافت مصر تعافى العرب واما اذا مرضت مصر مرض العرب
أظنك يا دكتورة شرين إنه من الأفضل …. أن تهتمي بالطب وعلاج المرضى وتتركي أمر السياسة
لقلة الخبرة ….
وأرجوا أن تهذبي أسلوبك …ولاداعي للسخريه أو أن تسبي أناس لاتعلمي عنهم شئ ( سوى ما تسمعيه من أبواق الأعلام الفاسد )
.
أخيراً
لو أرد الله خيراً بمصر ….. فلينجح خيرت الشاطر
وسوف نرى الحرية والعدالة والخير والنجاح والتقدم مع إخواننا المسلمين وحزب الحرية والعدالة
.
أنتظري الغد القادم المشرق …..وسوف أذكرك بكلامي هذا ( إن شاء الله رب العالمين )
على كده يا دكتور سراج لازم أنت كمان تبتعد عن السياسة، وتخليك فى مهنة الطب اللى بتفهم فيها كمان، يعنى لا يجوز أن تنصح الأخرين بنصيحة أنت أولى بها، ولا لحضرتك رأى اخر؟
القادم مشرق أكيد، لكن مش علشان الإخوان ولا الحرية والعدالة، واعتقد أن صفقاتهم مع العسكرى ومسلسلاتهم التاريخية خير دليل على حبهم للوطن، وطبعاً واضح جداً أن مصلحتهم هى اخر حاجة!
ممكن اسالك سوال يا دكتور عبد الله
ممكن تقوللى لحد دلوقتى الشاطر ليه ما اعلنش لغاية دلوقتى برنامجه الانتخابى ؟؟وليه بس اترشح لما حليفه المجلس العسكرى رفض يديهم الحكومه بدل كمال الجنزورى؟؟
انا سألتك سؤالين وانتظر منك اجابه عليهم بما انك اكثر خبرة سياسيه منى يعنى كده انا بدى العيش لخبازه
على فكرة انا عندى اقتراح لاجابة اول سؤال وهى:
وليه يعلن برنامج انتخابى ولمين اصلا الموضوع ابسط من كده بكتير ماهو عارف حيجيب اصوات ازاى ,,, مجرد بس انه حيفهم الناس (الانتخابات دى استفتاء على الاسلام ولو انت مسلم بجد تبقى تنتخب الشاطر) الكلام ده انا اسمعته بودانى اللى حتاكلهم الدود قدام اللجان الانتخابيه ايام انتخابات مجلس الشعب طريقه ابتكرها انصار الاخوان لكسب اصوات الناس الغلابه او بالاحرى الناس الجاهله !!
منتظرة اجاباتك اخى عبد الله,,
الرد رقم 1 ( للأخت الدكتورة شرين )
أسف ..لإني لم أقرأ ردك إلا الأن
وأيضا كنت غير متواجد بعد ردودي الأخيره بسبب سفري لإستقبال احد أقاربي
.
الأخت الطيبة … هناك مقابلة تمت مع الشاطر وجريدة اليوم السابع … أرجوا قرأءتها بتمهل … وسوف تكتشفي إننا حصلنا ( بفضل الله ) على الرجل المناسب لقيادة مصر
وبعدها نتناقش بهدوء .
.
أخيراً
هل نحن جربنا حكم الأخوان من قبل حتى نتحامل عليهم بهذه الطريقة البشعة
هناك أناس يتصيدون أي كلمة عابره تصدر من اي إخواني
بل لو تكلم أحد السلفيين بخطأ …ترى الهجوم على الأخوان
لو أخطأ أحد من الجماعات الأسلاميه ….نرى العبأ كله والخطأ موجه للإخوان
وهناك فرق كبير بين الإخوان المسلمين والسلفيين والجماعات الأسلامية الأخرى التي ليس لها نظام أو تنظيم
.
لننتظر …….. والله يفصل بيننا بالحق
على فكرة الاخوان دى جماعة المفترض انها دعوية، والحرية والعدالة الجناح السياسى للاخوان، وطالما الإخوان ارتضوا أنهم يدخلوا برجليهم للسياسة يبقى من حق أى فرد فينا أنه ينتقدهم ويسخر منهم، هم مش الهة.
