رئيس البرلمان العربي: ما يحدث في سوريا “إبادة جماعية ومجازر وحشية”

طز فيك يابو عكال ؟ولا لي بين كتافك ما بيفرق عن جرياتك

أخي مأمون السلام عليك كيفك وكيف عائلتك
كنت حابة شوف تعليقك عن اي موضوع تتكلم
أوقات وقت بشوف تعليقاتك بحس أنو الياس معو حق يتجه قليلا للنظام ويتكلم بالحوار الله أعلم بالناس
وربي من عالي سماه يتلطف بسوريا واهلا

وعليكم السلام أختي ورود ..
نورت نزلت موضوع عن الاضراب الصبح وحذفته ما بعرف ليش ..!!
أختي انتي مع الاضراب …؟؟!!
بدي أسالك .. الطلاب اللي عم تروح للمدراس وتتعلم عم تتعلم لنفسها ولا للنظام ؟؟!!
هاي السنة اللي رح تضيع من الطلاب من حساب مين رح تضيع ..؟!
وهالناس البسطاء اللي عم يجبروهم يغلقوا محلاتهم كيف بدهم يعيشوا ..؟!
ما يكفي اللي فينا … كل شي غالي .. والمواد الأساسية شبه معدومة ..بدهم يموتونا من الجوع .. وحضراتهم قاعدين في تركيا وباربس ولندن .. وعم ياكلوا ويشربوا ويتسمموا سم الهاري ان شاء الله .. ويبعتوا ولادهم للمدارس .. والناس اللي هون بستين جهنم .. وبالآخر بيشرفوا ليقعدوا على كرسي الرئاسة …!!!

العربية.نت- أكد رئيس البرلمان العربي علي الدقباسي أن استمرار جامعة الدول العربية في منح المهل تصب في مصلحة نظام الأسد الذي يستمر في سفك دماء الشعب السوري على حد قوله.
min maslahat aljama3h ala3rabiyeh hata iza bashar alhimar intasar a3la sha3bu sa3tha shu3bon ma bitetjaraa ta3mel thawrat a3leihom
Maamoun
inta fakher yuhtazabihi min almusliminAllah yihmik min kul shar wa yuqawik a3la qawli kalimat alhaq
alhaqiqah inta wa al akh
Gentle wa wa wa
fakher shabab almuslimin

مأمون يسعد مساك ,هدي خيوو خلي الغيمه تمرق, انتي واقع بين نارين ,وتصريحاتك خطيرة ,,!!
تدخل بسيط بالنسبه للثورة او شو ما بدك سميها ,,لك الأختيار,
بتعرف القرابين اللي كانوا يهدوها قديما للخلاص من خوف الآلهة وغضبها فيقدموا ضحيه او قربان ,,هيك عم بيصير بسوريا ,الخوف عم بيتحكم فيهم,,مع ان في ناس من حقها تعيش تتشوف هاليوم بس عم بتروح دعوسه بين الرجلين ,,ما تواخذني على هالكلمه ,,هيك الأوضاع لتنين خايفين كل ما خف خوف طرف بيزيد خوف التاني

لازم تنسقو أكتر مع “مناضل الحرية الإسرائيلي” لحتى توصلو لحل هاي الأزمة..معقولة تضلكون لهلئ عم تتفرجو من بعيد..والله إنكون عاملين متل مسرحية تونسية عم تقول “مو أحسن إذبحك أنا (إبن عمك) أو يذبحك (غريب)..مو أحسن إترقى أنا (إبن عمك) ع حسابك ولا يترقى (الغريب)..صرتو مهزلة

الله يكون بعونكون والله لا يسامح كل واحد برى وعم يحرك الحركات ليدير الرحى لما يحب ليس لمصلحة سوريا
معك حق الطلاب مالها ذنب بس انا بقول معقول طيب لو اثرو على المرحلة الابتدائية والثانوية يأثرو على طلاب هالجامعات مو معقول
أخي مأمون مع إحترمي لمشاعرك وخوفك على طلاب سوريا ولكن بعيني شفت طلاب طالعيين مظاهرات يعني كمان الطلاب أجتهون من الله هالعزيمة

يا تونسية ارجو ان لا تغلطي فيينا وبشعبنا لكي لا نغلط عليكي
وبلا كلام صرتو مهزلة كنتي ادعي لبلدنا بالفرج كان ازكى

ورود أنا بحكي عن الأطفال .. يعني لما بشوف بنت أختي بالبيت ما عم تروح المدرسة لأنو ضرب رصاص مالي الشوارع .. طيب ليش ؟؟؟؟؟!
شو ذنبها .. ليش حتى تدخلوها بصراعاتكم … ولا لانها بنت ناس عاديين معليش تتعطل دراستها .. وولاد وبنات المجلس الوطني المدرري شو اسمه هدول ممنوع ينقطع تعليمهم ..!!!

