نشرت الإعلامية الإماراتية ” مهيرة عبد العزيز ” مقطع فيديو لها عبر حسابها على تطبيق تيك توك كشفت من خلاله عن تعرضها لسرقة حقيبتها في مطار باريس .
فقالت مهيرة عبد العزيز عن تفاصيل الحادث : ” وصلت مطار باريس أورلي وانسرقت مني الشنطة اللي فيها جوازات سفري وتليفوني والكريدت كارد ومحفظتي طبعا ” .
وتابعت : ” رحت وسويت بلاغ في الشرطة وكلمت السفارة طبعا ما قصروا وإن شاء الله يوم الإثنين بيطلع جواز سفر مؤقت عشان أرجع دبي ” .
وأضافت مهيرة : ” بس طبعا تليفوني متوهجة فيه لإن كل شئ مربوط بالتليفون إن كان الكريدت كارد والسوشيال ميديا .. أنا قاعدة أرسل لشخص الفيديوهات عشان احطها ” .
وواصلت : ” في شئ حابة اقوله عن جد الله يخليلنا شرطة الإمارات لأنه تخيلوا في فرنسا قالي آسفين اليوم السبت والأحد أجازة ما نقدر حتى نفتح الكاميرات ودي شرطة المطار اللي هما المفروض مداومين 24 ساعة ويوم الإثنين بنفتحها ” .
وأكملت مهيرة عبد العزيز : ” أنا خبرتهم أنا عارفة إن هي العاملة أول واحدة دخلت وأنا تركت الشنطة في الحمام نسيتها وبس يادوب طلعت رجعت ما لقيتها وما كان فيه غير العاملة اللي بتنضف، قولتلهم على الأقل روحوا وواجهوها قالولي لأ ” .
