شهود: دبابات سورية تقتحم بلدة بداما قرب الحدود مع تركيا

لو صحت كل تلك الاخبار التي نسمعها ونقرأ عنها ، ونشاهد بعضها رؤيا العين ، !! فاننا نستطيع ان نقول ان الاحتلال اليهودي في الدولة العبرية لاخوتنا في فلسطين ارحم ألاف المرات واكثر انسانية في التعامل معهم بالرغم من كل شيء ،، من هذا النظام القاسي الذي يحرق المنازل ويقتل الافراد ويسجن الشعب ويطرد كثير منه من البلد ! وكل هذا لأنه تظاهر طلبا للعدل والحرية … !!! لا يمكن ان يكون من يفعل ذلك ينتمي للشعب السوري ( بكل اطيافه ) باي حال من الاحوال !!!!

الحمد لله ستي شيندا ، وكيفك انتي اختي الكريمة ؟ الله يحميكِ ويحمي سوريا وكل الاشراف ياللي فيها يا رب …

شو قصه هال الشهود كلها فبركه اعلاميه سوريا بالف خير

امل ………وانتي مين يختي لحتى ما تصدئي وشو عميه ما تشوفي اللاجئين هدول لشو بتركيا ……..

اذا جائكم فاصق بنبئ فتبينو!!!!!!!!!!!!!!!!!!!!!!!!!
——————————————-
الصحيح ( اذا جاءكم فاسق بنبأ فتبينوا ) وتكملتها ( ان تصيبوا قوما بجهالة فتصبحو على ما فعلتم نادمين ) صدق الله العظيم ….

القرية كلا ع بعضا بتطلع شارع واحد يالله شو هادا الظلم إيمتا راح نخلص منو

على فكره انتو العميان شو عرفك ليش انته كنتي معاهون واتي ياست شيندا انته الجاهله وبفهم اكتر منك نحن العرب ماشاطرين الا نشاطر على بعض الله شو ما ساو فينا قليليجوز الله بعت هيك حكام من انفسنا مبعدين عيب تقولي جاهله الكلام صفت المتكلم

اها يا امل ماتشوفي التلفزيون ولا بس انت من متابعين الدنيئه اذا هيك سدئتك انو مافي شي بسوريا وحتى الي راحولتركيا راحو زياره لعند الاهل مو ,,,,,,,

وانتي ليش تقولي كذب شو كنتي معاهو يا عطل ,,,,.

اي والشعب السوري صار لاجئ بتركيا هربان من الجيش السوري مو من الجيش الاسرائيلي
يا امل خانم

روحي لعندون اذا قلبك عليهن بس شاطرين تتمسخرو صدقي ولا لا شو بهمني احترمي الاخرين ونضام يقشك قش يلي بدو يدق الباب بسلقا الجواب

حفظنا ردودهم ياشيندا شوية تانية بيقولوا عم يصوروا اتراك على انهم لاجئين من سوريا او صور عن لاجئين فلسطينين او فيديو مفبرك او او او
وعلى فكرة الشعب السوري يلي لاجئ بتركيا (لاحول ولاقوة الا بالله صرنا لاجئين)
عم يهتف بسقوط الظلام وعم يقولوا الفظايع يلي شافوها وعاشوها لدرجة يتركوا بيوتهم ويهربوا ليناموا بخيم
ماعم يقولوا عن المدسوسين هلأ امل خانم بتقول شو عرفك مايكونوا من المدسوسين
مؤامرة كبيرة تحاك ضد الظلام السوري والمصيبة ماحدا من المتأمرين عم يسقط شرعية الظلام لحد هلأ ليه؟؟؟
يعني بدكم اكتر من هجوم الجيش وقتله الشعب الاعزل ولسا امريكا والامم المتحدة عم تطالب بوقف العنف فقط لاغير!!!!!
وهي كلها مؤامرة كبيرة ضد الظلام كيف لو مافي مؤامرة كانوا اشتركوا مع الظلام بقتل الشعب الاعزل

مراحب اختي معك حق بس هدول مافي عندون ضمير باعوها مشان بثار الاثد…

الله يهدي الجميع ويفرجها علينا وينصرنا ويرجعوا السوريين لبيوتهم ليعيشوا بامان وسلام وديمقراطية وحرية ومابدنا السلام والامان الكذب تبع الظلام

مافي امان اذا ها النظام يكون موجود لازم ينقلع ويرح هالعالم منو اوف يا… شو مش عيب ما يستحو العالم تقلو ارحل ….

