ثورة غضب

مضبوط أخ ابو توجان.

بصراحة لم اطلع من فترة على احداث مصر وخبر مش كويس يا فاتي انهم بيسقطو النظام خلوه يكمل لسنة ع الاقل الله يهديهم المشكلة الانظمة القديمة مستشرية وكالاخطبوط له ميت ايد ورجل
اتمنالك الخير يا مصر يارب احمي مصر وابعد عنها وعن اهلها كل شر

قال الشيخ “العريفى”: إذا ذكرت المصريين ذكرت الكعبة والبيت الحرام، إذا ذكرت المصريين ذكرت الحجاج والمعتمرين، إذا ذكرت المصريين ذكرت الدفاع عن فلسطين، وذكرت الجهاد والمجاهدين، وإذا ذكرت المصريين ذكرت أمنا هاجر، ومارية القبطية، ذكرت أخوال رسولنا وأصهار نبينا , يكفى المصريات فخرا وعزا وشرفا أن محمد صلى الله عليه و سلم كانت جدته هاجر مصرية، وأم ولده مارية مصرية، ويكفى المصريات فخرا أن ماء زمزم تفجر إكراما لامرأة مصرية ولأبنها، ويكفى المصريات فخرا أن هاجر المصرية عندما سعت بين الصفا والمروة خلد الله تعالى فعلها، وأمر الأنبياء وسائر الأولياء والحجاج والمعتمرين بأن يسعوا كسعيها، ويكفى المصريات فخرا أن أم موسى عليه السلام مصرية، وأن آسيا امرأة فرعون مصرية، ويكفى المصريات فخرًا أن المرأة الصالحة التى كانت ماشطة لبنت فرعون مصرية.

الأمير سراج وهاج في يناير 23, 2013 7:12 م
أقول لفاتي وامثالها من أصحاب القلوب الكارهه لكل إنسان مسلم تقي يخاف الله
( قد بدت البغضاء من أفواههم )
هذا رأيكم….. فهنيئاً لكم عقولكم
ولكن
اعلموا أن الإخوان المسلمين هم أوفياء هذا الوطن ومخلصيه وهم بإذن الله قادمون
ــــــــــــــــــــ
*أقول لفاتى وامثالها!!!!!!!
مش عارفة ليه محسسنى انك الباشا اوغلى اغا، وانا الهاوس كيبر بتاعتكم… يالا الله يرحمه عبد الناصر هو وثورة يوليو.
فاتى وامثالها يا سراج، لا يكرهون المسلم التقى الذى يخاف الله، نحن نحب شيوخنا الافاضل اللى بيمثلوا الاسلام الحقيقى… نحب ونحترم ونجل ونقدر كل داعية اسلامى مهذب يعرف حقيقة الدين ولا يستخدمه لجلب المصلحة… وانتم لستم الاسلام، ولا تمثلون الاسلام لا من قريب ولا من بعيد.
انتم جماعة من الاخر كده تتاجر بالدين، تكذبون، تنافقون، تتراجعون فى اقوالكم، وتحنثوا بعهودكم، وكله فى سبيل مصلحة الجماعة، وليس الوطن أو الدين.
مشكلتكم بئا مع فاتى واللى زيها، اننا عارفينكم كويس، وفاهمين الاعيبكم… ومابيهمناش كلامكم ولا افترائتكم ولا شتائمكم.
اللى زينا مابيسلموش مخهم لحد علشان يمسحه، وماحدش بياثر علينا ولا فينا بسهولة… والفرق بنا وبنكم اننا بنحب بلدنا بجد… انتم بتحبوا مصلحتكم بس.
*انت بتشبه الاخوان بالرسول عليه افضل الصلاة والسلام!!!!!!!!!!!
وتفتكر لو سيدنا النبى كان عايش وشاف مرسى وهو بيكدب وبيرجع فى كلامه، كان عمل فيه ايه؟
يا اخى كفاية فضيحة وكالة ناسا… كدبتم وسكتنا وطنشنا الكدبة… لكن سبحان الله هو اللى يطلع ويكدب الكلام اللى كان قاله بنفسه… وترجع تقولى انكم اوفياء وانقياء، واحنا بنفترى عليكم… جبت لك يا زمن!
*نعم الدعوة ماضية فى طريقها… لكن مش انتم اللى هاتكونوا قادتها… لانه المسلم المؤمن الحقيقى، اللى المفترض يؤسس للخلافة ليه شروط، والشروط دى لا تنطبق عليكم خالص.
*انتم فعلا اللى بيميزكم التنظيم، والعمل الجماعى وده شئ يحسب لكم… لكن كمان لازم تنظروا لمميزات الخصم، واهم ميزة فى خصمكم انه عنده عقل… العقل ده ماحدش يقدر يسيطر عليه.
*جماعة الاخوان لا تعرف شئ اسمه الفهم اصلاً… اسمحلى يعنى انتم مسيرون، ومبدأ السمع والطاعة هو اساس الجماعة واول قوانينها… اللى بيفكر عندكم بينطرد من الجماعة، واللى بيحاول يعترض او يتحاور بيكون مصيره اسود.
طب ممكن تقولى كده على كام اسم لنوابغ اخوانية اثرت فى المجتمع كده، ولا كانت ليهم انجازات تذكر فى المجالات العلمية والثقافية و…و….، طالما انه الجماعة لا ينتمى ليها الا اصحاب العلم والفهم.
*أنتم ليه زعلانين من كلمة “خرفان”؟؟؟ ده الخروف ده كائن لطيف حتى… وليه كل ماحد يقول خرفان تعتبروه بيتكلم عنكم؟!!
واكيد ربنا هايحاسبنى على كده، زى ماهيحاسبك على التهم البشعة اللى اطلقتها على معارضى الاخوان، ووصفتهم بالزناة والفاسقين و… و…. تحب انكش فى نورت وانسخلك بعض من تعليقاتك دى؟؟؟ وتفتكر هاتقول ايه لربنا سبحانه وتعالى لما يسالك عن تعليقاتك اللى اتهمت فيها الشهداء بانهم بلطجية؟ وتعليقاتك الدموية اللى بتحرض فيها بشكل مباشر على سفك دماء المسلم المعارض وغيره؟
ماله الخروف يعنى، التشبيه المقصود بيه انه الخروف مستسلم ومطيع لصاحبه.
والحقيقة انا فعلا بكون زعلانة على الخروف بسبب التشبيه ده.