بتقولوا الكلام ده واحنا لسه على البر، اومال لما تتمكنوا من كل مصر، ويجى حد يعترض على تصرف من تصرفاتكم، يبقى بقى خرج عن طاعة الوالى، والقتل حلال فيه، مش كده؟
سراج انت كمان دكتور والله اول مرة اعرف بقلنا كم سنة على نورت مكنتش عرفة
عشان كدا انت مشاء الله عليك لك من العلم والثقافة الكثير ربنا يبارك فيك اخي
خلاص وانا معاك لو مكنش ابوسماعيل انا افضل الشاطر 🙂
أظن يا أخت فاتي
23 مرشح كلهم ذكور ..وليس فيهم إناث وهذا يعني …….
( المرأة ملكة في بيتها ) وتدير شئونه وتتولى تربية الأبناء ( وأي تقصير ) سوف تسأل أمام الله عن ذلك …وإن أرادت أن تعين زوجها في نفقات البيت ( المسؤل هو عنه ) فلها ذلك بعد موافقة زوجها
.
أنت تقولي [ القادم مشرق أكيد، لكن مش علشان الإخوان ولا الحرية والعدالة]
وأنا أقول ….أسأل الله أن يخيب ظنك …..
ويكون الخير والنجاح والأمل القادم على أيديهم بفضل الله ونعمته
أخيراً
تحياتي الطيبة لك ولجميع الاخوة والأخوات
واختلاف الرأي لايقلل من أحترامي لمن أختلف معه
ايه علاقة زيد بعبيد؟؟؟ وانت شايف ال23 مرشح كلهم يجنووا ويهبلوا، ده كفاية مرتضى منصور.
ايه علاقة الزوجة تقعد فى بيتها وتخرط الملوخية، وتقشر البصل؟؟؟ الكلام ده فى البادية يا دكتور.
ربنا مش هايخيب ظنى، لانه بكلامك بتحدد الخير فقط فى فئة طلعت او نزلت فهم مجرد بشر وليسوا ملائكة.
العينة بينة.
معقوله إنك لم تفهمي ماذا أقصد
طيب أأقولك بس بطريقه تانيه
لو كان الـــ23 المرشحين من الأناث
لجلسنا نحن في البيوت نقشر بصل ونغير البامبرز للأطفال
ونغير اليافطه ( الأب مدرسه إن أعددته أعددت شعب طيب الأعراق )
ويبقى عيد الأب …. مش الأم
ووقتها أتفرغ للطب وأترك السياسة ( هل فهمتي )
ماجاوبتنيش برضه على سؤالى يا دكتور، ولا ماخر الاجابة لحد ماتتمكنوا ووقتها هانعرفها؟؟؟؟؟
معلش يا دكتور أصل مخى على قدى شوية، ومابفهمش بسرعة الحقيقة، لو كنت منتمية لحزب الحرية والعدالة كنت اكيد هافهم.
بذمتك ده رد يليق بدكتور مفترض فيه أنه مثقف وواعى؟؟؟ كلامك لك فى الشرق وأنت بترد على فى الغرب. يا دكتور سراج كل مواطن مصرى من حقه يعبر عن رأيه بحرية تامة خصوصا فى سياسة بلدنا، ولا تطلب منا ان نترك السياسة للى بيفهموا فيها، على أساس انكم بتفهموا فى كل شئ، وغيركم لا خصوصاً لو كانوا من السيدات؟؟؟ على كده بئا السيدات المنتميات للحرية والعدالة مابيفهموش برضه.
على فكرة وجهة نظرى فى الاخوان لم ولن تتغير، والحمد لله انا املك شجاعة الاعتذذار لكن اسمحلى، لن اعتذر فى يوم للاخوان، لانه اى خطوة سياسية او اقتصادية هايقوموا بيها فهى واجبهم، وهو ده المنتظر منهم، ولازم يعملوا كده علشان يثبتوا للناس اللى انتخبتهم انهم كانوا اهل للثقة_ ولو ان العينة بينة_ يعنى الاخوان لن يزكوا على المصريين، ولن يتفضلوا عليهم… هم اصبحوا خدام عند الشعب المصرى، وموظفين واجبهم يقوموا بيه على اكمل وجه. يعنى عصر الالهة انتهى خلاص.
