أثارت تصريحات الدكتور محمد البرادعي لصحيفة “دير شبيغل” الألمانية، والتي أرجع فيها أسباب انسحاب غالبية الليبراليين والمسيحيين من الجمعية التأسيسية لعدة أسباب؛ منها أن الجمعية تضم عددًا من الأعضاء الذين ينكرون المساواة بين المرأة والرجل ويريدون تطبيق الشريعة وينكرون”الهولوكوست”، أثارت ردود فعل كبيرة على مواقع التواصل الاجتماعي “فيس بوك “، و”تويتر”، من خلال حملة ضارية ضد د. البرادعي. كما طلب د. محمد محسوب وزير الدولة للشؤون النيابية بمصر من الدكتور البرادعي أن ينفي هذه التصريحات ويكذبها”.
وكان الإعلامي “خالد صلاح”، رئيس تحرير صحيفة “اليوم السابع” المصرية قد قرأ مقتطفات من حديث د. البرادعي لدير شبيغل في لقائه بالدكتور محمد محسوب وزير الشؤون القانونية والنيابية في برنامجه على قناة “النهار” مساء ليل أمس، اندهش منها د. محمد محسوب. وقال: “أطالب البرادعي أن يصرح للمصريين جميعا بما إذا كان قد قال هذا الكلام أم لا للصحيفة الألمانية، لأننا في مصر لنا سيادتنا وقوانينا الخاصة بخصوص محرقة الهولوكست، ونرفض أن يفرض علينا الدكتور البرادعي ومن يخاطبهم أن نؤمن بالهولوكست أو لا نؤمن”.
وعلى صعيد شبكة الإنترنت سرعان ما نشطت التغريدات والتعليقات على تويتر وفيسبوك ضد تصريحات البرادعي بتعليقات ساخرة. كما قامت مجموعة من الشباب بتدشين صفحة بعنوان: “أنت عيل هولوكست”، وتبادل نشطاء الإنترنت فيها التهكم علي تصريحات البرادعي.
أتمنى من جميع المُنسحبون من الجمعية التأسيسية أن يوضحوا سبب إنسحابعم و المواد التى تم الإنسحاب بسببها .
.
.
أما الأخ البرادعى .. ما خيبش ظنى فيه من أول ما ظهر على الساحة ! ………. ندل
ليه ندل يا فيب؟؟؟؟؟؟؟؟؟؟
ليه ندل يا فيب !
.
و إنتى شايفة إيه يا فاتيما ؟ حُسنى مُبارك اللى الشعب قال عليه طاغية عُمرى فى مرة ما شلإته بيطلب تدخل أجنبى فى شئون مصر أو فى شئون دولة عربية أو أخرى بصفة عامة ، لكن البرادعى ما شاء الله عينى عليه باردة طلبها أكتر من مرة !
راجل زى ده إزاى يملى عينى كرئيس جمهورية أو كرجل سياسى و أحس إنه يقدر يحمينى و هو بيطلب تدخل أجنبى فى أمور لا تخص غير المصريين ! ناهيكى عن الهولوكوست ! ولا دى كمان ما شُفتيهاش على الفايس بوك ولا يمكن بوستهات الإخوان بس إللى بتشوفيها يا فاتيما !
ناهيكى بقى عن إنى من غير أى سبب مش برتحله ! من ساعة ما قولنا يا ثورة ! حاسه خبيث …………. و ربنا يسامحنى لو سئت الظن فيه .
انا البرادعي يا رشدي على ذكر عادل امام هل البرادعي مصري ولا سويسري …..
المفروض هذا لا يبقى في مصر ويتم استصدار امر بطرده لانه لا يريد فقط فتنه داخليه بل يريد ادخال قوى خارجيه في شئون البلد و كأن البلد ناقصه اطالب سيات الريس مورسي ان يقوم بطرد هذا الحقير الاجرب … انه يحاول بشكل واضح جدا اثاره الراي العام الغربي و تحريك اللوبي الصهيوني في اوربا و امريكا للتدخل والمصريين للاسف يصفقون لهذا المجنون الارعن !!
