تعجز الكلمات عن وصف حال هذا الرجل الذي فجع بوفاة طفليه أمام عينيه حرقاً، فلم يكن أمامه إلا الدعاء على بشار الأسد قائلاً “الله لا يوفقك يا بشار أنت وجيشك”، وأضاف “مثل ما انحرمت من أولادي الله يحرمك من أولادك”.
وقال في الفيديو الذي نشره المركز الإعلامي للأحياء الجنوبية في دمشق على موقع “اليوتيوب” إن ما فعله بشار في شعبه لم يفعله أحد قبله.
وقال وهو يصرخ إن “إسرائيل وأميركا أرحم منك (بشار)”.
وظهرت في الفيديو والدة الطفلين التي لم تتحدث بكلمة في حين قال الرجل إنها فقدت النطق بعد مقتل طفليها.
لا حول و لا قوة الا بالله
إذا خرجنا بخلاصة واحدة مما يحدث في المنطقة العربية فهي أن جيوش العرب هي أكبر خطر يواجه الشعوب والأوطان العربية، فقد صنعت للدفاع عن عصابات النهب والطغيان ضد الشعوب التى تنتفض من أجل كرامتها وحريتها، ووصل بها الأمر إلى حد التعاون مع قوى الإستعمار والطغيان الخارجي ضد أوطانها ودولها.
وأنا عندما أتحدث عن الجيوش فإني أعنى أساسا كبار القادة، الذين يستخدمون البسطاء من أبناء الشعوب لذبح الشعوب وهدم الأوطان.
إلا أن هذا لا يعني إنعدام المسؤولية الفردية للجنود، ذلك أنه لا يجوز لأحد قتل الناس بدعوى أنه ينفذ أوامر وأنه، على قول المصريين، “العبد المأمور”. و إذا كان الإختيار محتوم بين أن يكون الإنسان قاتلا أو مقتولا، فالأولى أن يموت مظلوما على أن يموت ظالما، فالموت هو الحقيقة المطلقة الذي سيلاقينا جميعا يوما ما ولن يفر منه مخلوق.
كُلُّ نَفْسٍ ذَائِقَةُ الْمَوْتِ ۗ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ ۖ فَمَنْ زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ ۗ وَمَا الْحَيَاةُ الدُّنْيَا إِلَّا مَتَاعُ الْغُرُورِ.
لا حول و لا قوة إلا بالله..
حسبنا الله و نعم الوكيل..
اللهم انصر شعب سوريا ..
اللهم عجل بالفرج..
و ارحم موتاهم..
اللهم استجب..
إنك سميع مجيب الدعاء..
مش قادرة افتح الفيديو
اعلم مدى الم هدا الرجل على فلذات كلده
اسال الله له الصبر على الفاجعة والله يمهل ولا يهمل
نهاية بشار قريبة باذن الرحمن
ممثل تافه ومسرحية مشروخة
والأتفه منه كل من يصدق هذه المشهد البالي، موت عشرات الأبرياء يومياً ليس حجة أبداً لتأجيج النزعة للعنف عن طريق الافتراء والتمثيل .. هل هذا صوت وعيون أب فقد أطفاله حقاً؟؟؟؟؟؟؟؟؟؟؟؟؟؟؟؟؟؟؟؟؟؟؟؟ تفووووو
من قلبي بدي قول لهذا المفتري وشلة الزعران يلي اقترحت عليه تمثيل هالمشهد .. من قلبي بدي قول الله يعدمكم أطفالكم وتذقوا اللوعة الحقيقية ساعتها رح تعرفوا تمثلوا المشهد باحترافية
ماتخافين يكون استشهد اطفالهم في الحقيقة وترجع الدعوة عليك…؟
لاحول ولا قوة إلا بالله …ربنا يصبر قلبك ويعينك ويرحم كل شهداء سوريا ويحرق قلب بشار وكل مين بيسانده حتى لو بالكلمة يالله
والأخ اللي عم يقول تمثيل ومسرحية وهالكلام …ليش يا أخ ما مات مدنيين بسوريا ؟ وما مات أطفال ونساء ورجال وانحرق قلب أهاليهم عليهم حتى يخترعوا قصص ويفبركوا حكايات ؟؟
مو شايف البراميل والقصف والجثث والأموات اللي بالمدن اللي هالمجرم عم يبعت طياراته تقصفها ولا لأنه بشار حبيبكم صار على عيونكم غشاوة ..خافوا من الله حتى الله ما يبليكم بولادكم وعائلاتكم متل هالمساكين اللي عم ينحرق قلبهم
حسبنا الله ونعم الوكيل ببشار ومن معه اللهم خذهم أخذ عزيسز مقتدر وفرجينا فيهم عدلك وانتقامك هنن وكل مين عم يقتل السوريين يا الله …حسبنا الله ونعم الوكيل
مع كل التقدير لكل أهالي الشهداء الاطهار ولكل ام فقدت عزيز بس هيدا مبين مجنون ومحفظينو الحكي هيدا ما شكل أب كان يحمل مسوليه أسره
1- لا بد من وجود ضحايا نتيجة الاشتباكات بين الجيش العربي السوري والإرهابين في مختلف الآماكن في سوريا.
