(CNN) — أشارت مصادر طبية فلسطينية، السبت، إلى انتشال ما لا يقل عن 40 جثة جديدة مع تماسك الهدنة الإنسانية المؤقتة التي دخلت حيز التنفيذ صباح السبت.
وقال اشرف القدرة من وزارة الصحة في غزة، إن فرق انقاذ فلسطينية استردت الجثث من مناطق خطرة للغاية تعذر دخولها سابقا بسبب القصف الإسرائيلي خلال الأيام القليلة الماضية.
وشاهد طاقم CNN مباني بأكملها تحولت لإنقاض خلال زيارته لمناطق استهدفت بقوة من قبل الجيش الإسرائيلي شمالي غزة.
وترتفع بذلك حصيلة قتلى العملية العسكرية الإسرائيلية المسماة “الجرف الصامد” إلى 961 قتيلا، طبقا للقدرة.
وأتاحت هدنة 12 ساعة وافقت على إسرائيل و”حماس” للجانب الفلسطيني إجلاء جرحى وقتلى وإدخال مستلزمات طبية للقطاع الذي يستهدفه الجيش الإسرائيلي منذ قرابة 3 أسابيع.
مصادر طبية: انتشال 40 جثة ترفع حصيلة القتلى بغزة إلى 961
أين أنتم يا حكومات العار
لا تيجي يا عيد …. جرح الوطن بنزف !!! كيف يا عيد بدك تزور غزه ؟!؟! كيف بدك تزور غزه و بكُل بيت شهيد و أكفان حلت مكان ملابس العيد و ريحة الموت حلّت مكان ريحة كعك العيد و ما في حد رح يقول لحد كُل عام و إنت بخير لأنه ما في حد بخير ؟!؟! إرجع يا عيد فلسطين ما لها عيد و روح على البلاد الثانيه لأن العيد فرح و إحنا نسينا كيف الفرح بكون !!!!!!!
روح يا عيد للبلاد التانية .. بس أوعك تجي سوريا .. لأن سوريا نست العيد من اكتر من 3 سنين .. لا تيجي لان كمان بسوريا مارح تلاقي حدا بخير .. ورح تلاقي ناس بيبكوا على اطفالهم .. أو على أهلهم .. او على بيوتهم .. رح تلاقي ناس مشردين .. ورح تلاقي ناس جائعين .. ورح تلاقي ناس مفجوعين .. بأي عين يا عيد بدك تزورهم ؟
يا عيد .. بعد ما تزور كل البلاد .. اعمل زيارة خاصة لغزة وسوريا .. تعال واسي أطفالهم .. لان الاطفال بيحبوك .. تعال نسيهم مرارة هالظلم اللي عايشين فيه .. واسيهم ولو بالكذب ..مثّل عليهم قد ما فيك .. يمكن يبتسموا شوي وينسوا شوي ..
الله يفرجها أختي (( آخر العنقود )) ..
لا يؤلم الجرحُ إلا من به ألمُ !!!!!! تحياتي مأمون !!!!
روح يا عيد للبلاد التانية .. بس أوعك تروح بغداد .. لأن بغداد نست العيد اكتر من عشر سنين .. لا تيجي لان كمان في بغداد مارح تلاقي حدا بخير .. ورح تلاقي ناس بيبكوا على اطفالهم .. أو على أهلهم .. او على بيوتهم .. رح تلاقي ناس مشردين .. ورح تلاقي ناس جائعين .. ورح تلاقي ناس مفجوعين .. بأي عين يا عيد بدك تزورهم ؟
يا عيد .. بعد ما تزور كل البلاد .. اعمل زيارة خاصة لغزة وسوريا وعراق .. روح واسي أطفالهم .. لان الاطفال بيحبوك .. تعال نسيهم مرارة هالظلم اللي عايشين فيه .. واسيهم ولو بالكذب ..مثّل عليهم قد ما فيك .. يمكن يبتسموا شوي وينسوا شوي ..
الله يفرجها أختي آخر العنقود .. ومأمون .. والجميع
الله يفرجها يا دنيا على فلسطين وعلينا وعليكم ..وتحياتي ألك ولآخر العنقود ..
خلوا ثقتنا بالله كبيرة .. ومتل ما بيقولوا ” اشد ساعات الليل سواداً هي تلك التي تسبق الفجر ” .. وان شاء الله رح يجي الفجر بعد كل هالألم وهالسواد ..
[ أم حسبتم أن تدخلوا الجنّة ولمّا يأتكم مثلُ الذينَ خَلَوا من قبلكم ، مسّتهم البأساء والضرّاء وزُلزلوا حتى يقولَ الرسول والذين آمنوا معه متى نصرُ الله ، إلا إنّ نصرَ الله قريب ] ..