بقلم – هدي مشاق
………….. ف السندرة ……….
=======================
ف السندرة
كراكيب كتير متبعترة
كراريس ..
مقالم ..
صور قديمة
لعب كتير متكسرة
ف السندرة
حاجات مهمة
ومش مهمة
اشياء كتير مالهاش لزوم
افراح
هموم
ذكريات ف مذكرات لكل يوم
عيشته ف حياتى
ايام شبابى
وف طفولتى
لما كنت صغيرة
ف السندرة
لما فجأة فتحتها
فيها حاجة لمحتها
لوحة رسمها زمان اخويا
وسط اشيائى القديمة
بس ليها ف قلبى قيمة
اغلى من كل اللوح
واصف حياته ودنيته
راسم دموعه وضحكته
رسم عريس وسط الفرح
خطفه الفراق من فرحته
رسمها اخويا
بقلمه الرصاص
وكأنها طلقة رصاص
جوه قلبى مأثرة