شارك المذيع والفنان مروان يونس متابعيه بمقطع فيديو علق من خلاله على قرار إيقاف مذيعة قناة “النهار” منى العمدة وأدائها في تقديمها لبرنامجها “الجمهورية الجديدة” .
قال مروان يونس في مقطع الفيديو الذي نشره عبر حسابه على موقع “انستجرام”: “دلوقتي فيه خبر متداول على مواقع التواصل الاجتماعي إن فيه مذيعة تم إيقافها بسبب صوتها، لأ مش ياسمين عز عشان دي صوتها شتوي واحنا لسه في الشتا فتمام لسه موقفوهاش” .
واستعرض “يونس” بعض اللقطات لأداء منى العمدة في برنامجها وطريقة كلامها، وعلق عليها ساخرا: “الست عندها ثاني أكسيد الكربون زيادة شوية بس طالع، وممكن يكون عندها خرم في الرقبة بينفس” .
أضاف: “وممكن تكون بتوشوش وممكن يكون المايك قريب أوي منها والمخرج قالي وطي صوتك شوية .. وبعدين ده مش صوت شتوي، ده صوت بتاع العاصفة بتاعة شهر 3، فيه تراب .. ممكن يكون فيه بيبي بيحاول ينام في الكونترول روم” .
وأكمل مروان يونس: “أنا شايف ان احنا مفتريين على الست، والست عادي بتتكلم مفيش حاجة، هي بس عندها فرط في التنفس لبرة أكتر من جوة” .
يذكر أن قناة النهار كانت قد أعلنت في بيان لها إيقاف الإعلامية منى العمدة وإحالتها هى وفريق العمل والمسؤولين عن برنامج “الجمهورية الجديدة” للتحقيق الفوري .
وذلك بعد رصد إدارة القناة لبعض الأخطاء والتجاوزات في إحدى حلقات البرنامج الأخيرة، لتقرر وقفه لحين إعادته إلى المسار الصحيح أو إلغائه بشكل نهائي .
فيما أكدت قناة النهار على حرصها الدائم في تقديم محتوى وأداء مهني يليق بمشاهديها، وفقًا لما تقرّه أخلاقيات العمل المهني والأكواد المنظمة للعمل الإعلامي .
ههههههههه علقت عليها من يومين بخبر
عنها وعن ايقافها عن العمل
معه حق بكلامه عليها ههههههه?
مسخرة ههههه
انشتاين صوته ليس على شكله سبحان الله