حمّلت خطيبةُ الصحافي الحسيني أبوضيف الرئيسَ محمد مرسي وجماعةَ الإخوان المسلمين مسؤولية مقتله عقب إصابته بطلقة رصاص حي في الرأس أثناء تغطية أحداث الاشتباكات أمام قصر الاتحادية منذ قرابة أسبوع.
وقالت في حديث مصور: “مرسي والإخوان إللي بيدعوا أنه (الحسيني) واحد منهم أنا كنت أقرب وحده ليه في الدنيا. أنا كنت أدافع عن الإخوان. أنا من النهارده عدوة للإخوان، بكره الإخوان.. هفضح الإخوان”.
وأضافت: “هانتقم منهم، وسأكون أول شهيدة بعد وفاة الحسيني أبوضيف”، وأشارت إلى أن من قتل يُقتل ولو بعد حين.
وكان الحسيني قد توفي صباح الأربعاء، متأثراً بإصابته، في مستشفى القصر العيني بعد إصابته بالرصاص في الرأس أثناء تغطيته أحداث الأربعاء الماضي أمام قصر الاتحادية.
ويعد الحسيني (33 عاماً) الفقيد الثاني للصحافة منذ ثورة الخامس والعشرين من يناير/كانون الثاني، حيث قتل الزميل أحمد محمود الصحافي بمؤسسة الأهرام، بعد أن أصابه قناص أثناء وقوفه بشرفة منزلة بوسط القاهرة.
رايس خيخه ليجي. يسبو
الله يرحم زوجك..ويصبرك….ولكن في عهد مرسي على الأقل قدرتِ تفتحي فمه وتقولي جرى لي كذا وكذا ….وتقوليها قدام الناس و تنشريها في الإعلام وتهددي……أما والله لو ألي جرى لِك جرى في عهد مبارك ما كنتِ تِقدري تفتحي فمِك…
لا يا سعاد، فى عهد مبارك كمان كنا بنقدر نخرج ونتكلم وكان فيه معارضين كتير بيخرجوا يشتموا مبارك بشكل علنى وبينتقدوا سياساته… يعنى مش شئ جديد، ومش تكرم من مرسى علينا.
ولولا الحسينى وخطيبته دى وغيرهم من شباب التحرير كان مرسى واخوانه فى السجن، واللى بره منهم زى بديع وغيره بيؤيد جمال مبارك لرئاسة مصر.
أهلا فاتي…. والله ألي كان بيوصل لنا في الإعلان أنه في أيام مبارك كان الواحد إذا تكلم يروح فيها هو وأهله…مش بس من الإذاعات من المصريين هنا في أمريكا كلهم بقولو نفسِ الشيء يعني مش وحدة ولا إتنين…. ناس كثيرة بتقول نفس الشيء وحتى أنه فيه صحفي مصري مشهور بيشتغل في الجزيرة …كان خايف ليرجع للبلد لحَدِ يقتله…لأنه كان بينشر أخبار على الحكومة………
مساء الخير سعاد وفيب.
ايوه يا فيب ابراهيم عيسى اتسجن ايام مبارك لانه قال انه فقط انه مات… غير كده كان ماسك مبارك نشر وتهزيق وانتقاد فى جريدته.
يسرى فودة، واغلب المعارضين من امثال صباحى وغيره.
حركة كفاية و6 ابريل دول مش ناس كانت بتنزل تعترض وتعمل مظاهرات وبتحط صوابعها فى عين مبارك وحكومته؟؟؟؟
عبد الحليم قنديل مش طلع فى مقالة غسل مبارك يا فيب؟؟؟؟
احمد فؤاد نجم، حمدى قنديل، وغيرهم كل دول ماكانوش موجودين يا فيب؟؟؟
تامر امين كان صديق لجمال مبارك، والاعلام المصرى ليس عمرو اديب ولا تامر امين.
بلاش دول، مش كان الشعب من ابسط واحد لاكبر واحد ماشى يشتم فى مبارك، تروح عند فكهانى يسبه، تروح عند صديق تلاقيه بيلعنه.
انتم هنا فى نورت شيرين وتريب واستاذ احمد ونور القمر كانوا بيشتموا ويهاجموا مبارك قد ايه… مع العلم انه كل شئ كان متراقب وكان اى حد ممكن يجيب اى واحد بيشتم بسهولة… كل ده وتقولى ماكنش فيه حرية؟
ده غير انك سبت الاخت سعاد اللى كلامها بيدل على اننا نموت عادى لانه مرسى تكرم علينا بالحرية؟؟؟
حرية ايه يا سعاد اللى مرسى ادهالنا؟ الحرية دى جابها شباب مصر، وهم السبب فيها… واللى هاتتسلب منا بعد ما دستور الاخوان يتم تمريره.
