شنت الإعلامية ” مي حلمي ” هجوما على الإعلامي ” شريف عامر ” على خلفية انتقاد الأخير لموظفي خدمة العملاء ومطالبته بتسريحهم مشيرا إلى أنهم يحفظون عددا من العبارات للرد على العملاء ولا يمتلكون القدرة على التعامل مع أي موضوع خارج ما يحفظونه .
فكتب شريف عامر في تغريدة له قائلا : ” لو الناس اللي بيقعدوا في مكالمات خدمة العملاء ما يعرفوش يخرجوا عن كام جملة حافظينهم، يبقى سرحوهم وهاتوا ماكينة رد آلي .. العيال معندهاش أي قدرة على التعامل مع أي موضوع خارج السيناريو المحفوظ ” .
وأعادت مي حلمي نشر تغريدة شريف عامر عبر حسابها على فيس بوك وعلقت عليها قائلة : ” انت عارف العيال اللي مش عاجباك دي بيشتغلو كام ساعة .. حاطين سماعة علي ودنهم كام ساعة .. مرتباتهم اد إيه ؟ شقيانين اد إيه ؟ ” .
وتابعت : ” وفي منهم اللي بيدرس عشان يقدر يدفع مصاريف جامعته، يعني لسه بيتعلم شغلته، وارد إنهم يغلطو .. كم ناس بتتصل تستظرف عليهم، حط نفسك مكانهم حاطط سماعة في ودنك ل ١٢ ساعة متواصل هتبقي عامل ازاي في آخر شيفتك ” .
وأضافت مي : ” ممكن يكون العيل ده أخويا، أخو صاحبتي، قريبي المهم إنه حد بيشقي وبيتعب عشان يأكل نفسه .. ارحموا ترحموا .. هما مش مشاهير وبياخدو الافات كل شهر من غير مجهود زي حضرتك .. ربنا مع كل واحد شقيان بعرقه وتعبه .. ده مش عيل ده راجل وأجدع راجل ” .
