أعرب الإعلامي عمرو أديب عن استيائه وانزعاجه مع طريقة تناول رواد السوشيال ميديا لأخبار وفاة المشاهير في بعض الأحيان وآخرهم الفنان هشام سليم حيث تحدث بعض المتابعين عن خلافاته مع عائلته وأبنائه بدلا من الترحم عليه .
فقال عمرو أديب خلال برنامجه “الحكاية” : ” هو احنا ليه مبقيناش نعرف نسيب الناس تموت في سلام، حد مات بيجوز عليه إيه الرحمة .. أنا مفتكرش السنتين التلاتة اللي فاتوا حد مات وسبناه في حاله ” .
وتابع : ” قولو الله يرحمه نقطة .. هو وأهله عندهم مصيبة أكتر من كده احنا ناقصين .. انتو جرالكو إيه يا جماعة، بقيتو متوحشين كده ليه ” .
ثم خص عمرو أديب الفنان هشام سليم في حديثه وما يتردد عن مشاكل الفنان الراحل مع إخوته وأبنائه وسبب عدم إقامة عزاء له وأيضا عدم مشاركة شقيقه في الصلاة عليه .
وعلق على ذلك قائلا : ” هشام سليم مات وسط أهله ومشاكله مع اخواته اتحلت، ده فارق معاكم في إيه انت مالك .. يا جماعة انا بقيت خايف اموت، هتعملو فيا إيه .. أنا عارف هيتعملي حفلة غير طبيعية ” .
أضاف : ” يا عالم يا ظلمة ياللي مبترحموش حد وبتاكلو لحم الميتين .. تخيل إن الموت يبقى أرحم من وجودك في الحياة .. اتقوا الله وخلو عندكو رحمة، بقينا قتلة وبننهش الناس وهي ميتة ” .
الشعب المصري طيب ولكن ميرحموش الميتيين منهم.
الفراعنه ماتوا و أنقرضوا من ألاف السنين عندهم والمصريين لغاية الان بيتكلموا عليهم وبنبشوا قبورهم وعايزين يعرفوا كل حاجه عنهم,….?