عاد آلاف الموطنين السوريين قبل أيام، إلى مدينة حمص، ثالث أكبر المدن السورية، التي تحولت إلى أطلال، بعد عامين من القصف والتدمير، بقذائف الهاون والمدفعية الثقيلة.
يأتي ذلك بعد أن عُقد اتفاق يتضمن خروج مقاتلي المعارضة من الأحياء المحاصرة. وبثت وكالات الأنباء العالمية صوراً مؤلمة وحزينة تُدمي القلوب لما آلت إليه مدينة حمص، بعد أن دكت جيوش النظام كل شيء واجهته.
بالصور.. آلاف السوريين يعودون إلى “حمص” بعد عامين من الحصار
هاي الصور ذكرتني بس انتهت الحرب بلبنان وطلعنا من الملاجئ وشلنا الدشم اللي كانو ببيتنا والله ماساه الحمد لله الحجر بيتعمر وما بتروح الا على اللي راحو والحياة تستمر الله يفرجا على أمه محمد يا الله
رجعوا لوين ؟
يا حسرة ليش بقي فيها مكان يقعدوا فيه ما كله مدمر المدينة كأنه ضاربها زلزال وإعصار ويمكن فيها ألغام ولا قذائف ما انفجرت ومتهالكة بينخاف حتى يقعدوا جنبها ما تقوم توقع عليهم …حسبنا الله ونعم الوكيل بهالمجرم ربنا ينتقم منه ويدمره ويخلصنا منه يا الله …منظر الدمار بيحرق القلب ربنا يحرق قلب بشار واللي معه على اللي عملوه ببلادنا
سلامي .. الى الاخت .. ام محمد .. والخت نور ..
..
العودة .. بحجر او بدون حجر ارحم ملايين المرات من اغلب معسكرات اللاجئين والتعب والالم والاذلال فيها ..
فوالله لو ترونها على الحقيقة لتكفروا بالقدر ..
مهما تكن بالارض بيتهم ولهم وملكهم .. دون منيت الاخرين عليهم ..
تحياتي ..
..
بيوتهم و بيوتنا … من هنا يأتي القتلة و الجناء و أعداء الله و الانسانية
https://fbcdn-sphotos-e-a.akamaihd.net/hphotos-ak-prn2/t1.0-9/s403x403/10300088_1553055744921541_3689332375664896884_n.jpg
شكرًا اخي كريم وكلامك كلو صحيح لأنو كلو بيرجع بيتعمر وبيصير أحسن من اول
يا الله يا الله عليك يا سوريا
معليش يا نور يرجعوا لمين بدهم يتركوها (للأسد او الإرهابين من الدواب يعني دواعش )
في أمراءة هون تعرفت عليها من شهرين هي عراقية مسيحية
مرة تكلمنا بصورة عامة (عيونها دمعت لما قالت نحن لمين تركنا العراق وين عم يروح الشعب ،نحن تركناهنا لإيران والأمريكان (وقصدت هون بالشركات الاقتصادية والجماعات الإرهابية )
وقالت انا هون بس اهلي باميركا وأخي تهجر بعد هجرته الى سوريا (وعم يخلص أوراقه في لبنان للرحيل الى أميركا .
كرمال هيك يرجعوا اهلينا السورين والله كريم
أهلين اخي كريم . بعرف .كلامك صحيح لازم يرجعوا… وقعدتهم ولو على التراب ببلادهم ياكلوا خبز ناشف بكرامتهم احسن مليون مرة من قعدتهم ببلاد الغير و تحت رحمتهم خاصة العرب اللي مافيهم خير ولا ضمير ونازلين إذلال فيهم…. بس غصة بالقلب يشوفوا بيوتهم وحاراتهم مدمرة بهالشكل وهالمجرم اللي دمرها عايش فوق الأرض …ربنا يضربه ضربة من عنده يجعله عبرة لكل سفاح متله
تحياتي للعزيزة محايدة وللجميع
كلامك صح حبيبتي نور بس الافضل من حياة الزل والبهدله اللي عايشين فيها..
والله نحنى وعم يوجعنا قلبنا عليهم ..الله يكون بعونكم ..
دعائنا لكم دائماً بعوده السلام وبوقت قريب إنشاءالله..
والله يحاسب كل من كان السبب بدمار البلد
العودة .. بحجر او بدون حجر ارحم ملايين المرات من اغلب معسكرات اللاجئين والتعب والالم والاذلال فيها ..
فوالله لو ترونها على الحقيقة لتكفروا بالقدر ..
مهما تكن بالارض بيتهم ولهم وملكهم .. دون منيت الاخرين عليهم ..
كلام صح كفيت ووفيت بارك الله فيك اخي كرم