سبحان الله كيف الانسان لما يزيد علمه يستخدمه في النيل بخباثه من بلده واهل بلده !
اتفــــــــــــــــــــــو…..
يريد ان يحرج الإسلاميين مع الغرب ويفتعل أزمه
صحيح بضل خائن وندل
يا براااادعى يا كااااااااااايدهم.
يا عينى حاسيين بخطورته، ومستمييتتييين فى اهانته والتشنييييع عليييييييييييييييييييييييييييه.
فاتيما ،
عاوز أدردش معاكى شوية ،
سيبك بقى من كُل إللى علقوا و خليكى معايا ،
أنا مصرى زيى زيك و مصلحتى هى مصلحتك و هى ( مصـر ) ، بغض النظر عن كُننا إختلفنا فى و جهة النظر فى بعض الأمور ، المهم ، طول عمرنا الغلط بنقول عليه و الصح بنقول عليه و سواء كُنا مؤيدين للإعلان الدستورى المكمل أو رافضين له فده لا يقلل من وطنية صاحب القرار .
بالنسبة للبرادعى ،
إنتى إيه رأيك فى تصريحاته بأمانة ، بعيد عن الحروب الإلكترونية الأن ؟
الحقيقة يا ابن بلدى، انا لم اتحقق من تعليقاته بعد، لكن بيقال ان الاخوان حرفوا تعليقاته وترجموها على مزاجهم.
وانا لا اعتقد ان البرادعى بهذا الغباء اللى يخليه يقول تعليقات تديييينه خصوصاً فى المرحلة الحالية.
وبصراحة اكتر، بالنسبة لى على الاقل الاخوان نابهم ازرق واخطر بكتيررررررررررررررر من اى شخص متسلق او طالب للسلطة زى ما بيقول البعض.
انتظر لتتاكد من الحوار اولاً، ولو كان فيه حوار فعلا يبقى تاكد من الحوار بنفسك ولا تعتمد على الاخوان… لانى لا اثق فيهم فهم من باع اثورة والوطن وخان دماء الشهداء.
و أنا مالى و مال الإخوان إللى نابهم أزرق ! دلوقتى أنا أحمد إبن بلدك إللى تعرفيه قبل ما الإخوان تظهر على الساحة و قبل ما الثورة تقوم من الأساس هو إللى بيسألك مش الإخوان ؟ و بعدين إيه منى إسأل و أنتظر لتتأكد ؟! هنتظر إيه لما الكلام أصلاً منشُور باللجة الأجنبية و نص الحوار منشور من المجلة الألمانية كما هو ! ليه إفترضتى أن الإخوان هُما بس إللى بيعرفوا يترجموا و ليه إفترضى إن الإخوان هُما إللى أثاروا الخبر بالرغم إنه منشور على صفحات مصراوى و المصرى اليوم ؟!
و لماذا أنا أنتظر لأتأكد مع العلم أنكى ما إنتظرتيش لتتأكدى عندما تسرعتى و نشرتى فيديو لأخو الشهيد إسلام يُدين فيه الإخوان المُسلمون مع العلم أنه الأن و ضح حقيقة الفيديو و أنكر الإسائة و آدان حزبه ( الدستور ) إللى مسألش فيه ولا فى أخوه إللى مات !
مين فينا إللى تسرع الأن يا فاتى ؟!
ما علينا من ناحية التسرع ، حتى لو كان الكلام عن البرادعى غير صحيح يبقى المفروض يا فاتيما أن تقفى دور المُحايدة لا تدافعى ولا تهاجمى حتى تتأكدى .
نص الحوار منشور من المجلة الاجنبية؟؟؟؟
مش فاهمة يعنى ايه ماهو طبيعى يتنشر من المجلة الاجنبية… يا فيب انا مش عارفة زعلت ليه وانا بقولك انتظر لتتاكد؟؟؟ ماهو يااااااما ياااااااااااااااااما حوارات اتنشرت على لسان سياسيين وطلعت فى شنك.