أهلا فاتي الكلام ألي قلته مش كلامي ،هذا الكلام….ألي شفناه في الإعلام …وكلام المصريين بنفسهم…أنا مش عارفة شنو زعلكِ في كلامي وحتى لو صحيح ألي سمعناه يعني عادي الدول العربية معروفة بقمع شعوبها…. أحنا كمان في عهد الحسن الثاني ماكان ولا واحد يتجرأ يفتح فمه ….مش مثل الآن مع محمد السادس …فرق كبير….وأنا آسفة إذا كان كلامي زعلِك …بس أحب أقولِك يافاتي لو ماكان يهمنا أمر مصر ماكنا نهتم ونعلق ونعرف أخبارها …وياريت ماتفهمنيش غلط…الله وحده يعلم كم نحبو لكم الخير….والسلام
إزاى يا فاتيما كانت المعارضة أيام مُبارك كانت بتخرج و تشتموه ! جيبتى منين الكلام ده و ياريت توثقيلى كلامك ده بموضوع أو حتى بفيديو أشوف فيه أى حد بيشتم مُبارك !
الهتافات على أيام مُبارك ” مش هنخاف مش هنطاطى إحنا كرهنا الصوت الواطى ” يبقى مين إللى كان بيخرج عليه و يعترض بالظبط ؟! ولو الناس كانت بتخرج عليه و تنتقده صبرت عليه 30 سنة إزاى ؟! و إزاى كانت المُعارضة بتختلف معاه و عمرو أديب الرمز الإلامى المصرى بنفسه بعد ما تنحى قال إللى كان بيتكلم كان ( !!!!!!!!!!! ) وسب الدين ! و إللى كان بيعترض كانوا بيعملوا فيه كذا و كذا و كذا ، ناهيكى عن رأى تامر أديب لما قال الرئيس مُبارك خط أحمر لنا كإعلاميين ولا يجوز لنا أن ننتقده هو و أسرته ! أغنية إخترناه و بيعناه إللى عنوهالنا على مدار 30 سنة دى كانت برضانا ولا غصب عنا ؟! أيام إنتخابات الرئاسة كان فى كام مُرشح بينزل قُصادة يا فاتيما ؟!
كل ده و تقوليلى كان فيه حُرية ؟! إبراهيم عيسى إللى واخد راحته تالت و متلّت على قناة القاهرة و الناس إعتقلوه لما قال الرئيس مُبارك ( عيّان ) ، خدوه قرصوا و دانه و قالوله مالكش دعوة بصحة الرئيس تانى و إختار المواضيع إللى تتكلم عليها و بطل فزلكة !
.
ياريت يا فاتيما تفرجينى على فيديو فيه أى مُعارض ( بيشتم ) مُبارك زى ما بيحصل دلوقتى وزى ما بتقولى !
( ناهيكى عن رأى تامر أديب )
أقصد تامر أمين
نسيت عبارة مبارك الشهير “سيبوهم يتسلوا” ولا ايه يا فيب.
أشعر بالعار لان مبارك رئيس لمصر
وهو لا يعرف قيمتها ولا أقدارها ولا جغرافيتها ولا تاريخها ولا ما ملكت ولا ما أعطت وحول بلدا هائل الوزن بحجم مصر الي عزبة بالحجم العائلي
أشعر بالعار لان مبارك رئيس لمصر
وهو الذي لا يملك من الرئاسة مؤهلاتها فلا فوائض عقل ولا زاد من بصيرة ولا حسن بالسياسة ولا شرعية حتي بالخطأ أو بالباطل فلا هو ديكتاتور ذو رؤية ولا هو منتخب ديموقراطيا بل هي الصلافة المحض وتناحة الروح وجلافة اللغة والتصريحات المفرطة في الغياب الذاهل علي طريقة البتاع ده
أشعر بالعار لان مبارك رئيس لمصر
وهو لا يخلص لدم ولا يستذكر نسبا لأمة ويتصرف كموظف أرشيف أو كأمين مخزن زاغت مفاتيحه جاءت به الصدفة إلي رأس بلد كان تاج الرأس وانتهي به الي بلد بالصدفة انتهي بنا الي مقلب نفايات وبواقي فساتين وبقايا صور وأكواب مهشمة
وتراب يثقل القلب وجعلنا نشعر بالخجل من اسم مصر فقد حول علونا خفضا ونزل
بنا من حالق الي الفالق فلا مكانة ولا دور ولا كرامة من أصله ولا فرصة للمقارنة
إلا مع دول من نوع جيبوتي و الصومال و بوركينا فاسو ففقرنا من مهانتهم نكاد
لا يرانا أحد كما لا يراهم أحد وقد يكون لهم عذرهم ولنا العذر بالرئيس الذي هو
انكي من العذر بالجهل
أشعر بالعار لان مبارك رئيس لمصر
وهو الشخص الذي كانت غاية أحلامه منصب سفير في بلد الإكسلانسات أو رئيس لشركة طيران وانتهي بالبلد الي مزاد البيع في سوق الإكسلانسات
أشعر بالعار لان مبارك رئيس لمصر
فهو يستحق ان يُحاكم لا ان يحكم ان يفزع لا ان يفزعنا ان يعزل لا ان يسأل ان تذهب ريحه لا ان يذهب باسم مصر لها المجد في العالمين
نعم يا مبارك أشعر بالعار لانك الرئيس أشعر بالقرف أشعر كأني أريد ان أتقيأك
د / عبد الحليم قنديل
جريدة الكرامة
ياريت النقد إللى بنقراه دلوقتى من جميع صفوف المُعارضة و المُعلقين بنفس هذا الأسلوب الذى تناوله عبد الحليم قنديل مع الرئيس السابق مُبارك !