نسيت اقول حاجة، قبل ما الثورة تقوم، كنت ضد الدكتور البرادعى، وافتكر انه فى حوار لى مع احدى الصديقات الجزائريات قبل الثورة مباشرة سالتنى عن البرادعى، وكانت وجهة نظرى فيه سلبية للغاية، بل وكنت من الناس اللى بتعتبر انه السبب فى غزو العراق… لكن دلوقتى احب اعتذر له 🙂 عن وجهة نظرى فيه، لانه أثبت انه رجل محترم للغاية، وفعلا كان كتير منا فاهم الموضوع غلط، لكن اللى يشفع لنا اننا لسه سنة اولى سياسة، والواحد ياما بيتعلم وهايتعلم.
فاتى يا حبى ازيك؟؟؟؟؟؟؟؟؟
اهلا شيرين، أزيك، وازيه الوله حمزة؟
الحمد لله بخير يا قمر
ع السبت كده ان شاء الله راجعين الجيزة
كفايه قعاد لحد كده ,, ان كان صاحبك عسل ههههه
شوفتى المنافق مصطفى بكرى ؟؟ قال عمر سليمان اكدله ان لن يعيد انتاج وتوزيع النظام القديم !!!
ترجعى بالف سلامة يا شيرى، الجيزة ترحب بكِ.
مصطفى بكرى ده فعلا من الناس اللى انصدمت فيهم بجد، مش مصدقة انه النفاق يوصل للدرجة دى ابداً ابداً.
بس تفتكرى قرار البرلمان هايتم التصديق عليه؟؟؟
اللى بستغربله ايزاى قرار العزل السياسى ده ما اصدرهوش اعضاء البرلمان الموقر من زمان؟ ولا بيصدروه وقت المصلحة فقط؟
الرد رقم 2 ( للإخت فاتي )
أسف للتأخير في الرد …. ولم أقرأ هذا الرد إلا الآن
كنت أعتقد أعتراضك بسبب إنني طلبت من الأخت شرين أن تهتم بعملها الطبي وتتقن فيه أفضل من أمر السياسة وبحرها الواسع فهي لاتستطيع أن تغوص بداخله
وهذا أمر متروك للرجال فقط والدليل ( أن المرشحين كلهم ذكور )
وكان ردي بسبب اسلوبها الساخر والمهين لإناس هي لاتعلم عنهم شئ
أما كونها تصوت وتختار أحد فهذا من حق كل مواطن
.
وأرجوا منك ومن جميع من لايعجبهم الأخوان …. أن يقرأ بعين المحايد وليس الناقد
كل تصريحات الإخوان المسلمين …ويلمس مدى الصدق والأمانه
.
وهم ليسو من كوكب أخر ….إنهم مصريين ….
هناك مقابله تمت مع المهندس الشاطر في جريدة اليوم السابع
أرجوا قرأءتها …ثم الحكم عليها بإمانة
ربما تعتذري له …… كما تريدي الأعتذار للبرادعي
كاتيا هم اعطوكى الجنسية المصرى وانا مش عارفة ياختى؟؟؟
ياسلاام على حبايبنا العرب، حاسة انهم هم اللى المفروض يختارولنا رئيسنا، وينظمولنا شئونا الخارجية والاقتصادية والفنية كمان؟
نحبولكم الخير اختي فاتي انتم ركيزة الدول العربيه (تحياتي الك).
كريمة أنا أصدق منك أنت يا جميل الكلام، فيه ناس زيك قلبها نظيف تحب الخير لينا، لكن مش كل الناس زى بعض.
صح
حبيبتي فاتي انا عندي جنيستين التركية والجزائرية ولو احب اضيف عليها الروسية لانو مولودة هناك 🙂
وما خص الجنسية عشان اتكلم على بلد معينة وخاصة بلد مثل مصر عشان هي بلد عربية واستقرارها تنعك س على البلدان العربية التانية
كاتيا ياريت تتوسطيللى عند السفارة التركية مش عايزين يطلعولى الباسبور التركى هههههههههه احنا طلعنا قرايب شكلنا كده، وليتنا فلة يا عسل.