حبيبتي ورود “صرتو مهزلة” مو لسوريا..لأن اللي بحب هالبلد ما بيسبو لو شو ما ساوى.. أنا قصدت “البرلمان العربي”..كل اللي بنورت بيعرفو حبي لسوريا..فما في داعي تتبليني

معك حق مأمون هدي حالك أخي وطول بالك ووحد الله
ان الله معنا فلا تحزنو وهو قادر على الجميع شبك مأمون ولا تقنطو من رحمة الله يعني تقعد هالطفلة بالبيت احسن ولا بعيد الشر تروح على المدرسة ويصيبها شر بعيد الف شر على قلبها والله يسلمها ولكن يا مأمون هالوضع عليك بس ولا على الاغلبية بقا صلي على النبي وربي يجازي الي كان السبب

مرحله دراسيه تفوت بس ما حدا يموت ,كل شي بيتعوض مأمون بس اللي بروح ما بيتعوض ,, ما الكون الا الصبر اكيد ما رح يبقى الحال هيك,كان الله في العون

رح ينقلع يا متيم بس مش هون المشكله ,,!!
الله يعكس الشكوك

الله وحدو بيعلم قداش عم ندعيلكون بتونس..ولو هاي سوريا القلب..بس عتبي إنو الكل هون صار يعرف عشقي لهالبلد ما عداكي..متخيلة إنو سب سوريا..هادا الشي مستحيل..أقسم بالله أن محبة سوريا من محبة تونس..

للأسف معك حئ ياتونسية فعلاً نحنا وصلنا حالنا للمهزلة لهلأ ضايعين ومو عارفين وعم نئول وائعين بين نارين والله يامحلا صرماية ابن بلدي ولا دلال المستعمر لهلأ يااخ مأمون ويا اخت ورود ماعرفتوا انو اللي عم يصير مو ثورة اللي عم يصير خراب وازا لشعبنا لهلأ ياناس ماوضحت الصورة وشو بدكن يعني النظام يعد يتفرج والله مهزلة للأسف.
نزلت على سوريا وهي اول نزلة بنزلها مابحس بالشام و لابحس حالي مبسوط واهلي وناسي ورفئاتي مالهون نفس يضحكو لك وين كنا ووين صرنا لك ياناس نحنا بخير بحاجة لشوية اصلاح ومحاربة فساد مو هيك والله مو هيك عم يلعبو فينا ولاد الكلب من برا وهنن كل واحد معو ملايين لك صار الولد يخاف ينزل عمدرستو وناس عم تتاجر بولادا مشان المصاري وصار بدنا تدويل للأزمة لعمة والله ماعم سدئ بدكون اميركا وفرنسا تحميكون ومن مين. حسبي الله ونعم الوكيل.
لك اذا التوانسة اللي كانو مايسترجو يصلوا الصبح ومايسترجو يحطوا حجاب ببلادهون صاروا عم يعطفوا علينا….. لك نحنا كنا محسودين والله.

صح يا إلين وورد .. أنا ما عم احكي عن بنت اختي بس في متلها كتير .. والله يجازي اللي وصلنا لهون من الطرفين ..!!
أختي ورود … الأخت تونسية اكيد ما بتقصد أي اساءة .. أنا بعرف مدى حبها لسوريا وانها ما بدها الا مصلحة سوريا ..

شكراً اختي تونسية … وتونس كمان في قلب كل سوري ..!!

اي ويلا دخيلك عاد هي 9 شهور . . . على اساس طلابنا دابحة حالها عالدراسة الفظيعة والمناهج الرهيبة اللي عنا ههههههه . . . ما هي انا مرة عدت سنة دراسية وليكني عين الله عليي صرت طالب جامعي ورح ارسب اول سنة كمان ههههههه . . . عادي في ارواح عم تروح وقفت على سنة دراسية . . . ؟
بالنسبة لالي اخواتي التنين الصغار هن من حالهن بطلوا يداوموا عالمدرسة وطبعا الهن تلتين الخاطر متل ما منقول ههههههه انه عادي اكتر من 400 طفل ماتوا وكلهن طلاب مدارس وكتير طلاب جامعات ماتوا كمان هدول مات معهن مستقبلهن ماتت معهن طموحاتهن . . . والسبب الكرسي اللي النظام مقرر يموت نص الشعب كرمال يضل عليه . . . !
هع

شبعتونا هدرة يا وجوه البق ,,, جامعة تع الزمر شاطرين غير تحلوا فمكم على الغاشي و لمخبر فيكم ما بمرق ف والو تمشوا بالكف ,,, بصح ربي حنين كريم تعياو و تخلصوها غالية يا وجوه الشر .