الحوار مين اللى ترجمه ونشره فى الاخبار؟؟؟؟؟ عندنا اقصد؟؟؟
ومين اللى اقتطف منه جمل وحوارات بعينها وفسرها على مزاجه.
بالنسبة للفيديو اللى نشرته، حسستنى انى انا اللى كنت بتكلم فى الفيديوووو وانى انا الشاب اخو المرحوم اسلام.
هو مش اخوه طلع فى فيديوهين وادان الاخوان ولا انا فبركت الفيديوهين من عندى؟؟؟
كونه انه يطلع تانى ويدين حزب الدستور يبقى الخلل عند الولد مش عندى.
وبعدين انا فى الموضوع ده بالذات مش حيادية ولا هاقدر اكون حيادية… انا ضد الاخوان طول الوقت وعمرى فى حياتى ما هاكون حيادية معاهم ابدا ابدا ابدا… ادينى قولتلك بصريح العبارة انا مش حيادية فى اى شئ يخص الاخواااان المنافقين.
على فكرة أنا لما قولتلك إلتزمى الحياد كنت أقصد فى الموضوع ده ، إللى يخص البرادعى طالما أنتى غير متأكده من إللى قاله أو من عدمه و لم أكن أقصد حيادك مع الإخوان ! عارف إنك بتكريهم زى الكتير .
طب و بالنسبة للهولوكوست ……….. سمعتى عنها ولا دى كمان لأ ؟ و كلامى فى المرة الأولى كنت أقصد فيه طلبه للتدخل الأجنبى و دى مش أول مرة يطلبها !!
والاستاذ الصحفي المحترم قبل ماينشر الكلام لماذا لم يتصل بالبردعي ويتاكد من انه قال الكلام ده ولا لا….ولا هوتخوين ..وتفكيك وخروج عن المطلوب وخلاص….
أستحلفك بالله ، بالله العظيم إللى هو أغلى حاجة فى حياتك ،
لو كان الموضوع كالتالى :
غضب من تصريحات ( فولان الفولانى ) القيادى فى جماعة الإخوان المُسلمون حول نيته لزيارة إسرائيل !
بالله عليكى يا رحمة هيكون ردك فى هذا الموضوع نفس ردك فى الموضوع الآن ؟!
إنتو دايماً تقولوا الإخوان بيدافعوا عن رموزهم بإستماته … بلاش تكونوا زيهم إنتو كمان بقى 🙂
هههههههههههه فيب انا من ضمن الناس اللى ساكتة خالص على الاخبار الخاصة بالاخوان وعلاقاتهم مع امريكا واسرائيل ولا اتكلمت ولا نطقت لانى مابحبش المزايدة فى النقطة دى بالذات.
ولما شيمون بيريز طلع ومدح فى موووورسى هو وهيلارى واوباما… ولما مووورسى بعت الجواب الرومانسى لاسرائيييل يعنى ولا اتكلمت ولا نطقت.
انا لست بحيادية فيما يخص الاخوان، وفيما يخص بلدى.
هتدخلينا فى نُقطة بعيدة خالص يا فاتيما عن إللى كنت أقصده من الأخت رحمة !
هى طالبت من الكاتب تحقيق الدقة قبل النشر ، و أنا عكست الموضوع و قولتلها لو كان الموضوع ن قيادى إخوانى يا ترى هتكون ردة فعلك كالموجودة فى التعليق …
يعنى كنتى هتطلبى من مُحرر الموضوع أن يتأكد قبل أن يُلفق ولا كانت هتعلق و هتشجُب و هتستنكر كالعادة ؟!
أنا فى تعليقى هذا قارنت حاله بأخرى يا فاتيما لنفس الشخص ولم أتطرق للعلاقات الخاصة بين فولان أو علان !
.
.
و على فكرة حتى لو كانت لديهم علاقات مع كيانات إسرائيلية ……. أنا مش من الناس إللى مخلاياهم ملايكة ! و تأكدى لو أعلن عنهم هدينهم !!!! أنا لا أجامل يا فاتيما و أنتى مش لسه هتعرفينى .
