بعد انتشار فيديو لطالبة رفضت مصافحة الوزير جبران #باسيل خلال حفل تخرج جامعة الـ AUL Kaslik، نشرت فانيسا بدران عبر صفحتها في “فيسبوك” بوستاً علّقت فيه على الفيديو قائلةً: “الي حابب يعرف مين البنت اللي خيبت آمال الوزير جبران باسيل، بحب خبركن بكل فخر ومن دون تردد: انا البنت اللي ما سلمت عجبران. انا البنت اللي ما تصورت مع جبران. انا البنت اللي متل ما اعتبروها “نتشت” شهادتها من جبران. بس قبل ما تعلقوا وتجلجقوها، عرفتوا ليش؟ (…). انا ما سلمت مش لإستهزأ بالوزير، ما بالي صراحة بيوم تخرجي استهزء بحدا، بس يا ناس انا حرة، وانا هيك برتاح، يعني كان ناقصني بعد جبران يعكرلي مزاجي، بس شكلي انا اللي عكرتلو مزاجو لهلقد مأثر”، وفق ما كتبته حرفياً.
وأضافت: “الأهم من هيك، إنو أنا فتت بشطارتي وعلاماتي عالجامعة، فيُرجى تصحيح البوست بكل احترام لأنو كرامتي أبدى من إنو وطي نفسي وإترجا إنسان لو مين ما كان، كرامتي أبدى من وزيركم ومن حكيو الفارغ وكرامتي ما سمحتلي سلم حتى عليه. فبعتذر يا جماعة، القصة مش بإيدي. اللي بريحني عملتو. وبخصوص انو بتحبو تعرفو رأي الحكيم، نحنا مبادئنا كقوات لبنانية انو نكون صريحين وواضحين وما من “بيض طناجر” عالعالم وانا كنت صريحة مع الوزير. ما غدرت وما طعنت. بتضحكوا، اذا الواحد كان صريح وواضح مشكلة وإذا كان كذاب و”بييض” مشكلة أكبر”.