كشفت الإعلامية سالي عبد السلام عن هوية زوجها الذي أخفت معلومات عنه منذ إعلان ارتباطها به وذلك للرد على كل ما تم تداوله من معلومات خاطئة عنه .
حيث أشارت سالي عبد السلام في منشور لها عبر حسابها على فيس بوك إلى عمل زوجها مؤمن الباز وفارق العمر بينهما وبعض التفاصيل التي تخص عائلته .
فكتبت في منشورها: “الحمدلله الذى تتم بنعمته بالصالحات، ماشاء الله اللهم بارك .. لما يتقالى مصر كلها فرحنالك ده رزق، لما الناس دى كلها اللى بحبها تيجى ده رزق، كل واحد عمل شغله بحب فى الفرح ده رزق ” .
تابعت: “إن يتقالى قفلتى الجيزة كلها ومفيش مكان فى باركينج الأوتيل، الناس بتركن برا صف تالت عشان تجيلكوا ده رزق وإحنا آسفين” .
وعن زوجها قالت سالي عبد السلام: “طول عمرى كان نفسى اتجوز ظابط محترم وطيب وبيخدم الناس لله، ربنا رزقنى بظابط مهندس، مقدم مؤمن الباز، ابن عمدة الشرقية الحاج سالم حبيبى الله يسعده” .
وأضافت: “صبرنا أنا ومؤمن ٣٦ سنة وهو صبر ٤ أيام أكتر، هو أكبر بـ ٤ أيام .. كل المعلومات اللى الأخوة الصحفيين كتبوها مش صح، لا رجل أعمال ولا خريج ال ـAUC .. الحمدلله حمداً كثيراً، وبرضه محدش هيصدق عرفنا بعض إزاى ” .
واختتمت موجهة رسالة إلى زوجها: “يا طيب يا جدع يا محترم يا خدوم يا ابن الحلال .. بحبك فى الله يا طيب .. ربنا يرزق الكل يا رب، إدعولنا محتاجين دعوات كتير أوي، جبرنا بخاطر الكل، يا رب اجبر بخاطرنا” .
وكانت قد احتفلت الإعلامية سالي عبد السلام يوم السبت الماضي بعقد قرآنها وزفافها على مؤمن الباز في حفل أقيم بأحد الفنادق الكبرى بالقاهرة، والذي شهد حضور نخبة من نجوم الفن والإعلام .