ازيك فتونه …ازيك اخ فيب
إزايك أختى رحمة ،
قوليلى عملتى إيه فى التحرير النهاردة 🙂
هالووووووووو رحوووم ازيك يا جمييييييييييييييييييييييييييييييييييييييل؟؟؟
بس ما قولتليش يا فيب ايه رايك فى قرار عدم فتح التحقيق فى قتل الشهداء الا بظهور ادلة جديدة… مش الاعلان الدستووورى المورسى اصدره لهذا السبب بالتحديد ولنصرة اثورة، ولاعادة حقوق الشهداء؟!
هرُد عليكى يا فاتيما بكُل هدوء و بكُل بساطة :
لو كُنتى صديقة عندى على الفايس بوك لقرأتى :
Ahmed Kashef
Sunday
أطالب بفتح ملفات ( فتح السجون ) أثناء الثورة و التى لمّح عنها النائب العام السابق / عبد المجيد محمود فى إشارة منه بإتهام الإخوان المُسلمون بذلك الفعل ، كما أطالب بعرض نتائج التحقيقات فى قضية قتل الجنود فى رفح المصرية خلال شهر رمضان الماضى و التى تم ( التكتيّم ) عليها من قبل الحكومة !
.
.
لا شئ يعلو فوق مصر .
_________________________________________________________
Ahmed Kashef
November 17
صفحة حزب الحُرية و العدالة تنشُر تقريراً عن حوادث القطارات فى مصر خلال السنوات الماضية بدايةً من 1992 حتى الآن ، و من و جهة نظرى آرى ذلك تبريراً منهم عن كارثة اليوم !
أعتقد أن لو كان الرئيس المُنتخب شخص آخر غير الرئيس محمد مُرسى ، لكان حزب الحُرية و العدالة أول من حملّه و حكومته المسئولية !
.
عذراً ،،، لا و قت للتبرير !
_________________________________________________________
Ahmed Kashef
Monday
المتحدث باسم الجبهة السلفية الدكتور خالد سعيد لـ باسم يوسف :
” لقد دعوتني يوماً للتشرف بزيارتك ولكنني للأسف لم أحضر لمشاغل ، والآن أنا نادم ونفسي أشوفك وأبوسك” !
.
نوع قذر من أنواع الشماتة و الإصطياد فى الماء العكر ! أنت مُسلم و جعلوك مُتحدث رسمى لتيار ( إسلامى ) إعمل كما علمك الإسلام لا تشمت .. و أصلح لا تُفسد !
سامحك الله …
________________________________________________________
أقسم بالله البوستهات دى أنا واخدهالك كوبى من على صفحتى بتواريخها ، فتأكدى يا فاتيما إنى ( بدين ) و ( بأيد ) حسب القرار و حسب الحاله العامة إللى مصر فيها .
أنتى مُصرة إنك توجهيلى أسألة كأنى إخوانى أو مُتعصب لهم ! و أنا بمُتهى البساطة برد ليكى و بقولك الفرق بينى وبينك أو بينكم ععموماً إنى عاوز أخد موقف من الناس دى علشان شُفت منهم كذا و كذا و كذا مش لمُجرد كُره متورث من هذا أو ذاك !
يعنى مثلاً أنتى يا فاتيما عُمرك تقريباً فى العشرينات و أنا حالياً فى الثلاثين من عُمرى و الإخوان فى هذه المرحلة بالنسبة لكى ولى أول إحتكاك حقيقى بيننا و بينهم ……. و قبل ذلك كُنا بنسمع عنهم ، أنا إختارت أشوفهم و أصبر عليهم و أشوف مهم إللى جاى و بعدين أهاجمهم لو أخطأوا مش بعرف أحكم على حد من عير ما أعرفه يا فاتيما …………. و يمكن ده الفرق بينى و بين بعض المُعلقين !