2- الإرهابيون مسأولون مسأولية مباشرة عن الضحايا بسبب تواجدهم بشكل مباشر بين أفراد من المجتمع السوري.
3- هذه الحرب فيها الكثير من التأثيرات الإعلامية التحريضية. لا يستبعد أبداً وجود تمثيل في هذا المشهد الإعلامي , لا حظوا الجزء الظاهر من وجه الفتاة خاف الطنجرة الصغيرة (الكسرول ) واضح عليها الابتسامة من هذا المشهد .
4 – يوجد في المشهد الكثير من الدلائل على أنه مشهد تمثيلي كما ذكر Someone .
المغترب® … سابقاً … من دمشق.
يا سيد مغترب …هالمشهد تمثيلي وكل القتلى والجثث اللي عم نشوفهم كمان تمثيل ؟؟
واللي ماتوا كمان عم يمثلوا ؟ واللي تهجروا كمان تمثيل ؟
على حسب كلامك وقياسك للموضوع ..معناها إذا الجيش الحر أطلق صواريخ على مدن خاضعة للنظام وسقط مدنيين فالنظام هو المسؤول لأنه متواجد بقلب هالمدن كمان …دائماً بتلاقوا مبرر للقتل والتدمير
شو مبرر أنه الطائرات تقصف مدن سكنية وأبنية معروف انه فيها مدنيين بس إلا أنها عم تعاقبهم لأنهم ما حاربوا الثوار بدالها ؟؟ على كل حال لا تنسى أنه الله رح يحاسبنا على كل حرف عم نقوله واللي بيدافع عن القتل وسفك الدماء يعتبر شريك فيها وربنا رح يحاسبه كمان
العفو سيدتي نور** أنا ذكرت التالي:
“” 1– لا بد من وجود ضحايا نتيجة الاشتباكات بين الجيش العربي السوري والإرهابين في مختلف الآماكن في سوريا.””
وأنت تعرفين تماماً معنى هذا الكلام الواضح والموضح في ثانياً أيضاً.
هل تقصدي أن الجيش العربي السوري يجب أن يسلم سلاحه لهؤلاء المتمردين ؟ وأن يسلم الحكم في سوريا لهؤلاء الخونة حتى لا يسقط ضحايا.
النظام ينادي بالحل السلمي فلماذا لا يقبلوا ذلك؟ نعم لا يقبلون ذلك لأن الآوامر آتية من بعيد أسقطو ا النظام هذا هو المطلوب مهما كان عدد الضحايا لا يهمهم ذلك … بكل تأكيد خونة … خونة … عملاء… أعداء للشعب العربي السوري …أعداء للشعب العربي السوري …أعداء للشعب العربي السوري …أعداء للشعب العربي السوري … إنهم أعداؤنا نحن السوريون…عداؤنا نحن السوريون…عداؤنا نحن السوريون… وكفا خياتنة …كفا خياتنة …كفا خياتنة …كفا خياتنة …!
المغترب® … سابقاً … من دمشق.
العفو سيدتي نور** أنا ذكرت التالي:
“” 1– لا بد من وجود ضحايا نتيجة الاشتباكات بين الجيش العربي السوري والإرهابين في مختلف الآماكن في سوريا.””
وأنت تعرفين تماماً معنى هذا الكلام الواضح والموضح في ثانياً أيضاً.
هل تقصدي أن الجيش العربي السوري يجب أن يسلم سلاحه لهؤلاء المتمردين ؟ وأن يسلم الحكم في سوريا لهؤلاء الخونة حتى لا يسقط ضحايا.
النظام ينادي بالحل السلمي فلماذا لا يقبلوا ذلك؟ نعم لا يقبلون ذلك لأن الآوامر آتية من بعيد أسقطو ا النظام هذا هو المطلوب مهما كان عدد الضحايا لا يهمهم ذلك … بكل تأكيد خونة … خونة … عملاء… أعداء للشعب العربي السوري …أعداء للشعب العربي السوري …أعداء للشعب العربي السوري …أعداء للشعب العربي السوري … إنهم أعداؤنا نحن السوريون…أعداؤنا نحن السوريون…أعداؤنا نحن السوريون… وكفا خيانة …كفا خيانة …كفا خيانة …كفا خيانة …!
المغترب® … سابقاً … من دمشق.
