كشفت الإعلامية المصرية ” هبة الأباصيري ” عن تعرض منزلها صباح اليوم الأحد لحريق مفاجئ وأرجعت السبب فيه إلى (خزين الثوم) .
فنشرت هبة الأباصيري صورة من آثار الحريق على شرفة المطبخ عبر حسابها على فيس بوك وكتبت في تعليقها عليها : ” الحمد لله اللطيف الستار .. اتفاجئنا بمنظر حريق ونار طايرة ماسكة في شباك المطبخ والحائط من بره ومواسير المياه ” .
وتابعت : ” لا في أثر لعقب سيجارة أترمى ولا في أي حد أصلًا دخل المكان ده ولا في أي منفذ حتى لجيران يرموا في المكان ده أي حاجة ولا الجو حر نار للدرجة دي .. النار طالعة من جوا صندوق كرتون فيه خزين التوم ” .
وأضافت : ” ودي أول مرة في حياتي أصلًا أخزن توم! .. الله يسامح الست (ز) اللي بتساعدني هي اللي اقنعتني أخزن توم .. نفس الست الطيبة اللي قالتلي وأنا عندي كورونا أحطلك نعناع على الشاي ليه، ما خسارة طالما انتي كده كده مش هتستطعمي ” .
واختتمت الإعلامية هبة الأباصيري نعليقها قائلة : ” أنا لسه فاكراهالك يا (ز) بس مسامحاكي .. اللهم لك الحمد يا لطيف يا ستار .. راضية جدًا جدًا جدًا يا ربي ” .