و بالنسبة لقررات مُرسى هقولك أيدتها ليه ؟
علشان المحكمة الدستورية إللى خططت لسحب السلطة التشريعية من مجلس الشعب و أعطتها للمجلس العسكرى لو كانت تعلم أنها بقدرة قادر هتروح لمُرسى على طبق من دهب لكانت تركت مجلس الشغب كما هو دون النكش وراء حله ! و كانت تخطط لحل اللجنة التأسيسية و مجلس الشورى و عزل الرئيس و نفضل فى كام سنة إنتقالية تانى !! و بصراحة أنا ماعنديش إستعداد أرجع للوراء و أدور على مجلس شعب يلم السلطة التشريعية و رئيس يحكُمنى و دستور يلمنا !
إقرئيه بهدووووووووووووء … بس إوعى تنامى ! هاهاهاهاها عماد أديب
طيب يا فيب، خالينا نتكلم هنا لحسن انا دماغى لفت من ككتر ما بجرى بين الموضوعات.
نتكلم بجد شوية:
انا عايزة اعرف انت ايه اللى مزعلك بالضبط؟؟؟
وهل انت مقتنع من جوا نفسك انه فعلا الاعلان الدستورى ده مرسى فرضه فعلا، لتامين الثورة، وللحفاظ على البلد؟؟؟
على فكرة انا بتكلم جد وانا بقولك انى لست محايدة فيما يخص الاخوان، مش كنت بضحك.
وانا ضدهم طول الوقت، وبصدق عنهم اى شئ او اى خبر حتى ولو كان غير صحيح… لانهم بالنسبة لى اهل نفاق وشقاق وليسوا بثقة على الاطلاق.
وعلى فكرة موقفى ده مش تجنى منى، لكنه قناعة كونتها من زمان، وتصرفاتهم بعد الثورة اكدتلى قناعتى.
جاهز للكلام بس بعد ما تقرى الرد إللى فات و هتكلم معاكى بإستفاضة ، و تاكدى إننا مش هنختلف 🙂
كيفك في آي بي…. انا ضد الاخوان لانهم بفكروا في مصلحة الجماعه وليس الوطن.. علي فكرة عمي منهم ومكفرني واعلن للعائله بممقطعتي صدقني مفيش خير منهم
إزايك يا ست الكُل ؟ عاش من شاف طلتك الجميلة 🙂
أنا معاكى و بسمع ولا أعترض لكن خلينا دلوقتى فى أرض الواقع .. واحد منهم بقى رئيس ، هل نعمل على إسقاطه ولا نعمل على إبعاده عن الجماعة و التركيز فى مصلحة مصر !
يا جماعة إنتو عندكوا إستعداد نعيش فترة إنتقالية تانية و نفضل طول عمرنا نغمس صوابعنا فى الحبر و المحكمة الدستورية تحل ! ده حتى الحبر بيطلع من الإيد بالعافية دانتوا بالكوا طويل قوى 🙂
و على فكرة … إللى فاكر إن أى رئيس ييجى بعد مُرسى فى حالة إسقاطه ةهينجح يبقى ساذج !
يارب نخاف على مصر و يبقى الخير ليها سواء بمُرسى أو بغيره … بس إزاى هنحافظ عليها ؟!
sorry VIP
أنا مع فاتي 100%
الإخوان، ومنهم مرسي بالطبع، لم يبدوا أي بادرة خير أو إصلاح للبلد
أو حتى محاولة البدأ في إنهاء الفساد المستشري من زمن في كل مؤسسات الدولة ومن ضمنها الداخلية اللي للأسف أخدوها في صفهم كما هي بفسادها وفساد ضباطها وعساكرها
وبعد ما كانوا معترضين على الدستور المكمل للعسكر..هما دلوقت عايزين يعملوا دستور يخليهم في السلطة للأبد
يا سلام ، داحنا لو نعرف إن الإعلان الدستورى هيخلينا نشوف إسمك تانى كنا خلينا مُرسى يعمل كل يوم إعلان دستورى 🙂
.
أحترم رأيك يا شاهيرة كما أحترم رأي أى أحد يُخالف رأيى
و حمد الله لى سلامتك .
أسفة VIP 🙂
دخلت في الحامي كده من غير ما أسلم عليك أولاً
إزيك VIP وإزيك فاتي وننوسة؟؟
كده فاتى و ننوسة و رحمة و شيرين و فاتيما …… ما شاء الله !