يا سيد مغترب ….الإرهابيين صاروا معروفين وعم يحاربوا الجيش الحر ويحاربهم …لكن جيش بشارون تاركهم يسرحوا ويمرحوا بالأماكن اللي هنن فيها وعم يحارب المعارضة وبس …هي معسكرات داعش الإرهابية شو مستني ليش ما عم يقصفها وتاركها تعيث فساد وقتل لو صحيح عم يحارب الإرهاب !!
ورجاءً حاجة تستخدموا مصطلح الخيانة على هواكم لأنه على هالحالة بنظر معارضين النظام بشارون واللي معه هنن الخونة و هم أعداء السوريين
و معروف لكل العالم أنه السوريين منقسمين لذلك احكي بإسم الطرف اللي عم تمثله وهو النظام ولا تقول السوريين …وما بظن حدا بيرفض الحل السلمي لكن على أي أساس هالحل أنه يبقى بشارون هالقاتل اللي دمر بلادنا ونكبها على راس السلطة وتقلي حل سلمي !!
الحل بيكون برحيله هو وكل مين شارك بقتل السوريين سواء نظام ولا معارضة أو محاسبتهم لكن بعد ما قتل 200ألف سوري وشرد ملايين ودمر مدن كاملة تقلي حل سلمي وهو موجود .
..لو لا سمح الله ماتوا ولادك ولا أقاربك على يد هالنظام وتشردت وتلطمت ببلاد العرب الظلمة اللي ما فيهم خير كنت رح ترضى انه اللي شردك يرجع يحكمك !!
وبعدين انا شو بدي بكل هالحكي اللي عم نعيده كل مرة أنا سألتك سؤال …شو مبرر انه الطائرات تقصف أبنية سكنية معروفة انه سكانها مدنيين وتقتل أطفال ونساء ؟
شو مبرر قصف المساجد والمدارس …لا تقلي محاربة الإرهاب …نفسي مرة واحدة يطلع حدا منكم يقول كلمة حق إلا ما يلف ويدور على نفس القصة …بعرفي أنا ومتل ما قال ديننا ما فيه شي بيبرر قتل المدنيين وفرق بين القتل الخطأ نتيجة تواجد المدنيين بأماكن القتال متل كل الحروب وبين أنك تستهدف بناية للمدنيين ولا مدارس فيها لاجئين ولا أسواق …للأسف دائماً بتلاقوا مبرر للقتل
ليست تمثيلية لكن المسكين اصيب بالجنون من وهل الفاجعة
سيدتي نور**:
رغم أني لا أحب التكرار , وجدت نفسي أكرر وأكرر حتى لا يبقى أحد إلا و يفهم ما أقول !
المعارضة يكون لها رأيٌ آخر في تنفيذ مشروعٍ ما… أما في تخريب الوطن لا يوجد معارضة بل يوجد مخربون , في تقسيم الوطن لا يوجد معارضة بل يوجد أعداء يقسمون !!!
تقولين:
“الإرهابيين صاروا معروفين وعم يحاربوا الجيش الحر ويحاربهم ”
و أقول ما الجيش الحر إلا فصيل من هؤلاء.
تقولين:” ورجاءً حاجة تستخدموا مصطلح الخيانة على هواكم”
وأقول : من يسعى إلى تقسيم وطني ليس معارضة بل قمة الخيانة.
تقولين:” و معروف لكل العالم أنه السوريين منقسمين لذلك احكي بإسم الطرف اللي عم تمثله”
و أقول : هذا خطأ و الشعب العربي السوري له رأي واحد سيدتي , وهذا الرأي هو الحوار والخروج من هذه الأزمة بحل يوقف القتل فوراً أما من تدعي أنهم معارضة ( ما يسمى بالجيش الحر ) يريد السلطة الاستعمارية أن تسيطر.
تقولين:” الحل بيكون برحيله هو وكل مين شارك بقتل السوريين سواء نظام ولا معارضة أو محاسبتهم”
وأقول: لست أنت التي تحدد من يرحل ومن يبقى بل الشعب العربي السوري هو الذي يحدد ذلك, وقد حدد!
تقولين: “”شو مبرر انه الطائرات تقصف أبنية سكنية معروفة انه سكانها مدنيين وتقتل أطفال ونساء ؟ “”
وأقول: سؤال يثير الأعصاب!
تقولين: ” شو مبرر قصف المساجد والمدارس”
وأقول : نفس الجواب السابق!
تقولين وأنا معك أقول: بعرفي أنا ومتل ما قال ديننا ما فيه شي بيبرر قتل المدنيين وفرق بين القتل الخطأ نتيجة تواجد المدنيين بأماكن القتال متل كل الحروب وبين أنك تستهدف بناية للمدنيين ولا مدارس فيها لاجئين ولا أسواق …
وأضيف: معروف من جعل المآذن دشماً عسكرية , و معروف من جعل المدارس ثكنات حربية !