اوك خاليكى فاكرة كلامك ده، لانى انا كمان هادلوا بدلوى فى اى انتخابات عربية قادمة، وهاختار لكم المرشح اللى يعجبنى انا كمان وماحدش احسن من حد 🙂
هههه حبيبتي فاتي من عنيا هشوف اتوسطلك ازاي انت تؤمريني امر
وعلى الانتخبات في الجزائر ادلي بدلوك زي ما انت عيزة تامني وتصدقي بالله انا فحياتي كلها ما نتخبت الا مرتين مرة على بوتفليقة اطال الله في عمره ومرة على حزب جبهة التحرير الوطني دا حتى بطاقتي الانتخابية مش عرفة هي موجودة ولا اترمة 🙂
🙂
ماشى يا كاتيا، بالتوفيق لكم ولنا.
ههههههههههههه مكااان مكااان.خخخخ
اااااهههههههه يا نفوخي !!!!!!! اااخرط /// الله معك الاخت فاتي .ان شاء الله خير لبلدكم.
يجب الانسحاب من الجيش المصري. انه جيش لاخير فيه. جيش خائن كما عادته. خان جمال عبد الناصر وهو الان يخون الشعب المصري. الخيانة اصبحت بالنسبة له كـالاكسجين. كانت دائما عندى يقين ان عمر سليمان عميل لاسرائيل !!
وسوف تثبت الايام يقينى !!
هدا الانسان الايام التى يمضيها فى اسرائيل(فلسطين) اكثر من ايامه فى مصر واضنه اخبث من عائلة مبارك *********
كريمة جيش مصر عمره ما كان خائن ابدا ابدا… لازم تفرقى بين المجلس العسكرى بقيادة طنطاوى، وبين جيش مصر الباسل.
تحياتى يا كريمة.
الله يخرجهااا للخير وبس انتم داخليااا و متفرقيييين !!!كل واحد ورايوووو شو هاد .هههه
كريمة مهما اختلف المصريين داخليا، فالحمد لله هو مجرد خلاف فى وجهات النظر والتوجهات السياسية، يعنى مش تناحر الحمد لله.
الاختلاف شئ طبيعى فى الحياة العامة، فما بالك بالتوجهات السياسية.
مش فاهمة يعنى ايه كل واحد ورايه، وشو هاد؟؟؟؟؟؟؟؟؟؟
لأ يا كريمة الجيش المصري عمره ما كان خاين بالعكس هو مشهود له بالوطنية والشجاعة
لازم نفرق بين مجلس الندامة مجلس طنطاوي خليفة المخلوع وبين الجيش المصري الشريف
بالعكس حكام مصر خاصة السادات ومن بعده مبارك هم من غدروا فيه واضاعوا تضحياته الكثيرة في حرب اكتوبر لما تناسوا دماء من سقط في هذه الحروب من شهداء ووضعوا ايديهم في يد الصهاينة
وانا معك عمر سليمان وطنطاوي اخبث من مبارك …أتاريه مبارك طلع اهبل جنبهم
انشالله المصريين يختاروا حاكم يخاف الله ..وادعوا ان يكون اما ابو الفتوح او الشاطر
الاخت كريمه
كلامك عن جيش مصر العظيم والشعب المصري و عمر سليمان… بل وجمال عبد الناصر، يدل على أن أحوال مصر لم تكن يوما ضمن اهتماماتك. ومع إني لدي صداقات جزائرية أعتز بها، إلا أن كلامك يذكرني بأبطال مآساة مباراة مصر والجزائر… دع عنك الإنشغال بمصر وأحوالها أختي الكريمة… فأهل مكة أدرى بشعابها…. مانجلكيش في حاجة وحشة
اناااا معك الاخت شيرين اذا حبيتو الخير لبلدكم عليكم التصويت للشيخ عبد المنعم أبو الفتوح المرشح لرئاسة مصر هو الانسب والله رجل شريف يخاف الله. / . أصدقه و لا أصدق العسكري . أصدقه و لا أصدق أمريكا . أصدقه لأن الله قال : “لولا ظن المؤمنون و المؤمنات بأنفسهم خيرًا ” . أصدقه لأنني لم أرى دليلاً قاطعاً إلى الآن بغير ذلك , فالتزوير ليس بعيداً على أمريكا . أصدقه لأن نيته كانت حسنة و نية كل من ناصروه كانت حسنة و ثقتي أن الله لن يخذل من ناصره بل ثقتي أن الله ينصر من ينصره , و عبد الفتوح نصر شرع الله . أعلم أنها فتنة و أن نصر الله قريب و أسأل الله أن يجبر ضعف اخواننا و أن يكتبهم مع السابقين.