شحال نكره هاد العربي هادا ,,, تقول زاد على راسي يطابيلي على السيستام نارفو

مأمون أنا عندي ولاد وبحس بالي عم تقولو ما تفكرني حجر
وبعرف القلق والخوف الي عايشينو اهل حمص بالذات بس والله ما باليد حيلة
وعلى قولتك الله يجازي الي كان السبب مين ما كان والله وجعتلي قلبي
أقسم بالله انك زعلتني كتير أكتر مو زعلانة من هالوضع
الله معكون

لك ياجماعة موضوع سوريا معد في نقاش لك بلدنا عم تتعرض لحرب ولسا عم نناقش بشي صار بديهي مأمون ورود كل سوري شريف بترجاكن لك هي سوريا بلدنا بدنا نرجعلها ونبسط فيها ياناس اهلنا معد الون نفس حتا للضحكة لك صار اللي بيفهم واللي مابيفهم بدو يحكي بموضوع سوريا عم يتسلوا فينا الله يلعن اصلون

لا والله يا ابو حميد انت اول واحد للاسف 🙂 . . . وبالنسبة للشوفة شكرا ما بدي شوفك لحتى تشوفني . . . وبس تصير متل الخلق والعالم بردودك وتحكي باحترام وقتها بجاوبك على سؤالك . . . 🙂
هع

ورود الحل انه ينقلع هالنظام باسرع وقت ممكن . . . !
وما زال هالنظام موجود الامان ما رح يكون موجود . . . وما زال صار الانسان السوري الغالي اللي وزنو دهب ما بيسوى رصاصة بعين النظام فلا عودة للامان . . . فيورجينا عرض كتافو ويحلق . . . !
هع

يا اخ مامون انا شايفك اتغيرت ليش بعرفش عكل حال العرب لازم يوقفوا مع سوريا لانهم ازا ما وقفوا بكونوا خانوا الشعب السوري وبعدين يا روحي اعضاء المجلس الوطني دفعوا الفاتوره من زمان مثل محمد العبدالله مش ابوه مسجون والشب انسجن واخر واحد طلع من سوريا مش كانوا بدهم يقتلوا والله نسيته هيثم مناع او يمكن انسيت اسمه عكل حال وباقي الاخوان اللي ممنوع من العوده لسوريا واللي بهدلوه وضربوه وحبسوه يعني دفعوا الفاتوره فيا اخي انا معك في طخ وحرب وفش مدارس اكيد لازم يكون فيه فاتوره مش بدك كرامه وثوره وحريه والا بدك اياها ببلاش فش اشي ببلاش بعدين لازم يكون في طخ هسه من الجيس السوري الحر والا بدك الشبيحه والجيش الع لوي يقتل بالناس وبالمتظاهرين والجيس السوري الحر يتفرج لازم يدافع عنكم وبعدين لا تخاف بالاخير الشعب بدوا ينتصر لانه فش حده بينتصر على شعبه وبحكيللك اخي الله يخليك اشطبلي قناة الدنيا من الستالايت تبعتك لانه شكلها بلشت تاثر عليك بس انا عارف انك واعي وانك مع الحق وما باثر فيك اشي والله ينصركم

طول بالك متيم وروق
بيجوز الي ما بيعرفك يجهلك والاخ محمد كان عاداني من قبل حتى الي
بس اذا نحنا ما تفقنا هون وضلينا نخبي ما يحصل من اغلاط من كل طرف
قلي كيف رح تنحل بيجوز نختلف بس لا تخلونا نتخانق كسوريين
وخاصة شباب أنتو 🙂

عـــــــــــــــــــــــــــن جد وجعني راسي
على مأمون دفع فاتورة الصيدلي سأطلب منه عشر علب حب مسكن 🙁

أخ مأمون في مثل فرنسي بيقول pas de merci entre les amis..يعني ما في شكر بين الأصدقاء..فكيف بأحلى بلد ..ورود حبيبتي أنا بقرا تعليقاتك كتير منيح..و بحترمك من كل قلبي..لهيك عتبت عليكي..لأنو مو جديدة بالمجلة..والكل بيعرف منزلة سوريا عندي..سوريا بشقيها الموالي و المعارض لبشار..أنا دفاعي مو ع بشار أنا دفاعي ع سوريا و بس