على فكرة يا فاتيما ، النقد إللى قصده بتعليقى إللى فات مش نفس النقد إللى نسختهولى بتعليقك إللى رديتى بيه عليا ، أنتى قولتى ( بيشتوه ) و أنا ما قريتش شتيمة من عبد الحليم قنديل لمُبارك ! إللى قريته عبارة عن نقض بنّاء عكس ما آراه الأن من إنتقادات .
لا إتقال عليه حُمار ولا فاشل ولا حتى إتقاله مُبارك من غير ( سيدى الريس ) ، أختى فاتيما ، إنتى عارفة الفرق جيداً بين سياسة الحُرية قديماً و سياسة الحُرية حالياً !
اكلمك فى نقطة تكلمنى فى نقطة تانية لما طلع فؤاد نجم وشتمه فى برنامج ضد التيار؟؟؟
عمرو عفيفى كان بينقد مبارك ايزاى… كان بيسبخله، وبيجيب من الطين وبيحط عليه.
هاتقولى عمرو عفيفى فى امريكا… هاقولك كان سهل جدا مبارك يجيبه من قفاه او يبعتله اتنين من امن الدولة يخلصوا عليه.
نفسى افهم هو الناس المحترمة امثال ابراهيم عيسى ويسرى فودة وحمدى قنديل… وحتى لميس الحديدى اللى بتكرهوها وخيرى رمضان برغم اختلافى معه، وعماد الدين اديب برغم انه رتمه واقع، ومحمود سعد اللى بتقولوا عنه انه منافق دول شتموا مرسى او تطاولوا عليه؟!!
انت عارضتنى بانه ماكنش فيه حد يقدر يتكلم فى عصر مبارك، وانا قولتلك مش صحيح وجبتلك مثال… جاى تقولى ياريت الكل بينتقد كما ينتقد عبد الحليم قنديل… انت معترض على ايه بالضبط.
وبعدين مجرد ما الدستور يتم تمريره ماتخافوش كل المعارضين هايدخلوا السجون وهايتم تلفيق تهم.
نظام مرسى العن من نظام مبارك… يكفى فضيحة النائب العام_اللى عينه مرسى_ والضغط على قطاع التليفزيون بممارسة سياسة اخوانية بحتة… والضغط على القنوات الخاصة بعدم استضافة بعض الشخصيات… وهم لسه على البر.
فاتيما ،
من مطالب الثورة : عيش حُرية عدالة إجتماعية ،
لو كان فى حُرية فى عصر مُبارك مكانش الشعب طلبها لما ثار عليه !
تقوليلى فؤاد نجم و عمرو عفيفى ! هُما دول المُعارضة من وجهة نظرك ! طب فين عمرو أديب و عماد أديب و عمرو حمزاوى و تامر أمين و لميس الحديدى و بلال فضل و عادل حمودة و مجدى الجلاد و خيرى رمضان و محمود سعد ! مش دول هُما المُعارضة إللى بتعارض و تعترض و تتكلم براحتها دلوقتى ، كانوا فين أيام مُبارك متكلموش ليه !
بعدين إحنا هنجادل كتير ليه ! ما تروحى تشوفى الفيديو بتاع عمرو أديب بعد تنحى مُبارك لما قال إللى كان بيتكلم كان !!!!!!!!!!!! يا سلام هو ده مش واحد منهم و يعرف أكتر منى و منك ……. خلاص بقى يبقى هنجادل بعض ليه !
.