ها فاتي شرين الجيش المصري خايييييييييين
اهلا رحمة ازيك؟
لا كريمة اكيد اختلطت عليها الأمور أكيد.
جيشنا بخير بس يحل عنه طنطاوى، على فكرة انا كنت من اول المدافعين عن طنطاوى بعد الثورة مباشرة، لكن الحمد لله الامور كل شوية بتضح، والاقنعة بتسقط عن ناس ماكناش نتوقع منهم ان المصلحة عندهم هى الاهم من بلدنا.
ربنا يحمى جيشنا وشبابنا البطل. لكن المتاجرين بالدين والوطن ربنا ينتقم منهم ياااااااااااااااااااااااارب.
عارفة انك بتحبى المجلس العسكرى لكن انا لا ثم لا ثم لا.
ماجاوبتنيش برضه على سؤالى يا دكتور سراج.
طب اسالك السؤال بطريقة تانية: “بعد ما تتمكنوا من التورتايه كاملة، هاتصفوا معارضيكم بأى طريقة؟
مضطرة اروح دلوقتى، وأتمنى الاقى اجابتك عن سؤالى.
على فكرة أتمنى تكون اجابة على مستوى عال من الاحترام، يعنى باعتبار أنك اخوانى اولاً، ودكتور ثانياً.
تــــــــــــــــــــــــشاو.
أنا جاوبت على الشق الأول ..فوق عند مشاركتك الأولى
.
أخيراً
لماذا لانعطي الفرصة لمن أختارهم الشعب في انتخابات البرلمان
.
لننتظر الى الأيام المقبلة ….وبإذن الله …. سوف تثبت الأيام صدق قولي ويأتي الخير والنجاح مع حزب الحرية والعدالة
وعندها …. أرجوا ممن هاجم الإخوان ..أن تكون لديه الشجاعة ليعتذر … ويعلن أسفه إنه أخطأ في حقهم يوماً من الأيام
السلام عليكم ورحمة الله وبركاته ،
كيف حال الجميع ؟ يارب بخير …
أول حاجة أحب أقولها فى كُومنتى هتكون موجه للمُهندس الشاطر :
إتلهى و أقعد ساكت ! و دى مش أخلاق مُسلمين ، كل إللى ليك هو الصندوق بغض النظر عن من سيترشح للرئاسة بخلاف سيادتك أو من يدفعه حزبك ! و المُنافسة الشريفة هى إنك تخليك فى حالك و أعمالك الخيرة و برنامجك الإنتخابى ونيتك النضيفة و فوق كل ده إرادة الله هى إللى هتوصلك للحُكم أما خلاف ذلك فمش شغلك ! ما حدّش عينك مُتحدث بإسم المُرشحين المصريين علشان تقول فولان إهانة وعلان يصلُح ! و فوق كُل ده لا تنسى أن أمريكا و إسرائيل باركت ترشيحك للرئاسة !!
فى الحقيقة أنا لا ضدّ الإخوان ولا معهم !
بمعنى عُمرى ما بسيب نفسى أبقى ( مُجنّد ) لصالح حد تانى ، طبعاً بخلاف بلدى مصر إللى كُنت فى يوم من الأيام مُجند فى جيشها و هى الوحيدة إللى تستحق ذلك .
خُلاصة الكلام ، مش بحب التحيّز الأعمى لطرف طوااااااال الوقت ولا بحب أكون ضد لطرف طواااااااال الوقت !
مواقف و أفعال الطرف هى الفاصل الوحيد لكونى أكون معه أو ضده .
بعد الثورة ميلت لكون الإخوان المُسلمون ياخدوا فُرصتهم ، و ده من كلامهم ومواقفهم إللى إضطرتنى لكده ، لكن كان من قمة الغباء إنى أتغير بنسبة 180 درجة فى أقل من 3 شهور و أفقد الشعبية الكبيرة إللى قدرت ألمها خلال 3 شهور فقط !
