هتافات للحرية وحملة اعتقالات بسوريا

هل تعتقد أن الثورة السورية ستنجح أم سوف يتم إفشالها؟
شخصياً أرى أنها لن تنجح و هذا ليس تشاؤماً أكثر منه معطيات. بس أتمنى من الله أن ينجح الشعب في إسقاط بشار و حزبه البعثي من الحكم.

يا أستاذ محمد يعني بنصدقك أنت و نكذب الكاميرات و الأخبار اللي نقلت المظاهرات في مدن مختلفة. أنت منين بتاخذ الاخبار أنه ما فيه مظاهرات و أن كله كذب و ما فيه أي شيء بسوريا.

اوافقك الراي في نقطة
لا احد يحرق علم بلده !!! اصلا خاصة اذا كان يطالب بثورة !
يعني من جهة قلبه على بلده و بده ياها احسن البلدان
و من جهة تانية يحرق رمز البلد رقم واحد الي هو العلم !

بس هل صح تم حرق العلم من المتظاهرين ؟؟؟ لان شخصيا ما سمعت بهالشي

و سوريا الله حاميها

عن اي كاميرات يا “مسلمة” عم تحكي؟..عن موبايلات؟
لك بيكفي الفيديو ياللي شفته عن تنين صلوا عليهن على اساس انهن شهداء وبعد ما الناس داروا حالهن قاموا!!! شلون رجعت الروح الهن نفسي اعرف!
هذا غير المادة الحمراء اللي حطوها على وجه واحد بالفيديو على اساس انه دم! هذا غير الست ياللي مثلت مسرحية انه الامن تهجم عليها!
شلون بدك تصدقي هيك موبايلات؟
عدا عن هيك..عندك موضة الشهود “العياّنين” ياللي اول المكالمة بقولوا هنالك مئات المتظاهرين في الشارع..وبعد كم دقيقة بغير رأيه وبقول هنالك آلاف؟!
مين اصدق؟ شهود عيان ام شهود عيان؟
وشاهد اخر بقول انه شاهد 5000 شخص عم يتظاهر بساحة جامع..والساحة هناك ما بتتسع ل2000 شخص!!!!
غير الصور المفبركة ياللي انا بنفسي شفتها في البداية للمؤيدين وهني قاموا لعبوا فيها بالفوتوشوب وحطوا اكس على صورة بشار وغيروا الكلام وصارت مظاهرة ضد الرئيس!!!!!
هذا غير غلطات الشاطر ياللي عمل بعض الصور بالفوتوشوب هههههه
قال شو اخذ صورة ناس ماشية وغير الكلام اللي على اللافتات ونسي انه الناس ماشية لقدام ولكن اللافتات من ورا هههههههه!!!
وفي صورة لمظاهرة بمصر اخذوها وغيروا العلم لسوريا ونسيوا العلم التاني لمصر هههههه ومن غلطة الشاطر راح قطع راس واحد من المتظاهرين!!
يعني ارحمووووونا هو ناقصنا هبل وجنون وكذب وخداع؟
نحنا اهل الفن والتمثيل على مين جايين تضحكوا؟
لا قال وفي فيديو لناس “متظاهرة” عملت حريقة وحرقت علم سوريا وناس كانت تمزع فيه!!!
صدقوني انا ما عم كذب انا شفت بعينيي ياللي راح تاكلهن الدود وقت ما اموت
والناس ياللي كانت بالصور المؤيدة لبشار طلعت عالتلفزيون وقالت انه استغربت شلون غيروا الصور من مؤيدة لمعارضة وهني انفسسسسسسسسسسسسسسهن كانوا بالمظاااااااااهرة!!
عنجد ارحمووووووونا شلون بدنا نصدق هيك شهود عيانين ومرضى؟
انا عارف راح يجي حدا يقول طيب اتركوا الجزيرة والعربية تصور المظاهرات..انا بقلهن اذا من بعيد عم يفبركوا الصور شلووووووون اذا سمحنالهن يدخلوا ويصوروا؟ مصيييييييييبة

ياعمي بشار لابهش ولابنش وهو حاله حال الشعب مغلوب على امره ويلي بقول انو مافي ثوره ومافي قتلى بكون عم بكذب على حاله ونص الشعب السوري منافق

انا ابن النور وابن سوريا ولكن انت ابن جهنم وابن ابليس والدجال الاكبر(كيف هالفنسة المرتبة ما احلاها؟)

واللة انا معرفة مع مين اكُن؟
اكُن مع بشار ولأ ضدض بشار؟

حاسس ان اللي يقولوا انهم تابعين لمخابرات بلدهم انهم انجزوا بطولات مع مخابراتهم ضد اسرائيل ورجعوا الجولان وهم اصلا شغلهم كله ضد الشعب المسكين اللي بيخاف من ظله

من يمنع الصحافة العالمية من التواجد ، ويعتقل الصحفيين لنقلهم الخبر .
هو يريد للعالم أن لايرى الحقيقة .
الحقيقة ياأيها العرب هي :
الشعب السوري لم يعد يتحمل 50 عام من الظلم وانعدام الكرامة والمخابرات تتدخل حتى في هوية المولود الذي في بطن أمه .
خمسون عاماً والمجزرة تلو المجزرة للشعب السوري الذي يريد العيش بكرامة وحرية مثل جميع شعوب العالم .
السياسة الخارجية لسنا ضدها .
لكننا نعيش في قمع واعتقال ومجازر ( باسم المؤامرة الخارجية ).
الإعلام السوري هو إعلام كاذب . والوجه القبيح لعصابات السلطة القاتلة لأبناء شعبي .
لو كان المتظاهرون السلميون يهود لما قتلوهم ومنعوا الإسعاف عنهم وقتلوا حتى المصابين .
الى كل العرب .
الشعب السوري كان معكم في كل نمحنكم ، فلاتكونوا عليه في محنته وتساعدوا نظام القتل وتبرؤوا وتبرروا جرائمه .
الشعب السوري هو من حمى المقاومة الفلسطينية واللبنانية قبل أي رئيس لسوريا . وإسألوا عز الدين القسام .
الشعب السوري تخلى عنه كل العالم وتركوه يذبح .