وأذكر أيضاً : رفعنا المآذن للإعلان عن مواعيد الصلاة , كما بنينا المدارس لتعليم أبنائنا سيدتي!
المغترب® … سابقاً … من دمشق
يعني ما كانوا يعرفوا يغيرو إسلوب السينما البوليوديه . طب جيبو شي يتصدق ولكم كلامه مبين متحفظ حتى شعره وكأنه معمول مخصوص للمشهد . حتى ببداية الثوره ما كنا نصدقكم بدكم هلق نصدقكم !
مواقف الاشخاص في الصدمات تختلف شخص لآخر منهم منهم من يبكي ومن ينهار ومنهم من يصاب بالذهول من هول الفاجعه كحال هذا الرجل خاصة وقد رآهم محروقين امامه الله يربط على قلبه ويصبره ..ويرد له حقه من اللي حرق قلبه على فلذات كبده ..حسبنا وحسبك الله ونعم الوكيل
ما قلتلك يا سيد مغترب …أنتوا متل نظامكم ما بتعرفوا غير اللف والدوران ..ولا سؤال جاوبت عليه متل مو متوقعة منك بالضبط لهيك قلتلك تحكي بإسم مؤيدي النظام وبس …لأنه نحن وبقصد المعارضين للنظام برأينا سبب الإرهاب ومرتكب الجرائم هو نظامك ورئيسك العروبي بشارون وهو ومين بيسانده الخاين والمجرم ودماء هالقتلى بتشهد عليه أما جيشنا الحر حتى لو انوجد فيه بعض المنتفعين لكنه بيمثل المعارضة وهو جيشنا اللي منعرفه والإرهابيين اللي ما عم يحاربهم نظامك هنن صنيعته وبدعمه لذلك عامل هدنة بينه وبينهم وتاركهم عم يقتلوا على كيفهم
لأ يا سيد كلام السوريين مو واحد وانا وفيه كتير غيري من السوريين معارضين لبشارون ونظامه ولأي صلح يبقى هو موجود فيه وحاول كسوري تنزل بين النازحين وتسألهم رأيهم عن الصلح المزعوم و أنه يبقى هالقاتل وبعدين أفتي حضرتك وقول لست أنت من يقرر بل الشعب السوري وبظن هدول هنن اللي لازم ياخدوا رإأيهم بأي صلح مزعوم ولا اتفاق لأنه هنن اللي تعذبوا وانقتل ولادهم وتشردوا تحت إيد هالنظام لك….. ولا نحن وهنن مستورديننا من المريخ ولا من جزر القمر و مو من السوريين بعرف حضرتك ….ولا يمكن بشارونك أسقط عنا الجنسية لأنه الشام صارت تكية اللي خلفه ربنا يلحقه فيه عن قريب
الخاين والعميل اللي لازم تطهير بلادنا منه هو بشارون اللي فتح بلادنا للمجوس المخربين وصانعي الفتن وكلابهم يدخلوا يقتلوا السوريين ويقسموها على كيفهم ويرسموا شعاراتهم الطائفية على مساجدنا ويدنسوها .هدول هنن الإرهابيين اللي لازم السوريين يحاربوهم لأنه غرضهم الطائفي معروف للكل وهنن بلسانهم عم يعترفوا بطمعهم ببلادنا لكن شو نقول …أسمعت لو ناديت حياً لكن لاحياة لمن تنادي أنتوا فيه غشاوة على عيونكم مو مخليتكم حتى تشوفوا جرايم هالقاتل فكيف رح تشوفوا نوايا مجرمينه !!
خلص نقاشي معك لهون لأنه اللي بيلاقي مبرر حتى لقتل أهله وشعبه وبيوقف بجانب القاتل وبيلاقيله المبررات ما بظن لازم تناقشه وتاخد رأيه اسمع رأي نظامه بتعرف رأيه …على كلن أدعي ربك ما تصيبكم دعوة مظلوم من السوريين اللي انقتلوا ولادهم ولا تهدم بيتهم ولا تهجروا وشافوا الذل تحت إيد هالنظام لأنه دعواتهم بتصيب النظام واللي بيأيده ودعوة المظلوم ما بينها وبين ربها حجاب وهالمسكين اللي بالفيديو اللي ضيع عقله لأنه انحرم ولاده واحد منهم وتذكر الظلم ظلمات …ربنا لا يجعلنا من الظالمين ….
لا اريد ان اقول لكل من ساند المجرم، تلاقيها بأطفالك لان الأطفال لا ناقة لهم ولا جمل فيما يحدث حولهم من جنون كبارهم، كل ما اريد ان ينتقم الله من كل من ظلم السوريين