و أنا لوحدى ! أنا أقوم أروح أحسن 🙂
فيب يا خويا، على اساس انى فقست وبقيت فاتى وفاتيما؟!
ههههههههههههه
يا خراااااااااااااااابى !
التعليق ده ضرب منى خالص !
أنا هعيده تانى :
كده فاتى و شيرين و ننوسة و شهيرة ورحمة ……….. ما شاء الله !
و أنا لوحدى ! أقوم أروح أحسن 🙂
معقولة برضه!!
إنت الخير والبركة VIP
طب قوليلى يا شهيرة ، إيه الحل من وجهة نظرك للخروج من الأزمة الحالية ؟!
بس أنا شهيرة مش شيرين 🙂
عديهالى و مش هتكرر 🙂
أولاً: مش محتاج تجيب اى ادلة او براهين على انك بتنتقد مواقف الاخوان اوغيرهم، وان المقياس عندك هو المواقف وليس الانتماءات.
ثانياً: أنا عارفة انك مش اخووووانى، وحتى لو اخوانى_وده مش حقيقى_ اديك شايف الاخ سراج الاخوانى طالع نازل بيقول ما بداله مرة يقولنا قوم لوط، ومرة يقول على الشباب بلطجية، ومرة يطالب بقتل من يتظاهرون… ومع ذلك بنتكلم معاه.
ثالثاُ: مشبوجهلك الكلام ولا الاسئلة على انك اخوانى… لا انا بس مستغربة كلامك، يعنى نجرب مين تانى واصلاً العينة بينة؟؟؟ محتاج قد ايه تانى من الوقت علشان تكتشف اد ايه الناس دى بتعمل لمصلحتها؟؟؟
واندهاشى لانى اعرفك، ايزاى شايف ما يسمى بالاعلان الدستورى وبما فيه من عووووار قانووونى، واهانة فى حق بلدنا، ومتاجرة بدماء الشهداء، ولسه محتاج وقت علشان تحكم عليهم؟!!
معقول لسه محتاج تديهم وقت بعد ما اعلنوا انهم لن يشاركوا فى ثورة 25 يناير؟
ولا بعد ما لحقوا الثورة، وانقضوا عليها بعدها؟؟
ولا بعد ما اتحدوا مع العسكر ضد الثورة والثوار؟؟؟
ومطالبتهم الناس بالتصويت بنعم، فقط لان مصلحتهم كانت فى نعم وليس مصلحة البلد؟؟؟
وغيرها من المواقف الدنيئة اللى اعتادنا منهم عليها… اندهاشى كله لانك سستنى ان عدم الاعتراض على عوار محمد مرسى الدستورى اللى اصدره مؤخرا فيه الخير والاستقرار للبلد، وان دى كانت مطالب الثوار، ولانك مصدق انهم فعلا هايطهروا الداخلية اللى رئيس وزرائها فى حكومة قنديل الاخوانية هو “احمد جمال الدين”… ولانك مصدق ان الاخوان هايطهروا القضاء فعلاً.
يعنى كلامى لك نابع من اندهاش وحيرة من تعليقاتك، مش لانك مساند للاخوان، ولا لانك بتنتمى لهم.
بعدين شايفاك كل محور نقدك عن الاعلام ونفاقه، وعن نسب التصويت فى مواقع الفيس وقنوات التليفزيون… وده شئ اصابنى بالدهشة منك، مش متوقعة انك سايب الاصل، والمصيبة السودة اللى مرسى واخوانه وقعوا البلد فيها، وبتتكلم فى الفروع، ومعترض عليها.
أول نقطة ردى عليها إنك دايماً بتنتقدى تأييدى لبعض مواقفهم فبقولك لأ ، أنا زى ما بأيدهم زى ما بعارضهم .
ثالث نُقطة أنا مش محتاج وقت علشان أعرفهم ! إنتى فهمتى غلط . أنا شايف إنهم بيشتغلوا لنفسهم بس مُتأكد بردوا أن كل إللى هييجوا بعدهم بيشتغلوا لنفسهم حتى لو كانوا البرادى و حمدين ! فمعنديش وقت أضيعه فى جديد !
