إعلامية مصرية تكشف حقيقة هروبها من حفل زفافها : ” أنا آسفة أنا مش قادرة أكمل “

أثارت الإعلامية والمذيعة بقناة الشمس ” سما أحمد ” حالة من الجدل خلال الساعات الماضية عقب تداول أنباء تفيد بهروبها من حفل عقد قرآنها وزفافها الذي أقيم يوم الخميس الماضي .

وأوضحت سما أحمد في مقطع فيديو لها نشرته على يوتيوب تفاصيل ما حدث والتي أكدت من خلاله على عدم هروبها من حفل زفافها وأن سبب ارتباطها بالأساس يرجع إلى والدتها .

فقالت : ” والدتي تعبانة من فترة وجاتلها جلطة، والستات المصرية لما بيتعبوا بيحبوا يطمنوا على بناتهم، فقالتلي يا سما عايزاكي تتجوزي فلان، فقولتلها حاضر لإني عايزة أريحها وتبقى مبسوطة ” .

وأضافت أنها عرضت على والدتها أن تتيح لها الفرصة في التعرف على شريك حياتها خلال فترة الخطوبة حيث أنها لم تعرفه جيدا ولكن والدتها رفضت ذلك وصممت على أن تتزوج إبنتها مباشرة .

وأكملت سما أحمد : ” في 10 أيام اتفقوا هنكتب الكتاب ونجيب الفستان ولقيت نفسي بتجوز وأنا متكلمتش معاه ساعتين على بعض .. أنا مش عايزة أزعلها وأضايقها، فقولت حاضر هضغط على نفسي عشان أشوف الفرحة في عينها لأنها مريضة والحالة بتدهور ” .

وعن كواليس ما حدث يوم الزفاف قالت : ” أنا مخطوبة من بني آدم أول مرة يقعد جنبي، وأول مرة هيمسك إيدي، والمعازيم قالولي حاولي تنبسطي، لكن أنا كل اللي كان يهمني نظرة ماما إنها فرحانة ” .

واستطردت : ” وسبحان الله المأذون اتأخر، ولما المأذون جه وبيكتب القسيمة قومت قولتله قدام الناس إنت شخص محترم وجميل وفيك كل الصفات الحلوة، أنا آسفة أنا مش قادرة أكمل ” .

واختتمت المذيعة سما أحمد حديثها : ” أخدت فستاني ومشيت ومش قادرة أواجه حد .. الدنيا اتقلبت وقالوا هربت، بس أنا مهربتش ولا عملت دا عشان أركب التريند، مش هركب التريند على حساب نفسي ” .