تغيير المواقف وسياسة الإستحواذ على المناصب أو زى ما بيقولوا كده بالبلدى ( التكويش ) كانت من الأسباب الرئيسية لتنافر مُعجبى الإخوان المُسلمون فى الفترة الأخيرة و إللى أنا كُنت واحد منهم !
كان من أهداف الثورة إن الدولة تكون ( دولة برلمانية ) ، يعنى ما يتحكمّش فيها فرد واحد وهو رئيس الجمهورية !!!
و يجوا الإخوان المُسلمون و يباركوا على هذا الكلام وعلى هذه الأهداف ، ولكن فى الحقيقة ووقت الجد نلاقى الإخوان يستحوذون على الأغلبية فى البرلمان لأ وكمان عاوزين ياخدوا ( الرئاسة ) !
و ده حصل إمتى ؟
بعد ما جميع القوى السياسية فى الدولة تنافرت من اللجنة التأسيسية للدستور إللى كانت عاوزة تعمل الادستور فيها على هواها و تجرد رئيس الجمهورية من أغلبية سُلطاته إللى كان مُبارك ضايفهاله ، وبعد أن رفضوا إستحواذ الإخوان على لجنة تأسيس الدستور ، فقامت الإخوان لما لقت نفسها هتطلع من المولد بلا حُمص فقامت دفعت بخيرت الشاطر رئيساً للجمهورية علشان تحمى مصالحها إللى كانت عاوزة تحميها بالدستور فقالت إللى يقدر عليه البرلمان أهو بتاعنا ، و إللى يقدر عليه رئيس الجمهورية برضوا أهو بتاعنا !!
فبصراحة ده سيناريو قد يكون صحيح و قد أكون خاطئ فى تفسيره و الله أعلم !
إنما بصراحة الإخوان مصدقياتهم بقيت فى الضياع و أظهروا أنانيتهم خصوصاً بعد دفعهم بالمُرشح ( الإحتياطى ) الثانى الدكتور / محمد مُرسى رئيس حزب الحُرية والعدالة !!!
علشان لو ما صابتش مع خيرت مُمكن تصيب مع مُرسى .
يارب يا عالم الغيوب ، ولى لمصر من يصلُح رئيساً .. و أحميها من شر المُؤامرات و الخدع و سواد النية !
هلا وغلا بابو ادم الظاهر انو حبيب قلبنا ادم اتعدل في نومو وصرت تنام كويس عشان كدا انت رايق وكاتب تعليق طويل عريض 🙂
ربنا يخليهولك طمنى عليك وعلى ادم
إزايك أختى كاتيا ،
يارب بخير …….. لا والله لسه و بنام ساعتين فى اليوم بلا مُبالغة 🙁
يومك جميل
ويومك اخي الله يسلمك ويسلم ادم يا رب
ايه ده؟؟؟؟؟؟؟؟؟؟؟؟؟؟؟؟
هو فيب جاب ادم؟؟
بسم الله ماشاء الله
ربنا يخلهولك ويتربى فى عزك يا بوحميد
بس انا كان نفسى تجيب بنوته عشان اجوزها لحمبوزو ويبقى زيتنا فى دقيقنا هههههههههه
بارك الله فيكي وشكرا لردك انا بحب ممممممممصر وبببببببحب جيش مصر ومايهمني الاسماء تقدري تقوليلي لو الجيش حصل بيه انحلال هايفضل اه الخروج عن الحاكم والفتن ليس من الاسلام انا كان نفسي السلطه في مصر تتنقل بطريقه امنه حتي يحدث تغير ا من مش الهرج الاحاصل ها نفضل كده الي متي الا ده موافق عليه ده لا
أنا عن نفسى لا أجد فى الأشخاص المُتقدمين من هو مُناسب لرئاسة بلدى ” مصـر ” ، لى تحفُظات على أبرزهم فمثلاً :
عُمر سليمان ، كان نائب مُبارك الرئيس السابق لمُدة 18 يوماً و ماتت فى هذه الفترة شباب ثوّار على أيدى النظام السابق إللى كان هوه واحد منهم ……. إزاى أديله صوتى ؟!
أحمد شفيق ، نفس الكلام السابق !
عمرو موسى ، نفس الكلام السابق !
الشيخ حازم صلاح أبو إسماعيل ، أولاً هوية والدته مُشكك فيها قد تكون حركة مُلفقة من المُنافسين أو قد تكون حقيقة ! وده الشئ الأول .