بالمُناسبة أنا كنت مع ( لا ) للتعديلات الدستورية يوم 9 مارس 2011
أخر نُقطة أنا كل هجومى و تعليقاتى و نقدى للإعلام فعلاً ، لإنه سبب مُعظم إللى إحنا فيه !
و ما أصدقش إنك مش واخدة بالك !
اى حد هاييجى بعدهم لازم يستوعب الدرس اللى هم ما استوعبهوووش بسبب عنجهيتهم وكبرهم، ولو البرادعى او صباحى او حتى رئيس اخوانى اخر مشى على نفس النهج هانطلع ونعارضه لانه خلاص ماعندناش استعداد انه حد يستعبدنا تانى… لاننا عايزين نعيش فى نظافة ونبنى بلدنا بجد.
* الوقت اللى ضاع ده كله هم والعسكر السبب فيه بتحالفهم مع بعضهم، وبموافقتهم على الاستفتاء بتاع مارس، وتحريضهم للناس على التصويت بنعم اما بحجة استقرار مصر، او بحجة ان من سيقول نعم فهو فى الجنة.
*لا يا فيب، ممكن الاعلام فعلا وبعض الاعلاميين دورهم وتوجههم يكون غريب، لكن الاعلام ليس السبب الاساسى ولا حتى الفرعى فيما نحن فيه.
السبب الاساسى اللى يتحمل الجزء الاكبر منه هم الاخوان والعسكر… ومن بعدهم الثوار والمعارضين لانهم ما اتحدوش بشكل فعلى لمواجهة جشع واستغلال المنتفعين اللى تسلقوا الثورة.
و كأن الفلول إختفوا يا فاتى من القصة !
خالينى ساكتة احسن.
ماهو الشباب بعد خلع مبارك، ومع اول جلسات مجلس الشعب الاخوانى الموقر اللى انحل، كانوا هايبوسوا ايدين المتاسلمين لاقرار مشروعات قوانييين بعزل الفلول من الحياة السياسية… لكن الاخوان انتفضوا وراحوا حطوا ايدهم فى ايد الفلول والعسكر بل وكرمووووهم واعطوهم قلادات النيل، ونص وزارة هشام قنديل فلول يا فيب… لا انت مش شايف دول؟؟
يعنى مين السبب فى ان بقايا الفلول بيسروا ويمرحوا دلوقتى الا تحالف الاخوان والعسكر.
يا راجل دول بيهددوا بعض بمستندات وكل كلاش ما بينهم يطلع واحد اخوانى يقول شوف نكشف الحقيقة، ويطلعلك شفيق يقولك سوف اكشف الحقيقة وتحت يدى مستندات.
يا فيب خالى الطابق مستور الاخوان هم السبب فى الكوارث اللى احنا فيها دى
تعليقاتك لا تقل عن 50 سطر و فى بداية كل واحد تقوليلى خلينى ساكتة أحسن يا فيب 🙂 إيه هو ده !
و مين قالك إنى راضى عن حكومة قنديل أو عن قنديل نفسه ! أنا شفتك إستبعدتى الفلول من تعليقك فنبهتك لتكونى ناسية الست سوزان مُبارك أو أخوها ثابت متير و زوجات الأولاد جمال و علاء و أحمد عز مثلاً !
هههههههههههههههههه
اه والله انا هاموووت بسبب سوزى، قاعدة خارج اسوار السججن ولا اكنها بتصيف فى مارينا… وبرغم ما تردد عن دورها الخفى فى بعض احداث الشغب اللى حصلت فى الكام شهر اللى فاتوا… لكن ولا واحد فكر انه يحدد اقامتها ويحطها تحت المراقبة.
على فكرة اخطر اتنين فى طره لاند هم جمال وصفوت الشريف… دول لو طلعوا تبقى كمللللللللللللللللللللللت.
