25 شخصية عامة مصرية تعلن التصويت بـ “لا” فى استفتاء التعديلات الدستوية

هم بيقولو لا على ايه بالضبط؟ يعني ايه الي مش عاجبهم بليــــــــــــز اشرحولي

وحاطين أحمد حلمي واجهة الفيديو, بلا سدّة نفس
الله يرحمك يا رشدي أباظة ويبشبش الطوبة اللي تحت راسك, والله يعطيك الصحة يا شناوي

الموضوع ان شباب الثورة والثوار عموما كانت من مطالبهم تغيير الدستور المصرى الخاص بعام 71 لانه دستور اثبت فشله وكان متفصل تفصيل لكى يعطى رئيس الجمهورية صلاحيات لا حدود لها
وطالما قامت الثورة يبقى الدستور اتلغى بسببها، لكن بسبب عامل الوقت القوات المسلحة شكلت لجنة من دستوريين لتعديل بعض بنود الدستور المصرى والتعديلات دى هاتكون بشكل مؤقت لكى تناسب المرحلة الانتقالية اللى بتمر بيها مصر، يعنى هانمشى بيها لحد ما نتتخب اعضاء مجلس الشعب وبعد كده الرئاسة اللى المفروض هاتكون فى سبتمبر القادم
واول ما نتتخب الرئيس فيه بند من البنود ال8 المعدلة بيلزم رئيس الجمهورية بتعديل الدستور.
ويوم السبت المفروض هانستفتى على هذه التعديلات بالايجاب او بالرفض، وهنا الناس والشعب منقسم بعضهم…. يتبع

فيب اخيرا اقتنعت بلا………. مبروووووووك.

المؤيدين للتعدلات هم المستفيدين منها بشكل اساسى وهم الاخوان والحزب الوطنى ودى مشكلة كبيرة لانه لو التصويت كان اغلبه بنعم يبقى اعضاء البرلمان اغلبهم هايكون من الحزبين دول وبالتالى النتيجة معروفة.
ووبناء عليه هايتم انتخاب مجلس الشعب ثم الرئاسة.

لكن فيه فريق وانا منهم بيقولوا لا، لانهم بيعتبروا ان التعديلات مش لصالح البلد وانها مجرد ترقيع لدستور فاشل تم اسقاطه بالثورة، وبالتالى لازم ننشئ دستور جديد وبعده تكون انتخابات رئاسة اولا ثم انتخابات مجلس شعب…. فخمتوووووووووووووو

صباح الخير أختى فاتيما ،
أنا فعلاً لحد الوقت ده مُقتنع بـ لا ، وفى نفس الوقت مش واخد المؤيدين أعداء ليا ! فى الأمور دى بحاول أبقى ليّن شوية لأن الإستفتاء مش على الدين ولا على الشرف علشان أخد قرارى بتعسف وأبقى حاد فى قرارى .
فاتيما ، مش شرط المؤيد للتعديلات يكون تابع لحزبٍ ما أو واحد له غرض من شئ ، مُمكن يبقى واحد زيّى أو زيّك أو ممكن تكون واحدة صاحبتك قاعدة معاكى فى نفس السيكشن على نفس الديسك فى الجامعة بس هى شايفة إن البلاد المفروض تستقر شويه وتاخد نفسها وبعد كده هنعمل كل إللى إحنا عاوزينه ، ومثمكن تكونى إنتى شايفة الأمور بطريقة تانية مثلاً من مُنطلق وجع يوم ولا كل يوم إضرب عالحديد وهو سُخن ولازم نعدّل الدستور بالكامل .
طيب ليه المؤيدين هُما المُستفادين من التعديلات !
طيب ليه ما نقولش المعارضين للتعديلات هُما إللى مش مُستفادين وعلشان كدة مُعارضين ؟! مش جايز ؟
أنا بس كل إللى عاوز أعكسه أن الموضوع بسيط ومش محتاج التقسيم فى الشعب إللى الإعلام والأحزاب عمّالة تعمله ده ! كل ما أمشى فى شارع الاقى الدعاية ملزوقة فى الشوارع المطبوعات الخضرا لـ نعم والمطبوعات الحمرا لـ لا وكأنها زراير موبايل 🙂
ربنا يلح الأحوال وأنا شايف إننا لازم نصلى صلاة إستخارة ونسيبها على ربنا لإن مش كل الأمور واضحلنا يا فاتيما ، مهما كان إحنا مُجرد أفراد من الشعب لإحنا كُنا حقوقيون ولا قضاه ولا مُحامين أكيد فى حاجات بين السطور مش واضحلنا ولو عاوزين يلبسونا العمّة بنعم هيلبسونا ولو عاوزين يلبسونا العمّة بـ لا برضو هيلبسونا ! فإحنا لازم نجتهد ونصلى إستخارتنا ونخليها على الله …

