أجمل طفل وأجمل طفلة فى العالم

ياااااااااااااااااااااااااااااااه شحال زوينين و غزلان خصوصا الطفلة المغربية فاطمة…………غزاااااااااااااااااااااااااالة تباااااااااااااااارك الله..الله يحجبهم و يحفظهم للميمات ديالهوم..

سلوى-فوزية-أمينة-سعاد-حياة-الزيدي- باقي النظارة الكرام…استعدواااااااااااااااااااااا …حلقة جديدة من ”خلخال ازميرالدا”…لا تفوتوها…كونوا في الموعد…المسلسل سوف يبدأ عرضه بعد لحظات….و فرجة ممتعة اتمناها لكم صحبة مسلسل الأسطوري..

خوانيتا: شكون؟؟ شكون تيدق الباب؟؟ آآه للا دونا ماريا هادي؟؟ مرحبا مرحبا…نهار كبير هدا اللي جيتي عندنا ..زارتنا البركة…لاكاسا غراندي كلها منورة بيك آللا دونا ماريا…شحال هدا ما جيتي تزورينا..
دونا ماريا: اهلا خوانيتا،، كيف عاملة …لاباس عليك؟؟ كيف دايرة الصحة؟؟
خوانيتا: تنقولوا الحمد لله …أللا دونا ماريا…أما السكر كيطلع ليا مرة مرة…ما شكيت عليك..و الحمد لله على كل حال..
دونا ماريا:ما يكون عندك باس… ايوا خوذي الدواء و تهلاي في صحتك…الله يجيب الشفاء…فين هي ازميرالدا؟؟ ما بانتش ليا؟؟..
خوانيتا: هاهي غير في الكوري مع البهيمات …حيث البقرة ولدت لينا عجل…و الله ايلا…عجل زوين و صغير…عويناتو زوينين بحال عويناتك آللا دونا ماريا هههه
دونا ماريا: ايواااا جمعي راسك !! لهلا يحييك حتى يكونو عويناتي بحال عوينات العجل…حشمي شوية مكتعرفيش شنو هو الصواب؟؟ !!! مزياااان..
خوانيتا: ناري يا للا دونا ماريا…الله يرزيني ايلا قصدت فيها شي عيب…آويلي مالني أنا ديما هكا !!! منعرفش نهضر مزيان…
دونا ماريا: إيوااا تعلمي تهضري مزيان !!! المهم….فين هي حفيدتي؟؟ !! سيري اجري عيطي عليها راني زربانة !!! خطيبها كيتسناها باش نشريو خواتم الخطوبة..
خوانيتا: خليها مازال شي أسبوع أو جوج آللا…راها عيانة شوية ووالفت العروبية…و شحال عجبها العجل الصغيور ههههههه
دونا ماريا: أنا بغيت العجل بقرون ينطحك يا هاد الولية الحمقة…واش ما كتفهميش؟؟ !!!! سيري كلمي ليا حفيدتي !! يلاه طلقي راسك !!شنو مازال كتسناي؟؟؟ !! يلاه…تحركي !!!
خوانيتا: هي الأولى آللا…نااااري على هاد الشارفة شحال واااعرة…يحسن عوانك آبنت اختي فيكتوريا…يحسن عوانك معاها…هادي راها تتركب السكر و الطانسيو..
خوانيتا: بنتي ازميرالدا،، تكلمي لجداك راها جات تتسول فيك..
أزميرالدا: شنو بغات؟؟ و علاش قلتوا ليها انا هنا؟؟..
خوانيتا: آبنتي جداتك معصبة بزااااف و مقلقة…غير سيري شوفي شنو بغات…راها جاية غضبانة عليك بزااااااف..
أزميرالدا: امي للا ديما غضبانة و مقلقة…مين إمتى كانت بخاطرها و الا كانت فرحانة و راضية عليا…
خوانيتا: و لو آبنتي …غير سيري هضري معاها…شكون عرف يمكن يرطاب قلبها…و يحنان عليك و تغير رأيها..
أزميرالدا: هههه ضحكتني يا خالتي خوانيتا..واخا ما فيا ما يضحك…هاديك راها دونا ماريا…ما كتعرفش شنو هو الحنان و الرحمة و احترام أحاسيس الناس…اللي تيهمها هو تبيعني لهاداك ماريو باش تقبض الثمن و خلاص..
