عمرو موسى: صوتوا بـ”لا” لتنقذوا الوطن من أن يكبل

لا يا زينة، تقدرى تقولى انه عمرو موسى مش فلول بالمعنى الحرفى هههههه
عمرو موسى لو راجعتى تاريخه وقت ما كان وزير خارجية، كنتى هاتلاقى انه شعبيته كبيرة فى الشارع المصرى لدرجة خوفت مبارك وحاشيته، وبسببها نقلوه لجامعة الدول غير المتحدة وبقى الامين العام بتاعها… وبرغم انه اعلن تاييده لمبارك فى فترة من الفترات، لما سئل هل ستنتخب مبارك ام جمال مبارك لو تمت الانتخابات مابينهم، قال حسنى… برغم من ذلك، لكنه كان مع الثورة من اول يوم على ما اتذكر.
عيبه انه بعد الثورة للاسف كان مايل للمجلس العسكرى، وكان بينافقهم، وده شئ نزل من اسهمه عندنا او عند بعضنا علشان ما اجمعش، وانا من ضمن الناس اللى اخدت منه موقف لهذا السبب خصوصا بعد ما اكتشفنا انه المجلس العسكرى لم يعمل لمصلحة الثورة.
العزل ده شباب الثورة كانوا بينادوا بيه بعد ما مبارك اتخلع بشكل مباشر، وبعد ما برلمان الاخوان اتعقد، طالبوهم بقوانيين تحد من حركة ابرز رموز مبارك واخطرهم، لكن للاسف المجلس كان مهتم بقضايا اقل قيمة من قضايا الوطن المهمة… ولما احس مجلس الاخوان بالخطر وقت ما عمر سليمان
وفشيق اترشحوا، فصلولهم قانون عزل على مقاسهم… وطبعاً بعدها المحكمة الدستورية رفضته لانه متفصل لعزل شخصين بعينهم.
أما شفيق بئا فالشباب سايبينه يرغى لانه لا هايضحك عليهم، ولا هايمثل الثورة، واتحداه ينزل ميدان التحرير… هو عموما لسه بيحج فى الامارات ومارجعش لحد دلوقتى.
على فكرة برضه بعضنا وقت لما مبارك عين شفيق رئيس وزراء_وانا منهم للاسف_ كنا فاكرينه رجل لا ينتمى لنظام مبارك… لكن الحمد لله الثورات بتسقط الاقنعة عن كتير جداً.
يالا الله يسترها على بلدنا من غباء المتاسلمين تجار الدين.