مرسلة من صديق نورت احمد صلاح محمود
أنا بحبك … مين قال ؟!
ولا اقولك جايز
والله ما انا عارف
انا بقالى فترة مش مركز
وفاصل شحن ومش شايف
ومن كل شئ جانبى خايف
قافل على باب اوضتى
ومش فاكر حتى اسمى
يبقى ح افتكر اسم حبيبتى
…………………..
عارفه عيبك ايه ؟
عيبك انك بتصدقى حب الروايات
وان البطل ح يخطف البطلة
ويعيشوا ف تبات ونبات
ويخلفوا صبيان وبنات
صدقينى يا حبيبتى كل ده خرافات
والحب الحقيقى غير حب الحكايات
بس انتى متأكدة انى قولت لك بحبك ؟
جايز بس ازاى
وانا من سنين ف حالى
وبطلت اكتب عن الحب
واحكى عن احواله واحوال القلب
واقول العيشة من غيره مستحيل . صعب
ولا حد سمع كلامى
وقالوا طيب وسابونى
قال ايه غارق ف احلامى
وبعد ما نسيت القضية
راجعة دلوقتى ليه
تقولى انى بحبك
وانى بتصل كل ليلة اقولك
جايز
والله ما انا عارف !!
شعر / احمد صلاح محمود
انا لو يقولي حبيبي ماأفتكر إمتى قلت لكي بحبك ؟ او جاءز بس
اتجنن و اغضب لأنها فعلا دبحه منو لي 🙁
داءما مواضيعك تعجبني يا استاذ احمد محمود ، كتاباتك روعه
الله يعينك يا أخ أحمد
راح أضيفك لعصابة الشعراء التائهين ( عبدالوهاب بو نقط , عبدالوهاب حديد , وحضرتك ) ؟
ماشاء الله على هالجريده كل شعرائها دايخين وتايهين !! الله يقطع الحب وساعة الحب ؟ لا تحبون , بلا هالحب !!
كلماتك المرّادى ظريفة وتفطّس مـ الضحك أخى أحمد صلاح .،
بس بصراحة الكلام صعب موت وما يتقالش لحبيبة أبداً،
ياراجل فى حد يقول لحبيبتة أنا بحبك ! مين قال؟ ولا أقولك جايز!
بس قولّى لية التشاؤم المرّادى؟ أتمنى إنة يكون مُجرد شعر وخطر على بالك وليست حالة تمُر بها..
بالتوفيق وأتمنالك كُل خير..
احمد حلوة كلماتك حتى وانت فاقد الذاكرة …هههههههه
شكرا يااحمد …اقرأ بشعِرك انسيابيه وبساطة المفردة المعبّره
والله كلام حلو الله يجعل ايامك كلها حب ويحنن قلب الرجال الذين اصبحوا مثل الحجارة
شكرا لكم
الصديق العزيز فيب
مش عارف بس حسيت انى الفكرة ممكن تقول حاجات ساعات عاوزين نقولها بس والله لاقلبى حجر ولا حاجة انا اغلب من الغلب وشكرا على التواصل تحياتى
حلو الكلام عجبني
كلامك حلو أخ أحمد بالتوفيق
مقبول
كلماتك دائما متجدده وافكارك متعدده وليست محدده
،فهي حتما،،،،، حلوة،،
عندما اقرأ لك يا سيد صلاح تأتي على مخيلتي الافلام المصريه القديمه التي كلنا نحبها
قرائتي لكتاباتك تحسسني انني اساهد فيلما او اعيس معك احداث الكتابه
اسمك يستحق ان يكون لكاتب معروف
كلماتك بسيطة ومبهجة يا أبو صلاح ،، بس الحقيقة محتار أصنف شعرك تحت أى أنواع الشعر ،، إذا إعتبرناه شكلاً من أشكال الشعر مع تقديرى لمعانيك الجميلة ،، ولذا أنا أفضل أن أسميه حسب تخيلى ” الشعر الإرتجالى ” ،، لأنه ممكن ييجى فجأة وبدون مقدمات ليعكس حالة النفس الشعورية فى لحظة كتابة هذه الكلمات .
شكراً على كلماتك البسيطة المرحة التى تجمع بين حس الفكاهة ورغبة الشعر ،، ولكنها مزيج منهما معاً .
شكرا لكم وعذرا لقلة تواصلى هذه الايام حيث امر بظروف خاصة
تحياتى للجميع