مبارك في تسجيلات صوتية: “كنت فاكر السيسي إخوان.. بس طلع عقر”

قال الرئيس المصري الأسبق حسني مبارك، إن الأوضاع في سيناء “باظت” بعد إفراج الرئيس المعزول محمد مرسي عن الإرهابيين عقب توليه الحكم، ما تسبب في انتشار العمليات الإرهابية وأحداث العنف.

وروى مبارك في تسجيلات صوتية تنفرد “اليوم السابع” المصرية بنشرها، كيفية إحكام السيطرة على سيناء قائلا لطبيبه الخاص: “بعد ما مرسي أفرج عن الناس دول سيناء باظت.. أنا فاكر أيام حبيب العادلي جيت أعمل اجتماع مع رؤساء القبائل.. طلعوا ولا ليهم لازمة العيال الشباب اللي تحتهم هما اللي ممشينهم الناس الكبيرة ديه ديكور ماتقدرش تعمل حاجة.. فكان حبيب العادلي بيعتقل العيال المجرمين دول فكان فيه هدوء.. والجيش كان بيسايرهم فدلوقتي ظاتوا”.

وفي سياق آخر، يتحدث طبيب مبارك عن استمرار جماعة الإخوان في ممارسة العنف والإرهاب قائلا: “لسه ولد من عندهم كاتب على الفيس هنطلع في مظاهرات نطالب بإلغاء حكم العسكر.. يعني مُصِرِّين برضه على المواجهة والمجابهة ده غباء.. بيخبطوا في الجيش والدولة”.. يؤكد مبارك “غباء حاصل مفيش دماغ”، فيسأل الطبيب: “بس أعتقد إن الأمور هتهدى دلوقتي بعد الاعتقالات ديه”.. يجيب مبارك: “آه طالما بيلم الرءوس.. الشباب هتهدى”.

يتابع الدكتور: “أنا بشبههم بعساكر الأمن المركزي بياخدوا تعليمات وبينفذوها بالحرف وشايلين مخهم وحاطين بداله بلاستر علشان ميفكروش فأنا في تصوري الدنيا هتدي”، يتحدث مبارك: “آه الدنيا هتهدى.. دول لو اتلموا الموضوع هيخلص.. حبيب العادلي كان بيعتقل 2000 واحد ويلم الدنيا”.

يتدخل الطبيب: “أنا في تصوري حبيب العادلي لو طلع…” وقبل أن يكمل الدكتور الجملة، قال مبارك: “يطلع بس 3 أيام وهيخلص الدنيا”، فيكمل الطبيب الجملة: “أنا قولت لحبيب بيه الناس عايزين حضرتك بس أسبوعين تلملهم الدنيا”، فرد عليا قالي: “ده كان زمان همّا فاكرني مغفل”.. يضحك مبارك.. بينما يكمل الطبيب حديثه لما كنت معاه آخر مرة في رمضان بقوله الصيام أخباره إيه.. قالي “الصيام مابيتعبنيش”.. قولته وبتصلي التراويح قالي “آه”.. قولتله إمتي.. قالي بعد العشا فضحك هو ومبارك معا وقال: “لذيذ حبيب بيه”.. فتابع مبارك: “كان لَمِمْهُم كويس”.

واعتبر الرئيس الأسبق حسني مبارك، أن مصر تحتاج إلى رئيس ينتمي إلى المؤسسة العسكرية خلال الفترة القادمة، ولكنه رفض تولى أحد مرشحي الانتخابات الرئاسية السابقة.

وقال مبارك، موجهاً حديثه لطبيه الخاص: “احنا نظام جمهوري، والبلد عايزة حد من القوات المسلحة وليه علاقة بيها”.

ويتابع الطبيب قائلا لمبارك: “كل الناس بتقول الكلام اللي حضرتك قولته.. إن مصر عايزة حد ميري يمسكها. احنا جربنا ده وجربنا ده وعايزين نرجع للعسكري لا مدني ولا بتاع”، ويرد مبارك “لازم حد من الجيش يبقي قوي وعنده كاريزما”.. يقاطعه الطبيب “الناس بتتكلم عن حد من اللي خرجوا بقي” في إشارة إلى أعضاء المجلس العسكري الذين أقالهم مرسي عقب أحداث رفح الأولى.

يجيب مبارك “آه ناس من اللي خرجوا وفيهم ناس كويسة جدا”، يقاطعه الطبيب “بدأ اسم سامي عنان يتردد فيه ناس بتقول كويس وناس بتقول لا”، يرد مبارك “لا ده ميقدرش على البلد”، فيرد الطبيب “مش هينفع ناس من المحروقين اللي اتقدموا قبل كده”.. فيجيب مبارك “آه”..

وتغير رأي الرئيس الأسبق حسني مبارك، في الفريق أول عبد الفتاح السيسي وزير الدفاع والإنتاج الحربي، قبل وبعد ثورة 30 يونيو؛ فمبارك كان يرى الفريق السيسي “إخواني” قبل 30 يونيو واستبعد تدخل الجيش لإطاحة الرئيس المعزول محمد مرسي، إلا أن موقف مبارك قد تغير ليوقف السيسي بـ”العقر”.

وفي حديث آخر بعد ثورة 30 يونيو، يتحدث الطبيب الخاص لمبارك قائلا: “شفت آهوه السيسي مطلعش إخوان”.. في إشارة إلى أن الفريق أول عبدالفتاح السيسي، ساند الجماهير وانحاز للثورة ضد الرئيس محمد مرسي وأطاح بالإخوان المسلمين، فأجاب مبارك ضاحكاً “لا ده طلع عقر”.

يكمل الطبيب: “في 9 يونيو في الأهرام ليه صورة جامدة.. بيتدرب مع القوات وبيجري وراهم.. لافح الجيش كله ورا ظهره.. وليه شعبية كبيرة أوي في الشارع”.. يجيب مبارك “آه طبعا”، ويتحدث الطبيب عما يفعله الإخوان والجماعات الإرهابية من تنفيذ عمليات تخريبية والاعتداء علي رجال الجيش ويقول “طبعا دول لو طالوا السيسي هيدبحوه”.. يضحك مبارك “السيسي بقي في الليسته معانا”.

وكشف مبارك أن نتنياهو عرض علىَ توطين أهالى غزة فى سيناء، قلت له “أنسى ” forget it ” ولا أنا ولا أتخن منى يقدر يقرب من حدود مصر”.

شاهد المحتوى الأصلي علي بوابة الفجر الاليكترونية – مبارك: رفضت توطين اهالى غزة بسيناء .. و ” السيسي ” طلع ” عُقر ” .. و ” العادلي ” يلم الموضوع بـ 3 أيام