: سيدة تحتفل وترقص في غرفة العمليات… قبل عملية استئصال الثدي!

شوفي يا اختي ذوله ناس يختلفون عنا بكل شي تقريبا احنا هاي السوالف يجوز مستحيل تصير عدنا بغرفه العمليات لكن عدهم تحصل باي مكان هاي حياتهم والمقال يقول انها مريضه بسرطان الثدي ومهما كان حجم الثدي يصير بيه هذا المرض والسرطان نفسه ينزل وزن المريض بصورة مخيفه يخليه جلد وعظم يجوز هو هذا السبب الي خلاها تبين بهل الصورة هزيله وضعيفه الله يشافيها ويشافي كل مريض مثل ما قلتي والله يبعد هل المرض عن الكل اتعس شي انو الواحد يشوف احبائه يموتون موت بطيء وما يكدر يسوي الهم اي شي ولا طب ينفع ولا علاج ماكو غير بس رحمة رب العالمين اني واحد من الناس عايشت هل الشي بعم الي توفى بسرطان الدماغ واخت الي توفت بعجز كلوي….
اني اعرف اكو ناس كانوا عايشين بسلام وامان وراحه بزمن صدام بس يا اختي كان هذا السلام والامان والعيشه الهنيه مرتبطه بشخص واحد اذا يروح ينهدم كلشي ماكانت مرتبطه بدوله قويه عادله موفرة لابنائها كل سبل الحياة الرغيدة ولهذا السبب هجموا اللامريكان كلشي انهار ب 3 اسابيع لان بالاصل ماكان اكو دوله قويه وحتى هذا الامان والسلام والرفاهيه ماكان بيها ضمان اذا سامعه بقصه التجار الي انعدموا ببغداد بدايه التسعينات ذوله ايضا كانوا عايشين بسلام وماكان عدهم غير كل الخير تجار بعد لكن فجاءة وجدوا نفسهم امام حبل المشنقه وياما ناس مثلهم قصد كلامي يا اختي الخير الي يعيشه الشخص لازم مايكون بس هو عايش بيه لازم كل ابناء بلده يكونون مثله او عل الاقل عايشين عيشه كريمه وهذا الشي ماكان موجود لابزمن صدام ولا بالزمن الحالي ..اني هسه عايش باحسن حال والحمد لله لكن فرحتي ما كامله لان وين ما التفت دمار وقتل ومفخخات وناس تروح بدون ذنب وسرقه وفساد وخدمات تعبانه وحكومه وبرلمان افشل من الفشل كل همم نفسهم وشلون يسرقون من هل البلد وباجر اذا مات المالكي ماراح اترحم عليه مع العلم اني بزمنه عشت احسن من زمن غيرة لكن هذا ما يعني انه هو مو ظالم او مو حرامي او ما مقصر هو وكل سياسيي العراق الحاليين…
سارة صار عمرها 3 سنين ونص وراح تجيها اخت بعد اقل من شهر ولحد الان محتارين بالاسم اني اومها واني الاسف لان طولت عليج هواي تحياتي الج ولعائلتك وان شاء الله ما تشوفون غير كل خير يارب