تواصل فرز الأصوات باستفتاء مصر… و النتيجة اليوم أو الأثنين

وافق البسطاء بغد ان امتثلو لوعود الاخوان وغيرهم
وظنوا ان الاستقرار سياتى غدا لو صوتو بنعم ونسوا ان
هناك فلول
من الحزب الذى كان حاكم ماذالو مسيطرين على بعض
المناطق الريفيه وقد يعود منهم الى البرلمان حوالى 20 %
حيث انهم الجاهزون بالمال والتنظيم وكذالك الاخوان المسلمين
الاكثر تنظيما وبتصويتهم بنعم يعطى لهؤلاء الفرصه بتشكيل
الدستور الجديد وقد لا يكون كما نريد ولكن الفرصه مازالت قائمه
ولنتقابل فى الانتخابات البرلمانيه ومازال الوقت بيننا حتى وان كان
قليلا على من قاموا بالثوره ولكنى على ثقه انهم شباب احرار عازمون على
التغيير وحمايه ثورتهم بارك الله فيهم فهم زخيره الوطن.

اخى الحبيب يوسف انا مازلت بمصر وبخير
واتمنى ان تكون كذالك وانشاء الله الخير كل
الخير للامه العربيه وشعوبها اما حكامها
فهم فى مزبله التاريخ بعد ان يحاكمهم الشعوب.
شكرا لسؤالك

النتيجة ظهرت خلاص وللاسف نسبة الموافقة على التعديلات 77% مقابل 30% للرفض. الاخوان لعبوها بحرفنة، وللاسف استخدموا الدين للوصول لاهدافهم، عموما دى الجولة الاولى ايها الاخوان ومش هانسمحلكم تلعبوا تانى بعقول الناس البسطاء حتى ولو كان باسم الدين، الدين اشرف واكرم واعظم من انكم تستغلوه فى لعبتكم السياسية.
الاخون عملواْ زى الحزب اللاوطنى وبدوأ يمارسوا سياسة لا اخلاقية لكسب اكبر عدد من الاصوات… عموما الجولات مازالت مستمرة، ومصر اولا قبل كل شئ.

مامون مع احترامى لك انا بتكلم فى نقطة وانت بتتكلم فى نقطة تانية.
كلنا قبلنا بالنتيجة وكلنا سنعمل على انجاح الثورة وبناء مصر من جديد.
وكلنا المفروض تقبلنا الديمقراطية بصدر رحب، وعارفين ان الاخوان جزء من الشعب المصرى وليه حق انه يعبر عن صوته وارائه وافكاره.
لكــــــــــــــــــــــــن لما تطلع قيادات الاخوان المسلمين فى بداية الثورة ويصرحوا بانهم هدفهم الاساسى هو مصلحة مصر فقط، ولما يكونوا بيطالبوا زينا بسرعة تكوين دستور جديد لان دستور 71 سقط بمقتضى الثورة، وبمجرد ان يتم الاعلان عن الاصلاحات الدستورية يضرب الاخوان كل كلامهم بعرض الحائط لمجرد ان مصلحتهم هو والحزب الوطنى فى قبول التعديلات يبقى تقول ايه فى كده؟
لما ققيادات الاخوان يطلعوا فى الفضائيات يقولوا كلام جميل جداً والكل يقتنع بيه حتى من لا يؤيدهم، ويجوا فى الانتخابات يحاولوا يؤثروا على الناس البسطاء علشان يصوتوا ب”نعم”، بحجج ابعد ما تكون عن الحقيقة فهل هذه هى الديمقراطية؟
لما الاخوان فى الارياف هم والحزب الوطنى يتحدوا ويفرقوا بعض السلع التموينية على الفقراء لمجرد التصويت بنعم، فهل هذا مقبول؟
لما اسمع قيادى بيقول ان التعديلات واجب دينى ومن سيصوت ب”لا” فهو ضد الاسلام فهل هذا حب للوطن؟
الاخزان ببساطة بعد ما شموا نفسهم والكل اعترف بيهم ورحب بوجودهم الاساسى فى الساحة السياسة اظهروا وجههم الحقيقى يا مامووووون لمجرد تحقيق مصالحهم فقط لا غير.

لا طبعا ماحدش قال مننا ان النسبة اللى قالت نعم كلهم قالوا ده بسبب السلع التموينية.
ماتنساش ان نسبة نعم فيه بقايا اعوان الحزب البائد، ده غير انصار الاخوان.
بالاضافة طبعا للناس اللى شايفة ان الموافقة فيها صالح لمصر بدون اى تاثير ودول فيهم ناس لا حد اثر عليهم ولا اداهم فلوس بالعكـــــــــس كان تاييدهم ناتج عن اقتناع ذاتى وشخصى.
لكن كنا هانبقى مبسوطين اكتر لو كان اللى تم التاثير عليهم قالوا نعم عن قناعة شخصية. وتخوفنا ان اللى حصل ده يكون سيناريو يستخدمه الاخوان وغيرهم بعد كده لمحاولة التاثير على الناس لتحقيق اهدافهم فقط.

اما بالنسبة للخوف من اى كلمة فيها اسلام فده غير صحيح لاننا مسلمين مش كفرة ولا علمانيين. الخوف كل الخوف من البعض اللى بيستخدم الدين فقط للوصول لاهدافه. والاسلام ليس حكرا على الاخوان، ولاهم حماة حمى الاسلام على الارض…. ارجو تكون فهمت وجهة نظرى، وهات 50 جنيه لانى تعبت من كتابة التعليق