أزميرالدا: نعم آمي للا…هانا جيت…شنو بغيتي مني..
دونا ماريا: اسمعي آزميرالدا،، هي كلمة واحدة ما غاديش نعاودها،، سيري جمعي حوايجك و يالاه من هنا !!!! بالزربة !!!! يالاه…تحركي.. !!!!!
أزميرالدا: آمي للا واخا مشيت معاك للدار ماغاديش نتزوج ولد عمتك ماريو..
دونا ماريا: اسمعي آبنتي… سيري الله يهديك جمعي حوايجك…راه خوان كيتسنانا بالطوموبيل…و مني نوصلوا بالسلامة للدار…نتفاهمو على كل شيء…يلاه آبنتي سيري الله يرضي عليك..
خوانيتا: سيري آبنتي سمعي كلام جداتك..
ازميرالدا: أوووكيه..هانا غادي نرجع معاك..حتى نشوفو نهاية هادشي…ديري في راسك آجدة…زواج مع ولد عمتك…لا.. بصراحة آخالتي خوانيتا…والفت لاكاسا غراندي…و حتى العجل الصغير والفتو بزااااف…تهلاي فيه..و كل صباح عطيه الحليب بالرضاعة و عوميه و قولي ليه ازميرالدا تتسلم عليك بزااااف…
خوانيتا: ناري يا بنتي بكيتيني…والفتك بزااااف آبنتي ازميرالدا…كنتي موانساني و معمرة عليا الدار…غير تهناي…كل شي للي وصيتيني عليه غادي نديرو…متخافيش على العجيل…غادي نسميه ”كوكيتو”…

انطونيو: أهلا مستر جورج على سلامتك من السفر،، إن شاء الله تكون قضيتي سفر ممتع..
مستر جورج: شكرا سينيور أنطونيو…كيف عاملة القطيطة ديالي ”ليز”؟؟ بلا شك تهليتي ليا فيها مزيااان في غيابي..
أنطونيو: ايوا درت داك الشي اللي قدرني عليه الله..آسي جورج نتمنى نكون عند حسن ظنك..
مستر جورج: ولكن شفتها ضعفت بزااااف !!!!و هي كانت سمينة..و تتبان ليا موسخة و ظفارها طوالو !!!
انطونيو: بصراحة آ مستر جورج …القطة ديالك موالفاتنيش …تندير ليها كيما وصيتيني…الفورماج و العصير و الكروفيت غويال و تنديها لنادي الفروسية و نهار الأحد لنادي الغولف باش ترتاح و تفوج شوية.. و لكن حسيت بيها..مكترتاحش ليا…معرفتش شنو هو السبب !!!!!!!!
مستر جورج: هه هه هه القطة ديالي أرستقراطية بزااااااااف…و بصراحة شافتك انت مكسيكي من طبقة متواضعة..و هي موالفة غير بالأرستقراطيين هه هه هه هه
أنطونيو: ايوااا هادشي اللي عطا الله آسي جورج.. المهم ايلا جات على خاطرك .. ايلا كان ممكن الفلوس ديالي حيث محتاج بهم ضروري،، بغيت نرسلهم للواليدة في المكسيك..
مستر جورج: أوووكيه اوووكيه سنيور انطونيو…و اخا الخدمة ديالك ما عجبتنيش و ما كانتش في المستوى المطلوب،،، و لكن هاهو الشيك تقدر تمشي تصرفه..
انطونيو: مستر جورج،،، راك عارف كلشي،، أنا مهاجر سري معنديش أوراق الإقامة و منقدرش نمشي نصرف الشيك من البنك..
مستر جورج: اوووكيه..اوووكيه..تقدر تجي غدا باش نعطيك الفلوس كاش،دابا معنديش سيولة نقدية..
أنطونيو: الله يجازيك بخير آ سي جورج،، غدا إن شاء الله غادي نجي باش ندي الأمانة ديالي..حيث محتاجهم بزاف..خليت لك الراحة..بسلامة..