الشئ الثانى ألصراحة أنا إتفرجتله على بعض الفيديوهات أو اللقاءات و لقيته شخص مُثقف و يتمتع بكاريزما كبيرة من المُعجبين … لكن ده مش معناه إنه ينفع يبقى رئيس لجمهورية عربية كبيرة زى مصر ! خبرته إيه فى القيادة أصلاً ؟ خبرته السياسية إيه عموما ؟
هو مُمكن يبقى رئيس شركة ناجح أو رئيس بنك أو عضو مجلس شعب إنما رئيس لمصر ! أعتقد القميص هيبقى واسع عليه !
خيرت الشاطر ، مُرشح جماعة الإخوان المُسلمون إللى قالت لن نطمع فى السُلطة ! ده غير إن سيادته تفاجأ فى الصباح الباكر إنه هيترشح للرئاسة من غير ما يعرف !
محمد مُرسى ، المُرشح ( الإحتياطى ) للإخوان المُسلمون .. يعنى لو ما صابتش مع خيرت مُمكن تصيب مع مُرسى و أهو كُله هيصُب فى مصلحة الجماعة فى الأخر مش فى مصلحة مصر إللى كاتبين على اللوجو بتاعهم ( نحمل الخير لمصر ) ، لكن الحقيقة : نحمل الخير ( بتاع ) مصر !
محمد سليم العوا ، بيقولوا والده سورى الجنسية ! ده غير إنى ما أعرفش عنه الكتير !
أيمن نور ، مش شايفه رئيس لمصر !
عبد المنعم أبو الفتوح ، عضو سابق فى جماعة الإخوان المُسلمون وحركة إنشقاقه قد تكون حقيقة أو قد تكون تمثيلية منه ومن الجماعة !
أنا مش شايف حد يستاهل الحقيقة !
يالا مُمكن ترسى على سعد الصُغير …. !! 🙂
VIP في أبريل 9, 2012 4:39
أنا مش شايف حد يستاهل الحقيقة !
————————–
أنا من رأئي تغير النظارة
السلام عليكم ورحمة الله وبركاته ،
كيف الحال أخى سراج ..؟ يارب بخير ،،،
يا أخى الكريم ده رأيى ، و ده صوتى و أكيد لازم أديه للى أنا شايفه مُناسب ، و أنا حتى الآن لم أرى شخص مُناسب !
و هل أنا إعترضت على تأيدك للشاطر مثلاً لكون رأيك مُخالف لرأيى ؟!!
vip مساءك فل من زمان عنك
أخبارك واخبار ادم وام أدم ايه ؟؟ربي يحفظه لك ان شاء الله
وعليكم السلام ورحمة الله وبركاته
الحمد لله أنا بخير وأشكرك على سؤالك عن صحتي وأتمنى أن تكون أنت واسرتك جمبعا بخير
.
( أأسف على تأخيري في الرد …فقد خرجت مباشرة في رحلة سفر ولم أعود إلا في الصباح )
يا أخ فيب … كل انسان حر …وله الحق أن يختار من يراه مناسب ويميل إليه أو يقتنع به …
ولكن من واجبي أن أوضح لإخواني وأخواتي بعض الحقائق أو الأمور الغائبة عنهم
وخاصة من يستمعون الى أبواق الأعلام الفاسد والكاره لأي شئ فيه كلمة ( إسلام )
.
إنها الحرب الدائمة على الأرض بين الخير والشر ( مادامت السموات والأرض )
.
يا أخ فيب … كان أعتراضي على ردك الأول ..و الكومنت الذي تريد أن ترسله الى الشاطر ( إتلهي وأقعد ساكت )
وحرية الرأي لاتعطي لك السماح أن تهين الأخرين
وخاصة أنت لاتعلم عن هذا الرجل ( الرائع ) شئ
أقرأ مقابلته مع جريدة اليوم السابع …وأنا واثق إنك سوف تغير رأيك
وتعتذر له في نفسك وإنك أخطأت في حق هذا الرجل ( التي تحتاجه مصر الأن )
.
ارجو الخير والصلاح للشعب المصري وان يتمكن من العيش بخير وسلام وامان /فلسطيني