مصلون يحاولون الأعتداء على خطيب المسجد الأقصى بعد نعيه الملك السعودي

يا أبو ناشي أيه علاقتنا وعلاقة اعلامنا بالفيديو اللي بثته قناة القدس اللي هى تبعكم!
علشان يعني تداري على الفيديو بتحول الدفة لاتجاه تاني علشان تغلوش على الموضوع!
عيب لما تقول الاعلام عمل غيبوبة لناس مغيبة، لا الشعب مش علشان لفظ الإخوان وأخد موقف من الحمساوية يبقى مغيب… والله ولا مليون عربي دماغهم ووعيهم يوصل لوعي أقل مصري… اهدى يا أبو ناشي وصلي على النبي.
تعليقًا بئا على الموضوع، الناس دي شوية ه م ج، لا راعوا حرمة مسجد ولا احترموا المكان المقدس اللي هم فيه.

مساء الخير، أنا الحمد لله كويسة.
ماليش علاقة بهوية المصليين ولا بتوجهاتهم السياسية ولا بجنسيتهم ولا بالأسباب اللي خلت رد فعلهم يكون بالطريقة دي، كل اللي ليا علاقة بيه هو حرمة المسجد اللي ما احترموهاش، وقولت رائي في تصرفهم بكل صراحة ووضوح بصرف النظر عن جنسيتهم. ولو نفس الموقف ده حصل عندنا من مصريين سيساوية هاقول عنهم نفس اللفظ ه م ج وتصرفهم عشوائي وغير مسئول.
كون أن الفلسطينيين ليهم موقف ضد الملك السعودي دي حاجة احنا مالناش دعوة بيها، وماتخوصناش… بس ياريت ماتخلطيش الأمور والأوراق، ومش علشان أنا مصرية وقولت تعليق عن موضوع يخصكم ــ وده حقي ـ يخليكي تستنفري وتضيعي من وقتك علشان تكتبيبلي تعليق طويل عريض مالهوش علاقة برائي، إلا أنه اداكي الفرصة علشان تعبري عن كره للنظام المصري والسيسي، ومحاولة الشماتة المقننة منك والضرب من تحت لتحت واستخدام ورقة غزة كالمعتاد علشان تبرروا أي شيء.
بصي يا سنفورة، لا الملك السعودي ولا غيره يقدر يضغط علينا علشان معبر أو غيره، مصر دولة ليها سيادة واللي اتسبب في كل ده هو حماس واللي بيعانيه الغزاوية على المعبر سببه حماس، مش هانقعد نعيد ونزيد في الموضوع ده.
وأنا وغيري من المصريين ضد الملك السعودي، وعارفين أنه مش بيساعد مصر علشان خاطر سواد عيونا، لكن الراجل اتوفى وبئا في ذمت الله يبقى لا تجوز عليه الا الرحمة على الاقل فيما يخصنا كمصريين، ولو لقدر الله كان حصل في بلدنا زي ما حصل في سوريا، كانت هاتبقى تعليقاتي زي ليلى ويمكن أكتر، وعلشان كده أنا عذراها في تعليقاتها على الملك.
لكن الحمد لله لا هو ولا غيره قدروا على بلدنا ربنا ساعدنا وسخر لنا جيشنا اللي حمانا، كان زمان الشمتانيين مبهدللينا على صفحات الفيس وفي نورت.. ربنا يبارك في جيشنا وقائده ورئيسنا.
بالمناسبة لا السعودية ولا غيرها ليها الكلمة في بلدنا… يمكن عندك وعند اللي على نفس نهجك أننا بلا سعودية وخليج صفر على الشمال، وده طبيعي محاولة تبرير منكم ورفض للواقع اللي صدمكم بعد ما كتير منكم بنى آمال على الإخوان… بس الحقيقة لا مصر دولة وكيان متكامل شرطة وشعب واعي وجيش.
مش فاهمة عن أي ثورة بتتكلمي وبتقولي أنها ضاعت؟!
أصل احنا عملنا ثورتين، والاتنين نتايجهم كانت مش على هوى البعض، وبالتالي متفهمة أنك معتبراها فاشلة علشان شالت الإخوان.
اوعي تكوني بتقولي أنها فشلة علشان مبارك خرج، مش باعترافكم مبارك كان ملاك؟!
يبقى المفروض تفرحو وتعتبروها نجحت على الأقل تردوا جميلة الراجل اللي كان بيساعدكم عن طريق الأنفاق… ولا أيه؟!
سؤال
هو أبو ناشي مالهوش لسان يبرر بيه؟!
ومع ذلك أيه علاقة الفيديو اللي فيه شعب وعدم احترام لقدسية المسجد بالفيديوهات اللي ابو ناشي حطها؟! وبيقول اللي يتكلم عن بلدي!
أيه العلاقة مش فاهمة.
لو الإعلام المصري قذر إعلام الحمساوية أقذر، وياما شفنا منهم من تحريض وتطاول.. وجيران السوء مش بس في مصر، في فلسطين كمان فبلاش تمثيل دور الضحية على طول الخط وطول الوقت.
لو بتعانو من السلطات المصرية على الحدود، احنا كمان بناعاني من الحمساوية، وقبل ما تقولو جيران السوء في مصر بيعملو ويعملو، ماتشوفو أهل بلدكم بيعملو أيه، وأيه اللي خلى رد فعلهم يبئا تجاه بعضكم كده.
سنفورة قبل ما تحسبي نفسك هاتعايريني بجهاز الكفتة وغيره، من باب أولى تروحي تصلحي بين أطياف شعبك اللي بيقطعو في بعض، عيب ماتشمتوش فيكم الآخرين.
ولو مزعلاكي الكفتة اووووي، ممكن نبعتل 5 كيلو مش خسارة فيكم ده أنتم أشقائنا برضووو ههههههههه
زعلانة إني قولت أقل مصري في عقليته بمليون عربي… يعني زعلانة إني برد على أبو ناشي وكلامه عن أننا شعب مغيب، وفي نفس الوقت بتقولو اللي يتكلم عن بلدنا وشعبنا نقطع لسانو ومانسمحلهوش!
هو أنتم تقولو اللي أنتم عايزينه وتهينو الناس، ولما نرد مايعجبش!
ليه يعني، مع احترامي أنتم على راسكم ريشة يعني؟!
لو أنتم فلسطينيين احنا كمان مصريين، وماحدش أحسن من حد.
تتفقي مع ملك السعودية أو تختلفي مش قضيتي، ولا ليا علاقة بالموضوع، ومش احنا اللي بنكيل بمكيالين… تمام كده.
ومش أنتِ اللي تقولي تعليقي مقبول أولا، أنا مواطنة ليا كامل ومطلق الحرية أعلق كيفما أشاء وعلى ما أريد.
وتحياتي.
انشررري يا نووورت