رئيس الوزراء اللبنانى: لن نقبل التفاوض مع استمرار القتل للأسرى

انت ما يهمك انت بلش بالهجوم وإنشا الله بتلاقي الكل وراء الجيش اللبناني روحنا وأرواح أولادنا ترخص في سبيل وطني لبنان

انتا روح إتغطى ونام .

اهلا عزيزتي محايده كيفك منيحه ؟
اسفه على التاخر بالرد بس ما شفت تعليقك إلا بوقت كثير متاخر وبنفس كنت متابعه موقع لبناني للاخبار بينزل الخبر اول اول وبعرف كل شي عم يصير ومثل ما تفضلتي حبيبه قلبي مظبوط كلامك وما فينا ننكر عنا مشاكل بس هذا الوقت بدنا نتعالى عن كل المشاكل والنعرات واكيد انتي عم تعرفي بكثير امور العالم ما بدها مشاكل بيكفي لبنان لمن كان لبنان يعاني شو كانوا يعملوا الدول للبنان ولا شي الناس عن تتقتل وهني عم يبحثوا بحلول وآخر همهم الشعب شوفي سوريا وتعتيرهم وشوفي العراق وشوفي ليبيا .. قليلي عزيزتي شو يلي ما صار بلبنان العالم بدها الستره وبدل ما يقولوا الحمدالله وانشالله يبقى لبنان موحد كلمته ورغم كل شي صار لأ بتلاقيهم عم ينكشوا مواضيع لخلق الفتنه ومش عاجبهم تضامن اللبنانيين مع بعض وهاي خبريه ..
والمره الماضيه ما عدت قدرت رديت عليكي اسفه بموضوع الاغنيه يمكن كلامك صحيح مستفزه بس شوفي رغم الوساطه القطريه والتحذير من اعدام جندي جديد لانه في مباحثات ما فرقت معهم يعني هودي شعب ما بيعرفوا الرحمه مش اكثر عم يلعبوا على اعصابنا ويكن قريتي اللي نقلتهم مبارح وكيف يغيروا بكلامهم وبدهم اهالي المخطوفين يتحركوا عزيزتي اخي بيقلي عم يراهنوا على العالم تنزل عل الشارع ويمكن يعملوا شي عمل بين الناس لخلق فتنه وهاي افضل فرصه لهم حتى يدخلوا على الباب المستريح بتعرفي انو مبارح الناس مش نايمه الكل سهران ومراقب + كانوا عم يشتغلوا على تهدئه الوضع اللي مراهنين عليه النصره وداعش انو يتفجر بلبنان وانشالله بيضل حصرمه وشوكه بعيونهم وعيون كل انسان بيتمنى السوء للبنان ..
تحياتي لك وشكرا لتواصلك