الحل إن مرسي برضه يفضل رئيس لمدة الأربع سنين اللي جايين بس يكون بمنأى من تأثير الإخوان عليه…يعين ناس نظيفة وكل إنسان مناسب في المكان المناسب يعني على حسب الكفاءة في المجالات المختلفة مش يعين كلهم إخوان وخلاص ويبتدي يثبت للناس إنه همه هو مصر مش تثبيت الإخوان في الحكم.
وبعدين الدستور لازم يتكتب بناس من كل أطياف الشعب ومن ناس متخصصين مش برضه الإخوان هما اللي يكتبوه
وبكده يبتدي خطوته الأولى في تعاطفنا وثقتنا فيه
و ما ننساش سيناء طبعاً
أنا بقصُد فى الحل للأزمة إللى إحنا فيها دلوقتى ؟
الهولوكوست الوحيدة هي التي أقدمت عليها الصهيونية بحق الشعب الفلسطيني
الله الله الحبايب كلهم متجمعيييين.
ليلة مصرية فل ان شاء الله.
مساء الانوار شهورة وحشانى واالله.
ننوستى ازيييك؟
تعالى يا شيرى ليلتنا مصرية وناقصاكى انتى ونانا ومها وشيرى
إزيك يا فاتي
إنت والله وحشاني كتير كتير جداً
ربنا يستر من الإخوان دول
والله أنا عايزة ظني يكون مش في محله ويثبتوا انهم كويسين واحنا اللي فاهمينهم غلط
بس للأسف كل يوم بيثبتوا انهم غير أهل لمسئولية شعب مصر خالص
غير الكذب اللي كل يوم بنكتشفه فيهم
لا يا شهورة، الحمد لله ان ربنا كشفهم بدرى بدرى.
يارب يوم 25 يناير الجاى نكون بنحتفل بالخلاص من دكتاتورية الاخوان، والقضاء على بقايا الفلووووول ونبنى بلدنا على نظافة المرة دى… مع ان اليومين الجايين دووول هايبقوا اصعب بكتيرررررررررر وربنا يستر من اراقة دمائنا.
لاحظى ان زوجة محمد مرسى النهارده راحت ادت واجب العزاء فى الشهيد اسلام، وده ماحصلش مع جيكا مثلاُ… دليل على انه فعلا رئيس لاخوانه وليس للشعب المصرى.
ما هي الأزمة يا VIP هي أزمة الدستور
يا شهيرة الناس مُنقسمة ما بين مؤيد و معارض و الإتنين راسهم و ألف سيف إن رأيهم يمشى . حتى المُعارضة بتقول لا مجال للنقاش قبل إسقاط الإعلان الدستورى !
.
إيه الحل من وجهة نظرك أو لو كنتى مكان مُرسى ؟
أعيد كتابة الإعلان الدستوري بما فيه صالح كل أطياف الشعب المصري وعدالة.. والتأسيسية لازم تكون مكونة من ناس بتفهم في كتاب الدساتير وانسى إني إخواني شوية
طبعاً يا فاتي ده رئيس للإخوان بس
ده حتى ما عزاش في أطفال القطار
أستأذنكم ،
فاتيما و شهيرة … هقوم أصلى الفجر و أشوفكم على خير إن شاء الله 🙂 .
تقبل الله إن شاء الله
سامحوني ياجماعه انا انشغلت وجيت لقيت لمتكم ما شاء الله حلوه حمدالله علي سلمتك شهيره ليكي وحشه…انا فرحانه اوي باسلوب النقاش المهذب ربنا يحميكم ويهيئ لمصر الخير يارب اللهم اني استودعك مصر وشعبها وارضها معلش يافيب هاجاوب عل اسئلتك لاحقا ….تسلملي عيونك فتونه….
تقبل الله فييييب.
خدى راحتك رحوووووووووووووووم.
ماخابت نظرتي فيك أبدأً يا برادعي كنت حاسستك من الأول خبيث وكل همك السلطة ..يظهر فاكر أنه أمريكا والغرب قادرين يحطوك على كرسي الرئاسة لهيك عم يستنجد فيهم ههههههه
مسكين المعادلة تغيرت …لأنه الشعب هالمرة هو اللي صار يختار وأمريكا ما عاد إلها دور يابطل !