مصر: 90 عضوا بالشورى يؤدون اليمين الدستوري

*انا مش مصرة على شئ، دى قناعتى الشخصية وانطباعى عن موقفك بناء على تعليقاتك، واللى انا شيفاه انه الوضع لا يحتمل انك او غيرك تمسكوا العصاية من النص، احنا مش فى وضع مستقر لنكون حياديين او نفند اخطاء هذا الطرف، او الطرف الاخر.
*لا ماحدش قالك انك تنجم طرف على حساب اخر، ولا معنى كلامى لك بعدم الحيادية انك تكون مثلا فى صف الاخوان وتطلعهم ملائكة، ولا فى صف المعارضة وتطلعهم ملائكة بجناحات.
أنا اخترت اكون مع المعارضة لانه قناعاتى تجاه الاخوان لم تتغير، وكل يوم والتانى بتاكد انى كنت صح فى حكمى عليهم، وعمرى ماتجنيت عليهم.
كونى مع المعارضة مش علشان انا بكره الاخوان، لا ده سبب من الاسباب وليس كل الاسباب… وكرهى للاخوان ناتج من سياساتهم ونفاقهم ولعبهم بالدين وبسبب تاريخهم الاسود.
كونى مع المعارضة، لانه بالنسبة لى العينة بينة، وكل تصريحات الاخوان وافعالهم واقوالهم بتوضح انه مصر فى حكمهم لن تسير بسلام، ولن تخطوا للامام، وهانبقى دولة قمعستان بجد… ووقتها بئا لا هاينفع ندم ولا تراجع ولا اصلاح مايمكن اصلاحه.
*مين قالك يا فيب انى مابسمعش ليهم؟؟؟ اصلا سماعى ليهم ودخولى على مواقعهم وجرائدهم بيزيدنى اصرار على موقفى تجاههم.
بس ايه بئا الجرائد المعارضة للمعارضة دى هههه ماهم الاخوان… ومرة تانية انا لا اقدس اشخاص ولا انجم اسماء، وزى ماقولتلك قبل كده حتى لو البرادعى وصباحى قبلوا بالاخوان، فالشارع الثائر_اللى هم القلة_ لن تستمع لكلامهم، لانه بالنسبة ليهم الشخوص مجرد همزة الوصل بين الشارع الثائر وبين السلطة الحاكمة، لا اكثر ولا اقل.
*ياااه يا فيب علمانية ايه بس، ارجع لكلامه لو سمحت، وافهم هو بيقول ايه، يعنى بقت مشكلة البرادعى دلوقتى انه بيدعوا للعلمانية؟
بقى لا يصلح لقيادة مصر لانه يدعوا لمصر علمانية؟؟
الراجل لا قال هاتبقى علمانية زى اللى فى دماغك، يعنى فيه اكتر من انه قالهم طبقوا الشريعة؟؟؟
هو ده بقى عيب البرادعى دلوقتى، وهو يعنى لو البرادعى بقى رئيس، وفرضنا انه هايخليها علمانية بالمعنى اللى تقصده، مين اللى هايسمحله بذلك يا فيب؟
اصدق من تحدث من بداية الثورة وحتى الان هو البرادعى، وكل اللى بيحصل ده وهايحصل هو نبه عليه وحذر منه.
*ياريت بئا تراجع كلام البرادعى عن حصار المحلاوى، وتراجع كل تويتاته وكل تصريحاته وكل لقائاته، وبعدها تقولى انه متحيز ولا لا.
*اه انا متحيزة ضد الاخوان، ومؤيدة بشدة للمعارضة، لانى مش ببص ليوم او يومين، ببص لقدام لكام شهر لكام سنة لما الخوان يتمكنوا من البلد، وقتها صدقنى كلنا هانندم على السكوت ده، لما مصر تبقى انيل والعن من ايران وافغانستان.
ماتنساش انه الزند اتضرب بايدى مصرية وحمساوية، يعنى القمع هايبقى ثنائى الابعاد، ودى مشكلة تانية، وهو ده الخطر الحقيقى… والله اعلم مع تمكن الاخوان يمكن نلاقى فرع لطالبان هنا.
* الاهم انى مش مطالبة اشوف رئيس بيكذب وبيرجع فى كلامه وبيخلف وعوده وبيصوم 3 ايام لحنثه بيمينه وجماعة بتزور شهداء واستفتاء، وقيادات اخوانية بتصرح تصريحات لا طعم لها ولا فائدة سوى زرع الشقاق فى بلادى… وجماعة بتستخدم الدين والثورة وبتتاجر بدماء الشهداء، وطلقة مليشياتها وبلطجيتها فى شوارع مصر، واكون حيادية فيما يخصهم.
فى امان الله يا فيب، ســــــــــلام