وإللى مخوفنى هو الحزب الوطنى إللى إنتى قولتى عليه دلوقتى !
لو الدستور إتعدّل على كده هتلاقى إنتخابات مجلس الشعب القادمة فى شهر يونيه كل الأعضاء المترشحين للعضوية هُما الحزب الوطنى القديم !!!
لأنهم الفئة الأقوى مادياً فى مصر حتى الأن ! هيقدروا يعملوا حملات إعلانية ضخمة وهيقدروا يشتروا أصوات الناس الغلابة تانى كـ العادة !
وبعد إنتخاب رئيس جمهورية جديد هيكلّفهم بوضع دستور جديد كما فى المادة 189 المُعدلة والتى تنُص على :
إلزام مجلس الشعب القادم بتخصيص لجنة مكونة من 100 عضو لوضع دستور جديد للبلاد .
ومين إللى هيوضع الدستور ! الأعضاء إللى هما المفروض حزب وطنى فاسد يعنى لا جديد !
هى دى أكتر حاجة مخليانى أقول ( لا ) للتعديلات الدستورية .

hi fati

الحمد للله يا حبيبتي الحقيقة انا ما لي حق التدخل ولكن انا مع اي شئ ضد اولاد مبارك انشاالله حبل المشنقة وانتي تعم و لا لا

انا كمان حاقول
لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا

انا كمان حاقول
لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
بس يا خسارة .. لو كانوا يسمحولنا نعطي اصواتنا في السفارات المصرية

بس انا برضه شايفة انها مسالة فيها شئ من العنصرية، صحيح هم فى الجيش بيخافوا من موضوع الولاء والتجسس لكن مش معنى كده ان كل من يولد من اب مصرى وام اجنبية او العكـــــــــــــس يبقى مشكوك فيه.
عموما انا مختلفة مع المادة دى مش للسبب ده ولكن لانى حسيت ان اللجنة الدستورية كانت قاصدة ابعاد شخص بعينه وهو ده اللى خلانى اقلق من اللجنة ككل.

شهيرة صباح الخير، معلش المرة دى مش هتدوا اصواتكم المرة الجاية فى سبتمبر فى انتخابات الرئاسة.

اه فيب على فكرة المفروض ان النظام عندنا زى ما الكل بيطالب انه يكون برلمانى يعنى لو حصل مش هاتفرق اذا كان الرئيس مراته مصرية ولا حتى من المريخ لانه هايكون منصب شرفى فقط.

الموضوع حساس أوى يا فاتيما ،
ماحدّش منّا هيقدر يتخيله مهما كان غير إللى جربه أو إللى هيجربه !
أكيدتفرجتى على فيلم ” طباخ الريس ” بتاع طلعت زكريا ،
وشوفتى لما الوزرا أخدوه ونبهو عليه وقالوله :
ماحدش يعرف إنت شغل إيه وشغال فين وإلا هنوديك فى داهيه قالهم حتى مراتى ، قالوله أيوة حتى مراتك !
شغال يا دوب طبّاخ وخلوه يخبى على مراته إنه طبّاخ الريس .
طبعاً ده يعكسلنا مدى حساسية الوضع ، يبقى إزاى تبقى زوجة الريس أجنبية !
أديكى شايفة خديجة زوجة جمال مُبارك أول واحدة فكرت ( تخلع ) لما إتنطر من الرئاسة وراحت عليه ! مبالك بقى لما تكون زوجة الرئيس أجنبية ! لأ بصراحة أنا لو واحد من القُضاه أتمسك بهذه المادة .
طبعاً مع كامل إحترامى لرأيك …

