الشاعرة / ميمي عبد الجليل … وإبداعات شعرية جديدة لعنوان (( أحضنينى ))

بقلم الشاعرة ميمي عبد الجليل
———-
أحضنينى…
لِمِي فيّا الفرحة مَرة
شيلى عنى قسوة مُرة
وإوعى تانى تخدعينى
إطبقي بإيدك سعادتى
قبل ما مشى تودعينى
ما إنتى دنيا عجيبة جداا
كل ما فرح تحزنينى
احضنينى
طبطبى بحُبِك عليّا
هاتى فرح يكون هدية
وابعدى الاحزان شوية
دة انتى دمعك زاد ف عينى
احضنينى
احضنى فيّا الليالى وخليهالى
تكون عَفِيّة
حَنِنِي الأيام عليّا
والدموع اللى ف عيونى
إمسحيها
والأمانى …إوعى تانى
تجرَحيها
إبعتى النوم بين جفونى
واحضنينى
حاولى مرة تكونى طِيبَه
أو حبيبه
كل آمالى الهنيِة جات
بخيبة…
والغرام اللى عِشِقتُه
جاي تانى بعد غيبة
حاولى مَرة …تنصفينى
و احضنينى
حِنِي على قلبى اللى دايب
رَجَعي تانى الحبايب
ضُمي فيّا حلم غايب
و افهمينى
قبل ما يهرب ويمشى
هاتى شوقه جوا إيدى
خَلِي كل شموعى تضوي
هاتى عيدى ….
و ان قالولك روحى منها
إوعي تانى تظلمينى
إرحمى القلب ال عاشق
خيبى فيهم ظنونى
واحضنينى !!