مصر: إعلان حالة الاستنفار الأمنى على مستوى الجمهورية عقب إحالة مرسى للمفتى

كل ده متوقعيه لما نزلنا ملايين وعزلنا مرسي وجيشنا حمانا…. كلنا شعب وشرطة وجيش نحينا أي خلاف كان سابق، وتناسينا أي انتهاكات حصلت واتوحدنا علشان نعرف نوصل ببلدنا لبر الأمان.
وكنا عارفين من أكبر لأصغرنا أن التضحية هاتكون كبيرة وهايروح منا كتير…. عدينا بأيام سيئة جدا والحمد لله تخطيناها…. وكل يوم كشعب بنخرج على رزقنا وشغلنا ودراستنا وعارفين أن ممكن نروح فيها بسبب تفجير، أو مظاهرة شغب أو أو أو
وشرطتنا عارفة أنها مستهدفة ومع ذلك وبرغم العيوب اللي عند بعضهم لكنهم بيؤدو عملهم في مواقعهم بدون تذمر ولا كلل.
وجيشنا الله يبارك فيه سواء على الحدود أو داخل البلد عارف أنه حاطط كفنه على أيه ومستهدف من الداخل والخارج، وبرغم كل ده متوكل على الله وعازم على اكمال مهمته على أكمل وجه.
ربنا هاينصرنا وهاتبقى بلد أحسن بلد في الدنيا…. بس مافيش حلاوة من غير نار، ولازم هاندفع ضريبة للمصير اللي اخترناه.
حمى الله مصر، حمى الله شعبها، حمى الله جيشها وشرطتها وأرضها.