احلى صباح مرصع بالورد والفل والياسمين على المصريين الموجودين
حبيبى فيب ودره نورت شهيره وشمس نورت فاتى
مدلعكم اهه على الاخر علشان لما اترشح ماتبقوش ناكرين ليه وتدونى اصواتكم وكل واحد منكم يجر المحافظه اللى ساكن فيها ولو بالقوه
ويجيبهم يصوتو لى مش عليا.
اخى احمد قانون اللى مراته اجنبيه مايمشيش معايا اه اومال
انا قطعت تذكره طيران وجيت ورحت المظاهرات وقعدت اقول ارحل
لما صوتى رحل من حنجرتى ليه ليه ليه يا اخى خليك محضر خير ودمتم .
المعلم جمعه جوز المعلمه زينات الله يرحمها اه اومال .

أنا شخصياً حصَوَتلك يا أستاذ أحمد
انت تستاهل 🙂
وحجيبلك كل أصوات اسكندرية والمصريين اللي في كندا كمان

كويسة الفكرة دي يا VIP
احنا لسة الجمعة عندنا تبقى بكرة
ألحق أوضب الأمور عشان نوصل على التحرير في الميعاد المناسب 🙂

بمُناسبة الرسايل إللى بيبعتهلنا يا فاتيما هقولك على حاجة ،
من يومين بعد ما صليت الفجر وكنت داخل أنام وكانت الساعة 5 صباحاً زى دلوقتى كده وكنت مقتول نوم ، بصيت لقيت رسالة جاتلى وقت خير وكنت مكسل أمد إيدى أجيب الموبايل أقراها بس أكيد جيبته علشان أقراها وأول ما جيبته لقيت مكتوب عالديسك توب ArmedForces ونفسى أعرف ليه مش عاملين Space ما بين الإيه والإف ! ما علينا
المهم فتحتها علشان أقراها لقيت مكتوب فيها ،
( من المحظورات تداول مُستندات اأن الدولة عبر الإنترنت واجبك الوطنى أن تسلم المُستندات التى فى حوزنك إن وجدت ! )
قولتلهم والله العظيم ما أخدت حاجة ! وكانهم قاصدينى !
قومت قفلت باب الشقة كويس ودخلت نمت 🙂

تصبحوا على خير يا جماعة ياللى هنا ، ونتقابل على خير إن شاء الله .

قبل قليل كنت أستمع للشيخ محمد حسّان وقد اوصى بــــ ” نعم ” ..

نعم لن تفيد الا قطبى الصراع القديم…الحزب الوطنى البائد والاخوان المسلمين
ولو قلنا نعم حنلاقى ان البرلمان نصه (وطننجيه) والنص التانى (اخونجيه)
اذن:
لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا
انا مبسوطه فيب انك غيرت رأيك لانك كنت زعلان ان احنا حنقول لا
ومعاك طبعا ان سيدة مصر الاولى لازم تكون مصريه ابا عن جد

يا مأمون
الدستور كله لازم يتغير ده دستور اثبت فشله
لازم يتعمل دستور من جديد
الحزب الوطنى البائد حيموت والشعب يقول نعم
والاخوان انا مش بستريحلهم …لانهم بيستغلوا الدين للوصول الى المنصب
وهناك بعض الاحزاب مازالت فى طور الانشاء و(نعم)لن تعطيهم الفرصه فى الظهور او المنافسه

ههههههه
ماشى يا مأمون
ممكن على فكرة تصوت ب(لع) على قولة اخوانا الصعايده
احمد حلمى حتى وهو فى عز الجد بيضحكنى!!!!