بعيدن إيه الكلمة دى ( الناس إللى بتكرهوها ) ! مين إللى بيكره يا فاتيما ! هو أنا علشان مُعترض مع الإعلام يبقى بكره ! أنا معترض مع الإعلاميين علشان مُنافقين و أقدر أجيبلك فيديوهات تثبت نفاقهم معاهم معاهم عليهم عليهم ،
لكن إللى أعرفه إنك إنتى إللى بتكرهى مش أنا ، هتقوليلى بكره الإخوان علشان مُنافقين … هقولك هُما مُنافقين و الرموز التانية مُنافقة و الإعلاميين مُنافقين .. لكن إزاى مُنافق يقيم مُنافق ؟!!! مين إللى أداك الحق تتكلم بإسم الشعب يا إعلامى يا مُنافق !
.
.
فاتيما ما تححسيناش إننا كُنا عايشين فى حُرية فى عهد النظام السابق ! و بلاش نحاول نلمع فى النظام السابق لإن ده مكانش من إهداف الثورة !
YA FARHA MATAMMET
INNA LI LAHHE WA INNA ILAYEHI R”AJI3OUN
لا حول ولا قوة الا بالله، إنا لله وانا اليه راجعون.
ربنا يصبرك ويصبر والدته وكل اهله.
يا ناس , ____ ,,,, مرسي يحكم و يعمل الي يريد هو اذا ما عجبكم , بعد اربع سنين بدلوه…. هكذا هي الديمقراطيه ,,,, هو انتوا تريدون الديمقراطية و ما تريدون تعملوا بمبادئها ؟؟؟؟
بواب العمارة : هو يعني إيه دستور توافقي ؟
جاري ” الثوري ” : يعني كل الناس توافق عليه.
بواب العمارة : طب و لو كل الناس موافقة عليه هيتعمل إستفتاء ليه ؟
جاري :………………. ، لم يستطيع الرد !
بواب العمارة : باشا، هو مش إحنا المفروض هنعرف الناس موافقة عليه و ﻷ من الإستفتاء ؟
جاري : ……………… ، لم يستطيع الرد !
.
.
منقول
عجبنى الكومنت ده اوى و نقلته علشان لقيت بواب العمارة شد إنتباهنا لحاجة حلوة جداً ، الأحزاب و الرموز إللى بتدعوا لمقاطعة الإستفتاء و بتقول إحنا بنرفض الإستفتاء على دستور غير توافقى ! طيب يا أخى إنت و هو سيب الناس هى إللى تختار و تحدد و تقول كلمتها من غير متأثر على قرراتها بحملاتك سواء ( بـ نعم ) أو ( بـ لا ) و من بعدها هنقدر نعرف أن كان الدستور ده توافقى أم لا .
بلاش سياسة فرض الرأى على الغير ! مش أنت إللى تقول أنه توافقى أو لا … الإستفتاء هو إللى هيحدد طالما طلناها ديمُقراطية من البداية ………….. ولا إيه ؟!
كلامك عين العقل و مفهوم و صريح و صحيح و لا يستوجب منك وضع “ولا ايه؟!”
الله يوفقكم اخي لما فيه الخير لبلدكم و الامة الاسلامية
آمين ،
تسلم أخى رضوان ،،
و بيسألونى ليه أنت ضد الإعلام !
.
.
http://www.youtube.com/watch?v=H2LAKmxYIn4
حلّلت قبل كده مُتظاهرى ميدان التحرير و الإتحادية من وجهة نظرى و قولت :
أنهم عبارة عن شباب ثائر مُستقل خرج ليثور على الإعلان الدستورى من تلقاء نفسه دون أى قيود + أنصار كلً من البرادعى و حمدين صباحى و عمرو موسى و الأحزاب المُعارضة + فلول و بلطجية و جواسيس و مندسين .
أما مُتظاهرى جامعة القاهرة أو المؤيدين عموماً للرئيس :
فهُم عبارة عن شباب ثائر مُستقل خرج ليؤيد قررات الرئيس + أنصار حزب الحُرية و العدالة و أنصار حزب النور و أنصار الجماعات الإسلامية و أنصار باقى الأحزاب المؤيدة + بلطجية و مندسين و جواسيس .
.
.
يعنى ما نقدرش نأكد ولا نقول أن كل فئه تضُم ثوار Pure خصوصاً إنه مكان مفتوح و للجميع !
و دلوقتى جيه دكتور البرادعى و أكد أن الثوار فى وسطهم فلول :
https://fbcdn-sphotos-d-a.akamaihd.net/hphotos-ak-prn1/44944_459135344147927_315763226_n.png
يا ترى هيزعلوا منه ولا هيعدوهاله ؟!
http://www.youtube.com/watch?v=iZDKyJBrnT8&feature=share
http://www.youtube.com/watch?v=MmplZZqC99s
http://www.youtube.com/watch?feature=player_embedded&v=i5lhHGPBUeghttp://www.youtube.com/watch?v=MmplZZqC99s