السيسي: “مش حناكل وحنجوع ايه المشكلة يعني؟”

السلام عليكم، أخ عابر سبيل،
تعليقى هيكون رد على الفكرة إللى إحتواها تعليقك بغض النظر عن قناعتك أو قناعتى.
الموضوع مش موضوع هو قلقان أو مش قلقان، هو كان لازم يقول الكلمتين دول حتى لو كانت الحقيقة غير ذلك ! إزاى رأس الدولة يٌبدى قلقه أمام وسائل الإعلام ؟! تخيل كمية الـ headline إللى هتتعمل على تصريحه لو أبدى قلقه من الإرهاب و تراجع السياحة! ده يبقى غباء ! لأن لما رأس الدولة إللى هو رئيسها يُبدى قلقه من عملية إرهابية هذا معناه أن الإرهاب إنتصر و يُعتبر دافع معنوى و قوى لخصوم الدولة و لكل من يتربص بها سواء داخلياً أو خارجياً ! و أى رئيس فى أى دولة كان هيعمل كده حتى لو كان إللى قبليه.
هضربلك مثال:
زى لما تبقى حضرتك شغال فى وظيفة و ييجى صاحب العمل يقولك إحنا إستخدمنا عن خدماتك شُكراً لك، إنت هيكون رد فعلك إيه ؟! أكيد هتظهرله إنك ثابت و مش همك و إنك هتلاقى المكان إللى أحسن من إللى إنت كنت موجود فيه و أن حظك فى أى مكان تانى هيكون أفضل لك و إنه هو إللى خسرك ، حتى لو كنت إنت فى أمس الحاجة للوظيفة و للمال فى هذه اللحظة !
هو ده إللى هو عمله، لأن مش من السياسة إنه يطلع يقول إحنا قلقانيين و إللى بيحصل ده خطر و ياريت الجماعة إللى سحبوا رعاياهم يرجوعوهم تانى علشان السياحة تنتعش و الإقتصاد مينضربش !
.
و ده كان مُجرد تعقيب فقط على وجهة نظرك.