أثارت واقعة تبرك أهالي مدينة ” إدكو ” بمحافظة البحيرة بمياه الصرف الصحي الموجودة بجانب أحد المساجد حالة من الجدل خلال الساعات القليلة الماضية .
حيث قام بعض الأهالي بالاستحمام بمياه الصرف الصحي واستخدامها اعتقادا منهم بأنها (مياه مبروكة) وستساعدهم في الشفاء من الأمراض خاصة الأمراض الجلدية .
فيما قامت الأجهزة التنفيذية بالمحافظة بتشكيل لجنة من الصحة والوحدة المحلية وتم ردم بيارة مياه الصرف الصحى وغلقها تماما للحد من ترويج الدجل والخرافات .
وعلق الإعلامي عمرو أديب على هذه الواقعة في حلقة أمس من برنامجه الحكاية معربا عن اندهاشه قائلا : ” فوجئنا النهاردة بخبر إن فيه (باكبورت) بيعالج الأمراض وبركة .. الناس تروح البلاهة تعبي منها ماية وتغسل دماغها بركة ” .
وتابع : ” هي وصلت لكده يا جماعة .. هي الناس دي مش متعلمة، طب ريحة الماية دي وهو بيستحمى .. ده فاتح البلاعة وحاطط فيها دماغه .. الناس جرالها إيه ” .
فيما قال ” جمال أبو الفضل ” مراسل قناة mbc مصر في مداخلة هاتفية للبرنامج : ” الصورة دي النهاردة والموضوع ده موجود منذ ما يقرب من 100 سنة نفس القصة دي .. دول 3 مساجد المفروض بيصرفوا على المسجد وده كلام الناس ” .
وأضاف حول رد وزارة الأوقاف على ذلك : ” الأوقاف نفت الكلام ده خالص وقالت المساجد بتصرف في الصرف الصحي .. الدولة صرفت حوالي 80 مليار على محافظة البحيرة في ال 4 سنين اللي فاتوا بس فالصورة دي مش عايزين نسلط عليها الضوء لإن دي كارثة حقيقية ” .
واستكمل جمال أبو الفضل : ” بعض الناس بيأكد إن هو ربنا شفاه من الأمراض الجلدية بالماية دي وطبعا الكلام ده كلا مش مظبوط بالمرة .. دي الناس بتيجي من محافظات تانية .. دي مصيبة ” .
على ما أذكُر كان لي تعليق هُنا …… هزلت عليكم !
!!
الجاهل عدو نفسه
لا حول و لا قوة الا ب الله العلي العظيم !
جهل و تخلف و أفكار الدجالين يصدقها الجهلة
و الساذجين .