مستر جورج: بسلامة سنيور انطونيو،،، آووووووووووووووه MI GAD ….القطيطة ديالي،، توحشتك بزاااف…مالك هكا؟؟ !!!! المكسيكي ما تهلاش فيك مزيان؟؟ !! قولي ليا كان تياكل ليك ماكلتك؟؟ !!! أووووه الغلطة ديالتي أنا آلقطقوطة ديالي،، كان عليا نديك عند صديقتي ”أوبرا وينفري” و نخليك عندها أمانة تتهلا فيك مزياااااااااان….
إدواردو: خالي ..جاتنا استدعاء من المركز باش نحضرو اليوم غادين يحققوا مع هادوك الشلاهبية ديال لوكاس و كريستوبال..
إغناسيو: آولد ختي راك غير تضيع وقتك،، راه هادوك الجوج ماغاديش يعترفوا…قدام البوليس غادين ينكروا كلشي..
إدواردو: خالي ماغادي نخسرو والو…نمشيو يمكن يعترفوا ..
اغناسيو: واخا آسيدي..يالاه بينا..
الضابط باكو: تفضلوا…اجلسوا.. البطاقة ديالك..
لوكاس: معنديش البطاقة آشاف..
الضابط باكو: و علاش؟؟ !!!
لوكاس: بصراحة أنا معنديش سكن قار.. و وضعي الاجتماعي مزري ..و مدرتش لاكارت..
الضابط باكو: باراكاااااا..غادي تعاود ليا قصة حياتك,, قول شنو سميتك؟؟
لوكاس: نعم آشاف،، سميتي لوكاس خيمينيز..
باكو: سميت باك و موك..
لوكاس: معنديش لا با لا مي،، أنا ولد الخيرية…و من بعد طردوني منها،، و أنا حاليا تنسكن في واحد الكوخ ..
باكو: عنوانك..و المهنة ..و العمر..
لوكاس: الكوخ رقم 10 حي سامنطا حدا مدرسة ايزابيلا للبنات..المهنة: بائع متجول تنبيع السيليسيون و الصباغة و لاكريس و الفيرني لمحلات الميكانيك.. السن: 20 سنة..
باكو: سنيور ادواردو تيتهمك بلي انت بعتي ليه سيلسيون و صباغة ديال المواتر مغشوشة ..شنو قولك في هاد الاتهام؟؟
لوكاس: هادشي مكاينش آشاف،، هاد الراجل غير تيتبلى عليا ..الله ياخذ فيه الحق..أنا ولد مسكين و درويش و فقير و هو ظالمني آشاف..
باكو: و لكن اعترفتي ليه بأنك انت مول الفعلة..
لوكاس: الشاف،، هو بصراحة جاب معاه واحد صاحبو صعيصع و تيدير الحديد ..سلخني و عطاني واحد القتلة ديال العصا ..و أنا اعترفت ليه آشاف حيث خفت يهرس لي شي ضلع آشاف..يعني اعتراف تحت التهديد و الضرب و الجرح…الشاف أنا واخا شمكار،، و لكن تنفهم القانون..هذا اعتراف لا يأخذ به القانون..
باكو: سكت آشمكار !!حتى انت وليتي تفهم في القانون،، شنو قولك آ سنيور إدواردو؟؟ المتهم راه تينفي و تينكر و انت معندك حتى شي إثبات عليه..
إدواردو: الشاف راه اعترف لينا أنا و صاحبي فرناندو و سجلته.. و هاهو التسجيل..
باكو: التسجيل ماشي كافي و ماشي دليل ..حيث هو اعترف تحت التهديد و الضرب…يعني بصراحة اسمح ليا أدلة غير كافية..
إدواردو: و لكن آشاف راني متأكد هو مول الفعلة ،، صدقوني !!
باكو: سنيور ادواردو.. يؤسفني نقول ليك أدلة ديالك ليست واقعية..اسمع انت آ لوكاس تقدر تغادر و ما تبعدش بزااف و ما تسافرش.. يمكن نحتاجو ثاني نحققو معاك !!
لوكاس: واخا آشاف..الله ينصر الحق..
الضابط كارلوس: تفضل سينيور اغناسيو …ارتاح…تفضل سينيور كريستوبال..سينيور كريستوبال،،، المهنة ديالك و عمرك و العنوان..