صح مريضين وصاير معنا ضغط من ورا هالقتل والارهاب الي يمارسو هالنظام باهلنا بسوريا …

الياس شلهوب ايطاليا في حزيران 18, 2011 | الله يهدي الجميع لخير الوطن وحقن دماء جميع السوريين الذكية ويبعث الحل مع العقلاء لانقاذنا من المصير المجهول يارب يا رب يا رب..

منذ بداية الحركة الاحتجاجية, بدأت في الدخول الى هذا المنتدى الجميل. غالبية المشاركين كانوا يؤيدون بشار لانهم يرون فيه انسان معتدل وشاب ومتفتح يقود سيارته بنفسه ويقابل الناس كل هذا شكل له هالة جميلة.
الاراء اختلفت بعدم لجا بشار الى العنف وأظهر وجه الحقيقي الاجرامي. البعض تحولت نبرته بحدة, البعض شكك والاخر كذب ونفى وقوع هذا الاحداث. الان وبعد 3 أشهر, وبعد كل الدمار الذي أصاب شعبنا ووطننا, مازال البعض يؤيد بشار ويؤيد جرائم القتل والاعتقال والتعذيب والاغتصاب والتهجير…
ماأراه ويراه الكثيرون أنهم يريدون تدمير وتخريب البلد مقابل بقاء بشار في الحكم. ان استمرار حكم بشار هو استمرار لمصالحهم الشخصية والطائفية الضيقة. لماذا بشار؟ ألم يخلق الله تعالى سوى بشار ليقود شعبا وبلدا عريقا كسوريا؟ حكمنا 11 عاما ألا يكفي؟ ألا يحق لنا أن نجرب حاكما أخرا عله يقدم الجديد والمفيد لبلدنا؟

مسا لانوار مراحب كيفكن الله يهدي بالكم وبالنا بالخير يارب ..اتمنى ان تطلعي في فقرة(رئيس لجنة التحقيق الدولية الاسبق يتهم الاسد باغتيال الحريري )مقطع المرسل من الاخ kazemjo فيه فائدة للعرب

فتحت عليه لقيته طويل قلت بدو قراءة متأنية لانو مهم لذا ان شاء الله لما بشوفه بحكي معك بس تعليقي المبدأي عليه ماعنا شك باطماع الغرب وامريكا بمنطقتنا ولو ماكان هيك ماكانوا قسموها باتفاقية سايكس بيكو ولاكانوا زرعوا اسرائيل ليخلصوا من شرها ويحولوه لمنطقتنا ومشان يضمنوا ضعفنا
والمشكلة يااخي حكامنا طماعين اكتر منهم وعم يتقاسموا الخيرات فيما بينهم يلي عم تروح عليه هو الشعب المسكين بيخلص من احتلال غربي بيوقع تحت احتلال الحكام

معك حق امل وهاد يلي بدنا اياه نحن ويمكن معك حق خوفك من يلي عم يصير بسوريا عم يخليكي ويخلي اغلبنا نقول بدنا نخلص حاجة دم وقتل ماعم تروح غير علينا
الله يرحم والديك ووالدينا ويرحم جميع المؤمنين والمؤمنات ان شاء الله

الله يخلي يلي عندك اني عندك اولاد

تحياتي الك مراحب اختي ,,,,,,,,وامل الله يخليلك ولادك …انا عند طفل

سلام الاخ الياس:
لن ينفع ماقاله kazemjo ولا ماتقوله أنت ولاأنا ولاأحد في هذا المنتدى. الشعب هو من سيحدد مصيره بالاضافة الى القوى الخارجية. الامر خرج من يد السلطة في سوريا. نحن هنا في هذا المنتدى لاأحد منا يعرف الاخر وأنا متأكد أن الكل يريد مصلحة البلد لكن لكل منا حساباته ومصالحه أيضا
هذا المنتدى عبارة عن متنفس لنا لاحتقان في داخلنا صحيح اننا نشتم بعضنا البعض أحيانا ونتبادل الاتهامات والتهكمات وحتى التخوين أحيانا. في داخلنا حب كبير لبلدنا وخاصة للذين ينعمون بنسمات الحرية في الغرب, نريد حرية وكرامة.
اعذرونا أن أخطأنا تحملونا وخذوها بروح رياضية لاننا بعيدون عن وطننا وهذا أقسى أنواع العذاب. الغربة كربة كما يقال

انا عايشه بي المانيا من تلت سنين …