كريستوبال: اسمي كريستوبال دي لارويا.. السن: 40 سنة.. المهنة: موزع مواد غذائية..العنوان: شارع أليغريا حي سامنطا الرقم 116..
كارلوس: انت متهم بأنك زودت محل السيد اغناسيو بمواد غذائية مغشوشة شنو قولك؟
كريستوبال: آشاف هادشي كله كذوب.. أنا فعلا تنجيب السلعة لمحل سينيور إغناسيو هادي مدة طويلة ،، و عمر شي مرة ما تشكى مني..
كارلوس: و لكن انت اعترفتي بلي انت اللي زودتيه بهاد السلعة المغشوشة..
كريستوبال: اعترفت لمن آشاف؟؟
كارلوس: اعترفتي ل إدواردو و صديقه..
كريستوبال: آشاف هاداك ادواردو ،، مشى جاب واحد صاحبه صحيح و تيهز الحديد و عنده عضلات ،، ضربني حتى سال دمي.. و أنا خوفا منه اعترفت.. حيث خفت منه…. يعني؛ اعتراف تحت التهديد و الضرب غير قانوني آشاف..
كارلوس: شنو ممكن تضيف كريستوبال؟؟
كريستوبال: آ شاف هاد الرجل ظلمني.. و أنا معروف موزع غذائي شريف ..و الذمة ديالي نقية..
كارلوس: تقدر تغادر و متبعدش بزاف إيلا بغيناك نلقاوك..
كريستوبال: واخا آشاف…الله ينصر الحق..
كارلوس: يؤسفني سينيور اغناسيو نقول لك معندك دليل كافي على هاد الاتهام..سينيور.. احنا مضطرين نسدو ليكوم المحلات سنة تقريبا ..مع غرامة عشرين ألف بيسوس ..الأدلة كلها ضدكم للأسف..
اغناسيو: إيوااا شفتي آولد ختي شنو قلت لك،، راه هادوك الشلاهبية غادين ينكرو كلشي..
ادواردو: منين غادي نجيبو فلوس الغرامة…أنا يلاه عندي واحد 7000 بيسوس ..
اغناسيو: و أنا عندي 10.000 بيسوس كنت مخبيها للزمان.. و كنت ناوي نتزوج بها فيكتوريا .. ساعة ما كتابش.. غادين نجمعو الفلوس و نتسلفو المبلغ اللي بقى…
ادواردو: إييه آخالي.. واش غادي ناكلو حتى تفوت سنة؟؟ !!
اغناسيو: يفرج الله آولد ختي…الرجا في الله..
خوليو: صاحبي انطونيو فتح الباب !!
انطونيو: ياك لاباس مالك آ خوليو؟؟ !!!!
خوليو: خبيني عندك..
انطونيو: شنو واقع؟؟ !!
خوليو: مصيبة !! ضربت واحد المعلم ديال الزليج من فنزويلا.. خدام معايا جلايجي في الدوش اللي خدام فيه…ضربتو بزليجة للراس..
أنطونيو: يا لطيف..يا لطيف..واش وقع ليه؟؟ !!
خوليو: منعرف آصاحبي..خليتو طايح و هربت..
أنطونيو: و علاش ضربتيه آصاحبي؟؟؟؟؟ !!!!!!!!!!
خوليو: والووو آصاحبي…خدا لي واحد السندويتش ديالي و كلاه…و أنا جاني الجوع مشيت لقيتو كلاه لي..و أنا نتزايد معاه في الهضرة..عيرني و قال لي’’ يا الحـراك ‘’نزلت عليه بزليجة..
انطونيو: سلم راسك آصاحبي ..راه هادشي لي درتي خطير..
خوليو: لا…. مغاديش نسلم راسي… غادي نهرب..
أنطونيو: خوليو …خوليو…تعالى ما تهربش آصاحبي……………………………………………………………………………يتبع

ما شاء الله تبارك الله احسن الخالقين

وينو الزيدي شكلو هالمرة غرق في أحداث المسلسل؟؟ وين فوزية ؟؟ و سعاد عمرها ما تفرجت في المسلسل ديالي هي و حتى هند و يوسف؟؟..شجعوا المواهب ديال بلادكم آلبنات…راني قررت نشارك في مهرجان مراكش الدولي بهاد المسلسل ههههههههههههههههههه